استشاره بخصوص ,, نوكيا إن إيت _ Nokia N8

[mxxy]

شرح تبسيطي للأخ مكسي

هذي الصورة صاحب الموقع قاعد يتحدث عن مشكلة أو عيب بنوكيا
الحبيب دش على متجر نوكيا وطلبوا منه تسجيل الأحرف والأرقام الموجودة مثل مو واضح بالصورة الي على اليسار، ولما يبي يكتب وضغط على الكيبورد طلعله الكيبورد واختفت شاشة مربع الصفحة السابقة، يعني قاعد يتطنز ويقول انا لازم احفظ الباسوورد الخاصة فيني واحفظ الكلمة الي تطلعلي بسبب غباء كيبورد نوكيا !!

صورة تويتير قاعد يتطنز على الالوان الي مختارتها نوكيا وشلون مو راكبة ومو واضحة

الصورة الثالثة
مصور فيديو من الجهاز ولما راح يبي يشوف شنو صور الجهاز عطاه رسالة انه ما يدعم هالصيغة أو ما قدر يشغل الفيديو !!! شالفايدة اصور فيديو بجهازي وما اقدر اشوف شنو صورت ؟؟

ان شاء الله يكون الشرح سهل وبسيط

مستحيل أفهم !! ماكو شي علشان افهم .
يعني الموضوع يتكلم عن شنو !!

لأن الي حط الموضوع نفسه قاعد يحاول يدور خطأ فما قدر يطلع شيء حقيقي فقاعد يتكلم بالهوااء الطلق وحسباله كل الناس ما تفهم ويطوفها .

أما بخصوص تويتر !! هههه تويتر هي من تقدم البرنامج والالوان ونوكيا هي من تقوم بوضع sos وملف تنزيل ليكون جاهز في نوكيا ...



عيل تقول ما فهمت شي من كلامي ! غريبه مع اني انه فاهم كلامي

لكن كلام صاحب الموضوع مادري مو داش كله خرابيط لأن يتكلم عن اشياء = اشياء = قصدي اشياء = 0 او شبه 0 ....


الله يعين بس

يا جماعة بس أشترريه سيتم فتح صفحة مفرده ووضع جميع المميزات الجديدة مع سلبيات الهارد وير أو السوفت وير ... اما كلام مني ومناك وخاصتا من الي ياكلون بليل هارديز فما ينفع كلش انه بليل ما آكل هارديز الحمدلله وانه هم ماني ماك جكن كلش مو لايق عليييي يعني ​

وشكرا لمدريدي على تبسيط الشرح لي اتعبتك معااي .. وشكرا لنقل مثل هذه الاخبار ... فديتك والله

 

[ابو عيسى]

mxxyاخوي

تنصحني اشتريه N8 دام اني في بريطانيا سعره ما يقارب الـ 150 د.ك

واي لون احلى

 

[طواش]

اللي يبي n8 يروح اليوم انشالله يجمييييييع فرروع هاتف 2000 لأني كنت عندهم وكان عندهم نمونه ,, وقبل لاتشتري يشرحونلك الموظفين من قبل شركة ال OVI ,, بصراحة (( شي عجيييييب )) INCREDEBLE يبييييييييله.

 

[@ عبدالله@]

اخوي طواش ماتدري كم سعره بهاتف 2000؟؟

انا اليوم رحت ولقيت محل عمده واحد نمونه قلت له كم سعره قالي ب 198 دينار قلت اخاااااااااااف صج على نوكيا ادفع 198

 

[mxxy]

mxxyاخوي

تنصحني اشتريه n8 دام اني في بريطانيا سعره ما يقارب الـ 150 د.ك

واي لون احلى

الصراحه الاسود - السلفر .. بس انه باخذ الازرق لأنها براءة اختراع نوكيا اللون الي ما يصدي ولا يتزلق

اللي يبي n8 يروح اليوم انشالله يجمييييييع فرروع هاتف 2000 لأني كنت عندهم وكان عندهم نمونه ,, وقبل لاتشتري يشرحونلك الموظفين من قبل شركة ال ovi ,, بصراحة (( شي عجيييييب )) incredeble يبييييييييله.

بس طوواااش هم احسلك اخذه المستقبل لا تستعجل واخذه بسعر 175 تقريبا

اخوي طواش ماتدري كم سعره بهاتف 2000؟؟

انا اليوم رحت ولقيت محل عمده واحد نمونه قلت له كم سعره قالي ب 198 دينار قلت اخاااااااااااف صج على نوكيا ادفع 198

تكفه إذا نوكيا ما تدفع فيه 200 عيل تدفه على شنو ؟

عموما هم وايد 200 انطر يوم الاربعه او الخميس راح ينزل بمستقبل ويصير سعره 180 او 175 .. اوحتى 170

انه عن نفسي راح اخذه ب 170 بالكويت بكفالة المستقبل يوم الخميس او الاربعه لأن عندي خصم 20 % عندهم

 

[ابو نواف محترف]

مكسي ليش انت عندك خصم عند المستقبل منكم نستفيد

 

[ابو نواف محترف]

ابشركم توه نازل عند هاتف الفين كفاله المستقبل القيمه ١٧٥دينار

 

[i@2010]

شباب مريت المستقبل شفت الجهاز شكله موعملي نهائي وماعجبني​

 

[mxxy]

شباب مريت المستقبل شفت الجهاز شكله موعملي نهائي وماعجبني​

كنت لا بس دشداشه .. وحطيته بجيبي الي فوق وجيوبي الثانية وقسمن بالله ما حسيت اني حاط جهاز بجيبي خفيف جدا وحلو وشاشته كبيرة .. لكن وجهة نظر لكن شنو تقصد في مو عملي ؟؟ ان شنو يعني ؟

 

[mxxy]

عيوب الايفون 4 وال n8 من ناحية الشكل والملمس

من وجهة نظري فقط


الايفون 4 ( شكله مهذب وزجرت وهو اسلوب شركة ابل ، لكن عيبه بحجمه العام يعتبر كبير ووزنه ايضا غير متناسق )


ال N8 ( ألوان متعدده وكفر لا يصدأ وشكل زجرت وألوان جديدة منفرده مثل الازرق البترولي وحجمه العام اعتبره جيد حق الجيب الدشداشة أو الجينز ، لكن سمكه العام وطريقة سمكه ما عجبتني واحسه غير متناسق في سمكه مع ان خفيف )


طبعا هذي النضره مالها علم يعني كل واحد وطريقة تفكيره ونظرته يعني في واحد يشوف أن استخدام هالاجهزه غبااااء ّّ وتقوله لييش يقولك اكو يشيل معاه طاابووقه !

 

[Madridi]

نبي استخدام الجهاز ، اللمس، التصوير، الكيبورد، الصوت، السعر ؟؟

 

[mxxy]

نبي استخدام الجهاز ، اللمس، التصوير، الكيبورد، الصوت، السعر ؟؟

الاشياء الي متأكد منها وبأدلة طبعا :-


1- المواصفات التقنية الحديثة والقديمه جميعها متوفر وحديث وعندك الجدول من هنا http://mxxy.net/n8.htm

2- اللمس مجرب من خلال فيديوات نوكيا وآخرين وهوه ممتاز وحتى انه توني الحين كنت بالمستقبل ولي قاعد يستخدمه قالي ان (ممتاز وحلو )

3- التصوير بالنسبة للصور فلا يعلى عليه تكفه 12 ميجا بكسل تصور وتحطها بالكمبيوتر تقدر توسع الصورة وبوضوح عالي حده ، وفيديو انه شفت 9 فيديوات من تصويره عند العرب والاجانب وممتاز وافضل من السوني اريكسون كله والايفون والبلاك بيري والسامسونج ( اصلا لعبته )

4- الكيبورد معروف ان تقدر من خلال الكيبورد التلقائي أو الشاشة تنقلب بروحها وتكتب مثل الكمبيوتر .

5- الصوت ما ندري لحد الان !

6- السعر 175 .. دينار وسيكون متوفر في فرع البلوكات المستقبل وبعض افرع المستقبل و 2000 ... اللون المتوفر مثل ما قتلكم اول الاسود والسلفر وهذا الاكيد

7- استخدام الجهاز بين الاعضاء بالمنتدى ( غير متوفر ) انه نشالله بس اشتريه يوم الخميس راح أقولكم وبكل صرراحه شنو وضعه


* سياسة نوكيا الجديدة انها تنزل الجهاز سعره رخيص لكن ما ينزل وفي وقت البيع ينباع بسعر حلو



*&*&( الشيء الاكيد الاكيد أن أفضل جهاز للتصوير - ولنقل المعلومات بشتى انواعها وعرضها على التلفزيون والكمبيوتر - واستخدام الانترنت والتواصل الدائم - وتخصيص الشاشة الرئيسية )*^& هذا لحد الان متأكد منه

وعلى فكرة ان البلوتوث الي فيه حديث جدا 3.1 يعني اسرع وينفع للسيارات الالمانيه عدل حق المايك وغيره

 

[Madridi]

انزين الكيبورد لما ابي اكتب مسج
للحين نظام قديم

يعني اذا ابي اكتب حرف الصاد لازم ادوس ثلاث مرات على رقم 4 ؟؟

ولا غيروه نفس نظام الايفون والاندرويد ؟

 

[mxxy]

انزين الكيبورد لما ابي اكتب مسج
للحين نظام قديم

يعني اذا ابي اكتب حرف الصاد لازم ادوس ثلاث مرات على رقم 4 ؟؟

ولا غيروه نفس نظام الايفون والاندرويد ؟

مدريدي شكلك اخر مره استعملت نوكيا من سنة 2007 شهر 3 !!

لايبه .. أبسط شي e5 + e72 + e71 + 5800 وانواعه

أو n97 أو n900

وغيرهم من الاجهزه الي اسعارها ما تعدي ال 25 دينار وإلخ

كلهم عندك 3 خيرااات للكتابة أو 4 او 5


والحين اجهزة ال x3 و e5 c3 كلهم عندك 4 خيارات للكتابة


فأكيد ال n8 بيكون فيه 4 خيرات للكتابة أو حتى 5


اصلا اول شركة نزلت نظام الكتابة في ال Quert كانت نوكيا وحتى شوف دعايات السابقة


1- الكتابة باللمس احرف مهجئه

2- الكتابه باللمس احرف متفرقه كامله ( نفس الكمبيوتر )

3- الكتابة بالكيبورد احرف مهجئه أو متفرقه كامله ( نفس الكمبيوتر )

4- الكتابة باللمس بشاشة عريضه مع النافذه او بدون النافذه

5- كل ما سبق ولكن تتحول الشاشة تلقائيا على وضعيتك انت ( نظام 7 مثال 1)

وفي بعد شوية شغلات مو على بالي


يامعود نوكيا c1 الي سعره ب 15 دينار فيه نظامين للكتابة الحين

 

[FNTQ]

اتصلو علي شركه المستقبل الجهاز موجود عندهم والسعر 175

 

[Madridi]

ايه بس حسب الصورة الي لقيتها شوف الكيبورد ؟

نظام نوكيا المعروف ما تغير

 

[Madridi]

في شغلة ثانية

حسب السعر المعلن 175 هذا حده ولا ننطر عليه بينزل اكثر ؟

 

[mxxy]

اتصلو علي شركه المستقبل الجهاز موجود عندهم والسعر 175

اي موجود بس ما يصير تشتريه ألا لو كنت حااجزه .. عقب باجر يصير . خلصوا النسخ من قبل لا توصل الدفعه ب 9 ساعات على كلام الموظف ... والدفعه الثانية المقرر توزيعها موجوده وجداامي ما شاء الله كراتين طمااط مو تليفون لوول وراح يتم توزيعها عقب باجر بليل وفي نسخ وايد يعني لحد يحط في باله ان راح يخلص لا تروحون الخميس خلوها الاحد احسن
>>> اشكره ما يبي زحمه !! ويبي ياخذ النسخه ويخلص pP

 

[mxxy]

ايه بس حسب الصورة الي لقيتها شوف الكيبورد ؟

نظام نوكيا المعروف ما تغير

اخووووي .. هذا الي بصورة انه اسميه (( صورة خبل بزبده )) !!

في عندك يوتوب شوف نظام الكتابه راح تعرفها اكثر ، وافضل شي الي اهوه ان الكيبورد يصير من اليمين لي اليسار علشان تكتب مثل الكمبيوتر الاب توب

 

[طواش]

السلام للجميع ,,
إخواني رحت هاتف 2000 علشان أشتري الجهاز !! وتفاجأت لمن قالي اللي بالمحل بإن الكمية نفذت (خلصت) فقلتله لييييش؟؟ قالي إن الشركه نزلت بس 48 جهاز فقط وبكفالة المستقبل .. ووزعتها على أفرع !! لكل محل 5 أو 6 أجهزه ,, قالي بلمح البصر خلصوا وسعره ب175 د.ك
*
** تعقيب: لو الجهاز مو مضبوط تشان الناس ما تهفتت عليه بالمحلات وبلمح البصر طيروهم !! وبصراحه أتصور بأن هالجهاز راح يزيد سعره وماراح ينزل .. مثل ال آيفون4 .. سلاااام يا حبايب