للبيع مزارع في (( العبدلي )) مساحة 16 إلف بسعر 35 إلف

[بو بـدر]

نصيحة لكل الاخوان الذين قرأو الموضوع او من ردوا عليه

صحيح اني ما أشارك في المنتدي ولكني متابع جيد

ولكن نصيحه لكل من ينوي شراء مزرعة أن تكون صادره بها وثيقه من الهيئه

يا اخوان ما تدرون المعاناة من هذه العمليه الخطره!! واذا صار شي ورحت تشتكي بالهيئه يقولون لك مالك شي عندنا والبيعه غير قانونية..وحتي المحاكم ماراح تعترف بالشكوي .. لأنه مافيه عقد ترخيص مزرعه بين المالك والهيئه!

يا اخوان اخذوا النصيحه من شخص جرب وعاش هالمعاناة..لا تتورط في شي ماراح يكون ملكك..واذا صار ما صار والله راح تاكل هوا
مثل ما قتلكم باب المحاكم راح يكون مسكر، واللي يقولك البيعه تتم عن طريق محامي انا مستعد اتحداه واتحدي المحامي اللي يعرفه اذا البيعه كانت قانونية..مافيه بيعه قانونية تتم طالما مافيه عقد بينك وبين الدولة..واللي مو مصدقني نصيحه خل يروح الهيئة ويقرأ أي عقد أو ترخيص باستغلال مزرعه..ومو قصدي اخرب على راعي الموضوع لا والله حشا بس مثل ما قتلكم انا شخص عشت هذي المعاناة.

الله يجزاك خير على نصيحتك

 

[wiiner]

بس السعر غالي ،، لو قلنا 36 الف x 10 اشخاص = 360 الف ،، اشتري مزعتين اذا مو ثلاث ،

اخوي اذا اجيب لك 10 اخوان يشترون المزرعه 100 الف متر بشرط مزروعه تبيع 135000 الف .

انا ما اشكك فيك ، لكن حدث العاقل بما يعقل

وتقبل خالص تحياتي

 

[محمد الحبشي]

بس السعر غالي ،، لو قلنا 36 الف x 10 اشخاص = 360 الف ،، اشتري مزعتين اذا مو ثلاث ،

اخوي اذا اجيب لك 10 اخوان يشترون المزرعه 100 الف متر بشرط مزروعه تبيع 135000 الف .

انا ما اشكك فيك ، لكن حدث العاقل بما يعقل

وتقبل خالص تحياتي

حياك الله اخوي اظاهر الفكره ما وصلت لكم عدل .

مزرعه مساحتها 16,500 الف متر مربع بسعر 36 الف دينار كويتي

مو ارخص من جاخور في كبد مساحة 1200 متر بسعر 45 و 50 و يوصل 60 الف بعد ؟!

و بعدين المزارع المساحات صغيره في العبدلي في طلبات عديده عليها و ماكو عرض و هذا الي خلى الاسعار ترتفع . و تقدر تروح العبدلي بنفسك و تدش مزرعه مزرعه و تشوف الاسعار .

مع العلم ان المزرعه الصغيره كل ما كان حجمها صغير سعر المتر فيها يصير اغلى من المزرعه الكبيره لان تصريفها يكون سهل و الكل يقدر يشتريها اما المزارع الكبيره احجامها كبيره و مترها اقل مما يزيد من سعرها في السوق .

اتمنى الفكره وصلت و موفق خير

 

[wiiner]

الفكرة واصله ............ ب لسعر نوعا ستغلال ، لأن الجواخير بوسط لديرة ما فيها مقارنه مع مزارع العبدلي .

الشاهد عندك ارض 100000 الف متر وتتسجل باسم 10 شخاص وبسعر 130000 الف وتحت ، انا جاد بالمشترى .

 

[محمد الحبشي]

الفكرة واصله ............ ب لسعر نوعا ستغلال ، لأن الجواخير بوسط لديرة ما فيها مقارنه مع مزارع العبدلي .

الشاهد عندك ارض 100000 الف متر وتتسجل باسم 10 شخاص وبسعر 130000 الف وتحت ، انا جاد بالمشترى .

اخوي الكريم ... يمكن انت تفضل الجواخير على العبدلي بس صدقني غيرك يفضل العبدلي على الجواخير و خصوصا اصحاب الهوايات و اصحاب الحلال .

انصحك تروح العبدلي و تشوف اشلون صارت عقب الفرز .... و الله زحمه جنك قاعد في مدينه سكنية مو في وسط المزارع .

ثالثا العمران جاي حق العبدلي مثل الجمعيه الي قاعد يبنونها في القشعانية بمساحة 5000 الالف متر مربع و مركز ترفيهي للاطفال و خدمات حكومية من بريد و مواصلاة و المخازن الي راح تصير بين الكويت و العراق و امس حاطين خبرها في الجرايد .. يعني العبدلي راح تكون حركه صيف و شتاء .

على العموم اذا فعلا مثل ما تقول انت جاد في الشراء اتصل على اخوي بو صالح و تفاهم وياه لان عروض المزارع و تفاصيلها كامله عنده و انا وجودي في المنتدى اهنية مجرد عمل دعاية و تسويق للمزارع

موفق خير انشالله

 

[wiiner]

بارك الله فيك .........وفعلا انا جاد بالشراء

 

[khaled_y]

سؤال لو سمحت .. تقسيمة المزرعة شلون راح تكون؟ مثلا اذا في المزرعة بير ارتوازي وتبي تقسمها على اكثر من اثنين شلون؟ واذا كانو عشرة شلون؟ ..طيب اذا عشرة شلون راح تقسم الموقع اكيد على الاقل بيكون مواقع داخل المزرعة تختلف عن بعضها ....نبي شرح عن التقسيم لو سمحت