N8 Features - Applications - HD Games - Solving the Problems of N8

[أحمد ظاهر]

ما شاء الله عليك يا خوي مكسي .. احسنت والله يعطيك العافية

اخوي عندي سؤال من فضلك .. هل لو اشتريته من برة الكويت عن طريق النت بغض النظر عن سعره اذا كان نفس سعر الكويت ولا لا .. طبعا رح يكون مو معرّب .. هل ممكن تعريبه وبسهولة مثل الاجهزة العادية؟ .. وأين وكيف؟

شكرا لك مرة ثانية

 

[mxxy]

ما شاء الله عليك يا خوي مكسي .. احسنت والله يعطيك العافية

اخوي عندي سؤال من فضلك .. هل لو اشتريته من برة الكويت عن طريق النت بغض النظر عن سعره اذا كان نفس سعر الكويت ولا لا .. طبعا رح يكون مو معرّب .. هل ممكن تعريبه وبسهولة مثل الاجهزة العادية؟ .. وأين وكيف؟

شكرا لك مرة ثانية

أحيانا يكون معرب حتى لو كان ياي من بره ( مثل فنلدنا أو لندن ) ، وغالبا يوصل مو معرب لأن اهوه نوكيا نظامه أن سوفت وير واحد محشي داخله كل اللغات وأكبر دليل ان لم تفتحه بالكويت يسألك عن أي لغة تختار ويكون حاطلك كل لغات العالم .


You have 2 part

* لو وصل الكويت وكان مو معرب ( تقدر تروح كفالة I2 أو المستقبل ويعربونه لك ) يحطولك سوفر وير كامل يديد وفيه التعريب .



* وهم في طريقة ثانية أنك تنزل برنامج http://europe.nokia.com/support/download-software/device-software-update ، وتختار نوع جوالك وبعدين تختار اللغة المفضله ، وبعدين طبعا راح ينزل السوفت وير بجهازك وراح يكون جهازك مزدوج فيه عربي وفيه لغاات ثانية . ولو ما صار مثل ما قتلك تروح احد وكالات الكويت ، وطبعا انت محتااج تنزل البرنامج بالكمبيوتر مع وصلة n8 وتعرف الجهاز بالكمبيوتر وهذا راح يكون تلقائيا

 

[الرجل الخشن]

أخو ي mxxy الجهاز N8صناعته فلندي ولا فية تجميع صيني لاني مريت على محل قالي اللي بالسوق كلها تجميع صيني ؟؟؟؟؟؟؟؟؟؟

 

[mxxy]

أخو ي mxxy الجهاز N8صناعته فلندي ولا فية تجميع صيني لاني مريت على محل قالي اللي بالسوق كلها تجميع صيني ؟؟؟؟؟؟؟؟؟؟

أخوي بكلمة واحده بس ... جميع الاجهزة في شتى أسواق العالم سواء نوكيا ولا آيفون ولا سامسونج ولا سوني أريكسون كلهم بالعنوان التالي وعلى سبيل المثال :-


Made By Nokia , Manufactured in China

Made By Apple , Manufactured in China

وهذا ما يطيح من قيمة الجهاز ولا له علاقة بأي شي يخص الجهاز والامور أوكي وممتازه 100% ، الصين حدها تركب الجهاز أو تحط الكراتين وإلخ وبس مو أكثر من جذي وشرطها أن تكتب أسم الصين عليها وبس .

 

[مؤشردوت]

Plug and Touch with a Nokia N8

Nokia N8 demo of Plug and Touch - transform any screen into a touchscreen

اتمنى تفيدنا ولد عمي بموضوع العرض والضغط والتغيير بال TV وهل هالحركة تعمل على شاشة عرض تحوي مدخل HDMI ?

وهل في مقارنه بينه وبين مواصفات سامسونغ جالكسي ؟

 

[mosawi]

طبعاً اليوم كان الموعد لاستلام الn8 الجديد على أساس وعدني الموظف في المستقبل

ان السبت صباحاً يكون الجهاز تم استبداله بجهاز جديد وتتفضل تستلمه .. واللي حصل كالتالي :

قبل لا أروح اتصلت عشان أتأكد إن الأمور ماشية ..

رد علي الموظف : أهلاً الأخ بوحسن

أنا : هلا أخ ((فلان)) .. ان شاء الله انا بمركم بعد شوي عشان اخذ الجهاز الجديد ..

الموظف : والله ياخوي اسمحلنا شوي بس لأن اليوم الإدارة مو مداومة فإذا في مجال بكرة الأحد تمر علينا وتمشي الأمور !!

أنا : نعم ؟؟! .. أخي العزيز إنت الخميس لما استلمت مني الجهاز العطلان وعدتني إن السبت صباحاً يكون الجهاز جاهز .. وحضرتك موظف بالشركة وأكيد عندك علم إن الإدارة السبت ماتداوم من قبل .. فليش ما بلغتني إن الإجراء غير ممكن إن يتم السبت لعدم دوام الإدارة ؟؟!

الموظف : "بكل برود" : والله الصراحة (( راح عن بالي )) !!!!!

أنا : أهاااا .. راح عن باااالك ؟؟ أوكي مو مشكلة ..

الموظف : إن شاء الله رح أسعى لك إن يبدلون الجهاز !!

أنا : عفواً .. الحين صار مو أكيد إن يتبدل الجهاز ؟!؟! شلون هالكلام ياخي ؟؟؟!

الموظف : لا إن شاء الله رح تمشي الأمور وبكرة الإدارة تبلغنا بالموافقة ونصرفلك جهاز جديد ..

أنا : خير ان شاء الله ..

انتهت المكالمة ..

التعليق :

الموظف ماعنده إحساس بالمسئولية وبارد وكل ساعة له كلمة .. لذلك كان من حقي إني أتصرف كالتالي :

اتصلت على رقم الشركة وطلبت قسم الشكاوي وكلمتني إحدى الخوات الموظفات وقتلها القصة كاملة وقالتلي الحين أكلم الإدارة !!!!

قتلها الإدارة موجودة ؟؟ جان تقول إي نعم في كل فرع يوجد شخص يمثل الإدارة ويكون له حق التصرف في صرف الأجهزة أو غير ذلك ..

المهم طلبت مني اسم الموظف وعطيتها اسمه ومكان الفرع اللي فيه ..

وبعد 15 دقيقة ياجماعة من غير مبالغة .. اتصل فيني الموظف اللي صارت معاه المشكلة :

الموظف : الوووو السلام عليكم الأخ بو حسن كيف حالك ((جنه مو صاير شي))

أنا : أهلاً تفضل ..

الموظف : أخ بوحسن وين ساكن حضرتك ؟؟ وين أقرب فرع للمستقبل لحضرتك ؟؟

أنا : جاوبته ..

الموظف : تفضل روح الفرع الفلاني الحين واستلم جهازك الجديد ! وسامحنا عطلناك ..

أنا : حياك الله ..

واستلمت الجهاز وتوته توته خلصت الحدوته

وحتى الآن الجهاز ماشاء الله 100 % لا ريستارت لا تعليق ..

بالتوفيق للجميع

واسمحولي عالإطالة

 

[qadsawi]

اخوي أنا عندي ايفون 4 واحس أني مو مستفيد من الايفون كله شات والعاب تنصحني بالان8 ولا اقعد الايفون يعني مثل ماانت شايف برامج والعاب الايفون حلوة يعني راح ألقاها بالنوكيا وبالنسبة للتعليق اذا كان تصفحي عادي مايعلق والله يعطيكم العافية

 

[mxxy]

Plug and Touch with a Nokia N8

Nokia N8 demo of Plug and Touch - transform any screen into a touchscreen

اتمنى تفيدنا ولد عمي بموضوع العرض والضغط والتغيير بال TV وهل هالحركة تعمل على شاشة عرض تحوي مدخل HDMI ?

وهل في مقارنه بينه وبين مواصفات سامسونغ جالكسي ؟

مرحبا

بنسبة للتلفزيون من بعد ما تشغله عن طريق الانترنت وبإشتراك شهري تقريبا 3 دنانير ،، او عن طريق الانترنت للمواقع المبثه للبرامج التلفزيونية المتاحه فأعتقد ولا في شك انك تقدر تعرضه على ال hdmi بأي تلفزيووون ، وازيدك من الشعر اصبحت وسيلة نقل المعلومات والصور والتحديث والتطوير والبرامج وإلخ سهله جدا وبدون تعرريف يعني عندك يمكن 996569506 وسيلة ووسيلة للنقل . وهذي نوكيا مبدعه فيها اصلا .


انه لم أقاارن بينه وبينه جالكسي لكن جالكسي ممتاز و الايفون 4 ممتاز ونوكيا ممتاز لكن كل واحد وعلى حسب استخداامه لكن الي ياكلهم نوكيا N8 وعن تجربة وبحث .


وأي سؤال مكرر أو جديد تفضل ؟

 

[mxxy]

اخوي أنا عندي ايفون 4 واحس أني مو مستفيد من الايفون كله شات والعاب تنصحني بالان8 ولا اقعد الايفون يعني مثل ماانت شايف برامج والعاب الايفون حلوة يعني راح ألقاها بالنوكيا وبالنسبة للتعليق اذا كان تصفحي عادي مايعلق والله يعطيكم العافية

عزيزي بالفعل اهوه الايفون 4 جميل لكن في احيان وأوقات كثيرة تحس انك قاعد تستخدم للعبث أو للعب بالفعل ... وتحس ان غيررك قاعد يسوي كل الي بمزاجه ألا أنت مقييد ... طول عمرها أبل جذي تحسس مستخدمينها انهم قليلين و مكتفين وما يقدرون يسووي اشياء كثيرة يقدر يسويها غيرهم باجزتهم وانظمتهم الاخرى ...


عموما انه انصح بنوكيا n8 لأن فيه كل شي ، لكن اخوي اكتشفت شي ان نوكيا n8 سهل لكن بنسبة لي وصعب على نااس كثييرة لكن لم تتعلم علييه عدل راح تعرف ان ابسط مثال للجهاز الذكي ..

 

[مؤشردوت]

بنسبة للتلفزيون من بعد ما تشغله

ما فهمت سؤالي عدل ولد عمي انا اقصد عند توصيل الكيبل بالشاشه (اي شاشة فالنفرض LCD Or LED )وعرض محتويات الهاتف هل ستنتقل خاصية ال Touch Screen الى شاشة LCD الي موصل فيها الهاتف ....؟

كما في الفيديو ال http://www.youtube.com/watch?v=-rbPF5ZjDpI

 

[mxxy]

ما فهمت سؤالي عدل ولد عمي انا اقصد عند توصيل الكيبل بالشاشه (اي شاشة فالنفرض LCD Or LED )وعرض محتويات الهاتف هل ستنتقل خاصية ال Touch Screen الى شاشة LCD الي موصل فيها الهاتف ....؟

كما في الفيديو ال http://www.youtube.com/watch?v=-rbPF5ZjDpI

الحين فهمت سؤالك .. طبعا اخوي لأ ما اعتقد أن يصير يعني لو أنت شاشتك التلفزيون ولتكن led فيها تووج .. مو معناة ان لم توصل كيبل hdmi معناة راح ينقل التوج معااه ! ،، ، ، ، لكن والله أعلم يمكن يصير آنه ما جربت لكن انه ما اعتقد هذا الشي يصير ... والفيديو الحين ما اقدر اشوفه لم ارجع البيت اشوفه واعرف شسالفة اكثر .

 

[مؤشردوت]

خوش اخوي

لانه انا الي فهمته منه يقول في سوفتوير ينزل بالتلفون يحول الداتا والتج للتلفاز والله اعلم

المفروض تكون الشاشه ندعم التج اولا

 

[mxxy]

خوش اخوي

لانه انا الي فهمته منه يقول في سوفتوير ينزل بالتلفون يحول الداتا والتج للتلفاز والله اعلم

المفروض تكون الشاشه ندعم التج اولا

اي عاادي توقع غير المتوقع من نوكيا ،، لكن اخاف يقصد سالفة البرنامج الي يركب بالكمبيوتر وعن طرريقه تستخدم اللمس من الكمبيوتر إلى الموبايل لكن حركه غير مفيده يعني . مو مهمه وايد .

 

[مؤشردوت]

لا ما اعتقد لانه بس موصل كيبل الاتش دي والشحن

ننتظر اتشوف الفيديو وخير انشالله

 

[mxxy]

أنتبه

المتوفر الان في أسواق الكويت فقط ( اللون الاسود - اللون الأخضر - اللون سلفر الفضي )

 

[mxxy]

ميزة الـ Movie Maker

ميزة الـ Movie Maker

يحتوي جهاز نوكيا n8 على خاصية التصوير عالي الجودة والفيديو عالي الوضوح والتركيز ، وبعد لحظات تستطيع أنشاء فيديو خاص بنفسك ( دمج صور ومقاطع وفيديو ورموز وحركات تأثيرية لتكون مقطع فيديو واضح بحجم فيديوات اليوتوب وتستطيع ارسالة متى ما شئت ) ، وتستطيع وضه عنوان رئيسي أو وسطي أو فرعي ، يعني ما تحتاج لبرنامج الموفي ميكر الي موجود في ويندوز 7 أو فيستا .


هذه الخاصية موجودة رسميا وليس برامج .. وتمتع بالاستخدام .

 

[ماستر الذهب]

اخوي حبيت استفسر يركب عليه برنامج وات سايب ... برنامج تقوم من خلاله ارسال رسائال مجانيه كا جهاز الـ اي يفون .. بالاضافه .. الـ اي يفون يوجد به برنامج مكالمات فيديو مجانيه السؤال هل ان 8 يمتلك كا البرامج اللي ذكرتهاا على الـ اي يفون .. وحبيت اعرف تركب عليه البرامج المذكوره

واكون لك شاكر .. اذا السؤال يحتاج توضيح انا حاضر

 

[mxxy]

نعم وبكل تأكيد يركب عليه برنامج الــ Whats App .

تقريبا الــنوكيا في المخزن مالها هو شبه مخزن الايفون بنسبة 85%

ونوكيا لديها برامج خاصه بها غير موجودة بالايفون 4 ، والعكس .

 

[ماستر الذهب]

اشكرك اخوي على استجابه سؤالي

طيب بخصوص الــ Whats App .. هل بمكاني مخطابه اللي عندهم بلاك بيري والـ اي فون من الـ ان 8 ... ولا فقط محتكر من نوكيا لي نوكيا ... وحبيت اعرف شنو البرامج المجانيه اللي شغاله على الـ ان 8 بالانترنت المجانيه كا برنامج Whats App ... وسؤالي الاخير هل يوجد برنامج مكالمات فيديو مجانيه على الـ ان 8 .. اذا موجود هل بستطاعتي استخدامه مع الاشخاص اللي عندهم البلاك بيري والـ اي فون

تعبتك معاي الصراحه هههههههه

وشكرا لتجوابك معاي

 

[boeisa]

السلام عليكم اخوي الواتس اب بالنوكيا بس يستقبل الرسايل من اي جهاز يشتغل عليه الواتس اب لكن ما يفتح الصور والسايت وما تقدر تنسخ وترد تطرش للاسماء يعني بس ترد عليهم بالكتابه فقط بعكس الايفون والاندروريد والبلاك بيري بالواتس اب تقدر تسوي كل الي ذكرته من نسخ وصور وسايت وسلامتك