تغريدات .... بوأحمد ....

[Albaghdadi]

يا اخوان .. بعد فوز اكسبوا دبي .. قلت انه نظرتنا لازم تكون الى الامام وتتعدى مسافة موطئ القدم .. نعم توقعنا صعود طيب لليوم كرد فعل طبيعي .. ولكن هذا لا يعني اننا نلغي تفاؤلنا بالسوق بشكل عام اذا خالف توقعاتنا المؤشر ونزل !

اكرر وجهة نظري .. تبي تضارب يوم بيوم .. اشتر بالسعر الصح .. وهو الدعم ومو اي دعم .. ولازم تعرف مبادئ وقف الخساره .. ويكون عندك استعداد انك تبيع بخساره ..

اسلوبي وبشكل دائم .. هو شراء شركة ماليا زينه بسعر زين .. وانتظار الاختراق .. وتغيير السهم في حال توافرت فرصه جديده .. بخساره فلس او فلسين ..

 

[abohaif]

يعطيك العافية يابواحمد
كل الشكر علي جهودك وشروحاتك الطيبة

 

[abohaif]

ابواحمد بتروجلف شنو تحليلها الفني لو سمحت

 

[Albaghdadi]

بتروجلف .. مضاربي .. اغلاق تحت 94 بوجهة نظري يروح 77 .. اغلاق يومين فوق 99 يلغي كلامي .. ويبقى التداول بين 94 وبين 99 الى ان يتم كسر واحد فيهم .. واكرر السهم مضاربي وغير آمن الا اذا توافرت الشروط .. والله تعالى اعلم

 

[Albaghdadi]

الله يعافيك يا بوهايف وحياك الله

 

[abohaif]

ابواحمد (السلام) نزلت 10 اليوم
بصراحة شي يخوف ،،،،، برأيك شنو السبب

 

[Albaghdadi]

ابواحمد (السلام) نزلت 10 اليوم
بصراحة شي يخوف ،،،،، برأيك شنو السبب

دقيقه ..

 

[Albaghdadi]

سهم السلام .. الاجدر تحليل السهم على الشهري والاسبوعي فنجد انفسنا امام دعمين اخيرين للسهم وباغلاق تحتهم اسبوعي وشهري يعتبر السهم منتحر بشكل رسمي .. وهم 144 اسبوعي و 140 شهري .. وقد وصل السهم فعلا الى 144 ولكنه لم يصل الى الان الى 140 ونحن في منتصف الشهر ..

بالعربي السهم بوجهة نظري المتواضعه عند نقاط ارتداد قويه وواجبه شرعا بما انه النظره شرعيه .. عند اسعار 140 144 وحتى اقل من ذلك بقليل فاحتماليه ان تكون للشمعه ذيل .. يعني لا تجعص على اربع ست فلوس .. المقاومات 158 166 .. ان طاف الثانيه واغلاق يومين ذكرني اكملك باجي الاهداف ..

البدايه الصحيحه للسهم يكمن في اغلاق اسبوعي فوق 162 .. وهنا نقول مبروك .. والله تعالى اعلم

هذا تحليل السهم بتاريخ 10/11 .. السهم وصل 172 مع الشكر الجزيل .. وكان من المفترض يكون اغلاق اسبوعي فوق 164 مو ال 162 واللي فشل السهم من انه يسويها بالاسبوعين اللي طافوا .. الحين السهم عنده ثلاث نقاط ارتداديه 154 146 140 .. اغلاق تحت 140 وايد مو زين للسهم .. والله تعالى اعلم

 

[abohaif]

كل الشكر لك يالغالي
ما قصرت وبارك الله لك في حالك ومالك وولدك

 

[333gust !!!]

انمسي على الموجودين كلهم ,,,,,
بو احمد ما عليك كلافه اخوي ,,,, جيكلي على منتجعات وشوفها ماليا وفنيا ما عليك امر وانا مو مستعيل على راحتك خالي ,,,, بس اهم شي لا تحقرني
مع الشكر الجزيل مقدما لجهودك الرائعه ,,,,,,

 

[Albaghdadi]

افا .. وانا متى حقرت احد !!

 

[ناوي]

افا ابواحمد يحقر احد هاااي جدآ قويه
ابواحمد الله يجزاه الف خير مايقصر مع الكل وانا اولهم طلبت الاستشاره ووفا وكفا
التمس لاخيك العذر

 

[333gust !!!]

>>>

 

[سمح]

فَمَن كَانَ يَرْجُو لِقَاء رَبِّهِ فَلْيَعْمَلْ عَمَلاً صَالِحاً وَلا يُشْرِكْ بِعِبَادَةِ رَبِّهِ أَحَداً​

​

الصلاة خير من النوم​

 

[speedorinoo2]

السلام عليكم ورحمة الله وبركاته
صبحكم الله بالخير جميعا وأسعد الله أيامكم جميعا

بوأحمد
شرايك في بوبيان د ق ؟
توصي عليه ؟
بالنسبة لي بعد تحليله على الشارت الأسبوعي أوصي عليه يوم الثلاثاء أو الأربعاء عند 90 - 91
مجموع الكميات المتداولة خلال هالسنة إلى اليوم 977,169,472
السعر السوقي خلال هذه السنة الأدني 49 - الأعلى 144 - إقفال 106
هذا والله أعلم سبحانه وتعالى

 

[Albaghdadi]

بوبيان دق .. شركة مملوكه بنسبة 38 % لكل من الخرافي والصناعات الوطنيه وبوبيان ب .. كلهم عيال عم ونسايب :>

الشركة تنتهي سنتها الماليه في 31 يوليو وهي مختلفه عن السنه الماليه لباقي الشركات ..

ودي ارجع شوي بتاريخ الشركة .. في سنة 2011 ..

الموجودات ال65.5 .. المطلوبات 15 مليون .. الارباح المرحله 20 مليون .. احتياطات 3.8 .. .. القيمه الدفتريه 168

في سنة 2012 ..

الموجودات 48.5 .. مطلوبات 9 مليون .. الارباح المرحله 10 مليون .. احتياطات 3.8 .. .. القيمه الدفتريه 130 ..

.. آخر اعلان للشركة .. الربع الثالث

الموجودات 41 مليون تقريبا .. مطلوبات 3.1 منها 1.9 مطلوبات متداوله 1.2 مطلوبات طويلة الاجل .. الارباح المرحله 7.9 .. احتياطات 3.8 .. القيمه الدفتريه 126 فلس ..


من خلال متابعة البيانات الماليه لتاريخ الشركه فهي فقدت الكثير والكثير .. فالشركه ليست تشغيلية وما عندها مصدر دخل ثابت الا من خلال استثماراتها ..

المريح انه الشركة كان عندها كم كبير من الارباح المرحله وهذا اللي انقذها بوجهة نظري ..

وضع مالي قوي .. نبي نرجع للربحيه .. بس .. والله تعالى اعلم

اتفضل بوعبدالله

 

[Albaghdadi]

بوبيان دق .. الايجابيه نحتاج اغلاق شهري فوق 108 .. وان اغلق تحتها فهو سلبي على المدى البعيد والمتوسط ..

مضاربيا .. دعم 114 اغلاق تحتها يروج ل 108 100 80 .. مقاومه 118 اغلاق فوقها ليومين يرجع السهم للايجابيه هذا للاسبوعي ..

واليومي ايضا قريب من الدعومات .. اذ انه اغلاق تحت 108 اشاره خروج مضاربي من السهم .. علما بوجود فجوه عند 97 .. والقاع والدعم الاهم على الاطلاق عند 80 فلس ..

الزبده .. السهم مضاربي بين نقطتين رئيسيتين .. 118 كمقاومه و108 كدعم يتخللهم دعومات عند 112 ومقاومه 116 ..

السهم مضغوط .. لذلك الدعومات والمقاومات متقاربه جدا .. والله تعالى اعلم

وهذا الفني ..

 

[speedorinoo2]

تقبل الله طاعتكم جميعا وصالح الأعمال
جزاك الله خير بوأحمد وأدري إني تعبتك شوية
وأزيدك من الشعر بيت
على اليومي أشوفه كأنه بيكون لي كوب مقلوب
يا يكمل هالكوب عند 95 أو 90 ويرتد من عند واحد من هالسعرين
ومثل ما تفضلت على فجوة 97 اللي كانت بتاريخ 10/9/2013 اللي صادف بنفس اليوم فجوة المؤشر بين 7445,8 - 7548,34
يعني الفجوة حصلت بين 10/9 - 11/9
بالتوفيق للجميع إن شاء الله آمين
هذا والله أعلم سبحانه وتعالى

هذا وخلصنا من بوبيان د ق
والتجارة بوأحمد ؟
على أسعاري اللي ذكرتها لك ولا تراجع إذا نزل السوق ؟

 

[jaber1441]

ما عليك امر ابو احمد ياليت تشوف لنا سهم المال في أسباب مأخرة اعلان بيانات الربع الثالث وشنو دعمه والمقاومة وهل هناك امر مخفي لا نعلمه سيتسبب بتأخير الإعلان أكثر ولك منا جزيل الشكر على المواصلة والتعب لإخوانك المساهمين

 

[Albaghdadi]

بوعبدالله .. تجاره .. ارقام 74 79 81 .. بعدها 90 وهدف للمستثمر 140 .. والله اعلم