شركة الاتصلات الكويتية الثالثة ( فيفا ) الجزء 6

[فهد123]

لماذا التأخير بالادراج يعني مو كافي سبع سنوات ما فيه ارباح ولا ادراج

 

[الجوكر444]

اعلان البورصة 23 . 12
بس كل شي جايز يمكن غيرو .

 

[Q8_POOS]

سؤال للاخوان جم سعر السهم بسوق الجت

 

[الجوكر444]

400 فلس

طلب بدون عرض

 

[البرغوث]

هل هذا التاريخ رسمي
لأن مجلس الإداره يقول ١٤-١٢
وموظفوا الدمج يقولون ٥-١٢

صحيح انا اليوم كنت متواجد وقالي الموظف 14-12-2014 تدرج بالسوق -- مبروكين

 

[الكوتي]

14/12/2014
ياخوفي سبب تحطيم السوق

هو دخولك ياوحش

 

[albostan]

السلام عليكم
سؤال يا جماعه أنا لما شريت أسهم فيفا لكل شخص 1000 سهم و عدد 6 أشخاص 6000 سهم و الآن لما حولتهم بإسمي عطوني 1644 سهم لعدد 6 أشخاص .
ألحين هل هذا صحيح و متى يرجع الفارق للمبلغ بحساسي

 

[Q8Q8]

السلام عليكم
سؤال يا جماعه أنا لما شريت أسهم فيفا لكل شخص 1000 سهم و عدد 6 أشخاص 6000 سهم و الآن لما حولتهم بإسمي عطوني 1644 سهم لعدد 6 أشخاص .
ألحين هل هذا صحيح و متى يرجع الفارق للمبلغ بحساسي

اخوى الغالى
تم تخصيص 274 سهم لكل طلب اكتتاب بألف سهم
وتم ارجاع الفرقيه في حسابات المكتتب بعد اصدار شهادات الاسهم
راجع حسابك في فترة الاكتتاب وان شاءالله تلاقيهم

 

[خليفة الفاروق]

أعلنت شركة الاتصالات الكويتية (فيفا) اليوم ان ادراج اسهمها في سوق الكويت للأوراق المالية (البورصة) سيتم في ال 14 من شهر ديسمبر المقبل.
وقال رئيس مجلس ادارة الشركة عادل الرومي في بيان صحافي اليوم إن عملية الإدراج خطوة مهمة واستراتيجية في مرحلة تطور الشركة مضيفا ان إدارة (فيفا) حرصت على الالتزام بجميع المتطلبات والمعايير القانونية والفنية اللازمة لإتمام عملية الإدراج.
وأوضح الرومي أن الشركة حرصت على الالتزام بجميع المتطلبات "بما يكسب الشركة ثقة مختلف شرائح مساهميها والمستثمرين وخصوصا فئة صغار المساهمين في السوق".
وذكر ان ادارة البورصة تراجع كل استعدادات الأطراف المرتبطة بالادراج من حيث اتخاذ الاحتياطات والاجراءات التي تضمن انجاز عملية ادراج سلسة.
وكان باب عملية دمج أسهم فيفا قد فتح في ال 19 من شهر اكتوبر الماضي حيث يستقبل سوق الكويت للأوراق المالية مساهمي الشركة يوميا من الساعة الواحدة بعد الظهر حتى الثالثة والنصف عصرا.

 

[q1888]

مبروووووووووك

 

[وايلي]

السلام عليكم
يا اخوان بالنسبة لمن يريد البيع هو واولادة وزوجتة
هل يحتاج يدمج الاسهم ولا يبيع عادي يجيب بطايق الاولاد ويبيع او لازم يدمجهم

 

[q8q822]

شباب الى دمج يصير من الاخوان حق بعض ولا لازم نلف للآب وبعدها للولد توكيل من البنك كافي

 

[علي 707]

السلام عليكم
انا عندي شهاده انا وزوجه والابناء
في ورقة الاكتتاب طالب دمج الاسهم بسمي
لاكن مادمجوها
لو اروح البورصه بورقة الاكتتاب هل يدمجونها بدون توكيل من الزوجه

واذا في رقم تلفون للاستفسار احد يعرفه

 

[سعد ناصر]

وعليكم السلام اخوي علي ،،
هذا رابط بموقع المقاصة يبين كم عدد الاسهم اللي لك وراح يبين وياك كم شخص من عدد الاسهم،، http://www.maqasa.com/viva_a.aspx
اذا مافتح الرابط وياك دش موقع المقاصة وتلقى اللي قلتلك

 

[الأبطح]

اخواني انا عندي وكالة عامة من الوالد الله يحفظه
واريد دمج اسهم الوالد واخواني وابناؤهم
باسمي
ماالمطلوب
واين مكان الدمج
ولكم كل الشكر

 

[بوعبدالوهاب]

يصير الدمج بين الاخوان مباشرة؟؟

 

[q_kush]

السلام عليكم

بخصوص أسهم فيفا

جم تتوقعون يوصل السهم أول ايام ؟

يوصل 600-700 فلس ؟

باقي 12 يوم

أتمنى الأخوان يعطونا توقعات للسهم الواحد

 

[مضارب بورصوي]

الدمج يصير بين الأخوان على طول انا امس دامج من اسامي اخواني الى اسمي على طول

 

[q_kush]

ناطر جوابكم بخصوص توقعات سهم فيفا

اذا بسوق الجت 400 فلس

هل راح يوصل فوق ال500 فلس اذا ادرجوه بعد 11 يوم ؟


فيدونا شباب

 

[هاوي بورصه ٧٧]

اتوقع اول مايدرج بالسوق من 400 الي 450 ثم راح يرفعون السهم
لين يوصل 600 او 650 ثم يبدي العد التنازلي والله اعلم