اخوي السوق توافيق احب اقولك انه اكثر اللي نصحوك بالايفون ماجربوا قوقل هذا اذا مو كلهم.. انا جربت الجهازين وبقولك الفرق
كلامك صحيح انا ماجربت القوقل و اعتقد اغلب الي قالوا ما جربوا
البلوتوث
قوقل تقدر ترسل وتستقبل هذا غير السماعه طبعا
الايفون بلوتوثه بس حق السماعه ماترسل ولا تستقبل
يوجد برنامج لحل هذه المشكله
الملتي تاسك وهو امكانية تشغيل برنامجين او اكثر بنفس الوقت
قوقل تقدر تشغل عدد لا نهائي من البرامج بنفس الوقت يعني مثلا تسمع اغنيه وتتصفح او تلعب بنفس الوقت بدون ماتسكر اي برنامج
الايفون تشغل برنامج واحد بس مثلا لو كنت داش موقع وتبي تنتقل لي برنامج ثاني او تبي تتصل لازم تسكر الموقع وتروح حق البرنامج اللي تبيه وترجع تبطل الموقع مره ثانيه
أيضا يوجد برنامج لحل هذه المشكله
البرامج
قوقل برامجه اكثرها مجانيه ومتوفره بسوق البرامج اللي بالجهاز وتركيبها سهل جدا وايضا متوفره بمواقع الانترنت وكل هذا عن طريق الجهاز نفسه بدون ماتحتاج كمبيوتر وبطريقه سهله وبالنسبه للبرامج اللي بفلوس تنزله وتجربه لمدة 24 ساعه ولو ماعجبك تقدر ترده ومايسحبون منك شي
الايفون برامج اكثرها بفلوس واذا تبي تنزل برامج من الانترنت راح ادش بدوامه ماراح تخلص منا طريقه معقده وجلبريك وبلاوي ولازم عندك كمبيوتر تسوي شغلك عليه هذا غير انك بدش بشبهة حرام وحلال
اولا ياخي العزيز دام على قولتك حلال و حرام خلاص ليش الدوامه ! شغل الايتونز و اشتر بالفيزا و ثانيا الي يبي يسوي جليبريك مو كل يوم اهيا مره وحده و بس و يستمتع بالبرامج
الفلاش بلير
قوقل يدعم الفلاش يعني ادش اي موقع يشتغل معاك سواء فيديو او العاب
الايفون مافيه فلاش بلير يطلعلك مكان الفلاش علامة استفهام
اوافقك بهذه النقطه 
الودجت او الاختصارات
قوقل تصمم جهازك على كيفك وتحط الاختصارات اللي تبيها بالشاشه الرئيسيه وكلها شغاله لايف
برنامج الرسايل مبطل جدامك لايف بدون ماتفتحه والايميل مبطل لايف والاخبار لايف والطقس لايف وليوتيوب و و و و كلها جدامك مايحتاج تبطل وتسكر الشاشه الرئيسيه ممتعه لابعد الحدود
الايفون ماكو اختصارت وكل شي مسكر بس ايقونات وتختار البرنامج اللي تبي تشغله
اخوي الايفون الصفحه الاولى مالته اهيا الشاشه الرئيسيه بقوقل و اذا كنت مشغل خدمة الداتا راح يكون كل شي لايف ويااك و تمام التمام
الثيمات
قوقل ثيمات ثلاثية الابعاد وثيمات متحركه وكل فتره تغير الواجهه على كيفك وماتمل
الايفون لاشيء يذكر
لا يذكر لآن تصميم الوكاله لا يعلى عليه و رغم ذلك يوجد الكثير من الثيمات
الذاكره الخارجيه
قوقل فيه ذاكره خارجيه تستوعب الى 32 غيغا وهذا غير الذاكره الداخليه
الايفون مافيه ذاكره خارجيه بس ذاكره داخليه وماتتغير طبعا وفي نوعين 16 و32
هذي ما تعتبر من اسباب ان قوقل احسن من ايفون لآن ال 32 قيقا كافيه بزياده
البطاريه
قوقل بطاريته تقعد معاك بالنازل اذا حارق الجهاز يوم كامل وبالاستعمال العادي يومين ونص
الايفون اذا حارقه مايكمل ثلاث ساعات بدون مبالغه واذا استعمال عادي يادوب يكمل يومك
سكر شبكة ال 3g , اشتر الكفر مال الشحن وانت مركبه يشحن تلفونك ، خل ويااك شاحن سياره ، و اذا انت كنت تستعمل 3جي ترى بطارية ال 3 جي اس اقوى و تطول اكثر
فلاش كامره
قوقل يوجد
الايفون لايوجد يعني تصوير بالليل ماكو ،
ماكو تصوير بالليل بس الكاميرا بالايفون افضل من قوقل بالرغم من ان قوقل 5 و الايفون 3 ..... لا تغرك الارقام ، كامرة قوقل باهته انا مجربها بالكتروزان
الكامره
قوقل 5 ميغا بيكسل
الايفون 3 ميغا بيكسل
التحديثات
قوقل يوصلك التحديث وانت قاعد وماعليك الا تختار اوكي الجهاز يحدث من نفسه
الايفون يوصلك التحديث لازم تروح الكمبيوتر وتشبك الجهاز مع برنامج الايتونز وتعقيدات مالها داعي
لا تعقيدات ولا شي عيل انا فاضي و انا طالع من البيت اسوي ابديت لجهازي !! لابتوب ولا تلفون !! بدق من التلفون ولا اسوي ابديت !!
الشاشه والالوان
قوقل شاشته
اومليد
الايفون تي اف تي
وعشان اوضحلك بمثال
الاومليد نفس الال سي دي والتي اف تي نفس البلازما يعني الدقه والوضوح بقوقل افضل بمراحل
كلامك سليم 100٪ ولكن نرووح للنظام و اهوا الاهم ....
النظام
قوقل نظامه اندرويد مفتوح المصدر يعني كل شي متاح للمبرمجين اي برنامج ينزل حق اي تلفون بعد فتره بسيطه تلقاه موجود بجهاز قوقل لانه مفتوح المصدر يعني ماكو شفرات حتى اكثر برامج
الايفون موجوده بقوقل
الايفون نظامه من ابل كل شي محتكر وشركه معقده ماتخليك تستفيد من اي شي منافس لمنتجاتها يعني تحرمك من شغلات انت بحاجتها ومثال على هذا الفلاش بلير ...
بس ياخي نظام الايفون اسهل ، سلس اكثر من الاندرويد و احلى كشكل و البرامج مثل ما ذكرنا بالاعلى الي عنده فيزا و يشتري ما يذم الايفون و الي يسوي جلبيريك هم ما يذمه لآنه برامجه مالها نهايه تمل وانت تنزل ما يخلصون و حلو ان تكون شركه متميزه بروحها ، و نرجع اشوي للشاشه ... شاشة قوقل اومليد افضل و لكن نظام الايفون بالنسبه لي انا راضي على التي اف تي بس بنظام الايفون و بحساسية التج اللي بشاشته
الايميل
قوقل تقدر تتصفح الايميل بالكامل وتقدر تنزل اللي موجود بالايميل مهما كان
الايفون بس تقدر تقرا وتشوف الصور اما الفيديو ماتشوفه الا اذا كان بالصيغه اللي تدعمه شركة ابل وطبعا هذا ناااادر هذا غير انك ماتقدر تنزله
اوافقك بهذا الموضوع
تصفح المواقع
قوقل تتصفح اللي تبيه وماكو شي يوقفك يشغل فلاش يشغل جافا تشوف فيديوات المواقع تسمع اغاني المواقع تنزل اللي تبيه وكل هذا بالجهاز نفسه بدون ماتحتاج كمبيوتر
الايفون تتصفح اللي تقدر عليه بس يعني فلاش وفيديز وغيره انسى واذا بتنزل شي لازم تنزله بالكمبيوتر وبعدين وبطريقه معقده وبايخه عن طريق برنامج الايتونز تنقله للايفون يعني مشوار طويل
الطريقه جدا سهله هذا شي و الشي الثاني اخوي الايفون التصفح فيه واايد ممتع و سلس للضروره و كل شخص عنده كمبيوتر و لابتوب ماله داعي ينزل فيديوات و هالكلام بالتلفون ليش تستعمل التلفون اكثر من استعماله الطبيعي !
سهولة الاستعمال
قوقل سهل لابعد الحدود وكل شي يسويه بدون كمبيوتر يعني تقدر تعتمد عليه بشكل كامل
الايفون اذا بتصير قنوع الجهاز سهل بس تبي تتعبث بتتعب وتبي تجابل الكمبيوتر 24 ساعه
ما فهمت اشتقصد او من اي ناحيه بالضبط !!
السرعه (سرعة المعالج)
قوقل 1 غيغا
الايفون 600 ميغا
صحيح و لكن مثل ما ذكرت بالكاميرا لا تغرك الارقام و الان اعيدلك ياها بالسرعه ... نظام الاندوريد اثقل من الايفون فيحتاج السرعه 1 قيقا و بالرغم من ذلك الايفون اسرع منه و انا لمن جربت الجهاز بالكتروزان علق بيدي و انا اجربه فما بالك لمن استعمله و انزله برامج !
السعر
قوقل 165
!! وين هالكلام !! انا الي اعرفه 229 !!
الايفون 240
تقريبا
هذا غير تطبيقات قوقل مثل اليوتيوب والتنزيل والقوقل مابز والقوقلز والفويس سيرج الخ
كل شي موجود بالايفون و بطريقه جميله و سهله جدا
اللي انصحوك يحبون الايفون بس ماجربوا قوقل الايفون فيه جاذبيه تشدك وماتخليك تغيره وتخليك متعصب له بس بنفس الوقت يحرمك من اشياء تحبها وبطريقه متعمده من شركة ابل نفس البلوتوث مثلا موجود بالايفون بس مسكرينه ومخلينه بس للسماعه كل هذا عشان تستعمل الايتونز مالهم لانه يطلعلهم ملايين ورزقتهم عليه
ماله شغل البلوتوث بالايتونز ! اذا قصدك نقل المعلومات فقتلك في برنامج لحل هذه المشكله و صج نظام الايفون مثل الادمان وايد يجذب و حلو و سهل
وعشان اكون منصف بقولك الاشياء اللي يتفوق فيها الايفون على قوقل
حساسية التش بقوقل ممتازه بس بالايفون افضل بقليل
قوقل حاول ان يوصل مواصيل التج بالايفون بس للآسف لم يتم الوصول الى قدرة هذا الجهاز الجباره بالتج
عدد البرامج والالعاب بقوقل كثيره بس بالايفون اكثر مع انها اكثرها متكرره
يمكن يكون البعض متكرر بس في فرووق طبعا و التغيير شي حلو بالنسبه للمستخدم
الجرافيك بالالعاب والالعاب بشكل عام بقوقل ممتازه بس بالايفون افضل
صحيح مع اني ما جربت قوقل بس ناخذ الكلام منك
اللغه العربيه بقوقل
ممتازه بس بالايفون افضل
اخوي اللغه العربيه بقوقل ممتازه !! التعريب بقوقل اهوا اكثر الاسباب اللي خلتني ما اشترييه !! اكو تعريب صاير جذي !! ا ل م ؤ ش ر ن ت = المؤشرنت
ا ل م ؤ ش ر ن ت هذا بقوقل المؤشرنت هذا بالايفون خلاصة الكلام التعربت متفرق بقوقل @@ الا اذا جان تغير التعريب بدفعه يديده الله اعلم
شكل الايفون افخم من قوقل
وايد مو اشويه
هذي المعلومات حسب تجربه وانت شوف اهتماماتك شنو واي جهاز تفضل وان شاءالله تتوفق
وآسف على الاطاله
) وكلا الجهازين ممتاز .