برفع قضية على فيفا وأتمنى الإفاده من أخواني

[nsm]

على فكرة انا شكوى مرتين عن طريق الهاتف ومره بالفرع ولا ردوا على
وسويت شكوى عن طريق الاتصال في هيئة الاتصالات وتقنية المعلومات اللي هي مختصة في ﺷﻜﺎﻭﻱ شركات الاتصالات مو حماية المستهلك الكلام هذا من قبل رمضان والى الان لم يتم الرد
طبعاً يا جماعة الموضوع مو مسالة مادة الموضوع انه يأخذون مني رسوم واشتراك في شئ انا لم اطلبه ويدعون باني انا اللي مشترك وإجباري ادفع بعد يعني بوق مني غصب واذا لم ادفع تعرفون شنو الإجراءات منع سفر وغيره
المهم اللي يعرف له محامي يتبنى هذي القضية يدلني عليه ياجماعه

 

[بوعنتر]

للاسف فى الدول المحترمه المستهلك معاه حق
ولكن عندنا الشركه معها حق
ودائما انت الموزين المستهلك الغير فاهم
المستهلك الذي لايعرف مصلحته
وانت غلطان مهما كان

قبل كم سنه اخذت خط من شركة اتصال بعرض ونص العرض ان صلاحية الخط مدى الحياه
بعد فتره بكيفهم فرضو على تعبئه كل 6 شهور حتى نعلم انك تريد الخط طبعا هذا تأليف على مخ الزبون
بعدين فرضو على كل شهر 5 دنانير بحجة وزاره المواصلات هي التي فرضت

عند المطالبات الشعبيه قروض رواتب اشياء للمواطن تطنطن وسائل الاعلام بجمله
وين اكو دوله بالعالم اتسوي جذي
وين اكو بالعالم اسقاط قروض
وين بالعالم تقاعد مبكر
وين بالعالم ...الخ


ان الان اتسائل وين بالعالم جهة حكوميه تطلب من شركة اخذي فلوس من الزبون واحنا وياج

مسكين انت يامستهلك

عندما تطالب فالعالم ضدك
وعندما مطلوب ايضا العالم ضدك



هل تعلمون لماذا يحصل هذا
لآننا لسنا اخوه ولا ننصر الضعيف
اذا شركه مهما كانت ظلمت اخ لك بالانسانيه ولم ينتصر له المجتمع فعليك ان تعلم ان غدا ياتي الدور على الجميع !!!

 

[سوق الاوراق]

بدش بالموضوع مباشره , إشتركت بخدمة النت بعقد من شركة فيفا قبل لايحددون نسبة الإستخدام اليومي ب 2 جيجا وإذا تجاوزتها يصبح النت بسرعة السلحفات , ولم يضعو بالعقد النسبه اليوميه للإستخدام على الأقل ليفاضل العميل ويفكر قبل أن يشترك من عدمه , وهذا إستخفاف ولعب على العملاء
, ويوم تحدثت مع خدمة العملاء لألغي الإشتراك قالي إدفع الشرط الجزائي
قلت له من اللي يدفع المفروض أنه ولا إنتو لإخلالكم بالعقد , السؤال من أخواني أصحاب الإختصاص , أن يفيدوني قبل أن أرفع قضيه , هل موقفي القانوني سليم وهذا الإفاده لي وللأخوان جيعا ممن من المتضررين

السلام عليكم
مشكلة كبيرة وخطيرة جدا ....... الناس تفكر بان الموضوع بسيط ومايدرون بان تلك الشركات تحقق الملايين ،
المؤسف بانك لو تشتكي ماحد يسمع لك ولا احد يقدر يسويلك شي وراح يطالعونك ويبققون عيونهم فيك ويستخفون بالموضوع .
تدري شركات فيفا حققت الملايين بعملية بسيطة جدا ..... ( تغيير موعد الفواتير لبداية الشهر ) اشفطو الملايين بدون وجه حق وجميع الجهات الرسمية ما ادري يدرون او ما يدرون او مطنشين او مو فاهمين شغلهم .
ما ادري شنوالحل لتطهير الديرة وانقاذها .

 

[رابح رابح]

بدش بالموضوع مباشره , إشتركت بخدمة النت بعقد من شركة فيفا قبل لايحددون نسبة الإستخدام اليومي ب 2 جيجا وإذا تجاوزتها يصبح النت بسرعة السلحفات , ولم يضعو بالعقد النسبه اليوميه للإستخدام على الأقل ليفاضل العميل ويفكر قبل أن يشترك من عدمه , وهذا إستخفاف ولعب على العملاء
, ويوم تحدثت مع خدمة العملاء لألغي الإشتراك قالي إدفع الشرط الجزائي
قلت له من اللي يدفع المفروض أنه ولا إنتو لإخلالكم بالعقد , السؤال من أخواني أصحاب الإختصاص , أن يفيدوني قبل أن أرفع قضيه , هل موقفي القانوني سليم وهذا الإفاده لي وللأخوان جيعا ممن من المتضررين

اخوي بوخليفة اذا بتقاضي الشركة لازم يكون عندك اثبات على ضعف خدمة الانترنت

ونصيحتي لاتعور راسك المحاكم طوالة وبتدفع فلوس اكثر من اللي بتكسبة وكل شركات الاتصالات خدمتهم سيئة نفس بعض عندهم كود محامين
ثقافة عربية معتادة (الاستغلال)

.. احيانا يكون التغافل نعمة
اذا ماعندك محامي يشتغل عندك .. حاول تتناسى لان المبلغ مايستاهل عوار الراس والتقاضي وضياع وقتك

 

[السعد محمد]

اكسر جام المحل وقول اسف مو قصدي

 

[nsm]

اخوي بوخليفة اذا بتقاضي الشركة لازم يكون عندك اثبات على ضعف خدمة الانترنت

ونصيحتي لاتعور راسك المحاكم طوالة وبتدفع فلوس اكثر من اللي بتكسبة وكل شركات الاتصالات خدمتهم سيئة نفس بعض عندهم كود محامين
ثقافة عربية معتادة (الاستغلال)

.. احيانا يكون التغافل نعمة
اذا ماعندك محامي يشتغل عندك .. حاول تتناسى لان المبلغ مايستاهل عوار الراس والتقاضي وضياع وقتك

للأسف هذي مشكلتنا (لا تعور رأسك والمبلغ ما يستاهل)
هذا اللي يبونه منا هالكلام علشان يبوقون على راحتهم
ابي محامي يتبنى الموضوع
ياجماعه الاغلبيه قاعده تنزل عليهم فواتير بدون علمهم
وعلى فكره المحامي اذا شاطر راح يأخذ أتعابه وزياده
من هالشركات
وعموم شركات الاتصالات مالها حق تزيد او تضيف خدمه من غير موافقة العميل
شنو تضيف خدمة بدون ما تحط بياناتك او بدون أخذ موافقتك
يا جماعة هذا بوق علني عيني عينك
لا وغصب تدفع بعد ولا يقطعون خطك ويحطون عليك منع سفر
الخلاصة
ابي محامي كفو يفعلها ويجيب حقي وحق غيري

 

[السعد محمد]

للأسف هذي مشكلتنا (لا تعور رأسك والمبلغ ما يستاهل)
هذا اللي يبونه منا هالكلام علشان يبوقون على راحتهم
ابي محامي يتبنى الموضوع
ياجماعه الاغلبيه قاعده تنزل عليهم فواتير بدون علمهم
وعلى فكره المحامي اذا شاطر راح يأخذ أتعابه وزياده
من هالشركات
وعموم شركات الاتصالات مالها حق تزيد او تضيف خدمه من غير موافقة العميل
شنو تضيف خدمة بدون ما تحط بياناتك او بدون أخذ موافقتك
يا جماعة هذا بوق علني عيني عينك
لا وغصب تدفع بعد ولا يقطعون خطك ويحطون عليك منع سفر
الخلاصة
ابي محامي كفو يفعلها ويجيب حقي وحق غيري

نصيحة لا تعب نفسك
اذا عندك فؤائد ربوية ومستحرمها ادفعها لهم

 

[nsm]

نصيحة لا تعب نفسك
اذا عندك فؤائد ربوية ومستحرمها ادفعها لهم

الله يبعدنا عن الربا وفوائده

 

[خالد يوسف]

شركات الهواتف الجوالة لها عقود لمصلحة الشركة
اما مصلحة العميل فقط الدفع مع التحذير وطباعة البنود
والقوانين والمحاذير بخط صغير جدا تستعمل المكبر لتقرئة
فتوقع العقد بسرعة وشرح جذاب وجميل وخدمة وسرعة
والى ماذلك ونفس الشي شركات التامين وشركات السيارات وغيرها من الشركات وتوقع وعندهم دائرة كاملة قانونية لحماية الشركة ووضع البنود .
وشركات الهواتف تبيع خطوط الاتصالات بسرعة معينة
وعلى شبكة تحمل لعدد معين من المشتركين ولكن الشركة تبيع فوق العدد المعين وبذلك تنقطع الخطوط وتقل السرعة وتتعطل الخطوط اكثر الاوقات لانه ضغط عالي من المستخدمين والشبكة تتحمل عدد اقل.
مثلا الشبكة تتحمل عشرة الاف خط فقط وتعطيك كل شي ممتاز وبدون انقطاع ولكن يزيدون عليها الى اربعة الاف خط
فيزيد وتنقطع الاتصالات وتقل سرعة الانترنت.
طبعا انت فى دول العالم الثالث تجاوز فى كل شي
ولا احد معاك فى القوانين .
ومع الاسف يدير هذه الشركات ابناء البلد ومصلحته فوق كل اعتبار الكرسي والراتب المغري والامتيازات.
وحتى موظفي ومسؤولي بالحكومة لن تجد صدى او اذن
صاغية او ضمير .
الله يكون بعون الجميع

 

[adel8877]

سويت عقد مع شركة زين لمدة سنتين يقيمة 22 دينار شهري مع جهاز . ومن انتهى العقد لا بلغوني ولا شي راحوا نزلوا على 33 دينار شهري ومن كلمتهم قالوا بالعقد مكتوب ان الشركة ما تنبهك بأنتهاء العقد وشنو الحل قال لي ادفع وانت ساكت . يا جماعة اللي عنده عقد يتصل عليهم ويعرف متى ينتهي عقده لأنهم يطالبونك بالفلس ومسجات على فلوسهم .

 

[رابح رابح]

للأسف هذي مشكلتنا (لا تعور رأسك والمبلغ ما يستاهل)
هذا اللي يبونه منا هالكلام علشان يبوقون على راحتهم
ابي محامي يتبنى الموضوع
ياجماعه الاغلبيه قاعده تنزل عليهم فواتير بدون علمهم
وعلى فكره المحامي اذا شاطر راح يأخذ أتعابه وزياده
من هالشركات
وعموم شركات الاتصالات مالها حق تزيد او تضيف خدمه من غير موافقة العميل
شنو تضيف خدمة بدون ما تحط بياناتك او بدون أخذ موافقتك
يا جماعة هذا بوق علني عيني عينك
لا وغصب تدفع بعد ولا يقطعون خطك ويحطون عليك منع سفر
الخلاصة
ابي محامي كفو يفعلها ويجيب حقي وحق غيري

الله يوفقك روح ولا تتردد
المحامين المشهورين مكودين
.. حط ايدك على مخباتك وادفع يدعون لك المحاميين

هذا قانون مافيه محامي كفو ومرجلة يعتمد على البينة والادلة والأحكام
ولاتنسى بعد سنتين تعلمنا النتيجة