أبي اعرف العقار صاعد ولا نازل ؟

[mfa2202200]

ممكن أعرف السوق قاعد يتحرك بأي اتجاة بالنسبة للسكني


وشكرا

 

[mfa2202200]

معقولة مافي أحد عنده خبرة ؟

 

[يوسفاني]

صاعد مثل الصاروخ الله يستر علينا مادري هالناس اللي تشتري و رافعه الأسعار من وين أييبون الفلوس

 

[gulffalcon]

انا اقولك شنو يصير وانت تعرف نازل ولا صاعد
1- احتكار للاراضي من قبل الشركات والتجار
2- فترة انتظار للبيت الحكومي اكثر من 12سنه
3-شركة نفط الكويت ترفض التنازل بالاراضي للرعايه السكنيه
4- مشاريع اسكانيه فقط عالورق
5- رفض بلدية الكويت بالتصريح للبناء في بعض المناطق الجديده
6-بعض المكاتب العقاريه الكبيره تفضل الزيادة بالطلب عن العرض

 

[Math-Man]

والله شي عجيب ، الناس قاعدة تفرخ فلوس والا شالسالفة ؟

اسعار عالية زي الزفت وصاير عليها مشترى قوي !! ، والله شكله احتكار بين التجار واحنا انطالعهم شسوون بس.

، الاكثرية اتطمش واتحسر ، والاقلية اللي قاعدة تشري ، اخ يالقهر بس ،

الله كريم انشالله ،

اشك ان الاسعار راح تنزل خلاص يأست ، ننطر الى انتهاء المهلة 2011، واذا ما انزلت ، علينا العوض ومنا العوض ، بعد مالك امل تنزل

 

[المنظور الشامل]

نعم الاسعار بأرتفاع​

في ظل وزارة أسكان فاشله خطط خمسيه مادري شنو والله الشعر شاب واحنا محلك سر .
من وزير لوزير تقول حلال كلمن يلهمط منه والمواطن يروح جفي .

نبي معلمين العقار يعطونا موعد النزول بعد شرب قهوه تركيه :d

 

[q8_king1]

بوجة نظري العقار ماراح ينزل نزول قوي او ترجع اسعار ايام 2000 يمكن نزول طفيف ويريت علي الاقل يثبت السعر مو كل اسبوعين مرتفعة الاسعار 10 آلاف مافي استقرار بالسوق وكل بايع يحطلة سعر

 

[Shadow123]

اسعار متذبذبه حسب العرض والطلب .

 

[marketing.art]

اذا ارتفع سوق الاسهم فانه مؤشر واضح لنزول العقار ويقال ان العقار في الولايات المتحدة بعد كارثة الرهن العقاري نزل بشكل لا يصدق والموجة متجه الى الخليج والله العالم

 

[mfa2202200]

أشكر الجميع على المعلومات الطيبه

وأبي اعرف هل مستوى العرض يساوي الطلب عند المكاتب العقارية ولا مازال الطلب أكثر ؟

 

[gulffalcon]

أشكر الجميع على المعلومات الطيبه

وأبي اعرف هل مستوى العرض يساوي الطلب عند المكاتب العقارية ولا مازال الطلب أكثر ؟

لا طبعا اكيد الطلب اكثر ولا شان شفت الاسعار نازله وبعدين اكثر المعروض مو للبيع لان لو صج للبيع شان مازاد سعره عن السوق بدبلات
يعني مثلا عندي بيت بالعقيله سعره نفس سعر بيت بجنوب السره بنفس المواصفات اكيد لا وبعض المكاتب تعرض بأسعار خياليه

 

[longinvestor]

سبب صعود العقار و بقائة بالاعلى وجود ناس تشتري عادي
من وين لهم فلوس؟؟
الزوج قرض 70 الف
الزوجة قرض 70 الف
الحكومة قرض 70 الف

210 الف سهالات.
وهذا بسبب رئيسي لارتفاع الفايدة....الناس مهي واعية
وانا الصراحة كنت حاسب ان القرض الربوي حرام...اذا لازم الناس
ما تقترض لانه حرام و اهي اصلا ما عندها فيقل الطلب.

انا اعتبرها فقاعة.

متى من طاح سعر البترول و عجزت الدولة على تسديد رواتب الموظفين البنوك تخسر و تفلس و يطيح او يموت العقار.

المشكلة سهولة الائتمان بالكويت و قلة المعروض.

 

[q8_king1]

سبب صعود العقار و بقائة بالاعلى وجود ناس تشتري عادي
من وين لهم فلوس؟؟
الزوج قرض 70 الف
الزوجة قرض 70 الف
الحكومة قرض 70 الف

210 الف سهالات.
وهذا بسبب رئيسي لارتفاع الفايدة....الناس مهي واعية
وانا الصراحة كنت حاسب ان القرض الربوي حرام...اذا لازم الناس
ما تقترض لانه حرام و اهي اصلا ما عندها فيقل الطلب.

انا اعتبرها فقاعة.

متى من طاح سعر البترول و عجزت الدولة على تسديد رواتب الموظفين البنوك تخسر و تفلس و يطيح او يموت العقار.

المشكلة سهولة الائتمان بالكويت و قلة المعروض.

الطلب في دول الخليج وخاصة الكويت هو طلب حقيقي للسكن وطبيعي لزيادة السكان مونفس ماقلت حضرتك فقاعة وموكل الناس تاخذ قروض ربوية وحسبة القروض الي قلتها 210 سهالات هذي غير واقعية وحاليا غير موجودة

 

[mfa2202200]

الطلب في دول الخليج وخاصة الكويت هو طلب حقيقي للسكن وطبيعي لزيادة السكان مونفس ماقلت حضرتك فقاعة وموكل الناس تاخذ قروض ربوية وحسبة القروض الي قلتها 210 سهالات هذي غير واقعية وحاليا غير موجودة

كلامك صح 100%

وأعتقد ان المضاربات تساهم بارتفاع الاسعار بعد

 

[zaid__77]

السلام عليكم ......

عزيزي ... صاحب الموضوع سبق وتحدثنا الكثير في هذا المنتدى عن صعود أو نزول الأسعار . وتستطيع الرجوع للمواضيع السابقة لكي تقرر على حسب قناعاتك .

لنجعل الحكم للتقارير العقارية الشهرية التي تصدر من موقع وزارة العدل سنجد فيها فروقات الأسعار ستكون هي الفيصل في الصعود والنزول ، وهذا إلى أنتهاء مهلة القانون .

ونحن نرا ان العقار في نزول وهذا ليس من جيبي كل هذا في التقارير الشهرية لموقع وزارة العدل .

 

[المهندس حسين]

تقارير وزارة العدل مضللة وبها أخطاء ولا تعكس السعر الحقيقي لأنها متضاربة وأحيانا تكون أسعار الجملة ( بلوكات) وأحيانا بالإتفاق الناس تحط اسعار متدنية حتى تدفع رسوم أقل للدولة

 

[المنظور الشامل]

تقارير وزارة العدل مضللة وبها أخطاء ولا تعكس السعر الحقيقي لأنها متضاربة وأحيانا تكون أسعار الجملة ( بلوكات) وأحيانا بالإتفاق الناس تحط اسعار متدنية حتى تدفع رسوم أقل للدولة

كلامك صحيح يا هندسه

 

[zaid__77]

تقارير وزارة العدل مضللة وبها أخطاء ولا تعكس السعر الحقيقي لأنها متضاربة وأحيانا تكون أسعار الجملة ( بلوكات) وأحيانا بالإتفاق الناس تحط اسعار متدنية حتى تدفع رسوم أقل للدولة

كلامك صحيح يا هندسه

والله ما عرفنا لكم ......

لما تكون الأسعار بالتقرير مرتفعة تقولون شوف الأسعار إلى الآن مرتفعة وين النزول ؟؟؟؟

ولما تكون الأسعار نازلة وفيها فرق عن التقارير السابقة بالنزول ، تقولون مظللة وبها أخطاء ، وكل بيعة لها ظروفها ؟؟؟

يعني الموضوع عالمزاج ......

سؤال ..... لما الأسعار أنزلت إلى الـ 80 ألف في أحد التقارير السابقة ، لنفترض أن كان هناك خطأ ، أو ظروف بيعة كما تقولون ، لماذا هذا الخطأ لم يحدث في سنة 2007 وقت الطفرة أو 2008 ؟؟؟

لنحترم عقولنا يا أخوان ...

تحياتي للجميع

 

[خالد العليان]

يعطيكم العافية جميعا سواء كنتم مع او ضد نزول الاسعار...ياشباب ليش متعبين حالكم وناطرين وداشين هالمنتدى المحترم وغيره وكل واحد يقول اللي يحلم فيه...في الوقت ان عجلة بناء المساكن من قبل الحكومة بدت...الحسبة بسيطة...الحكومة الله يعزها قاعدة توفر لي منزل وحق كل الكويتين بيوت ببلاش مايكلفني شي ومجلس الامة اقر من كم يوم انشاء عشر مدن اسكانيه..منها مدينة الحرير ربع ساعة وتكون بالعاصمة..شلي جابرني احط على نفسي قسط 500 دينار وام العيال 400دينار واعيش حده حده هذا اذا عشت اصلا بدون طرارة كل نهاية شهر واطلب سلف من فلان وعلان..يبا نصيحة انطروا بيت الحكومة والخيار لك تبيه جاهز ولا انت تبنيه على مزاجك..واللي يقول المناطق بعيده اقوله الكويت من اولها لاخرها تقطعها بساعة..روحوا شوفوا السعوديه الواحد كل يوم يقطع400 كيلو باربع ساعات عشان يروح من بيته للدوام...كل يوم رايح جاي..واذا عندكم فلوس ومضحين ببيوت الحكومة اللي بلاش..سوولكم مشروع وعيشوا حياتكم...نصيحة لوجه الله..شكرا

 

[anonymes]

يعطيكم العافية جميعا سواء كنتم مع او ضد نزول الاسعار...ياشباب ليش متعبين حالكم وناطرين وداشين هالمنتدى المحترم وغيره وكل واحد يقول اللي يحلم فيه...في الوقت ان عجلة بناء المساكن من قبل الحكومة بدت...الحسبة بسيطة...الحكومة الله يعزها قاعدة توفر لي منزل وحق كل الكويتين بيوت ببلاش مايكلفني شي ومجلس الامة اقر من كم يوم انشاء عشر مدن اسكانيه..منها مدينة الحرير ربع ساعة وتكون بالعاصمة..شلي جابرني احط على نفسي قسط 500 دينار وام العيال 400دينار واعيش حده حده هذا اذا عشت اصلا بدون طرارة كل نهاية شهر واطلب سلف من فلان وعلان..يبا نصيحة انطروا بيت الحكومة والخيار لك تبيه جاهز ولا انت تبنيه على مزاجك..واللي يقول المناطق بعيده اقوله الكويت من اولها لاخرها تقطعها بساعة..روحوا شوفوا السعوديه الواحد كل يوم يقطع400 كيلو باربع ساعات عشان يروح من بيته للدوام...كل يوم رايح جاي..واذا عندكم فلوس ومضحين ببيوت الحكومة اللي بلاش..سوولكم مشروع وعيشوا حياتكم...نصيحة لوجه الله..شكرا

السلام عليكم أخوي خالد

قواك الله كلامك حلو بس مو واقعي كلش

المشاريع الحكومية معروف عنها ورقية وبس

وبالنسبة للسكن بعيد ماكو مشاكل لو الشارع ما فيه ازدحام

بس شكلك ما تدري عن معاناة الدرب

محد يحس بالمعانات غير إلي عايشها