اراضي في ابو فطيره 400 متر بسعر أقل من 72 الف دينار كويتي

[مهم للغاية]

ياشباب شنو السالفة ؟؟

شوفوا الرقم 37 + 38 + 39 ??

انباعت 3 اراضي الشهر اللي طاف بسعر 71,989 دينار كويتي

المصدر ؟؟

http://www.moj.gov.kw/RealEstate/census2010/july/25-7-29-7.pdf

ماجبت شي من عندي ....

هل هذا مؤشر حقيقي ؟؟

آرائكم

 

[zidantheking]

اول ما شفت العنوان عيوني تبققك قلت الا اصيدها هلارض
و صعد الضغط فوووق عبال ما فتح الموضوع معاي
بس طلع الحبيب حاط خبر مو ارض :s

مع ذالك تسلم و النزول جاي ان شاء الله

 

[مهم للغاية]

يشهد الله اني ابي الخير لكل اخواني في المنتدى .... وودي اشوف اخواني اهل الكويت ساكنين في بيوتهم وغانمين ومرتاحين وبدون انقطاع ماي ولا كهرباء ومعاشاتهم بالعلالي والديره فاضية من العمالة السايبة وطوابير الصحة صغيرة والشوارع بدون ازدحام

سامحني اخوي ... الخبر ازعجك

 

[zidantheking]

لا عادي اخوي

بس قريت عنوان الموضوع على بونه اعلان

 

[سرور]

سعر ارض بوالفطيرة 400م شارع واحد 118 ألف

 

[مهم للغاية]

سعر ارض بوالفطيرة 400م شارع واحد 118 ألف

اخوي على راسي كلامك .... بس هذي كشوفات الوزارة مو كشوفات مكاتب العقار ... انا جبت مصدري وحطيته ..... ياريت تورينا المصدر اللي يقول 118 الف دينار وتقبل احترامي لك

 

[كنز المعرفه]

اخوي على راسي كلامك .... بس هذي كشوفات الوزارة مو كشوفات مكاتب العقار ... انا جبت مصدري وحطيته ..... ياريت تورينا المصدر اللي يقول 118 الف دينار وتقبل احترامي لك

يا مهم للغايه قاعدين يعرضون بالمكاتب بـ 110 ومو لاقين شراي !
وانتظر البلوكات الجماعية بعد العيد ​

 

[ibrahimi]

علا حسب علمي هذي الاسعار اتكون اسعار عقود الاجارة يعني شرا ارض من بيت التمويل اجارة وباقي عليها هالمبلغ لمن ايبيع تطلع قيمة البيع بالمبلغ المذكور يعني المبلغ المتبقي من عقد الاجارة اهو دافع مبلغ فوق العقد بس مايذكر
كانك شريت سيارة مطلوبه ودفعت فوق الطلب البنك مايسال جم دفعت فوق الطلب

 

[مهم للغاية]

يا مهم للغايه قاعدين يعرضون بالمكاتب بـ 110 ومو لاقين شراي !
وانتظر البلوكات الجماعية بعد العيد ​

خوش عيدية

 

[مهم للغاية]

علا حسب علمي هذي الاسعار اتكون اسعار عقود الاجارة يعني شرا ارض من بيت التمويل اجارة وباقي عليها هالمبلغ لمن ايبيع تطلع قيمة البيع بالمبلغ المذكور يعني المبلغ المتبقي من عقد الاجارة اهو دافع مبلغ فوق العقد بس مايذكر
كانك شريت سيارة مطلوبه ودفعت فوق الطلب البنك مايسال جم دفعت فوق الطلب

بس انا اللي اعرفه ان بيت التمويل ما يفيدك بأكثر من 70 الف دينار .... وتقدر تتأكد بنفسك .......... وخصوصا بيت التمويل .... في احد الاعضاء قال انهم مستحيل يعطونك اكثر من 15 الف دينار (نازل عندهم قانون جديد) ............ياشباب نبي تأكيد على موضوع بيت التمويل اللي عنده خبر يفيدنا .....لحد يبخل علينا بالمعلومة

 

[fahed 67]

حسبة بيت التمويل

في شهر 2 موظف بيت التمويل قسم المرابحة قال ممكن نعطيك لغاية 60.000 الف والمعاش 1500 بدون اي قسط والحسبة موجودة في قسم الاستشارات القانونية في موضوع التورق

 

[سرور]

اخوي على راسي كلامك .... بس هذي كشوفات الوزارة مو كشوفات مكاتب العقار ... انا جبت مصدري وحطيته ..... ياريت تورينا المصدر اللي يقول 118 الف دينار وتقبل احترامي لك

انا فريت السوق كله باشتري قالوا هذا السعر الموجود .. يعني مصدري السوق وقالوا انطر يمكن ينزل اسعر اذا خسر بيت التمويل القضية

 

[مهم للغاية]

انا فريت السوق كله باشتري قالوا هذا السعر الموجود .. يعني مصدري السوق وقالوا انطر يمكن ينزل اسعر اذا خسر بيت التمويل القضية

اخوي سرور اولا اشكرك على الرد ......

وياريتك شفت دفاترهم اللي فيها عقود البيع عشان تحكم عدل ...... ومستحيل يخلونك تشوفها لأن راح تشوف فضايح عملاقة

ودي ابين لك ان المعروض في السوق ومحد يشتريه .... يدل على انه سعره غالي.

مثال على كلامي في سيارات وايد بمكاتب السيارات ما انباعوا صار لهم فوق السنة .... ليش ؟؟ لأن سعرهم بالعلالي.

المؤشر الحقيقي للأسعار في مجال للعقار .... هو عملية الطلب ....وليس العرض ...... لأن هناك الكثير من الدخلاء دخلوا على خط العقار ...اللي تقول له ابي ابيع بيتي بسعر 200 الف دينار(واهوا فعلا يسوى 200 الف) يقولك الدخيل ... حرام ياباشا دنته بيتك يسوى 220 الف بس طول بالك معانا .... وماتعرضوش عند غيرنا (عشان يحتكر العمولة) ........... والفقير طمع بالبيزتين الزيادة واغتر بعمره و صدق المسرحية ..... والمشكلة ان الكل شايف وضع العقار بالكويت شلون صاير ( مع العلم ان العقار يمرض ولا يموت) .... وانا اجزم ان المرحلة اللي احنا فيها الآن هي مرحلة (شفة الهواء ) اللي تكون قبل الحرارة وقبل المرض .....وبالنهاية الفقير راعي البيت لا اهوا اللي باعه بسعر 200 الف وشكله حتى ال 200 الف ماراح يجيبهم بالمستقبل ...... طبعا منو الخسران بهالحالة ؟؟ الدلال ؟؟ مستحيل الدلال يخسر لو يصير خسف بالارض ..... الخاسر هو احد الاطراف .... البايع او الشاري

 

[بوفلسين]

السلام عليكم

ياشباب شنو سالفة رقم 47 , 48 بالجدول

 

[مهم للغاية]

السلام عليكم

ياشباب شنو سالفة رقم 47 , 48 بالجدول

صج شي غريب ....

 

[سويسرا]

السالفة أنة الشاري مايبي يدفع رسوم للعدل وايد عندالتسجيل يكتب سعر رخيص لأنة وراه رسوم تسجيل والشغلة الثانية او نقل ملكية من شخص لشخص. للهروب من القانون التملك فوق 5000م يمكن عندة فوق المساحة الشي ثالث تاجر بين تاجر يسجلون بالعدل بسعر رخيص. حتا الي يملك في بوفطيرة ومطلوب راح يبيع بارخص من السوق تخويف مجرد حق الي عندة عقد إجارة او بلوك نايم علية وهذي صايرة هل اليومين بين تجار عقار شريطية

 

[مهم للغاية]

السالفة أنة الشاري مايبي يدفع رسوم للعدل وايد عندالتسجيل يكتب سعر رخيص لأنة وراه رسوم تسجيل والشغلة الثانية او نقل ملكية من شخص لشخص. للهروب من القانون التملك فوق 5000م يمكن عندة فوق المساحة الشي ثالث تاجر بين تاجر يسجلون بالعدل بسعر رخيص. حتا الي يملك في بوفطيرة ومطلوب راح يبيع بارخص من السوق تخويف مجرد حق الي عندة عقد إجارة او بلوك نايم علية وهذي صايرة هل اليومين بين تجار عقار شريطية

شكرا لردك سويسرا .............. ولكن معظم ما قلت هو تكهنات وتوقعات ... قد تصيب وقد تخطئ ........... شكرا لمرورك

 

[لؤلؤة الخيران]

السلام عليكم .. توضيح ,,, الأسعار السابقة صحيحة لكن مومعناته أن سعر بوفطيرة مثل ماذكر فى تقرير وزارة العدل وتقيمها بهالأسعار !! مستحيل الطريقة هى بأن الأراضى السابقة أنشرت عن طريقة الوكالة العقارية ممكن فى السابق وقت الأزمة وظل صاحبهم محتفظ فيهم وأكيد حان موعد تسجيل الأراضى رسمى بأسمه والحسبة تصير أن فى حال التسجيل وزارة العدل تعتمد السعر اللى تم فيه بيع الأراضى عن طريق الوكالة العقارة طبعا الكلام اللى السابق اللى فى وزارة العدل أو اللى له خبرة فى مجال البيع والشراء فى العقار يعرف هذا الشى وافيدكم دائما اللى يشترى عن طريق الوكالة العقارية يوفر على نفسه ال5% للعدل +تسريع عملية البيع والشراء يعنى فى نفس اليوم تتم المبايعة ويستلم المالك فورا فلوسه والشارى يحولها وكالة ومتى مايبى يحولها تسجيل يحولها وشكرا واذا السالفة صح مثل مايتوقع البعض انا أشترى الحين ب100الف ارض فى بوفطيرة شارع واحد وعن طريق وكالة عقارية بعد وتستلم الفلوس باكر وشاكرلكم

 

[مهم للغاية]

شكرا لمرورك لؤلؤة الخيران

بس ودي اعرف شغلة

دام ان مكاتب العقار يخفضون سعر الارض الى رقم اقل من السعر الحقيقي للارض ... في الوثيقة الرسميا عشان يوفرون العمولة ......

السؤال ..

ليش ما يخلون سعر الارض حييييييييييل قليل ............ مثلا مو 72 الف ............. يخلونه 20 الف بس عشان النسبة تقل ............ صح والا انا غلطان ؟؟؟ ليش يخلونه 72 الف ؟؟؟؟



هالشغلة موداشة مخي

 

[الديجيتال]

صبحكم الله بالخير شباب كلام لؤلؤه الخيران صحيح

يا جماعه العدل فيه مقييمين ما تمر عليهم هذي الارقام 70 او 80 الف للارض في ابو فطيره او اي عقار ( هذي شغله قديمه كانو ينزلون الاسعار بهذا الشكل وكانت تمشي الحين صعبه )
العدل فيه مقييمن وعارفين اسعار السوق عدل احسن مني ومنك اذا شك كاتب العدل في السعر يرسلها الي المقيم 00 والمقيم يبث بسعر الحقيقي ويتسجل علي سعر المقيم

هذا الارقام انا اقولكم اشلون صارت 000
هذي الاراضي كانت مشترينها علي 70 او 80 من زمان ولكن بوكاله عقاريه والحين سجلوها بس فيسجلونها علي اسعارهم القديمه

الحين الاسعار لابوفطيره من 115 الي 118 لل 400م ولشارع الواحد حسب الموقع

موفقين