الشيوخ ابخص

[بوحسن]

يعني شنو خرعتني

الحين نخلي اوبرا ونخلي مسلسلات فرندز ونخلي برنامج ذ بغ لوزرس ونخلي ذ لورد اوف ذ رنغ ..ونجابل مجلس الامه !

ماكو شغل ..اصلا كل العالم مركبين ستلايت علشان لا نجابلون تلفزيون الكويت


قول واختصر اشصاير ..ولك الاجر والثواب يا فاعل الخير

 

[king_q8]

المدينه الحدوديه

ما سمعة عن المدينه الحدوديه اقرى !!!!! بكره اقرى عنها بالجرايد وقعد ألطم على المخازن


( ( (

 

[بوحسن]

ما سمعة عن المدينه الحدوديه اقرى !!!!! بكره اقرى عنها بالجرايد وقعد ألطم على المخازن


( ( (

يعني شنو مدينه حدوديه ... بيسكنون الكويتيين بمدن حدوديه ؟؟ وشكو المخازن ... عفيه فهمني وهالمره لا تتكلم باختصار

عشان اذا في شي مو زين على المخازن اروح ابيعه على اخوي الحين بسعر مخفض وانجله فيه

 

[بوعبداالله]

احال مجلس الامة في جلسته الخاصة اليوم على الحكومة الاقتراح بقانون بتأسيس شركات تطوير وتنفيذ المستودعات العامة والمنافذ الحدودية بعد الموافقة عليه في مداولتيه الاولى والثانية.

وجاءت نتيجة التصويت على القانون موافقة 41 عضوا من اصل الحضور وعددهم 48 عضوا فيما رفضه سبعة اعضاء.

وقال عدد من النواب خلال المناقشة ان الرغبة بتطوير المنافذ الحدودية وايجاد مستودعات كانت موجودة قبل تحرير العراق (قبل سنتين) وتم تشكيل لجنة لدراسة الامر .

واضافوا ان الهدف من ذلك كان حاجة البلد الى تطوير مناطقه الحدودية مؤكدين أن مبدأ انشاء المستودعات "سليم ولكن الاجراءات التي اتبعت بعد ذلك غير سليمة".

وأعربوا عن املهم في ان يتم تعامل الحكومة مع القانون "بشفافية .. وهذا ما نريده منها".

وشددوا على ضرورة ان يتم اقرار القانون قبل بدء العطلة البرلمانية للمجلس مبدين تخوفهم من "تصرف الحكومة في املاك الدولة خلال العطلة" على حد قولهم .

وحملوا وزير التجارة والصناعة ووزير المالية مسؤولية التصرف في املاك الدولة او عدم ايقاف الاجراءات المترتبة على تنفيذ المستودعات في حال عدم اقرار القانون المقترح.

وقال بعضهم "لم يتم وضع الية صحيحة للتعامل مع الموضوع .. وهناك شركة يتم تأسيسها لهذا الغرض" معربين عن الامل في ان يتم تعليق الموضوع الى حين اقرار القانون .

واكد وزير المالية بدر الحميضي بدوره عدم تخليه عن مسؤولياته كوزير وقال "لم ولن أتخلى عن اي مسؤولية مناطة بي بموجب القانون او قرار مجلس الوزراء".

واضاف ان "هذا الموضوع صدر به قرار من مجلس الوزراء قبل عام .. وانا على استعداد لتحمل مسؤولياتي".

ويهدف القانون كما أوضحت المذكرة الايضاحية الواردة في تقرير اللجنة الى العمل على تطوير المنافذ الحدودية وتنفيذ المستودعات العامة وتأسيس الشركات بغرض تطوير وتنفيذ المشروعات اللازمة لهذا الغرض بمختلف انواعها.

 

[بوحسن]

اشوه خرعتوني ..ومكشور بو عبدالله حيل ...اما انت يا الكنغ طلعت نحيس

انشالله بس تخلص المستودعات وتاسيس الشركات الي بتصرين بالاكتتابات ,,,

ويكونون المخازن خلصت كل عقودها مع الامريكان

يكونون الامريكان اطلعو من العراق ..او الامركيان يكونون خلاص اعتمدو العراق مكان تخزين وتاسيس

او تصير المخازن شركه امريكيه كويتيه بالمناصفه


وايد وايد احتمالات ..

واهم احتمال ان الي بيصير مو هالسنه على الاقل نكون دوبلنا اشوي من فلوسنا وياهم

وحق الاجيال القادمه نقولهم .. الله يباركلكم بمجلس الامه قوانينهم كلش مو قصدهم على المخازن ودايما سابقه الكل ! ومتطوره

يا الكنغ ..اشتر السبت ولا تحاتي وانت مغمض

 

[king_q8]

ممكن اسئل سؤال

يا صبر ممكن اسئل سؤال .. انته كم عمرك .. هل سمعت طوال عمرك او عمر والدك الله يحفظه ان خير يانه من وراء العراق؟؟؟؟؟؟

 

[بوحسن]

شوف علشان العراق ما ايي من وراها خير

موليه موليه

لا بزمني ولا بزمن يدي ولا يد يدي

انا الحين مقتنع باعلانات الحكومه العراقيه اليديد

عراقنا جديد

بس والله لا تحاتي الامريكان الحين يقولون بيحطون مراقبين حق مراقبه انتخابات مجلس الامه ...

يقولون سامعين بصناديق الفلوس يوم الانتخابات مو شي

عموما المخازن دوم فوق ........ واشوية حسد من بعض الاعضاء ما راح يهمها ... لان ما يصح الا الصحيح ... ومن ويين اييبون ناس لهم خبره مثل خبرة المخازن الي ناطحت دول خارجيه مع شركاتها ..

لا تحاتي حبي

 

[king_q8]

انا مسافر

انا يوم الجمعه راكب اسعفتي وطاير وتمنى لسهم المخازن ان يطير وراي على الاقل انطلع تكاليف السفر .. ويا خوفي ينزل ورد بدل الدرجة الاولي ارد بالمركب
واغني اوووه يا مخازن

 

[بوحسن]

الله وياك

عيل على جذي انا اخر مره اكتب هني ليم ترجع

عموما تروح وترجع بالسلامه وانشالله بترجع وانت راكب درجه اولى

بس لا تخلي كاش عندك .. اشتر فيهم السبت

عندك وايد طب وتخير ..بس السهم الي بعته اليوم بعد لا تقربله اوكي ..قاعدين يطلعون من المحافظ اشوي اشوي ( اخاف اقول اسم السهم ..يطلعولي الي يدافعون عنه ومظاهرات )

المهم اشتر شي انخفض هالاسبوع وبتربح فيه انشالله ..ولا تشتري شي ارتفع اليوم ( مو شرط بس الاغلبيه )

 

[بوحسن]

توقعاتي لشهر 7 ( بدون اعلان ارباح الربع الثاني )

وهذا خاص للكنغ الى سافر الى ايطاليا

يروح ويرجعلنا بالسلامه ... وجذي تكون اخر مشاركه بمواضيع الشيوخ ابخص ليم يرجع صاحبه

هذا ما اعتقده بعد مطالعة بعض الشارتات الخاصه لهم في احد السايتات الخاصه في بورصة الكويت

اتوقع ارتفاع هذي الاسهم قريبا ( بدون اعلان ارباح الربع الثاني - الي ممكن يقلب الموازين ايجابا او سلبا )

اعيان

الكويتيه للتمويل

كيمفك

بيان

الانابيب

الوطنيه

اللبنانيه

المركز المالي

المجموعة التعليميه

عربي قابضه

(( امريكانا ))

المواشي

(( الفجيره ))

شعاع

(( بيت التمويل الخليجي ))

وهذا رايي ممكن خطا وممكن صح ....

 

[عجبي عجب]

ليش حاطهم بين قوسين الي موصي عليهم ؟فيهم ميزه معينه

 

[بيج بن]

ركزوا علي بيت التمويل الخليجي

 

[king_q8]

السلام للجميع

ها نحن عدنا ننشد الهولو على بحر السفينه ... ويسعدني لقائكم .. وبالاخص الصبر والفهلوي وكل الاخوى الاحباب ... وهذا اول يوم لي تداول بعد اجازت الصيف .. ومن عنده اخبار طيبه يا ريت يفيدنا فيها

 

[بوحسن]

الحمد لله على السلامه

سفرة موفقه انشالله والحمد لله علىالسلامه ..شلون روما وشلون محلات الباجه الي هناك ؟

علبالهم الحين مسافر طهران انت


اختصر معاك السوالف شوف اليوم حاول تخمط هالاسهم

1- الاتصالات الوطنيه ..w l, مو تي سي ( وقو قلبك وخلك فاهمني وبيع بالحد الاعلى )
2- الاستثمارات
3- سلطان
4- مخازن
5 - الرابطه

وبعدين وين صوغتي ؟

 

[king_q8]

وبعدين وين صوغتي ؟

صوغتك موجوده يايبلك جدر لزانيه وسبقتي .. اما ان ايطاليا فاحلا مافيها انها خالية من الجكر .. اتقول قص مكينه .. كلهم طقه وحده حلوين لا من ريايلهم ولا من حريمهم .. اما احنا فلنا الجنه

 

[بوحسن]

لزانيا ؟ احلف بس يايبيلي اكل ؟ خليت كل شي هناك ويايبيلي اكل

شوف خلك مع الاسهم الي سولفتلك عنها وبس السهم الاول تقدر تبيعه الباجيين احتفظ فيهم جم يوم

وان ربحت اليوم ابيك تعزمني على العشا بمطعم بيتزا

 

[king_q8]

الله كريم

لزانيا ؟ احلف بس يايبيلي اكل ؟ خليت كل شي هناك ويايبيلي اكل

شوف خلك مع الاسهم الي سولفتلك عنها وبس السهم الاول تقدر تبيعه الباجيين احتفظ فيهم جم يوم

وان ربحت اليوم ابيك تعزمني على العشا بمطعم بيتزا

انا مسافر بكره الساعه 8 الصبح القاهره .. بس هقوتك الاستثمارات زينه وشلون الاهليه وشسالفتها وشخبار اصول وبيان؟

 

[بوحسن]

دير بالك من شرم الشيخ هذا اذا تبي تكمل تداولات بالبورصه الكويتيه

شوف بيان لازقه لزق بالمخازن تقولها يا انتي يا انا

الاهليه عليها العوض ومنها العوض .. دش عليها ليم تشوف السهم قاعد يتخامطونه بمئات الالاف ..يعني مو عشرة الالاف سهم والخ الخ
وهذا يمكن بعد اسبوع شهر او سته شهور ! ما يندرى عنها

اصول ليلحين ما بعته

الاستثمارات ناطرين الربع ربحيتها وفي ناس تقول بتجنن

وبعدين دامك مسافر باجر شكو داش عرض

دير بالك ترى الفهلوي اشويات وحزت قومته من النوم بتصير ان شافنا قرقره ترى ابعاد حقي وانت سجن طلحه

 

[king_q8]

دير بالك من شرم الشيخ هذا اذا تبي تكمل تداولات بالبورصه الكويتيه

شوف بيان لازقه لزق بالمخازن تقولها يا انتي يا انا

الاهليه عليها العوض ومنها العوض .. دش عليها ليم تشوف السهم قاعد يتخامطونه بمئات الالاف ..يعني مو عشرة الالاف سهم والخ الخ
وهذا يمكن بعد اسبوع شهر او سته شهور ! ما يندرى عنها

اصول ليلحين ما بعته

الاستثمارات ناطرين الربع ربحيتها وفي ناس تقول بتجنن

وبعدين دامك مسافر باجر شكو داش عرض

دير بالك ترى الفهلوي اشويات وحزت قومته من النوم بتصير ان شافنا قرقره ترى ابعاد حقي وانت سجن طلحه

لا تخاف يايبله صينية ازبقتي من ايطاليا

 

[king_q8]

مرحبا

السلام عليكم ... شبيبه ... وشخبار السوق ؟؟