لبنان وبحبك يا لبنان

الموضوع في 'قسم السياحه و السفر' بواسطة محمد3, بتاريخ ‏12 يونيو 2010.

  1. محمد3

    محمد3 عضو جديد

    التسجيل:
    ‏4 سبتمبر 2007
    المشاركات:
    83
    عدد الإعجابات:
    0
    لبنان تشبه الى حد ما الدول الأوروبية كالطبيعة والجبال والثلج وتقريبا النظافة ولطافة الشعب اما الاسعار فتكون بنظام الصيفية يعني قعدت شهر او شهر ونصف او شهرين راح تدفع نفس الشئ بحدود 1700 الى 2500 حسب كبر الشقة وجدتها بالعربي اليومية تطلع لك ببلاش اما اذا تبي باليوم بيطلع عليك غالي تقريبا 60 دينار باليوم أما الطعام فيوجد عندهم جمعية تعاونية وهي نفس سعر الاغراض بالكويت بالضبط ما عدا اي شئ مستورد مثل الماجي أما البقالات والسوبر ماركت الخاص فغالي // بالنسبة للفواكه يا سلام حتى ريحتها غير ما عليها مواد حافظة وعلى طول من الشجرة الى مائدتك الى معدتك ويا ويلك من الاسهال اول الايام لانها طازجة جدااااااااااااااااا - السكن في الجبال قمة المتعة مثل حمانا وفالوغا اما بيروت فتشبه عمارات حولي الهدام !!!! فيه محلات تجنن وملابس حلوة والسعر طبعا ارخص من الكويت واحلى شئ الحقائب تقليد الماركة وكأنها الأصل والاكسسوارات اما للرجل لا شئ!!
     
  2. محمد3

    محمد3 عضو جديد

    التسجيل:
    ‏4 سبتمبر 2007
    المشاركات:
    83
    عدد الإعجابات:
    0
    طريق الرحلة

    بالسيارة نسميها رحلة العذاب لانها مكلفة سواء تجهيز السيارة والتامين وفيزا الخدامة مرور اربع دول والفندق في الروحة واخر في الرجعة والمطاعم طوال الرحلة والاستراحات الوسخة القذرة بكل ما تحمله الكلمة من معنى والمطاعم والتسمم منها - خرجنا من المنزل 6 صباحا ووصلنا القريات حدود الاردن 7 مساءا وعلى طول نمنا من التعب والاجهاد وقمنا الفجر 5 وتجهزنا ومشينا 6 الصباح ودخلنا حمانا لبنان الساعة 3 عصرا والتعطيل حدث في الاردن وسوريا جوازاتهم زحمة ومشكلة وبقشيش خاصة سوريا او ما تمشي وهذه غير الشوارع الخطرة المنحدرات في الاردن وقبل القريات - والرجعة تعب وارهاق السفر زيادة على الطريق نفس الشئ يومان ووصلنا بين الحياة والموت من التعب - السيارة ما استعملناها في لبنان لان الشوارع جبلية تخرع واحنا متعودين شارع سيده - والبنزين غالي حسب اسعار النفط عندهم !! بالعربي استعملنا التاكسي اريح الف مرة
     
  3. محمد3

    محمد3 عضو جديد

    التسجيل:
    ‏4 سبتمبر 2007
    المشاركات:
    83
    عدد الإعجابات:
    0
    الرحلة بالطائرة

    فعلا رحلة مريحة ويسرة بأمر الله تعالى والاهل والاطفال مرتاحين وصلنا المطار وعلى طول وصل صديقنا اللبناني والحجز مسبق للسكن 1500 دينار للشقة طوال الصيفية الشقة 3 غ نوم وصالة وصالون ومطبخ وللاسف فقط حمام واحد والآخر عطلان اكرمكم الله - لكن هذا ما أثر على الرحلة والوناسة - لا يوجد مسحات خضراء كثيرة وهذا اللي يحبونه الاهل والحريم يبون يبسطون في البراد والحب والشاي ويا سلام أما السحب والجو والهدوء بعد المغرب بس تسمع صوت الخفافيش !!!!!!!!! عموما السعر معقول للعائلة مقارنة بالدول الأوروبية - في الصباح الجو بارد اما الضحى حلو نلبس صيفي عادي الى قبل المغرب ثم نلبس ربيعي مع جاكيت خفيف وفي البيت يتم قفل الشبابيك باحكام من البرد - الافطار شهي جدا خاصة المناقيش اما الحمص موذاك الزود - الدجاج طعمه لذيذ مع الذبايح وهذا على التغذية اللي حصلوا عليها - اتمنى لكم رحلة سعيدة مع هذا الشعب اللطيف المحب :d
     
  4. jassem777

    jassem777 عضو جديد

    التسجيل:
    ‏10 مارس 2005
    المشاركات:
    510
    عدد الإعجابات:
    0
    مكان الإقامة:
    كويت العز
    السلام عليكم

    اخوي محمد كيف الحال

    انت ذكرت انت السكن صيفيه من 1700 دينار الى 2500 دينار

    طبعا احنا بالكويت اجازاتنا حدها 40 يوم

    ليش يدفعني هذا المبلغ وشنو الشقه وشنوفخامتها تأخذ مني كل هذا

    بعدين هذي الاسعار موجوده بحمانا كلها بيوت قديمه واثاث سوق الجمعه

    وانت وحظك على على اشجار البيت اغلب البيوت النامس يجلد جلد فيه .

    وبنسبه لاجار اليومي من 150 $ الى 200$ يعني مو حرام هالاسعار

    على لبنان

    ثاني شئ تعاونية القلعه اذا ماجيت الصبح راح مارح تلقى لافواكه زينه

    ولادجاج حجم اصغير من 1000 وتحت راح تلقى دجاج مواصفات خرفان

    وانت تعرف يمكن ملحمة ابوسعد الي يم حلويات العريضي ادخل عليه

    وقوله ابي 4 او 5 كيلو لحم مايخليك اتنقى اي قطعه من الحم الي انت تلرغب فيه

    والكيلو بلااااااش 10$ بس

    وشنو سوق لبنان

    الشنط تقليد الماركه الي تارسه سوق بحمدون وعاليه

    اقعد بيتكم ودق على الوسيط وتنقى احلى جنطه 15 الى 20 دينار

    اهناك ارخص وحده 100$


    وسوق بيروت

    1- abc الاشرفيه والثاني في اظبيه

    2-مجمع فردان

    3- والسولدير

    شنوفيها تكفى قولي روح الافنيوز يطقها 10 صفر

    تعال نسيت لاقولك اذا انت في فالوغا او حمانا او بحمدون وين اذا تبي

    تعشا وين تروح غير مطعم مسقوف ومطعم بيتزا على الحطب الي في

    فندق كارلتون

    تعرف محل الفلافل الي مقبل شيراتون بحمدون تدري حبة الفلافل كم

    1000 ليره يعني ميتين فلس طبعا حبه موسندويشه

    وحلاقة الشعر 30 الف والحيه 10 الاف
     
  5. jassem777

    jassem777 عضو جديد

    التسجيل:
    ‏10 مارس 2005
    المشاركات:
    510
    عدد الإعجابات:
    0
    مكان الإقامة:
    كويت العز
    انا معاك الطريق متعب

    ولاكن شجابرك على المر غير الامر منه

    انت اكيد تعرف التكاسي في لبنان

    نبتدي من المطار اذا بغيت تركب يسألك وين ياشيخ مثل قوله بحمدون

    على اطول 90$ ليش هذا اسعارنا تكاسرهم او سو نفسك دق تلفون

    علطون ينزل معاك

    واذا وصلك عساك ماتعطيه بخشيش شوف النفسيه

    وشوف الاسعر اذا من الجبل تبي تروح نبع الصفا دقت سلف 50 دولار

    واذا بتروح من بحمدون الى حمانا او فالوغا اكيد التاكسي معاك

    او حتى تروح التعاونيه اقل شي اذا رايح التعاونيه وجاي 30 الف
     
  6. jassem777

    jassem777 عضو جديد

    التسجيل:
    ‏10 مارس 2005
    المشاركات:
    510
    عدد الإعجابات:
    0
    مكان الإقامة:
    كويت العز


    الشعب محترم انا معاك هذا الي يميزها الحلوه

    وبنفس الوقت شعب كثير كلام وقليل احسان

    شعب استغلالي لابعد حد

    شوف سعر البوظه او العاب الاطفال

    اقولك شي لندن شهر تدفع 1200 دينار بسكن وانت مرتاح

    شنو لبنان الغلا الفاحش على شي والله مايسو

    تعال نسيت اذا بتقعد بقهوة ورد بتطلب 2 قهوه وصحت تمريه 50 الف

    ليش انشالله وانت قاعد بشارع وقزوز السياره عليك

    او الجارج الي حاطه البحصلي على قعدة كل شخص 25$ ليش

    قاعد بلوبي 5 نجوم قاعد بشارع واناس تخز اكلك وشربك

    وكل واحد مشغل بلتوثه

    هذا راي لاني بصرحه من رواد لبنان

    واسمحلي اخوي محمد على الاطاله


    لولا اختلاف الاذواق لبارت السلع
     
  7. فارس القيروان

    فارس القيروان عضو جديد

    التسجيل:
    ‏14 يناير 2009
    المشاركات:
    156
    عدد الإعجابات:
    0
    اهنيك اخوي لانك استمتعت بلبنان بس مادري الاسعار اللي انته حاطها مادري احس مبالغ فيها قاصين عليك وايد 1500 و2000 شدعوه عاد زلمسي كلها لبنان بصراحه انا اخوي طالب هناك من 3 سنين وبين فتره وفتره انا اروحله جوهم عادي بس بليل الهوا شوي براد ومو كل المناطق بس حبيت بحيرة عيون السمك اللي بالشمال وحبيت زغرتا بس شعب لبنان طبعا مو كله 70% مادي وبياع حجي$$$$$$ كل شي بالدولار هم شعب جايف نفسه ويوعان ظاهره مبتسم وباطنه خبيث والنصب الغش اشكره يبوقك الشايب ولصغير يعني مادري ليش الناس يرحون سياحه لبنان لاجو حلو لاسياحه لاعمات عين يعني انته مسافر سياحه روح اوربا صج اتحس انها سياحه ا و عالاقل روح تايلند ماليزيا سيرلانكا وغيرها وايد دول في الارخيص وفي الغالي بس لبنان احنا معطينها اكبر من حجمها لو مو بحمدون جان ماجفت كويتي فيها سوري انا طلعت عن صلب المو ضوع بس هاذي غصه بلعومي وطلعتها لانه حتى بمطارهم معامله سيئه للكويتي والدليل توني رديت من يومين نفس المعامله من شهر وشهرين وسنه حسبي الله ونعم الوكيل اللي صار لكويتي ملطشه للي يسوا واللي مايسوا
     
  8. فارس القيروان

    فارس القيروان عضو جديد

    التسجيل:
    ‏14 يناير 2009
    المشاركات:
    156
    عدد الإعجابات:
    0
    اخوي جاسم يبتها عالجرح والله وادري هالحجي بيزعل اخوي صاحب الموضوع بس ماعليه ولد عمي استحملنا انته يمكن توفقت بسفرتك بس غيرك يمكن يسمع حجيك ومايتوفق بالسفره هم احنا نبي نحذر الناس وخصوصا ربعنا لكويتيين نبيهم يصحصحن شوي ومايعطون هالاشكال اكبر من حجمهم اللبناني يضحك معاك وياكل معاك بس بالاخير يعطيك على افاك يستغلك استغلال مو طبيعي ماجنا خيرنا رايح لهم ماكفاهم لولي و التالي وبالنسبه حق اسواقهم لا والله النصب اشكره بس عندهم اسواق الزلقا وجل الديب شوي اسعارهم زينه خصوصا اللي عند وود بكري واوتيل وايت تاور كل شي عندهم حتى للرياييل طبعا كله تركي بس كوبي ايطالي واغلبية اصحاب المحلات كانو بمحلات زارا بالكويت من جذي اسعارهم شوي معقوله بس الكويت احلى ارخص بوايد ايد اما اسواق بيروت فالنصب عيني عينك وتقليد ماركه واسعارهم تبدا 300 دولار وطالع على شنو انا لو رايح دبي ونفس البضاعه بتطلع ارخص بوايد وبالنسبه حق فواكهم عدل صج حلوه بس مايهم ملوث وانا هناك كله اسمع بتلوث المياه والخضره هذا غير الكهربا اللي تشتغل ساعه وطول اليوم مقزرها عالبلكون ههههههههههه بس الفنادق ارحم شوي عالاقل الفنادق تطفي وتشتغل بس الشقق تاكل هوا بالخيسه خصوصا اذا كنت في بيروت عمار ياكويت راضين فيج بحرج وبردج وبكهربا وبدون كهربا لان من غيرج مانقدر نعيش الله يحميلنا هالديره ويعز شيوخنا
     
  9. T.M.H

    T.M.H عضو جديد

    التسجيل:
    ‏19 أكتوبر 2009
    المشاركات:
    253
    عدد الإعجابات:
    0
    اكيد عائلته الي يتكلم عنها كبيره
    ونصائح للبنان
    جيك على الفواتير قبل ما تدفع لان يضيفون لك اشياء انت مو طالبها بسبب الزحمه وكثره الطلبات
    جهاز جارمن من الكويت اخذه ب٤٥ وعليه خريطه لبنان يوفر عليك مشاوير كثيييييييييييييييره. طبعا بكل بساطه فضلي حالك كم ياعه والله لايهينك افتح الاخ قوقل ايرث ودش لبنان وخزن الاماكن بالقارمن
    اجار سياره صغيره تيدا او لانسر ٢٠٠٩ ب٣٥ الى ٤٠ دولار باليوم يكفي تستلمها من المطار وهذي ٩٠ دولار وفرتها حق مشوار تكسي من المطار الى الفندق
    واهم شي الواحد يرتب جدول كامل بمصاريفه اهم شي وبمشاويره
    للامانه بحمدون ولا مره جيتها والسبب ان كل الي فيها كويتيين وحنا منحاشين من الكويت فرايح استانس مو اقزرها سلام وعزايم
    في شقق تكون بمطقه السوليدير حاره الصخر شقه ٢غرفه نوم كل وحده فيها ٣ سراير وصاله وحمامين ومطبخ ب١٠٠ دولار باليوم
    والي يدور يلاقي ارخص خصوصا الحين في نظام بلبنان اجار شقق من المالك يعني تجي لشقه تلاقي عائله لبنانيه فيها يطلعون ويأجرولك الشقه على طول
    والله يوفق الجميع
     
  10. صقر3

    صقر3 عضو نشط

    التسجيل:
    ‏25 مارس 2010
    المشاركات:
    716
    عدد الإعجابات:
    2
    السلام عليكم اخوي اخرر شهر ابي روح لبنان عائله وين اسكن بسعر معقول مافي غير بحمدون مكان بارد ؟؟؟؟؟
     
  11. الوافي2

    الوافي2 عضو جديد

    التسجيل:
    ‏8 ابريل 2009
    المشاركات:
    123
    عدد الإعجابات:
    0
    السلام عليكم

    اخوي في منطقه اسمها بعلشميه تحت بحمدون 3 دقايق بالسياره

    انا سكنت فيها ارخص من بحمدون وبراد نفس الشي بس لازم عندك سياره

    وهدوء ما فيها زحمه حق العوائل تمام اللي يدورون الراحه . بحمدون منطقه

    سوق وزحمه للشباب ما تصلح للسكن طبعا هذي وجهة نظري الخاصه

    في ناس تقول ابي الزحمه ويدفع اغلي .

    طبعا الجبل كله فيه سكن مثل عاليه حمانا فالوغا بس انت حددت بحمدون

    وشنو القريب منها.
     
  12. الوافي2

    الوافي2 عضو جديد

    التسجيل:
    ‏8 ابريل 2009
    المشاركات:
    123
    عدد الإعجابات:
    0
    مرحبا اخي العزيز بالنسبه للاسعار مبالغ فيها يعني يمكن حط سعر لمنطقه

    معينه مع العلم ان الاسعار متفاوته في كل منطقه يعني لو فرضنا السعر

    من 1700 الي 2000 للشقه بالشهر هذا يمكن اغلي شي مش معناته

    انك ما تلقي ارخص وحسب خبرتك بالمنطقه يعني فيه واحد يحب يفتر علي

    اكثر من شقه ويقارن بعدين ياجر البعض اول شقه تعجبه ياجرها.

    مع العلم في ناس تملك شقق وتاجره من الكويت ارخص من لبنان.

    بالنسبه لموضوع النصب والله النصب في كل مكان حتي في اوربا تركيا

    لندن فرنسا حتي الكويت فيها نصب بس اشوف انه استغلال للموسم

    السياحه مع العلم ان لبنان اقل شعب يستغلك يزود السعر عليك شوي

    مع ابتسامه.:d
     
  13. أبوفلاح

    أبوفلاح عضو جديد

    التسجيل:
    ‏12 فبراير 2010
    المشاركات:
    70
    عدد الإعجابات:
    0
    اكيد عندك شقه وناوي تأجره السنه هاذي :cool:
     
  14. محمد3

    محمد3 عضو جديد

    التسجيل:
    ‏4 سبتمبر 2007
    المشاركات:
    83
    عدد الإعجابات:
    0
    لماذا نسافر ؟؟؟

    السلام عليكم ورحمة الله وبركاته // شكرا لمشاركتكم وأسعدني رأيكم وكله صح 100 % / كل شخص يسافر لسبب في نفسه يبحث عنه ؟؟؟ أنا وأسرتي ( فعلا عائلة كبيرة !! هههههه) نحب الهدوءءءءءءءءءء والجو النسناس بمعنى ليس البرد القارس ولا الحر / ولبنان في الجبال حمانا وفالوغا في الضحى الجو ربيع وبعد المغرب مباشرة بارد قليلا ولكن جميل جدا / بالنسبة لسعر الشقة وهي عادية الأثاث والتصميم فهو 1500 كويتي تقريبا في الصيفية بمعنى 2 شهر وبالتالي تقريبا 25 دينار في اليوم / أنا شخص لا احب المقاهي لا احب القهوة أو الشيشة واحب الهدوء والتلفاز والتمدد على الكنبه وفتح النافذة / غير والكل يحب التمشى والتجول وكل شخص وهوايته / عيالي الصغار اذا فرينا في السيارة اكثر من نصف ساعة يدوخون والمصيبة يرجعون المساكين !!! يعني بالعربي انا ابحث عن الهدوء والجو الجميل اما الطعام فلله الحمد امشي على حمية صحية والاطفال يكرهون المطاعم ومستحيل يأكلون فقط خفايف ممكن / وشكرا مرة أخرى لمشاركتكم وعساكم على القوة .
     
  15. محمد3

    محمد3 عضو جديد

    التسجيل:
    ‏4 سبتمبر 2007
    المشاركات:
    83
    عدد الإعجابات:
    0
    الكويتيون شعب معطاء

    فعلا الشعب الكويتي غير وعطاءه سخي ونعم يوجد الكثير من الخبثاء في كل ارجاء العالم ولكن حمانا اغلبها كبار سن بالعربي شياب واحس والعلم عند الله وهو عالم ما في القلوب انهم طيبين والحمدلله ما شفنا منهم شر / ويمكن لأني ما أفر حيل وابتعد عن التجمعات الكويتية لأن في السفر ودك تكسر الروتين القديم مثل العزايم والدواوين وبالتالي ما احب هذه التجمعات وفي المقابل اتمشى في الشوارع وخاصة قبل المغرب او الضحى :)// وسلامتكم واتمنى للجميع رحلة سعيدة
     
  16. صقر3

    صقر3 عضو نشط

    التسجيل:
    ‏25 مارس 2010
    المشاركات:
    716
    عدد الإعجابات:
    2
    يا شباب اي مكان بس يكون بارد بس يكون بسعر مناسب نبي نحجز شقه تكون نظيفه فيدونا جزاكم الله خير لا احد يبخل علينا في العام او الخاص مشكورين
     
  17. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا

    الشباب وفوو وكفووووو

    بس نقطه مهمه جداااااا

    وخصووصا لخواتي العضوات

    لا تشترون اي شيء من لبنان لاتقليد ولا ماركات الكويت ارخص بواجد والسعوديه ارخص منهم كلهم يعني خلو المشترا الغير ضروري حق روحه للخبر او الرياض افضل بفرق كبييييييييييييييييييير

    لبنااااان اشترو اكسسوارات بس تحصلو الخاتم اللي بخمسين هنيه

    هناك بخمس تعش تقريبا والبروش وهالسوالف ;)

    نصيييييحه من اخووووكم اخذوها

    واللي مايطيع اتمنا يقارن اي شيء يشتريه فيه مثله بالكويت يجيك سعره هنيه عندنا

    راح ينصدم بالفرق وكل شيء عندنا ولا قبلهم بعد بالماركات ​
     
  18. صقر3

    صقر3 عضو نشط

    التسجيل:
    ‏25 مارس 2010
    المشاركات:
    716
    عدد الإعجابات:
    2
    لا إله إلا الله وحده لا شريك له له الملك وله الحمد وهو على كل شيء قدير
     
  19. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اللي عنده فلوس لايروح دولة عربية قلوبهم سودة وغشاشين طبعا مانعمم على الكل في ناس عندهم والنعم فيهم بس نسبة لابأس فيها يتصيدون الكويتيين لا ويريت ديرهم تسوا عادية حق بو 3 ايام ان كثر بما فيهم لبنان
    يعني تركيا مثلا احلى من لبنان ومقاربة لاسعارها ماتفرق
     
  20. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    تركيا ارخص من لبنان وممكن احلا طبيعه لكبر المسافه

    بس الشعب اللبناني افضل بواجد من التركي

    التركي لايعرف لاعربي ولا انجليزي الا ماندر

    بس تركيا حلوه ونصح فيها بالاضافه الا لبنان​