فكر تربح 15% .. لا تفكر تربح 50% !!!

[rahaly]

لو لاحظتوا ما حققته الصناديق في الفتره الاخيره .. شئ جميل جدا ..

بدون تعديد وتحديد للصناديق بعضها حقق 50% في نصف سنه فقط ..
يعني 100% سنويا .

يعني كم تتوقع انك تحقق في السوق؟؟

يعني تفكير وحرق اعصاب وسهم نازل وصاعد .. يصعد الضغط معاه .. النتيجه اخر السنه .. 15% ؟؟ 20% ؟؟ .. 30%؟؟

والله ما تسوه .. لو حققلك الصندوق 30% .. أحسن بالف مره من اللي ان تحققه مهما بلغ مقداره .. ولا تنسى مخاطر الصناديق اقل بكثييير من مخاطر تداول الفرد ..

نام وارتاااااح وخلي مديري الصناديق هم اللي يفكرون عنك ..

يعني انت تدفع ومرتاح وهم يفكرون ويربحونك ..

مو احسن من تفكر وانت شقيان .. لا .. وهم خسران !!!!!

فكر ..


تحياتي

رحالي

 

[ربحت]

انت صح

 

[LONG TERM]

المخازن

يا خوي رحالي تعطيك 120%

وانا حاسبها ..........


4 دنانير قريبا 5 رمضان 6 العيد عيدين 7 عيد الاضحى 8 قبل اعلان الارباح 9 قبل التوزيع 10 بعد ما يغيرون سستم البورصه علشان يستوعبها

 

[zgombi]

انا خلال 11 شهر حققت اكثر من 350% من راس مالي ومن اربع صفقات بس .

فليش احط فلوسي بصندوق واقعد اطالع ؟؟؟؟

انا احب الحركة واحب احس بالربح والخسارة من صنع ايدي .

والله يوفقكم وخلوا شعاركم دايما :


فاز باللذات من كان جسورا ...... ويموت بالحسرة كل جبان.

 

[البواردي]

الحين صارت الـ30% ما تسوى يا رحالي ؟؟؟

السلام عليكم
يا اخوي يا رحالي انت كلامك صحيح 300% بس شلون تقول عن نسبة 30% مو شي ولا تسوى بالعلم انت الكل بالسوق عنده يقين ان اذا استثمر فلوسه باي سهم من الاسهم حتى لو النخيل اللي ما اشتغلت بعد راح ياخذ بنهاية السنه فلوسه دبل .... تدري ليش لان الحمد لله الكويت لي الحين بخير والخير بقبال

الصناديق والمحافظ زينه بس اللي عنده فلوس وجدام عيونه بالبورصه واهو اللي قاعد يبيع ويشتري واهو اللي قاعد يخسر ويربح بكون مرتاح اكثر وفلوسه جدام عينه باي وقت يسيل


عموماً فكرتك ممتازه بس همن الـ20 و 30% ممتاااااااااازه



ولا تنسى حلات السوق بحراق الاعصاب وشرب عصير الجزر البارد :d


موفقين خير

 

[rahaly]

وأنا بعد وياكم :d

لاحظوا يا جماعة ان الكل يتكلم عن المضاربة بنفسة !!!

وانا شخصيا في السوق الامريكي 16 سنه وشلت فكرة الربح من عشر سنوات وصرت مضارب من اجل المضاربة ..
بل صارت هوايتي المضاربة .. بالسفر وبالحضر احلى شي عندي الشاشة ..

يعني في هوايات : حداق .. قنص .. هشتك بشتك ......

حنا صارت هوايتنا المضاربة ..

أثبتلك؟؟

لو توقعت تحقق 300% في سنه .. وشفت شركة تقولك انا احققلك 300% ..

شرط .. شرط ترفض ..
تدري ليش لانك مثلي .. صرت مدمن أسهم :d

صدقني ما تقدر تترك فكرة الاسهم ..

اعرف واحد مليونير ( من العقارات والتجارة) .. 25 سنه في الاسهم وكله خسران .. يحط من اللحم الحي في البورصة ..

ليش؟؟

لان مثلي ومثلك .. مدمن أسهم..

وسلامتكم

تحياتي

رحالي

 

[STOCKER]

انا خلال 11 شهر حققت اكثر من 350% من راس مالي ومن اربع صفقات بس .

فليش احط فلوسي بصندوق واقعد اطالع ؟؟؟؟

انا احب الحركة واحب احس بالربح والخسارة من صنع ايدي .

والله يوفقكم وخلوا شعاركم دايما :


فاز باللذات من كان جسورا ...... ويموت بالحسرة كل جبان.

قويه قويه ودي اصدق

 

[rahaly]

قويه قويه ودي اصدق

صراحة توي الاحظ 350% !!!

الله يرزق أكثر وأكثر .. بس ما تعتقد 350% واسعة شوية؟؟
شوية يعني؟؟

 

[Day_trading]

ليش قوية 350%
ماشالله حنى بشارعنا بس يمكن 4 شيبان شارين المخازن على 100 فلس وصله 6.950 ولا باعو الشايب الله يطول بعمرة شارى المخازن على 320 فلس ووصلت الى 6.950 ولاباع مع عندة فيها كمية اما ان ربح 350% واجد لا والله مو واجد بالنسبة للطفرة اللى فاتت انا احد زملائي شارى سلطان والوطنية العقارية آجل تعرف متى قفل العقد بعد ثمان ايام حد اعلى يوم العقد ابو 3 مليار نزل الخبر الخميس الاسبوع كله حد اعلى والاسبوع اللى وراة باعوله يوم الاثنين
انا فى بداية تداولى فى البورصة الامريكية شريت 250 الف سهم من plkc على سنت ونص بعتهم على 12.5 يعني ربح تقريبا 1000% تقريبا​

 

[بو زعلان]

هنيئا للجميع

المهم
الحمد لله على كل نعمة كانت أو هي كائنة

 

[ربحت]

الاخ رحالى طرح تساؤل لمعرفة الوسيله الاجدى للاستثمار هل هى مع الصناديق او عن طريق التداول المباشر..؟؟

فلو اتفقنا على ان العائد السنوى من الصندوق 15 % بينما التداول المباشر يحقق 35%..!!!

وبما ان السوق الكويتى لايحكمه تحليل او دراسه ( عادتا) ويوم طالع وعشره نازل ومما يترتب على ذالك ارهاق نفسى وذهنى كبير للمتداولين..!!!

ولذالك...فالرأى المنطقى يقول أكتفى بربح الصندوق 15% أما ال20% التى لم أحققها أنا وحققها غيرى فأنا متنازل عنها ضريبة الراحه النفسيه والذهنيه..!!

وعليه فالمعادله تقول..التداول المباشر + 35% ربح = تعب نفسى وذهنى ( ناهيك عن المشاكل الاخرى)

وبالمقابل..التداول عن طريق الصندوق + 15% ربح= راحه نفسيه ( ناهيك عن الايجابيات الاخرى)

 

[rahaly]

شكرا الاخ زين .. فهمت عين المقصود ..

الاخ دي تريدنغ ..

أنا لا أقول انه لا يمكن تحقيق عوائد كبيرة كما ذكرت انت ..

لكن يا صاحبي .. الذي ذكرته كان استثناءات غير متوقعة وغير مدروسة نهائيا (بالنسبة للمتعاملين) ..
يعني مين يعرف ان المخازن في يوم بتوقع العقد..؟؟

ونحن نتكلم هنا عن السوق الكويتي .. اما السوق الامريكي الذي ربحت فيه 1000% من بيني ستوك شوف كم واحد فلس من وراه ...

أما الفكرة .. ان سوق الكويت وهو غير مستقر ولا تنفع فيه التحاليلات فيكون الاسشتثمار فيه بواسطة الصناديق اريح واضمن واجدى وانفع ....

واليك خير برهان .. ما حققته الصناديق من اول السنة فقط :
(منشور جريدة الوطن يوم الاربعاء الماضي صفحة 32) :

صندوق ايفا الاستثماري 59.10%
صندوق المركز 51.40%
صندوق الوطنية الاستثماري 47.30%
صندوق جلوبال المحلي 45%

ويوجد 14 صندوق اخري اقلها محقق 16% ..

يا جماعة خلونا نكون منطقيين ..
صندوق يحققلك 15-35% .. بدون متابعة السوق وبدون عوار راس وبدون قال وقيل .. بالذمة اليس افضل من 50% تحققها بالمضاربة والمتابعة اليومية والمخاطر .. لا تنسى المخاطر

خذ مثلا انا اشتريت جيزان ب 990 بعته ب 455 !!!

يعني تربح في 5 اسهم .. سهم واحد يطير كل الارباح بالنزول ..

خذ مثلا نزول اعيان .. وغيرها وغيرها ..

وتبقى المسألة مسألة قناعات فردية ..

وشكرا للجميع


تحياتي

رحالي

 

[rahaly]

ها اخواني ...

مو قلتلكم المحافظ ابرك ؟؟

شرايكم؟؟

تحياتي


رحالي

 

[alajmiktv]

س / ما هي افضل الصناديق للإستثمار ؟؟ وتتبع لأي شركة او بنك ؟؟

عطهم الفلوووس ورتاح من البوورصة والنت والمؤشرنت

 

[rahaly]

اسمحلي يا العجمي اي صندوق اي صندوق اكييييييد احسن من البورصة..

حط فلوسك بالشمس واقعد بالظلال

 

[SpeciaL 1]

شوفوا يا جماعة الخير
آنا من دخلت السوق وآنا خسران وأرق وعيوني بتطلع من كثر ما أقابل الشاشة.. ونفسيتي صايره كلش.. وبس أحذف بهالماوس كلما نزل سهم.. فعليكم الحسبه كم ماوس راح فوق خسارتي؟؟
ففكرة حلوه هالصناديق
ونفس ما قال البواردي في موضوع ثاني
ببيعهااااااااااااااااااااا​

 

[adnan]

آراء وأفكار ونصائح حلوه وممتازة 00 لكن المثل يقول كل من ينام على الينب (الجنب) اللي يريحه 00 اكل على ما تشتهي والبس على ما يشتهون الناس00 ليس انتقادا ولكن من الصعب اقناع الغير00 والسلام

 

[Messenger]

الأخ رحالي بارك الله فيك
موضوع جيد
لكن اتمني لو نتابع اداء الصناديق اول بأول
اسبوعيا وشهريا علشان نتعرف علي ادائهم بدقة ومن ثم نقارنه بمؤشر البورصة
يا ليت يكون عندنا موضوع مثبت فوق لأداء الصناديق

 

[متابع قديم]

الموضوع هذا يطلع كل ما يصير السوق احمر

ومن بداية ارتفاع السوق من شهر اغسطس وسبتمر افتقدنا هالمووضوع

واذا ينزل السوق يطلع فوق مره ثانيه على الصفحه الاولى

بلا صناديق ..واشترو بقطاع البنوك تسلمون مثال



لو فيكم احد شاري من بداية هذا الموضوع في 6\7 \ 2005 سهم
الوطني كان 1540 فلس والان 2040 فلس بزياده ربح 25 %

لا تفكر تربح فقط 15 وخلال 3 شهور

واذا انت مطوع او متدين اشتري التمويل كان في نفس التاريخ بسعر 1660 واليوم هو سعره دينارين
يعني كان طلعت بربح 17 % ايضا اكبر من ال 15 % وخلال فقط 3 شهور

ووفي ناس بالمنتدي تنصح ولكن الناس تلهث اكثر ورى السعي والطمع اليومي

وبلا صناديق واحنا لو عندنا عقل نفكر فيه اشوي

 

[rahaly]

حبيبي متابع قديم .. اولا اللي طلع الموضوع واحد عنده اهتمام فيه .. مو انا

اما قصة صعود السهم الفلاني والعلاني ..!!

كلها احتمالات .. يعني لو العالم تعرف ان الوطني بيصعد هالنسبة ما كان شروا سهم في السوق الا الوطني


فكلها احتمالات .. لكن الصناديق كانت ولا زالت ارباحها مضمونة ..
بس تختلف نسبها من صندوق لاخر.


ولا تنسى ان الصناديق والمحافظ(وهي تساهم فالصناديق) هي التي تقود السوق ..

يعني ربحانبن ربحانين.. صح؟؟؟



تحياتي


رحالي