ارسال شكوى لشركة الشرق الأوسط للتداول

[bujwsq8]

صح أخوي ممكن ما نستفيد.. لكن بالمقابل ممكن نستفيد، وبالحالتين نقول العوض ولا القطيعة وماراح نخسر شي إذا حاولنا، وبرأيي هالشكوى على الأقل أفضل من التحلطم بالمنتديات من غير نتيجة.

وعلى فكرة أنا لحد الآن ما خسرت بسبّة الأوسط واذا سويت شي فهو عشان الشباب اللي كلوها عدل (وهم عشان ما يحوشني طشار أنا بعد )

كلامك كله صح وانا اييدك
ويعطيمك العافيه على تكاتفكم مع بعض
هذا اللي نعرف باهل الكويت يتكاتفون مع بعض دايم اي والله
الله يحقق مبتغاكم انشاء الله​

 

[سعود222]

مشكورين على طرح هذا الموضوع لكن لا حياة لمن تنادي الاوسط برو يوم السبت معلق من الحين معلق اشلون الصبح وقت التداول

 

[SpeciaL 1]

مجرد راي

ياجماعة الخير
اللي حصل بقناة الراي ما أعتقد في واحد منكم ما شافه..
ما أقول نسوي نفس ما سووا..
لكن على الرقم اللي شفته الحين للي صوتوا وصل 113
لو نقول ثلثينهم راحوا الأوسط يطالبون بالتعديل وحل المشكله..
شنو بيصير من زحمه وضغط بالشركه..
مع العلم إني متأكد إنهم يقرون كلامنا هذا..
آنا ما أقول نكسر ونخرب..
لكن ضغطنا عليهم راح يجبرهم يتصلون بالأمن ومنها بوزارة الداخلية
راح توصل وزارة الداخلية ومعاها الجرايد..
واحنا نكون مجرد مطالبين بحقوقنا من غير شوشرة الا اللهم بالضغط النفسي عليهم..
راح نثبت على مطلبنا واللي اهي أصلا حق من حقوقنا..
وقتها شوفوا التنازلات وشوفوا شلون راح يسوون لكم اللي تبونه وزياده فوقهم بوسه..
ما قلت هالكلام من فراغ..
تجربة سابقة مع الحكومة وتم تنفيذ مطالبنا بأسرع مما توقعنا..
مع العلم بأن من سبقونا ظلوا طامتين على مدار أعوام حتى أن بعضهم تقاعد ولم يحظ بالفرصه اللي حصلنا عليها بمجرد مظاهرتنا السلميه..
وأنبه جيداً بأنها مظاهرة سلميه كي لاتضيع حقوقنا..
وتذكروا "ما ضاع حق وراه طلابه"
ولازم نتفق من خلال هذا المنتدى.. لأن قبل لا نوصل هناك راح يكونون باستقبالنا لأنهم كما ذكرت دايما متواصلين مع المنتديات..
وهذا مجرد راي

 

[bu3teeg72]

شرايكم بالأوسط اليوم؟؟؟ أنا جنه فرق معاي شوي.. عسى الله يتمم بس لا ننظله

 

[MH For Ever]

يا جماعة احد فيكم بعث رسالة الشكوى اليوم؟؟

انا شخصيا ارسلتها من امس بالليل.

 

[بوراشد جروب]

الأوسط اليوم زين..... من الساعة 9:00 حتى الساعة 1:00 شغال معاي زي الورد دون إنقطاع أو تأخير في الطلبات
متداول هم زين نفسه......

عسا دوم ------- جذي

ياجماعة في أحد منكم مشترك في إيفا-بورصة للتداول الإلكتروني؟