المهذب جدا.............سؤال خاص جدا!!!!!!!!!!!!!!!!

الأخ مهذب جدا ، أنا حديث عهد بهذا المنتدى الرائع ، ولا أخفيك سرا أني وجدت فيه ضالتي ، معلومات مهمه ، ونصح وتوصيات طيبه ،
ومعجب جدا بطرحك ومشاركاتك .
وأود منك_فضلا لا أمرا_ ابداء النصيحة لي حيث أنني أملك عقارا له مردود شهري طيب هل أبيعه وأطقطق في البورصة مثل العالم ويكون الدخل الشهري أحسن .........................................
وتفضل بقبول فائق التحية والاحترام

 

.

شهالإحراج ؟

الصراحة ؛ ما أحد يقدر يجاوب هالسؤال!

إسمع : سهم المجموعة الدولية الآن قول 600 فلس ؛ ولو تاخذه اللحين ؛ العام القادم يمكن يكون 1.400 دينار ؛ بإمكانك الإستثمار بهالسهم.

إستخير الله!

و وخر عن المضاربة كثر ما تقدر!

.

 

صج احراج ... الله يعينك ... لاتنسى انت اخونا الكبير وستفدنا من توصياتك الحلوة

الله يحفظك

 

إذا يسمحلي أخوى مهذب جدا بأن أعرض وجهة نظري لأن هناك شيء شد إنتباهي في طلب الأخر الأميير

أخوي الأميير .. نشاطي الأساسي العقار و توني توجهت للبورصة فقط من أشهر قليلة، بصراحة ما بعت العقار إلي عندي لكي أدخل السوق وإنما حجزت رأس مال لا بأس به من عائد الإيجار و بدات أطقطق في البورصة والحمدلله لازال لدي عائد الإيجار والبورصة لحد الآن ماشية معاي الربح والحمدلله أكثر من الخسارة

نصيحة العقار لا تفرط فيه

 

اول شئ استأذن استاذنا الكبير المهذب بأن اعطي رأي متواضع...

اخي الاميير المحترم...

انا ما اوافقك الرأي بأنك تبيع عقارك حسب ما فهمت من موضوعك! لان ان بعت عقارك وشريت فيه اسهم وتكون مستثمر او مضارب فأن العملية تقريبا واحدة، لاسمح الله صارت هزه سياسية او ما شابه من ذلك يؤثر على حركة الاسهم بالسلب، انت شنو راح تسوي بعد مابعت عقارك وشريت اسهم بفلوس عقارك؟ فكر عدل قبل ان تبيع عقارك وتشتري اسهم!

وهذا مجرد رأي خاص والامر راجع لك اخي الاميير، وربي يوفق الجميع

 

.

إللي قالوه الشباب أهو الصح!

الصراحة أنا خفت إنك تتحسف لما أسعار بعضالأسهم تدبل!

ولا ينصح ببيع العقار!

إستغل الإيجارات!

بعدين دخله - ماشاء الله - ثابت و مافيه هزات و نكبات مثل البورصة!

.

 

أخوي الفاظل

شيء مظمون أفظل من شيء غير مظمون.

جميعنا يثق بالأخ الكريم المهذب جدا

و لكن ي شيء .. سواء كان اشاعه .. اخبار سيئة .. تغييرات سياسية .. ازمات .. و هلم و جر ..

هناك الكثير من الأشياء الغير مضمونه بالبورصة.

العقار اظمن شيء

اذا ودك تدش البورصة .. اخذلك قرض و سدده بفلوس العقار

يكون وايد اهون من انك تبيع العقار

و شكرا

اخوك أحمد بورصة

 

اسمحولى ابى اشارك لان هذا الموضوع من قبل اسبوع صار نقاش فى الدوانيه ناس ايده البورصه فى واحد قال كلام وعجبنين قال انا كان عندى عقار قيمته 400 الف والدخل فى الشهر 4000 دينار يقول بعت العقار ودشيت البورصه يقول خلال سنه ربحت 100 الف احسن من العقار الف مره انا اقول العقار امن بس البورصه ربح اكثر

 

لا لا لا

السلام عليكم جميعا ..

يا الاميير انا مع راي اخوي احمد بورصة لا والف لا تبيع العقار

قليل دائم ولا كثير منقطع ... العقار فيه مردود شهري زائد سعر

العقار يزيد سنة عن سنة ... الله ابارك في حلالك ...


اخوك بو عبدالله

 

اسمحولي يا اخوان اني ابدي رأيي الشخصي وهو بيع العقار و ادخل في الاسهم القياديه امثال البنك الوطني والخليج والكيبلات والهواتف مع الاتصالات بالاضافه الصناعات هذي اسهم (بلو شيب) يعني العائد مالهم أكثر من العقار واي هزه بسوق الاسهم ماراح يتأثرون .....
اذا بيع العقار وادخل بالسوق ترى أصحاب الملايين ما سووها اللى بالاسهم....

واسف على الاطاله.....

 

كلامك عدل

بس لاتنسى ان عائد العقار موضون وثابت وهو يختلف عن عائد الاسهم

فالاسهم عائدها يكون....اما البيع بربح او الانتظار لغاية انتهاء السنه للتوزيعات

وعند التوزيعات انت وحظك يالسهم يكون صاعد عندك او يكون نازل عليك

 

ليسمح لي استاذي العزيز مهذب جدا بالرد على هذا الموضوع

انت عندك والحمد لله ارباح تشغيلية ةتبي تحولهم (اذا ضبطت معاك) الى ارباح تقدر تقول غير تشغيلية .. كأنك تقول لو المخازن أو الهواتف تفتك من ارباحها التشغيلية وتدش بالاستثمار في الاسهم .... وهذا خطأ استثماري فادح .. المفروض يكون العكس صحيح .... المستثمر اللي يتداول بالاسهم يفترض عند وصوله الى ارباح معينة يستدخر منها في استثمار يدر عليه ارباح تشغيلية .. يعني لو تقولي ربحان من الاسهم 100 الف دينار اقولك طلع منهم 30 الف واشتر عقار مثلا في راس الخيمة والباقي 60 ألف تدش فيهم مرة ثانية بالبورصة وهكذا تدور العجلة ... وبعدين تلقى نفسك انك تملك صمام امان لراس مالك اللي داش فيه بالاسهم وهو العقار .. طبعا شراء العقار في راس الخيمة مجرد مثال لتقريب الفكرة ....

اذا تبي مدخول اخر مثل ما قال اخونا جعبر من انك توفر من ايرادات العقار مبلغ معين وتدش بالاسهم وتخلي هالمبلغ يكون راس مالك وتبنيه من هذا الاساس ...

بالتوفيق ان شاء الله

 

أحب ان أضيف

من الواضح عليك ياأخى الكريم بأنك حديث العهد بالبورصه

فنصيحتى لك...لاتدخل بكل ثقلك ومالك الان وأعتبر أول 6 شهور هى تجربه أشتر خلال هذه الفتره سهم او سهمين ومن ثم راقب السوق جيدا حتى تكتسب الخبره ومن ثم توكل على الله بعد الفتره المذكوره وقسم أسهمك مابين أستثمار ومضاربه

وبالتوفيق

 

خلك على المضمون

انا اقووووووووول دش البورصه بمردود العقار ولا تبيع
تري افضل تجار بالكويت العقار
والحين تقدر تاخذ كميات اسهم الىتبي بيوع مستقبليه وآجل
وتدفع بس 30% يعني ماتحتاج راس مال قوي
الله يوفقك..........

 

ليسمحلي الاخوان ان ادلي بدلوي في هذا الموضوع00 انا اقول البورصه بذن الله اربح من العقار اذا كان سهمك اللي راح تشتريه سهم مرتب وقوي ولا عليه كلام00ومثل الدار00والاتصلات 00 والهواتف00 وحتى المخازن لو تبي تنطر عليه ست سبع اشهر00 وفي بعض اسهم رخيصه واحتمال منيه لاخر السنا اتدوبل مثل العربيه العقاريه00 وانا اقولك اخوي وهذا رايي والقرار قرارك00 خل بنايتك عندك00 والايجارات ابجيبك00 وارهن عقارك نعم ارهن عقارك لو اهو يساوي اربعمية الف مثلن ارهنه ابميتين الف00 وكم راح يطلع القسط الفين علي خمس تعش سنا او اكثر او اقل00 عادي ولا راح اتأثر معاك اعتقد لان افلوس الايجارات راح تسددلك قيمة القرض00 وراح يكون عندك ميتين الف حطهم في سهمين او ثلاثه وبذن الله خلال سنتين او ثلاثه راح تسدد قيمة قرضك واتحرر عقارك 00 والقرار قراك وعسى الله يرشدك لما هو خير وصلاح لك00

 

اخواني اراؤكم أفادتني كثيرا .................. (ماخاب من استشارواستخار)...................
لكن بعد المقارنه والتمحيص قرار بيع العقار قرار مصيري وفيه مغامره كبيره بالنسبة لي ، والأقرب أني ساجمع الايجارات فتره ثم أدخل البورص ، أو آخذ قرض عن طريق التورق وخلي القسط من ظهر البيت ، وبذلك أحقق أمرين :
1- بقاء العقار عندي .
2- تحقق رغبتي بالدخول في سوق الأسهم.
.......................................................عطوني رايكم

 

مساك الله بالخير ؛ اخوي الامير نصيحة وانت حر ؛ لاتبيع عقارك ولاتاخذ قرض ؛ اذا عندك مال زايد عن الحاجة دش وتوكل على اللة ؛والا ابعد عن الداب واشجرتة وخلك على عقارك ابرك لك ؛وقليل دائم خير من كثير منقطع ؛؛ وعصفورة باليد خير من حبارى بالشجرة !!!

 

أنزين عندى سؤال

أذا كل واحد قرر ان يدخل البورصه من خلال فلوس زايده عنده وبدون الاقتراض

فهل تعتقد ان التداول اليومى والذى يصل لمئات الملايين هى عباره عن فلوس زايده عن الناس..؟؟؟!!!!

الاقتراض امر مطلوب خاصه اذا كنت لاتملك المال الكافى للتداول لكن المهم أختيار الشركات الصح ودراستها جيدا وكذالك البحث عن التوصيات المحترمه

أخذ مثال...لو أقترضت مبلغ 10 ألاف دينار على خمس سنوات وبفائده 3 ألاف دينار فهل من المستحيل ان أحقق ربح بسهم واحد محترم أشتريه وانساه هذه المده

هنا ضربت عصفورين بحجر واحد...اولا ضمنت التوفير (وهو صعب على كثير منا)

ثانيا حققت ربح على رأس المال

 

مساك الله بالخير اخي ربحت وعساك دايم ربحان ؛؛ مئات الملايين تملكها المحافظ والصناديق وليس اشخاص على قد الحال؛؛ثم الاقتراض ان سلمنا جدلا بجوازة فهو للحاجة وليس للمغامرة ؛؛ السلامة لا يعادلها شى اخوى ربحت !!!!

 

سؤال صعب جدا ........

وانا مريت بهذا الوضع.....سنة 2000 ميلادية

وانا انصح بالبيع فقط في حالة واحدة فقط وهو شراء سهم تاسيس يعني سهم بو 100 فلس وتصبر عليه وتأخذه عوائده اما ان دخلت بأسهم بسعر السوق اليوم ......فلا........زائد هل تضمن انك تربح في البورصة ....شوف اخوانك اللي خاسرين 50% و 60% من رأسمالهم .....وهم كثيرون

الحل فقط ان تدخل بسوق الاجل من عائد العقار......

والله ولي التوفيق،،،

اخوك فؤاد