@@@ ديوانية المؤشرنت اليومية @@@ ... 2

[الصيااااااد]

صدقت يابوعادل المشكلة بالمسيطرين على السوق هي (( انعدام الثقافة الإقصاديه ))
مو راضين يقتنعون ان السوق موقع اقتصادي واستثماري رسمي ويتعاملون معاه على انه سوق سودا ووسيله للابتزاز
في قاعده تقول : اغبى انسان من يعتقد انه الشخص الوحيد الذكي وجميع الناس اغبياء

انا اشهد انك صبتها ١٠٠٪

خصوصا الذي يأخذ مقلب بعمرة ولايعطي فرصة انك تحاورة او تقول لة او تعارضة

اعوذ باالله من قليل الثقة بنفسة

الله يعينة على حالة ساري فية الچاثوم

 

[رابح رابح]

انا اشهد انك صبتها ١٠٠٪

خصوصا الذي يأخذ مقلب بعمرة ولايعطي فرصة انك تحاورة او تقول لة او تعارضة

اعوذ باالله من قليل الثقة بنفسة

الله يعينة على حالة ساري فية الچاثوم

هلا بخوي بوعبدالله في بعض الاشخاص مرضى الواحد منهم مايقدر يسمع الا صوت نفسه وبس
نحتاج (( ثقافة نقاش )) والفرق بين الجدال والنقاش هو ان
- الشخص اللي يجادل يريد ان يثبت ان وجهة نظره هي الصح وانه هو الافضل
- والشخص الذي يتناقش يريد معرفة الصواب والوصول للحقيقة بغض النظر عن الطرف المتفوق بالنقاش

 

[Albaghdadi]

ما يحتاي منصب يابواحمد .. انت راعي الدوانية افا عليك



شنو باسوورد الواي فاي لو سمحت

هلا بوعادل ،،، هالسؤال وايد انسأله بالصج ،،،، بس ما فهمت قطتك !!

 

[الصيااااااد]

الله يكثر من امثالك الطيبين يابوخالد

كثير من الاعضاء طيبين ومتفهمين ، المشكلة في صناع السوق والمضاربين والمحافظ ،، عليهم حركات يابوخالد غير طبيعية وكانها طلاسم ، وهذه الطلاسم كانت سبب توتر الكثير من المتداولين الافراد

 

[رابح رابح]

الله يكثر من امثالك الطيبين يابوخالد

كثير من الاعضاء طيبين ومتفهمين ، المشكلة في صناع السوق والمضاربين والمحافظ ،، عليهم حركات يابوخالد غير طبيعية وكانها طلاسم ، وهذه الطلاسم كانت سبب توتر الكثير من المتداولين الافراد

ماعليك زود بوعبدالله وانت اطيب .. مو بس طلاسم .. اللي يشتغل بالسوق لازم يحط في باله ان نظرية المؤامره مطبقة بالسوق 100 % ولا يشك فيها .. والمتداولين ماينلامون لأن الموضوع مو بس خسارة الموضع تحول الى احساس بالغبن والابتزاز

 

[Now]

هلا بوعادل ،،، هالسؤال وايد انسأله بالصج ،،،، بس ما فهمت قطتك !!

لااااااا يابو احمد .. شيين ما ينعادون بالدنيا: الفرص والنكت

انا اقولك انك انت راعي الدوانية .. ولان هالسؤال يسألونه راعي الدوانية .. سألتك اياه هني مزحاً

 

[Now]

صدقت يابوعادل المشكلة بالمسيطرين على السوق هي (( انعدام الثقافة الإقصاديه ))
مو راضين يقتنعون ان السوق موقع اقتصادي واستثماري رسمي ويتعاملون معاه على انه سوق سودا ووسيله للابتزاز
في قاعده تقول : اغبى انسان من يعتقد انه الشخص الوحيد الذكي وجميع الناس اغبياء

صح لسانك يابوخالد

 

[Abdullah2626]

اذا ما ارتد وطاف 118 راح يكون سلبي
كسر 114 يروح 108


مشاهدة المرفق 220370

اذا ما ارتد وطاف 118 راح يكون سلبي
كسر 114 يروح 108


مشاهدة المرفق 220370

حبيبي السهم شنو وضعه على هالاسعار اهوه طالع علي ١١٨ شرايك انطر عليه

 

[Now]

حبيبي السهم شنو وضعه على هالاسعار اهوه طالع علي ١١٨ شرايك انطر عليه

اخوي انا قلت لك .. كسر ١١٤ يروح ١٠٨

١١٤ تعتبر نقطة ارتداد للسهم ان شاء الله .. نقطة مهمة

اما سالفة انك تنطر عليه او لأ .. اللي علي اعطيك ارقام وتحليل .. امر البيع والشرا مسؤولية خاصة فيك يصعب علي التدخل فيها

 

[سرور]

السؤال الذي يدور في ذهني هل هناك محفظة مليارية ستدخل السوق ..
لأن بورصتنا على قوتها الذاتية مافي أمل ..مع تعمد التجار عدم الدخول

 

[Albaghdadi]

لااااااا يابو احمد .. شيين ما ينعادون بالدنيا: الفرص والنكت

انا اقولك انك انت راعي الدوانية .. ولان هالسؤال يسألونه راعي الدوانية .. سألتك اياه هني مزحاً

هههههههههه للامانه مادري اذا هالسؤال دائما يسأل .. ولكن فعلا انا الفتره اللي طافت لاني اخذ معاي الراوتر أنسأل هالسؤال .. وانحرج لاني ما اعرف الباسورد بعد ما غيرته قبل فتره ..

 

[Now]

السؤال الذي يدور في ذهني هل هناك محفظة مليارية ستدخل السوق ..
لأن بورصتنا على قوتها الذاتية مافي أمل ..مع تعمد التجار عدم الدخول

الدولة تتدخل لانقاذ التاجر ولا تهتم لصغار المستثمرين .. اذا التجار ما يدشون السوق .. الدولة ليش بتدخل بمحفظة مليارية اخرى

انتظر .. لين يطيح الفاس بالراس .. بعدين يفكرون ينقذونك .. !

 

[Now]

هههههههههه للامانه مادري اذا هالسؤال دائما يسأل .. ولكن فعلا انا الفتره اللي طافت لاني اخذ معاي الراوتر أنسأل هالسؤال .. وانحرج لاني ما اعرف الباسورد بعد ما غيرته قبل فتره ..

وضحت الصورة الحين ..
اتصل على الدعم الفني وتابع معاهم طريقة تغيير الباسوورد احسن من الاحراج .. ولو اني ما اشوف فيها احراج بتاتاً .. الواي فاي مالي وكيفي .. ليش بتناجرني فيه

 

[Now]

من الصعب جدا جدا متابعة المنتدى والمشاركة فيه باستخدام الموبايل .. شلون تقدرون !؟!؟

 

[الصيااااااد]

من الصعب جدا جدا متابعة المنتدى والمشاركة فيه باستخدام الموبايل .. شلون تقدرون !؟!؟

السلام عليكم

الاي فون فايف سريع جداً وكان عندي الفور بطيئ وايضاً لوحدثت الفور يصير سريع بالتصفح والكتابة

هذا قصدك بوعادل ؟؟؟

او انك تقصد ماتشوف لأن حجمة صغير

 

[الصيااااااد]

((الفشل أول طريق النجاح ))
قد تتفاجئ أن أغلب الناجحين من المخترعين والعلماء والمدراء والمشاهير هم بالبدايه أناس شبه فاشلين أو بعضهم عاجزين ؟؟
فهذا الفيديو نبذه بسيطه لعلها تكون دافع لأبنائنا ممن فشل بتحقيق أهدافه لينهض ويستمر!!!
وأن كل فجر يوم تتهيئ لك فرصه جديده لتحول الفشل لنجاح!!!
ولا أخفيكم علماً بأني مررت بتجارب هكذا و مع العزيمه والإصرار وتوفيق
العزيزالحكيم أستطعت أن أحقق بعض أهدافي التي لن تنتهي إن شاءالله!!

تستحق المتابعه منقوله من أحد الأخوه لمشاهير عرب وأجانب !!!

- النسخہ الأجنبية
ו http://is.gd/OWGNb1
- النسخہ العربية
ו http://v.ht/Givenchy-HuB

 

[Now]

السلام عليكم

الاي فون فايف سريع جداً وكان عندي الفور بطيئ وايضاً لوحدثت الفور يصير سريع بالتصفح والكتابة

هذا قصدك بوعادل ؟؟؟

او انك تقصد ماتشوف لأن حجمة صغير

يا هلا بوعبدالله .. لالا ما اقصد السرعة
اقصد الحجم صغير وكل شوي لازم تكبر الشاشة علشان تشوف .. حتى بالكتابة نفس الشي

 

[الصيااااااد]

يا هلا بوعبدالله .. لالا ما اقصد السرعة
اقصد الحجم صغير وكل شوي لازم تكبر الشاشة علشان تشوف .. حتى بالكتابة نفس الشي

يامرحبا بوعادل

يمكن نظرك فية شي ، الاغلبية يشوفون الخط الصغير من غير مايسحب ويكبر الشاشة

افحص بوعادل يمكن فيك بعد او قصر نظر

 

[الصيااااااد]

تقرير: الضغوط البيعية أثرت على مجريات بورصة الكويت الاسبوع الماضي
كونا - 18/01/2014


قال تقرير اقتصادي متخصص ان سوق الكويت للأوراق المالية (البورصة) شهد أداء ضعيفا نسبيا الاسبوع الماضي دفعه الى تسجيل خسائر جماعية لمؤشراته الثلاثة متأثرا بالضغوط البيعية التي شملت طيفا واسعا من الاسهم القيادية والصغيرة معا.

وأضاف تقرير شركة (بيان للاستثمار) الصادر اليوم ان السوق شهد عمليات جني أرباح انعكست سلبا على أداء المؤشرات الثلاثة وخصوصا السعري الذي تراجع في الجلسات الثلاث الاولى من الاسبوع غير أنه تمكن في جلسة التداول الأخيرة من تعويض جزء من خسائره للقوى الشرائية التي شهدتها الجلسة.

وأوضح ان السوق شهد استمرار عمليات المضاربة في التأثير على مجريات التداول ما أدى الى تذبذب المؤشرات الرئيسية للسوق حيث تركزت هذه العمليات على الأسهم الصغيرة خصوصا ولاسيما أسهم قطاعي العقار والخدمات المالية.

وأشار الى أنه برغم التذبذبات التي شهدها السوق الا أن عمليات الشراء الانتقائية وعمليات التجميع لم تكن غائبة في التأثير على أداء المؤشرات لاسيما في جلسة التداول الأخيرة التي شهدت ارتفاع المؤشر السعري لنشاط بعض الأسهم الصغيرة ما خفف من الخسائر على المستوى الأسبوعي.

 

[Abdullah2626]

يا جماعة يا ريت لو ترشحون لنا اسهم تشغيلية ممتازة ممكن انها نرتفع الفترة اليايه نعوض فيها خسارتنا