افضل طريقة وامنها ... لاستثمار 30 الف دينار ...

الموضوع في 'السوق الكويتي للأوراق الماليه' بواسطة well man, بتاريخ ‏6 أغسطس 2010.

  1. well man

    well man عضو جديد

    التسجيل:
    ‏5 مايو 2006
    المشاركات:
    87
    عدد الإعجابات:
    0
    السلام عليكم ورحمة الله وبركاتة ....لااعرف ان كان هذا هو القسم المناسب وللمشرف حق النقل ...

    يااخوة نريد شوركم ونصيحتكم ... لافضل طريقة وامنها ... لاستثمار 30 الف دينار ...من غير البورصة ... ( الرجاء التعليق والرد لاصحاب الخبرة والاختصاص)..
     
  2. بدون مجامله

    بدون مجامله عضو نشط

    التسجيل:
    ‏21 مارس 2009
    المشاركات:
    2,562
    عدد الإعجابات:
    352
    مكان الإقامة:
    الكويت
  3. well man

    well man عضو جديد

    التسجيل:
    ‏5 مايو 2006
    المشاركات:
    87
    عدد الإعجابات:
    0
    بدون مجاملة ... جزاك الله خير ... وزادك غنى وطاعة
     
  4. سرور

    سرور عضو نشط

    التسجيل:
    ‏11 أغسطس 2009
    المشاركات:
    6,206
    عدد الإعجابات:
    4,365
    الحين ال30 الف عبارة عن 300 الف احتفظ فيه وخله بالبنك و تحين الفرص فيما بعد لما تهدأ الأوضاع .. والله يبارك لك فيه
     
  5. 3lgm

    3lgm عضو مميز

    التسجيل:
    ‏29 سبتمبر 2008
    المشاركات:
    6,410
    عدد الإعجابات:
    1
    الله يسلمك أنا أشوف طريقتين غير البورصة :
    1- حساب السحب اليومي مع بنك برقان والجايزة اليومية 5000 دينار , و كل 50 دينار تنزل السحب 5 مرات بالأسبوع , ومن تودع المبلغ لازم يدور عليه شهر قبل لا ينزل السحب (والشغلة ما فيها تلاعب لأني فزت وانا عمري ما فزت بشي) .

    2- عندك الستي بنك في البحرين (اللي يم مجمع السيف) عندهم نظام استثماري فلّه , بس لازم تقرر شنو تبي تستثمر فيه , مثلا البن البرازيلي أو العيش الهندي أو الذهب أو النفط واليورانيوم , المهم السلع الحيوية هذه أسهمها تكون غالية (مثلا في سلع يكون سهمها بحدود الـ1000دينار أو أكثر فيدخلونك مع آخرين بسهم واحد) فالبنك يشتريلك بهالأسهم وينزل الفايدة بحسابك سنويا وإذا تبي تبيع وتغير من سهم لي سهم تتصل عليهم أو تدز إيميل حق الشخص المسؤول عن حسابك وأهو يتصرف (أنا طلعلي بحدود الـ10%) لكن هذه الخطة الإستثمارية مدتها خمس سنين والفايدة يطلعونها لحسابك , لكن إذا احتجت المبلغ قبل الخمس سنين يدفعونك 5000 دولار غرامة , فانتبه حق هالموضوع بارك الله فيك .

    أما الودايع فتدفع زكاتها من راس مالها , والصناديق الكويتية كلها خسرانة ومخطورة من حيث عجزهم عن رد فلوس المشتركين (صارلي سنتين بالمحكمة ماني قادر ارد فلوسي من صندوق أعيان العقاري) والعقار وخر عنه في الوقت الحاظر لأنه في بلا بالطريج عن طريق العقارات اللي يمتلكها بيتك , واللي قانون منع تملك الشركات للعقار يجبره يبيع عما قريب ,على موجب كلام دلال وأخو عزيز ووالله أعلم .
     
  6. marketing.art

    marketing.art عضو نشط

    التسجيل:
    ‏30 يناير 2010
    المشاركات:
    287
    عدد الإعجابات:
    0
    انصحك بمشروع تاجير معدات يكسب ذهب
     
  7. ابومسامح

    ابومسامح موقوف

    التسجيل:
    ‏11 يوليو 2010
    المشاركات:
    130
    عدد الإعجابات:
    0
    أفضل المشاريع 000 مشاريع الوساطه مثل وسطاء العقار والأسهم والمعدات وحتى لو مكتب دلالة سمك
    يعني راس المال ما يضيع مكتب دلاله تبيعه براس ماله في أسوأ الأحوال وتسترجع راس المال وما عندك سلعه تتورط فيها او تخزين أو موديل يتغير يعني من كيسه وعايده0
     
  8. well man

    well man عضو جديد

    التسجيل:
    ‏5 مايو 2006
    المشاركات:
    87
    عدد الإعجابات:
    0
    الله يجزاكم خير جميعا .... بس يااخوة انا ابي شي حلال مانبي ربا وخرابيط الله يكفينا شرها ....
    واحد من الاخوة نصحني بشراء عقار سكني بجدة او الدمام او الرياض وتاجيره سنوي ...يقول سوقه قوي
     
  9. الطاحونة

    الطاحونة عضو جديد

    التسجيل:
    ‏14 مايو 2009
    المشاركات:
    61
    عدد الإعجابات:
    0
    يا أخ ويل مان اذا القلب ركيك ما يتحمل خسارة خلهن بالبنك احسن للعوزة ............. واذا لا والله اوكي انطر نص رمضان لين تندق البورصة 300 أو 400 نقطة بعد ايام كثيرة متتالية من النزول واذا تحسن يومين ثلاثة اهجم على سهم شرعي معروف وقوي ........... التمويل او اجيلتي الخ الخ ....... هذي طريقة وارن بافيت ملياردير الاسهم ..... بس بشرط يقعد السهم عندك من سنة الى سنتين
     
  10. well man

    well man عضو جديد

    التسجيل:
    ‏5 مايو 2006
    المشاركات:
    87
    عدد الإعجابات:
    0
    والله اخوي ابشرك لاديون ولا اقساط .... وهل مبلغ طالع تحويشه ... وودي احركه ... افيد واستفيد
    وهذا حكمة زكاة المال ألي تحدك على تشغيل مالك وألا اكلت منه ... والحمدلله رب العالمين
     
  11. q1888

    q1888 عضو نشط

    التسجيل:
    ‏23 ابريل 2008
    المشاركات:
    1,030
    عدد الإعجابات:
    36
    أخوي يعني شلون وضح بأمثله؟؟
     
  12. faisel 2

    faisel 2 عضو نشط

    التسجيل:
    ‏18 أغسطس 2007
    المشاركات:
    2,622
    عدد الإعجابات:
    118
    مكان الإقامة:
    الكويت الغاليه
    السلام عليك...من خبرتي ال30ألف دينار ما تسوي شئ في وقتنا هذا ...ما تقدر تحوش بعد 30ألف ثاني مره ؟؟ دامك بالنفط اعتقد انك تقدر..يصير60الف.. حاول أنك تشتري بيت وتخليه نظام تأجير في ..في هذه الحاله تكون ضمنت رأس مالك +ربح+سكن لك وأولادك....أو حتى ارض اذا 60ما تكفي لشراء بيت.... وشكرا
     
  13. well man

    well man عضو جديد

    التسجيل:
    ‏5 مايو 2006
    المشاركات:
    87
    عدد الإعجابات:
    0
    يعني انطر عشر سنين احوش ... علشان اوصل الستين ... وبعدين يقولك ماتنفع ...:(
     
  14. @أمل@

    @أمل@ عضو جديد

    التسجيل:
    ‏27 يونيو 2010
    المشاركات:
    1
    عدد الإعجابات:
    0
    والله تبي نصيحتي أشترلك أرض بالرياض لان بعدين بتصير مجمعات عالمية

    وبالتوفيق يارب
     
  15. well man

    well man عضو جديد

    التسجيل:
    ‏5 مايو 2006
    المشاركات:
    87
    عدد الإعجابات:
    0
    والله الظاهر هذا افضل استثمار خصوصا ان بيت التمويل يساعدك بالسعودية لتمويل العقارات ...
     
  16. بحار200

    بحار200 عضو نشط

    التسجيل:
    ‏19 نوفمبر 2009
    المشاركات:
    296
    عدد الإعجابات:
    45
    راجع بيانات سهم يوباك
    و كذلك سهم بيت التمويل الكويتي هذه ليست دعوة للشراء او للبيع انما دراسة بيانات السهم
     
  17. Legal

    Legal عضو نشط

    التسجيل:
    ‏1 سبتمبر 2009
    المشاركات:
    2,368
    عدد الإعجابات:
    110
    تبي تطلع ذهب وربحك دبل مرتين او زود

    عليك بطليان (غنم) سوريا تروح الى حمص وتشتري الطلي الي عمره شهرين او 3 اشهر بسعر 30 دينار ومجرد وصوله الى الكويت تبيعه 60 او 65 دينار يعني ربحك مدوبل .

    بس يبيلك واسطه
     
  18. AL-mutairi

    AL-mutairi عضو نشط

    التسجيل:
    ‏4 سبتمبر 2007
    المشاركات:
    801
    عدد الإعجابات:
    21
    مكان الإقامة:
    حاره كل من أيدو إيلو !!
    شوف لك جمعيه عارضه محلات بـ نظام المزايده و أدخل و انت مغمض ع اي محل و منها ضمنه ع عمال و أخذ المقسوم منهم كل شهر و يعتبر المحل بـ الجميعه عباره عن شيك مده الحياه و يورث لـ أولادك
     
  19. endless77

    endless77 عضو جديد

    التسجيل:
    ‏13 يناير 2009
    المشاركات:
    196
    عدد الإعجابات:
    0
    مكان الإقامة:
    الكويت
    يالغالي" زكاة المال" ما تاكل" المال" والله الذي لا اله الا هو انها تبارك فيه
    يا اخي زكاة ال 30 ألف " 750 " دينار يعني كل شهر توفر لك 62.5 من معاشك لا تنظر للزكاة انها عبئ عليك انظر لها انها رحمة مرسلة اليك

    وانا عن نفسي انصحك بالسعودية (عقار او اراضي) او قطر
    دمت بود
     
  20. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    مبلغك حلو حق شقه :)

    اعرف واحد مسويها ومرتاح وبدون عوار راس.. الله يهني

    شاري شقه تقريبا من 25 الى 30 الف

    ومأجرها

    مبلغ الاجار من 250 الى 300 حسب مواصفات الشقه ومكانها

    بالسنه 3 الاف دينار تقريبا :)

    موفق ياخوي