فؤاد قال:
قصة سمعتها من جدتي الله يرحمها :رجل عاطل عن العمل ومتزوج .. حافي منتف....قالت له زوجته ياتمبل ليش ماتشتغل..قال وش اشتغل ما اعرف شئ ...قالت له روح حط عمامه على راسك ودور على البيوت وقول اعرف الغيب واطلع المفقود وكلام من هالنوع...بس شوف قولهم اسكن عندكم يومين واكل شارب ..وطرش لي من الاكل كل يوم 3 وجبات .....قام يدور في الشوارع نادوه اهل بيت مضيعين خاتم ثمين...المهم قربت تخلص المدة وهو متوهك قاعد في الحوش ومن القهر مرت يمه ديايه اذته قام حذفها بصخرة فماتت ...اهل البيت قالوا اكيد اللغز في الدياية شقوا بطنها والا اثاري بالعه الخاتم....افرحوا وكافئوه...قعد في البيت شهر ....طقا الفقر قالت له زوجته يالا روح اشتغل قالها يامره موكل مرة تسلم الجرة..ماكو فايدة راح صوب البحر والا ناس ساكنين بقصر عظيم وسمعوه نادوه علشان يقرا البخت لهم ..المهم طول السالفة جذب بجذب ..بعد يومين قرر يهرب تغافلهم وجان يهرب ...هم من شافوه انحاش قالوا اكيد فيه لغز هذا الرجل الصالح ما انحاش الا لسبب ..اخذوا عيالهم وانحاشوا وراه ..اشوي والا ذاك الزلزال الذي ضرب المنطقة قام هدم ذاك القصر العظيم الي كانوا ساكنينه ...قاموا كافئوه وعطوه فلوس وهدايا وفتح له محل وصار غني......
ما ادري ليش كل ما اقرأ وأشوف مع احترامي لاخوانا المحللين تحركات السوق اتذكر هالقصه اللي مبنيه على الصدفة والحظ.....
تشتري سلعة وتصبر عليها مدة بس تبيعها تصعد ..سبحان الله جنها قاعدة تنطرك تبيع او تفارقها.......والقصص من هالنوع كثيرة للاخوان في هذا المنتدى......ومن جانب اخر هناك سلع ترتفع بمجرد شراءك لها...
احدى استراتيجيات بعض الناس اللي اعرفهم هي شراء السلعة اللي لم تتحرك حتى لو كانت خاسرة والامثلة عديدة ....
على كل حال الاستخارة والتوكل على الله والصبر مع توفيق من رب العالمين ثم اختيار سلع حلال وراسخة والجرأة هي مفتاح النجاح في البورصة
مجمعات الاسواق شهر 5 كانوا يدللون عليها للمساهمين اكتتب باي كمية تبيها بسعر 275 فلس ومحد كان يبيها ...الحين فوق 540 فلس
بيت الاستثمار الخليجي قبل كم يوم ب 405 فلس ومحد يبيها والناس جنها بالعه موس ..مو سهم فجأة فوق الى520 ف ويمكن صج متجهة الى 600 او اكثر
اما انا عندي لكم سهم وهو....... ب ت ر و غغغغغغغغغغللللللللللللفففففففف.......
هذا جنه مركب اغريقي ....ناس قاعدين يجدفون....المركب شعار النجاح فأشتروه يمكن الحظ يبتسم لكم ....
الحمد لله على الخير والنعمة واحفظها يارب وديمها
اللهم ارزقنا واخوانا المسلمين في كل مكان
ملاحظة ؟ رمضان قادم فهل سيزل السوق؟ الجواب: مو شرط التاريخ لا يعيد نفسه فقد يصعد السوق مثل ما حصل في هذا الصيف البارد بورصويا.....
السلام عليكم
انت ذكرتني بجدي بس جدي لما قال هذه القصة لم يذكر .............................
( اما انا عندي لكم سهم وهو....... ب ت ر و غغغغغغغغغغللللللللللللفففففففف.......
هذا جنه مركب اغريقي ....ناس قاعدين يجدفون....المركب شعار النجاح فأشتروه يمكن الحظ يبتسم لكم .... )
لانك بهذه التوصية نقضت القصة من اساسها .... لانها مرتفعة اساسا ولان ربحيتها لاتتناسب بسعرها السوقي ولان عليها توصيات من الكويت كلها .
ولان المالك الاكبر يدلل عليها بجريدته !
بس والله حلوة ضربة معلم
تحياتي
