تنبيه وتحذير من برادو 2006

[أبوشيخه]

والله يابوسلطان الغش صار عادي والحلف بالله صار هم عادي واللي يوثقك بالشريطي يحلف بعياله وهو جذاب تستحي لاتفحص الرجال حلف بعياله وبتفحص بعد؟؟؟؟؟؟توهق وتدري انه نصاب وعينه مبطووووطه

 

[ooo_75]

بيض الله وجهك يابوسلطان وجزاك الله خير

والحراميه والغشاشين واجد والطيب بهالزمن ما يعيش

وانا شخصيا انغشيت من واحد لاني احسنت النيه فيه

وموجود معنا بالمنتدي بعد وكتبت عنه بمنتدي ثاني ومسحوا المشاركه

والمشكله طلع معاه ناس تزايد عشان يجي واحد لو يزيد عشره قال بعتك


الحين يالغالي الدعوي مابه مستحي ولابه ثقه

اذا قالك شرط الفحص افحص علي طول واذا السياره فيها شي يرجعلك حق الفحص

 

[بو شيشه]

وانا شاكيلك الحال عشان تقولي القانون لا يحمي المغفلين ؟

اخاف الأخ قاضي وانا مادري ؟؟ حبيبي انا حاط الموضوع لا اشكيلك ولا اشكي لأشكالك الموضوع واظح تحذير وتنبيه علشان محد ينغش

عجبك الموضوع اهلا وسهلا

ماعجبك الموضوع سد حلجك

are you sure you want to add نواف الخالدي to your ignore list?

يله بلاك لست لا اشوفك

هههههههههههههههههه هههههههههههههههه هههههههههههههه
لا لا لا عجيب اخر سطرين

 

[ابن ضعيان]

فحصت لاند كروزر موديل 2004 يقول إنه ماخذه ماشي 400 كيلو فقط سنة 2004 ويحلف بالله وبعياله أن السيارة مافيها صبغ والسيارة على يده ............... المهم فحت السيارة إلا السيارة مصبوغة من كل مكان والشاصي مطعوج والسيارة لا تصلح للاستعمال............ المهم الرجل حلف بالله إنه لا يعلم عنها شيئاً مع العلم أنه أخذها من التمويل وماشية 400 كيلو فقط لا غير

يا شباب لا تاخذون السيارة إذا كان سعرها فوق الخمس آلاف إلا من صديق.

 

[RichMan]

صدقت

واحد من الربع شرى شفر كرووز 2010 ماشية 600 كيلو بس وماعجبته السياره وباعها بالحراج .. اللي شراها فحصها بالرمال وطلعت مصبوغه كبوت ومدقرين !!! صاحبي انصدم ولما راح للوكاله قالوا هذي السيارة هديه وكان عليها بوسترات واعلانات واثرت على الصبغه فصبغناها !! والسياره طاحت بجبده الحين !!

شي ثاني ...

كل المكاتب وخاصه الري (الا من رحم ربي) ينزلون عدادات السيارات ... دور عند ربعك والا زيد فليساتك وخذ وكاله .... والا حتى الوكاله تسويهم وتضبطهم عند احسان ويدفعونك الدبل هاااااا

مشكله

 

[TRADING]

الله يعطيك العافية صاحب الموضوع ويرزقك علي قد نيتك
بصراحة كنت ناوي اعرض برادو قريب من مواصفات اللي انت اتكلم عنه بس طبعا ماشي 131 الف ولا فيه فتحة وعلي ايدي من الوكالة
بس عقب سالفتك الواحد ماله خلق الناس تظن فيه

الشي اللي ودي اشارك فيه انه السوق لا يخلو من الغش نهائيا وهو شي طبيعي بهالدنيا ولو لا ذلك لما ذكرت الايات والاحاديث تخص هذا الفعل الدائم في بني البشر
اللي يستغرب من الغش بصراحة انا استغرب منه لانه الغش لن ينتهي بالدنيا ولن نعيش في المدينة الفاضلة - وبالنهاية دام انه البايع قالك شرط الفحص انت لك حق الفحص سواء قالك السيارة سليمة او ذكر عيوبها واذا تنازلت عن حقك اصبحت انت الغلطان حتي لو اخفي عليك الحقيقة وقد يكون بالفعل لا علم له بالخفايا مثلك ويكون شاريها علي ثقة

الله يعين الجميع علي امور الدنيا والزمن اللي كثرت فيه الحيل والعجايب

والله المستعان

 

[نواف الخالدي]

وانا شاكيلك الحال عشان تقولي القانون لا يحمي المغفلين ؟

اخاف الأخ قاضي وانا مادري ؟؟ حبيبي انا حاط الموضوع لا اشكيلك ولا اشكي لأشكالك الموضوع واظح تحذير وتنبيه علشان محد ينغش

عجبك الموضوع اهلا وسهلا

ماعجبك الموضوع سد حلجك

Are you sure you want to add نواف الخالدي to your ignore list?

يله بلاك لست لا اشوفك

ماتعرف تسولف انت انت جاي اهني شوي وتبجي على 45 دينار وقاعد تقول نصب علي ودموعك اربع اربع واستح على وجهك شنو سد حلجك ؟ انت حطيت الموضوع للكل تحمل كل الي ينقال برفع نفسي عن اشكالك لاني متربي ما اتكلم نفس اسلوبك

 

[ابو سلطان79]

بو شيخه richman ابن ضعيان بو شيشه

ooo_75 وباقي الاخوان شاكرلكم مروركم ولا هنتم

 

[اليوفي الثاني]

يستاهل الرفع

والافادة للجميع

 

[xokx]

يستاهل الرفع

 

[abadi_kuw]

نواف وابوسلطان ..خلاص يبا حصل خير كل واحد يصلح للثاني

 

[الحـــوت]

انا هم صارت فيني وبغيت اشتري سيارة معروضه على الدائري الرابع مقابل الري وإلا راعيها اول شي عرف على نفسه انه عسكري على بونه بيخرعني مادري شقصده ويبت واحد يفحصها بمكانها وطلعب مقلوبه السيارة وقلت للهندي اللي دازه يبطلي السيارة خلاص انا يكلم بابا ومع السلامة وإلا يدق علي ويقولي بغيت سيارة جتله لا خلاص هونت عنها وإلا يولع نار ويقولي انت مو ريال الريال يعطي كلمه ويوفي فيها وانا راح اطلعك اطلعك وانا الحين قاعد بمكتبي وهالسوالف ومادري شنو يخربط وبصراحه هالأشكال شنو تسوي معاها ماتدري؟

 

[Dived]

جزاك الله خير على النصيحه

 

[بو شيشه]

انا هم صارت فيني وبغيت اشتري سيارة معروضه على الدائري الرابع مقابل الري وإلا راعيها اول شي عرف على نفسه انه عسكري على بونه بيخرعني مادري شقصده ويبت واحد يفحصها بمكانها وطلعب مقلوبه السيارة وقلت للهندي اللي دازه يبطلي السيارة خلاص انا يكلم بابا ومع السلامة وإلا يدق علي ويقولي بغيت سيارة جتله لا خلاص هونت عنها وإلا يولع نار ويقولي انت مو ريال الريال يعطي كلمه ويوفي فيها وانا راح اطلعك اطلعك وانا الحين قاعد بمكتبي وهالسوالف ومادري شنو يخربط وبصراحه هالأشكال شنو تسوي معاها ماتدري؟

ههههههههه قويه بصراحه
هذا نصاب عيني عينك وغصب بينصب عالناس
اذا دق عليك او سوالك شي عطني خبر

 

[خالد32]

هذا نصاب محترف وبيحصل واحد على نيته ماقرى هالتحذير بياخذها الله لايوفقه انا قبل لااشتري البرادو مالي كنت ادور واتصلت فيه والله يااخوان منفس جنك تطر منه ويوصف بدون نفس وعشان لادبسك فيها مادل مكانه قاطها بمسافط وزارة الكهربا بالسالميه رحت وشفتها ومن نفسية صاحبها كارها قبل لااشوفها مزلغه وفيها صبغ وزلوغ بكل مكان مرششها بالقوطي الصبغ الصغير اللي بالدرج ولاكلف نفسه حتى يجي ويبطلها اويشرح مفروض يابوسلطان من نظره تدري انها مومظبوطه عموماً ماتنلام وهذي غلطه وتعلم منها انشاء الله و45 دينار بلعنه ولاتخسر 6600 قيمتها موفق خير

 

[الحـــوت]

ههههههههه قويه بصراحه
هذا نصاب عيني عينك وغصب بينصب عالناس
اذا دق عليك او سوالك شي عطني خبر

اي والله اخوي بو شيشه
كان براسه شر ومابودي اطولها وياه واهيه قصيره واكثر ماسويت ان صكيت الخط بويه ويرد يدق ليوم يومين وعقبها باسبوع دق وعرفت رقمه وما رديت بس وشويه ولو ما استغفرت كنت والله بواعده واقطع العقال عليه ولو كان بدوريته بعد
وسبحان الله ربك ستر عليه وعلي

 

[خالد32]

اي والله اخوي بو شيشه
كان براسه شر ومابودي اطولها وياه واهيه قصيره واكثر ماسويت ان صكيت الخط بويه ويرد يدق ليوم يومين وعقبها باسبوع دق وعرفت رقمه وما رديت بس وشويه ولو ما استغفرت كنت والله بواعده واقطع العقال عليه ولو كان بدوريته بعد
وسبحان الله ربك ستر عليه وعلي

هذا والله عينه قويه شنو يبي يبيعك غصب.؟ ويتصل بعد للحين العن الله ابوشاربه والله انك طويل بال وعليك تحمل جبال ياخي رد عليه وحط الجوتي بحلجه واذا مالك بالطواله روح المخفر اشتك عليه قول يبا هذا لجني يبيني اشتري سيارته غصب ويهددني وسوء استغلال سلطه الداخليه ادور هالسوالف يتوقف عن العمل ويجيك يحب رجله اتنازل

 

[الحـــوت]

هذا والله عينه قويه شنو يبي يبيعك غصب.؟ ويتصل بعد للحين العن الله ابوشاربه والله انك طويل بال وعليك تحمل جبال ياخي رد عليه وحط الجوتي بحلجه واذا مالك بالطواله روح المخفر اشتك عليه قول يبا هذا لجني يبيني اشتري سيارته غصب ويهددني وسوء استغلال سلطه الداخليه ادور هالسوالف يتوقف عن العمل ويجيك يحب رجله اتنازل

ربك كريم اخوي خالد
اكيد بييله يوم يطيح بواحد راضع حليب امه عدل ويدور المشاكل
يومها ماودي اسوي مشاكل لأنه كان عندي ديون وقروض كاسره الظهر ومابودي بالمحاكم وبعوار الراس