تغريدات ... بواحمد البغدادي ... الجزء 4

[التحالف]

شليمهن .. شعدهن .. شعدلهن ؟
يابا جم بصيرن بالجنية المصري أوالتومان واذا ممكن تحويل بالدينار العراقي؟

 

[التحالف]

حان الآن أذان الظهر حسب التوقيت المحلي لمدينة الكويت وضواحيها
تقبل الله طاعتكم وصالح الأعمال

 

[التحالف]

هدية مني بعيدا عن البورصة

جدول مباريات كأس العالم 2014
الرابط هنـــــــــــــــــــا

 

[التحالف]

عسى ما شر اخوي ابواحمد ؟
اليوم نهاية الأسبوع ومعب
وخلال الأيام العادية مفرفش

يا عمي اشرب عصير ليمون بالنعناع وهدى علشان صحتك ياخوي

 

[لاعب بورصة]

انا اقول سوو قطيه وسنعو سوقكم

ترا اهل المليارات مو صوبكم

ولأ سنعو جناطكم وسافرو

 

[لاعب بورصة]

هالأيام مكثرين أخبار عن الكويتي ؟!

الكويتيين يصرفون 10 مليارات في السفر لسنة 2013

http://www.alarabiya.net/ar/aswaq/travel-and-tourism/2014/04/25/10-مليارات-دولار-انفاق-الكويتيين-على-السفر-بـ2013.html


الجواز الكويتي الأول عربيا قبولا في العالم

http://jeleeb.com/الجواز-الكويتي-أكثر-الجوازات-العربية

 

[InDepth]

صبحكم الله بالخير...

اللهم احفظ الكويت وشعبها واولى الامر فيها....

استميحكم العذر ...قد اغيب لفترة لظروف طارئة......وساحاول قدر الامكان الدخول بمشاركات متقطعة...

موفقين ان شاء الله...

 

[Boo_Azoooz]

الله يحفظك يادكتور والله يعينك وييسر امرك ويردك بالسلامه

 

[سناعيس]

صبحكم الله بالخير...

اللهم احفظ الكويت وشعبها واولى الامر فيها....

استميحكم العذر ...قد اغيب لفترة لظروف طارئة......وساحاول قدر الامكان الدخول بمشاركات متقطعة...

موفقين ان شاء الله...

اسال الله ان يقضي هذا الامر لك ولك مسلم ومسلمه على افضل ما تحب وتتمني.
وترجع لنا بالسلامه ومحمل بالهدايا والعطور

 

[أبو عمر]

السلام عليكم
بو احمد موضوعك تحول الي سياسي حيل .. دير بالك ، هذا يسكر منتدى .. مو صفحه
مع ان جرأة الطرح عاجبتني

 

[Albaghdadi]

زين جذي زفني الدكتور ! خلاص ماكو سياسه !!

سولفوا عن الاحتباس الحراري والا البترول الصخري

الا صج الجو وايد متغير بندش مايو وللحين ما لبسنا المااااايوه

 

[Albaghdadi]

السلام عليكم
بو احمد موضوعك تحول الي سياسي حيل .. دير بالك ، هذا يسكر منتدى .. مو صفحه
مع ان جرأة الطرح عاجبتني

هلا بوعمر وعليكم السلام ورحمة اللع وبركاته يسعدلي صباحك يا جميل ،،،

يا امعود في المنتدى ولا فينا

والله قلبي متروس يا بوعمر وواصل حدي حدي حدددددددددددي ، بس شنقول غير حسبي الله ونعم الوكيل .

بس بعد ما زفني الدكتور على الخاص ،،، راح اتكلم عن الطبخ والاحتباس الحراري ،،، في الويك اند طبعا ،،،

وبما انك تحب الورد ،،، بنتكلم عن الورد ،،،

 

[يوسف_007]

زين جذي زفني الدكتور ! خلاص ماكو سياسه !!

سولفوا عن الاحتباس الحراري والا البترول الصخري

الا صج الجو وايد متغير بندش مايو وللحين ما لبسنا المااااايوه

صباح الخير إستاذي

اشرايك في شركات بعرضها عليك

ونبي نشوف هل تصلح إستثماريه او لا

 

[Albaghdadi]

دوووووس يا بويعقوب ولا حد يردك ،،،،، دوووووس يا بعقوب لو الهوى ضدك

 

[Albaghdadi]

فضلا لا امرا نمسح كل المشاركات السياسيه ،،، في وجهة نظر محترمه سمعتها واقتنعت فيها ،،، بما انه الصفحه باسمي ،،، لا يعني انه لي الحق اني ابدي فيها رايي الشخصي ،،، الصفحه دوانيه ،،، وكل ما في الامر ان يقع على عاتقي تنظيمها ومراقبتها لا توجيهها .

لذا سيتم وقف توجيه رسائل او توجيهات او اطروحات سياسيه ، مع الامتناع الكامل عن ذكر الاسماء .


وشكرا مقدما على حسن تعاونكم ،،، لي بالليل المشاركات اللي ما انمسحت انا بعد اذن كاتبيها راح اطلب الاداره الكريمه بمسحها .


اقدر اقول اخر شي بالسياسه في هالمشاركه !؟


لا لا لا لا اتغشمر

 

[Albaghdadi]

بويعقوب انا اللي صرت استثماري صارلي نص ساعه انطرك

 

[بو مازن]

مساك الله بالخير ابو احمد و كل الأخوة ، أسعد الله اوقاتكم​

 

[يوسف_007]

بويعقوب انا اللي صرت استثماري صارلي نص ساعه انطرك

أنا بالسياره بعد شوي بعطيك بالتفصيل عشان اوصل ما ودي اقوله بالكامل افضل

 

[المستشار الصغير]

بو أحمد تبي أسهم إستثمارية طيبه وبحته وتاخذ من وقتك حته . . .

 

[رابح رابح]

زين جذي زفني الدكتور ! خلاص ماكو سياسه !!

سولفوا عن الاحتباس الحراري والا البترول الصخري

الا صج الجو وايد متغير بندش مايو وللحين ما لبسنا المااااايوه

صباح الخير بواحمد ملاحظتك صج الجو متغير عدل اشرايك نشتري ارض عند الشعيب على الحدود ونحط فيها طراد يقولون كان مجرى نهر واحتمال يرجع النهر مره ثانية
امس شايف ثلاثة من اخوانا الصعايدة بالمستشفى لابسين دشاديش شتوية