مشكلتي مع بروكر ......شباب ابي رايكم

[متداول اسلامي]

السلام عيكم
الموضوع الي حصل
ان صدمني المحاسب بالشركة للوساطه الماليه الي اتعامل معاها
انه شاري لي اسهم المال قبل مده ومن غير لا ادري يقول غلطت بالرقم ...

والحين خساره
100فلس
الخساره جايده
والفلوووس تجمدت
يقول مالك الا انك تنطر لغاية مايرتفع سهمك \
واحنا ناطرين يرتفع ونبيعه لك
وسامحنا .....
وقال او لك حل ثاني
يقول في الحين اكتتاب تبع سهم المال
....ماادري شنووو
ف نبيع لك بخساره الحين
وبعدين الاكتتاب نبيعه لك بربح فتعوض خسارتك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


انتو شرايكم شباب هل اشتكي اظمن حقي ؟
وفوق كل هذا سهم ماهو اسلامي

نصايحكم شنو

 

[أحمد بورصة]

الله يكون بالعون انشالله .. لو انا منك أكتب اسم الشركة علشان الناس اتعرفها.

بيني و بينك الاخطاء تحصل بين الفتره و الثانية

ما عندي فكره شالحل

بس لتلافي هالمشكله بالمستقبل

أنصح بالتداول الالكتروني


أخوك أحمد
...

 

[امل الكويت]

اذا غلط بالرقم يعني قصده في شخص ثاني المفروض تكونه له هذي الأسهم المفروض يسوون تسوية ويحولون الأسهم باسهم الشخص اللي المفروض الأسهم تكون حقه والطبيعي انه اهو يعدل العمليه بنفس اليوم ، ليش ما عدلها ما ادري ؟؟؟؟؟؟؟

 

[Winchester]

الله يعينك ويرزقك كل خير ان شاء الله ..



اللي أعرفه يا طويل العمر ان في البورصه قسم للشكاوي , ترفع شكوتك لهم ويستدعون الدلال ويصير تحقيق بالأمر واذا أكتشفوا ان الدلال اهو اللي غلطان أعتقد بس ماني متأكد يخلونه يبيعلك الأسهم , ويعطيك الفرق .

هذا اللي اقدر افيدك فيه ان شاء الله .

واذا كنت غلطان يا ريت احد من الأخوان يوضح لنا الصوره.

 

[التحليل الفني]

اذا غلط بالرقم يعني قصده في شخص ثاني المفروض تكونه له هذي الأسهم المفروض يسوون تسوية ويحولون الأسهم باسهم الشخص اللي المفروض الأسهم تكون حقه والطبيعي انه اهو يعدل العمليه بنفس اليوم ، ليش ما عدلها ما ادري ؟؟؟؟؟؟؟

كلام الاخت امل الكويت 100%


حق من حقوقك بان تحول الخسائر على المكتب وهذه ترجع لك

 

[متداول اسلامي]

الله يكون بالعون انشالله .. لو انا منك أكتب اسم الشركة علشان الناس اتعرفها.

بيني و بينك الاخطاء تحصل بين الفتره و الثانية

ما عندي فكره شالحل

بس لتلافي هالمشكله بالمستقبل

أنصح بالتداول الالكتروني


أخوك أحمد
...

مشكور ياخوي احمد على تفاعلك وتهوينك علي ونصيحتك طيبه

صراحه ماذكرت اسم الشركة لانها اخطاء بشريه وارده والشركه مالها علاقه
ف الله يهديه الموظف من غير تشهير
والمكسين ماهو كويتي
وخايف الحين
ربك يعين !

 

[متداول اسلامي]

اذا غلط بالرقم يعني قصده في شخص ثاني المفروض تكونه له هذي الأسهم المفروض يسوون تسوية ويحولون الأسهم باسهم الشخص اللي المفروض الأسهم تكون حقه والطبيعي انه اهو يعدل العمليه بنفس اليوم ، ليش ما عدلها ما ادري ؟؟؟؟؟؟؟

اي والله غريبه ليش ما سوا الاجراء هذا
لما سالته عن العميل الاول الي المفروض له الصفقه
قال لي انه شراه له بعدها
لما عرف انه شرا لي بالغلط

 

[saleh-s]

لو كان السهم ربحان

لو كان السهم ربحان كان قالوا اسفين غلطنا وسوا تسوية واخذوا السهم منك وعطوه حق الي كان المفروض يشتريه لما شافوك سكتت حتى الي كان يبي يشتري السهم سكت منو يطالب بسهم خسران روح اشتك يبا لا تخلي حقك

 

[متداول اسلامي]

الله يعينك ويرزقك كل خير ان شاء الله ..



اللي أعرفه يا طويل العمر ان في البورصه قسم للشكاوي , ترفع شكوتك لهم ويستدعون الدلال ويصير تحقيق بالأمر واذا أكتشفوا ان الدلال اهو اللي غلطان أعتقد بس ماني متأكد يخلونه يبيعلك الأسهم , ويعطيك الفرق .

هذا اللي اقدر افيدك فيه ان شاء الله .

واذا كنت غلطان يا ريت احد من الأخوان يوضح لنا الصوره.

سالت قبل شوي قالي واحد نفس كلامك
قال يبيعون لك بخساره الحين
ويعوضونك بالخساره
ويرجع لك راس المال
وبعدين الشرككه تفاهم مع الموظف
===========
بس غريبه
يعني شنو يثبت انه الشراء كان بالغلط ؟

ماتظون يصير لعب كل من شرا له سهم وخسر راح قال انا ماطلبت يشتري لي واهوا شراه بالغلط !

 

[متداول اسلامي]

كلام الاخت امل الكويت 100%


حق من حقوقك بان تحول الخسائر على المكتب وهذه ترجع لك

تصدق طلبنا اسم صاحب الشركه ورقمه رفضو ا !

 

[امل الكويت]

اي والله غريبه ليش ما سوا الاجراء هذا
لما سالته عن العميل الاول الي المفروض له الصفقه
قال لي انه شراه له بعدها
لما عرف انه شرا لي بالغلط

ما يصير ، الموظف قاعد يلف ويدور ، لأنه شي معروف عند البوكريه انه اذا شرى غلط لشخص يعكس العمليه قسم المحاسبة في الشركه بس الموظف يطلب منهم وتحول الأسهم للشخص المقصود مو يروح يشترى مره ثانيه ؟؟؟؟

 

[متداول اسلامي]

لو كان السهم ربحان كان قالوا اسفين غلطنا وسوا تسوية واخذوا السهم منك وعطوه حق الي كان المفروض يشتريه لما شافوك سكتت حتى الي كان يبي يشتري السهم سكت منو يطالب بسهم خسران روح اشتك يبا لا تخلي حقك

الله المستعان وقدر الله وماشاء فعل
صح كلامك سبحان الله
الحين قالي الاخ انتظر فقط اسبوع وان شالله سهمك رايح دينار !!
الحبيب بيقص علي
حتى اصبر
اصلا حتى لو وصل خمس دنانير بعد اسبوع مابيها
ابي راس مالي وفمان الله
الله يغنينه بحلاله

 

[boalons]

يا اخوي لاتخليهم ياكلون حقك هدي غلطتهم

لو طلولوها معاك انصحك ترفع عليهم قضية

 

[متداول اسلامي]

يا اخوي لاتخليهم ياكلون حقك هدي غلطتهم

لو طلولوها معاك انصحك ترفع عليهم قضية

ان شاءالله
الحين اقنعني اصبر اسبوع بس قال لان عموم السوق نازل
وبعد الاسبوع لو مارد لك راس مالك
سو الي تبي تسويه !

ادري كلامه على الفاضي مع احترامي له
بس
مثل مايقول المثل ............

 

[الشورى خالد]

السلام عليكم اخوي لا تدفع فلس واحد الخسارة على البروكر وكلم مديرهم وهذا الشي صار معي

 

[متداول اسلامي]

لا وازيدك من الشعر بيت
لما طلبت كشف بالصفقات
لايطلع مسوين شي ولا ادري عنه بعد
طلع شاري لي السهم ب
740

واليوم سعره
580فلسس

 

[ولد ابوه]

لاحولة ولاقوة الا بالله
قال اكتتب بالاكتتاب القادم ها ؟
قوله فاضي انتظر الاسهم يتداولونها بعد سنتين

انصحك تروح للادارة البورصه وترفع شكوى عليهم خصوصا ان
اسلوبهم بالتعامل مع هالاخطاء غير مقنعه

وعاملهم مثل مايعملونك ولاتسوي نفسك طيب ومسامح دام
ردهم جذي

 

[Riskman]

اخوي انا كنت شغال في المقاصه او اقولك شنو اللي اتسويه بس يعتمد متى تاريخ الصفقه قريب او بعيد

1- اذا اهوه غلطان بالرقم مثل مايقول تصير تعديل صفقه
من رقم تداولك الى رقم المتداول الثاني (رقم التداول الصح)

2- لو يقول الوسيط انك طلبت منه انه يشتريلك بالتلفون (يكون الحق معاه)

3-تعديل الصفقه يصير على اي تاريخ قديم بس خلال شهر او اذا عندك واسطه لي غايه 2005-1-1 مافي اي مشكله لانه الصفقه لها تاريخ او رقم الصفقه.(بس الكلام اللي راح يصير ضدك وينك كل هالمده؟؟) شنو ردك لهم

4-ممكن تحلها بينك او بين الوسيط اذا علاقتك زينه معاه.

5-انصحك انك اتحول على التداول الالكتروني مع شركة الخليج للوساطه (مجاني لانك راح تكون عميل عندهم).

6-ممكن انه شرى السهم حق واحد من عملائه الخاصين ($$$) او يوم نزل قطه عليك.(ماحطها بذمتي)

اتمنى اني وضحتلك كل شي

بالتوفيج

 

[الطلال]

متداول اسلامي السلام عليكم

اخوي حتى لما نبي نسامح ما نعرف نسامح عدل
انت ما تبي فلوسك كيفك وانت حر تتصدق فيهم على البروكر الله ياجرك
بس هالبروكر سوى خطأ عام يضر الناس كلهم مو بس انت
يعني متى يردعونه لما يخسر كم واحد ويغلط مع كم واحد ؟؟؟
اشتك وخل الاجراءات القانونية تمشي حسب الاصول واذا انتهي كل شى وان شاء الله ردو لك حقك اهنى اظن تصير انت بموقف الاصح اللي تاخذ فيه قرار تسامحه تتصدق عليه وتعطيه اللي اخصموه عليه انت وكيفك
لكن غلط معاك وتخليه ويغلط معاي واخليه هذا ضعف منا اسمحلي وتقصير منا ما منعنا الشر عن غيرنا...
الله المستعان
والسلام عليكم

 

[سامر]

اطلب بحقك الحين ولا تخلي الدلال يلعب عليك فاذا طالت السالفة راح يقولون لك لماذا سكت هذه المدة و لم تطالب طول هذه المدة ويروح حقك عليك وخبرنا ايش يصير !