بيت التمويل الكويتي ش.م.ك ( بيتك )

[سهمك اخضر]

نفس الكلام ونفس التحذير الي حذروني منه بدينار

وقالوا بيوصل 780 وتوكلت على الله وشريته بدينار

وبعته 1.060 لله الحمد والشكر

وهم يقولون الحذر الحذر والسهم مايخوف بذمتي

 

[ابو عبادي]

سهمك اخصر الاسهم الي شريت 1140 لين الحين متعلق فيه ولا بعته في خسار لا توهق الرجال

من امس وانت تقوله شتر ما تخاف انه يزل السهم وخسر وباجر يدعي عليك

 

[سهمك اخضر]

سهمك اخصر الاسهم الي شريت 1140 لين الحين متعلق فيه ولا بعته في خسار لا توهق الرجال

من امس وانت تقوله شتر ما تخاف انه يزل السهم وخسر وباجر يدعي عليك

ريح اعصابك اشوي شريت 1.140 و1.120 و 1.040 . بدينار

والحمد لله ربحان فيه ومضارب فيه بعد


اي يشتري وسهم ما عليه خوف انت اقعد متفرج الي يخاف

لا يدخل البورصه ولا يصرح ويتكلم في شي لا يفهم فيه

وانت ما شاء الله عليك اظار مطلع على محفظتي وتعرف اشعندي

يبه ريح اعصابك واقعد حذر الناس وانت لاتملك بسهم تملك بس

حريه المشاركه من خلف الجهاز بس

 

[ابو عبادي]

تدري انا ما احب اكثر الحجي الي علي سويه

وبخصوص محفضتك انت الي تكتب كل ما شريت والله يزيدك اكثر واكثر

بس حذر يا خوي يمكن تقول حق واحد اشتر وهو على الله وعلى هالجم دينار وخسر وتصر انت السبب في الخساره

 

[سهمك اخضر]

تدري انا ما احب اكثر الحجي الي علي سويه

وبخصوص محفضتك انت الي تكتب كل ما شريت والله يزيدك اكثر واكثر

بس حذر يا خوي يمكن تقول حق واحد اشتر وهو على الله وعلى هالجم دينار وخسر وتصر انت السبب في الخساره

خلاص انصكر الموضوع مع انك سبق وحذرت منه لما كان بدينار

ولما ارتد مالك مشاركات

 

[ابو عبادي]

لا كان لي مشاركه ورجع حق المشاركات وراح تشوف وكنت اقول فيه انه مجرد عم من محفضه بس لين متا المحفضه راح تدعم وهذا انت تشوف نزل السهم

 

[سهمك اخضر]

لا كان لي مشاركه ورجع حق المشاركات وراح تشوف وكنت اقول فيه انه مجرد عم من محفضه بس لين متا المحفضه راح تدعم وهذا انت تشوف نزل السهم

خلاص انت الصح وانت الي تعرف تحرك السهم


حقك علي اوكي

 

[بحار200]

تدري انا ما احب اكثر الحجي الي علي سويه

وبخصوص محفضتك انت الي تكتب كل ما شريت والله يزيدك اكثر واكثر

بس حذر يا خوي يمكن تقول حق واحد اشتر وهو على الله وعلى هالجم دينار وخسر وتصر انت السبب في الخساره

سؤال هل لديك اسهم في بيت التمويل الكويتي

و ماهي الاسهم التي تملكها

 

[بو ضاري 2005]

الله يستر عليكم دام اكثرة عليه لخبار فى الجرايد اجل غنووووووووووووووووو ياليل مطولك

 

[ابو عبادي]

سبحان الله خير تعمل شرا تلقا

يا خوان انتو الصح وانا ترا ما عندي سالفه في كل الي قلته انت الصح وانا غلط

الله يوفق الجميع

 

[Shadow123]

بيتك اخباره طيبه والحمدالله وهذا سوق توقع غير المتوقع

 

[كويت30]

رد على سمك اخضر

الحلف بالذمه مايجوز

 

[Shadow123]

اعتباراً من الأسبوع المقبل

«بيتك» يطرح أول جهاز صرف آلي على مستوى العالم يتيح صرف أربع عملات رئيسة


المصدر/جريدة الوطن

 

[m-m]

بيتك مايهزك ريح

سهم استثمارى بس الصبر
اذا بيتك ما يربحك اقول سكروووووووووووا البورصة ولا شراي اخوانى ؟
تحييييييييييييياتى للجميع mm

 

[bothnian]

والله اليوم .......... شريت لان فعلا هالسهم ابدا مايخسر واذا خسر فالسلام ع البورصه الكويتيه

 

[sound blaster]

سبحان الله خير تعمل شرا تلقا

يا خوان انتو الصح وانا ترا ما عندي سالفه في كل الي قلته انت الصح وانا غلط

الله يوفق الجميع

صل عل نبي يا بو جنطه ليش معصب ههه

جزاك الله خير على خوفك ..زين يوم ماعندك سالفه ليش تنصح هههههههه

عل راسي يالحبيب ووجهة نظرك فيها شي من الصحه ..

لا يغرك سهمك اخضر تراه هامور بهل سهم بس ما يعلم أحد

أنا ادري هل سهم له حلين لا ثالث لهما

أما ينزل وينخسف ويوصل 600 فلس .. او يطق فوق ويوصل 1350

عشان جذي يا تصيب يا تخيب ..للأمانه اتصلت فيهم ومحد يرد علي وأنا واقف جدام المسجد .. ودخلت صليت ومسكني واحد وتاخرت وراح الوقت علي .. لكن للامانه كنت ناوي اشتري على دينار وعشرين عشر الاف سهم ..

لكن كل تأخيره أكيد فيها خيره

تحياتي وأشواقي لك ولشنطتك

 

[sound blaster]

ريح اعصابك اشوي شريت 1.140 و1.120 و 1.040 . بدينار

والحمد لله ربحان فيه ومضارب فيه بعد


اي يشتري وسهم ما عليه خوف انت اقعد متفرج الي يخاف

لا يدخل البورصه ولا يصرح ويتكلم في شي لا يفهم فيه

وانت ما شاء الله عليك اظار مطلع على محفظتي وتعرف اشعندي

يبه ريح اعصابك واقعد حذر الناس وانت لاتملك بسهم تملك بس

حريه المشاركه من خلف الجهاز بس

صل عل نبي يا سهمك أخضر

وأكيد اخونا يبي المصلحه والفايده لنا .. وترى السوق غريب عجيب لا ينفع وياه لا تحليل ولا تنبُأت ..قعدت فتره اتعلم التحليل ودورات وأخر شي ما استفدت شي .. كل شي تعلمته طلع بالسوق عكس

مشكور عل نصيحه وترى بو عبادي ما يقصد ..

تحياتي لك ولأسهمك

 

[سهمك اخضر]

صل عل نبي يا سهمك أخضر

وأكيد اخونا يبي المصلحه والفايده لنا .. وترى السوق غريب عجيب لا ينفع وياه لا تحليل ولا تنبُأت ..قعدت فتره اتعلم التحليل ودورات وأخر شي ما استفدت شي .. كل شي تعلمته طلع بالسوق عكس

مشكور عل نصيحه وترى بو عبادي ما يقصد ..

تحياتي لك ولأسهمك

اللهم صلي على سيدنا وحبيبنا محمد


انا مقتنع بسهم قناعه تامه

وبو عبادي له وجهه نظر مختلفه

اختلاف الراي لايفسد بالود قضيه

 

[max11]

ليس كل شيء مربح دائما

السعد: 225 مليون دينار خسارة «الصناعات» في «الوطني» و«بيتك»

كشف رئيس مجلس ادارة شركة الصناعات الوطنية القابضة ان الشركة خسرت 225 مليونا نتيجة استثمارها في سهمي البنك الوطني وبيت التمويل..
وقال في رد على المساهمين بالجمعية العمومية للشركة امس ان الجميع خسر وبلغت خسارتنا في «الوطني» 75 مليون دينار وفي بيت التمويل 150 مليون دينار.


واستدرك السعد موجها حديثه للمساهم.. «أنت حديتني اقول هالأرقام» وكان من المفترض ان لا اكشف عنها.

المصدر : جريدة الدار (7/5/2010)

 

[sound blaster]

السعد: 225 مليون دينار خسارة «الصناعات» في «الوطني» و«بيتك»

كشف رئيس مجلس ادارة شركة الصناعات الوطنية القابضة ان الشركة خسرت 225 مليونا نتيجة استثمارها في سهمي البنك الوطني وبيت التمويل.. وقال في رد على المساهمين بالجمعية العمومية للشركة امس ان الجميع خسر وبلغت خسارتنا في «الوطني» 75 مليون دينار وفي بيت التمويل 150 مليون دينار.


واستدرك السعد موجها حديثه للمساهم.. «أنت حديتني اقول هالأرقام» وكان من المفترض ان لا اكشف عنها.

المصدر : جريدة الدار (7/5/2010)

شهل خبر المو حلو؟