طلاق بالثلاث

[العتيبي72]

اصبر ان الله مع الصبرين وانساها سنتين

 

[مكافح]

أخوي عابر سبيل,, لو انك كنت خسرات بنزول السوق جان الواحد يقول لك خيرها بغيرها لكن انت خسرت و السوق كان صاعد,, و انت قررت الخروج من السوق,, من ناحيتي أقول اسلم على باقي فلوسك و ابعد عن المنتديات وعيش حياة جديده بعيده عن الهم و الغم,, و عسى الله يوفقك,,​

 

[نشاز]

خلها على الله يا عابر سبيل كلنا بالهوا سوا انا خسارتي اكثر منك ..
والديانه مدري شلون اوفيها ؟!!

انا اقولك اصبر رغما عنك ..

شوف انا شعندي واحكم ..

عندي ام القوين ب540 فلس والله وانا صادق وسعرها اللحين خمسين فلس ..

عندي الاهلية ب300 فلس وكمية معتبره بالنسبة لواحد عايش على المعاش .. واللحين 40 فلس ..

عندي جيزان بنفس السعر 300 فلس واللحين اهي 60 فلس ..
غتدي عقارات الكويت 20 الف ب188 فلس واللحين اهي ب70 ..
والاخير قلت ابي اعوض شوية دشيت على جلوبل بعد ما شفت توقيع واحد الله يسامحه يقول الوعد بجلوبل اخر السنة ودشيت بشهر 7 اللي فات بسعر 130 فلس واللحين اهي 87 فلس وبردت عليهم بسبب ايضا بعض المطبلين ب104

واللحين تقدر تقول انا داش ب30 الف نصهم سلف ومبلغهم الحالي يمكن ما يجيب 4 الاف دينار ...

 

[بن عدوان]

صباح الخير

اعتقد ان دخولك كان خطأ فلا تجعل خروجك ايضا خطأ

اسال من تثق به عن وضع سهمك من الاخوان المحللين ومتى افضل سعر بيع للسهم الفلاني وبيع افضل من ان تبيع عمياني .

وللعلم ماكو احد ما يخطأ في الدخول والخروج ولكن توافيق ولا خاب من استخار

 

[net1]

الله يعوضك بس انا رايي انه اذا مو محتاج الفلوس انطر والله يعوضنا وياك الخير كلنا خسرانين يا خوي بس الله كريم

 

[ابوحمزه]

يا اخوي عابر انت دشيت السوق قريب من الارتداد بعد الانهيار ,, كان المحللين النزيهين متواجدين من ذلك الوقت مثل يونكس ولابتوب وبورش وميكانيكي ونفقيتر وغيرهم لاتحضرني اسمائهم حاليا وكانو يتابعون السوق اول باول وكانو يحذرون من المطبلين وكانو يضعون تحاليلهم ولكن للاسف الناس تتبع من يدغدغ مشاعرها ,, ما تدري اشكثر الواحد يركز ويجابل الكمبيوتر والميتا ستوك علشان يرفع شارت واحد به فائده للناس ,, من علشانه هذا ؟؟ علشان يبون دعوات الناس لهم بالخير وله ما يحصلون من وراء ذلك لا درهم ولا دينار فكان بامكان احدهم ان يحتفظ بتحليله لنفسه ,,* فاذا حصل مثل حالتك هذه الكثير فسوف يحبط من همم المحللين ويجعلهم يتقاعسون لانه يحس على قولة المثل كانه ينفخ بجربه مقظوظه ,, وهذا الكلام ليس عتابا لك ولكنه للقادم للمستقبل ولكي يتعلم الانسان من اخطاءه ويعلم الصادق من الكاذب ,,

الله يعوض عليك خسارتك ومادامك دشيت البورصه فما اعتقد انك تطلع منها لانها ادمااااااان مثل الافيون والعياذ بالله ,, ولكن راجع محفظتك واسهمك وشوف كيف تعيد ترتيبها وتشكيلها لكي تنهض بها مره اخرى وليس ذلك على الله بعزيز

وتقبل تحياتي

هذا هو خير الكلام وادعو الله أن يعوض خسارتك بربح قريب.

 

["عابر سبيل"]

مشكوورين وماقصرتوا

وهاذى والله الهقووه فيكم ياأخوانى

والله إنى من الردود الطيبه أحس انها صج حفزتنى وشجعتنى ببركه ممحللين المنتدى

وعسا الله يسهل الامور ويزينها ​

 

[nawaa]

مالك ألا الصبر ش داك لة على قولة أبن فطيس الصبر زين ولاتلتفت للمطبلين .

 

[الفارس الذهبي]

الله يعوضك..

 

[مدمن فلوس]

والله نصيحه يااخي اذا انت شخص مضارب حاول انك تصير مستثمر متوسط المدى يعني تشتري وتنطر ربحك بعد ثلاث اربع شهور وعلى كذا شركه
عشان تزيد فرصه الربح وتقل فرصة الخساره

وخلك سنه ان الله عطانا عمر او اكثر عشان تعوض ربح قليل مستمر افضل
من المغامرات الي ممكن تخسرك كل شي

اقرا بيانات الشركات الماليه وشوف الشركه الي وضعها زين ولها مستقبل
حط فيها فلوسك وشوف لك بنك من البنوك الي وضعها المالي متين مثل بيتك وحط فيه جزء من راس المال وانطر فتره واذا جاك ربح بيع وانتظر الاسعار
تنزل واشتر وهكذا وحاول تعوض
بس ابتعد عن المضاربه

 

[امرك عجيب]

اخي الكريم اصبر ثم اصبر ثم اصبر انما النصر صبر ساعه اخوك اللى يكتبلك ياما بعت سهم بخساره وحدده اووحدتين وبعدها بثوانى يدشون عليه الحراميه اقصد التجار ويعلقونه يعنى ثوانى بين الربح والخساره وبعدين 68 بالميه انت اقتنعت بهالرقم من الخساره يا اخى تكفه اصبر وكل ارتداد ان شاء الله يعتبر مكسب لك لا تبيع اسهمك للحراميه ابلاش اصبررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررر تكفه

 

[الفارس الذهبي]

اخي الكريم اصبر ثم اصبر ثم اصبر انما النصر صبر ساعه اخوك اللى يكتبلك ياما بعت سهم بخساره وحدده اووحدتين وبعدها بثوانى يدشون عليه الحراميه اقصد التجار ويعلقونه يعنى ثوانى بين الربح والخساره وبعدين 68 بالميه انت اقتنعت بهالرقم من الخساره يا اخى تكفه اصبر وكل ارتداد ان شاء الله يعتبر مكسب لك لا تبيع اسهمك للحراميه ابلاش اصبررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررر تكفه

وحتى اذا لم تبع ... لا يسمحون لك تبيع بحيث لا يصلك دور

 

[كر و فر]

لاحول ولاقوه الابالله

 

[hassanabass]

اصبر حتى 2011 وان شاء الله ترد راس مالك ويمكن تربح لانك شريت وقت التصريف على الناس.