مشكلتي مع بروكر ......شباب ابي رايكم

[متداول اسلامي]

لاحولة ولاقوة الا بالله
قال اكتتب بالاكتتاب القادم ها ؟
قوله فاضي انتظر الاسهم يتداولونها بعد سنتين

انصحك تروح للادارة البورصه وترفع شكوى عليهم خصوصا ان
اسلوبهم بالتعامل مع هالاخطاء غير مقنعه

وعاملهم مثل مايعملونك ولاتسوي نفسك طيب ومسامح دام
ردهم جذي

اي والله ، بس رفضت الاكتتاب .
اظن بالدور الاول الاداره صح ؟ ادارة الوسطاء اشتكي عندهم

 

[متداول اسلامي]

عساك ذخر

اخوي انا كنت شغال في المقاصه او اقولك شنو اللي اتسويه بس يعتمد متى تاريخ الصفقه قريب او بعيد

1- اذا اهوه غلطان بالرقم مثل مايقول تصير تعديل صفقه
من رقم تداولك الى رقم المتداول الثاني (رقم التداول الصح)

2- لو يقول الوسيط انك طلبت منه انه يشتريلك بالتلفون (يكون الحق معاه)

3-تعديل الصفقه يصير على اي تاريخ قديم بس خلال شهر او اذا عندك واسطه لي غايه 2005-1-1 مافي اي مشكله لانه الصفقه لها تاريخ او رقم الصفقه.(بس الكلام اللي راح يصير ضدك وينك كل هالمده؟؟) شنو ردك لهم

4-ممكن تحلها بينك او بين الوسيط اذا علاقتك زينه معاه.

5-انصحك انك اتحول على التداول الالكتروني مع شركة الخليج للوساطه (مجاني لانك راح تكون عميل عندهم).

6-ممكن انه شرى السهم حق واحد من عملائه الخاصين ($$$) او يوم نزل قطه عليك.(ماحطها بذمتي)

اتمنى اني وضحتلك كل شي

بالتوفيج

تسلم ايدك ياخوي رسك ماقصرت
1-بالنسبه لتعديل الصفقه صدقت مثل ماقلت بس للاسف ما اتخذ هذا الاجراء الظاهر مثل ماقالو الاخوان شاف السهم خسر قطه ابطني قال اشوه طلعت منها ...! والله العالم
لانه شراله بعدها بكم يوم


2-لا مو بالتلفون ولا مقابله شخصيه ابدا ...


3- الصفقه كانت بتاريخ 6\12\2005
طاف عليها 20 يوم او اكثر تقريبا ما كملت الشهر الحمدلله
وانا توني دريت اليوم وطول الفتره الي طافت ساكتين خايفين ويحاولون يبيعون ويردون الخساره لكن الظاهر السوق خانهم واستمر النزوول
اكثر من 140 فلس نزل السهم


4-انا ماعرفه شخصيا ابدا ولا التقيت معاه ماسبق لي البيع والشرا عن طريقه ... البيع والشرا عن طريق بروكر ثاني بنفس الشركه
ماظن تنحل وديا ابدا
الا عن طريق التنازل اني اتنازل عن مبلغي
لاني ادري لو يجمع راتبه لمدة عشرين سنة مايعوض المبلغ
لهاذ السبب خايف من اي تصرف يكون ضدي ......والله المستعان


5- رأيك طيب ...


6- كل شي جايز .........حسبنا الله ونعم الوكيل


====
وجزاك الله خير وماقصرت ياخوي

 

[متداول اسلامي]

اخوي الحبيب
الطلال و سامر
صدقتوا وصح لسانكم وباذن الله بشركم عن اخر الاخبار وشنو صار معاي من اجراءات قانونيه
حتى لا احد يقع في الخطأ وحتى يتم التصرف باسرع وقت لو لاقدر الله ووقع احد
باذن الله


وياليت لو احد يعرف محامي متخصص في هذه الامور يتكرم ويدلني عليه حتى يكون التصرف سريع

 

[لحق ما تلحق]

اخوي متداول اسلامي
شنو كانت نيته في انه يترك السهم باسمك ؟؟!!
انت تقول انه شرى للعميل الثاني معناه جذي انه عارف غلطته وليش يوهقك؟؟!!
جان باع من الاول مو ناطر لما ينزل السهم من 740 الى 580 ويقولك الحين انطر!! عقب ما ترضى بكلامه ما راح تقدر تسوي شي يعني انت الي بتحمل الخسارة

وادبيا المفرووض ان البروكر يعرض عليك من الاول تحمل الخسارة

وسؤال هل كان عندك رصييد يغطي قيمة الشراء؟؟؟!! والا نزلت عليك غرامه

 

[متداول اسلامي]

اخوي متداول اسلامي
شنو كانت نيته في انه يترك السهم باسمك ؟؟!!
انت تقول انه شرى للعميل الثاني معناه جذي انه عارف غلطته وليش يوهقك؟؟!!
جان باع من الاول مو ناطر لما ينزل السهم من 740 الى 580 ويقولك الحين انطر!! عقب ما ترضى بكلامه ما راح تقدر تسوي شي يعني انت الي بتحمل الخسارة

وادبيا المفرووض ان البروكر يعرض عليك من الاول تحمل الخسارة

وسؤال هل كان عندك رصييد يغطي قيمة الشراء؟؟؟!! والا نزلت عليك غرامه

اي نعم هذا الي يقهر
ليش ساكت اكثر من 20 يوم ساكت وخامر

بالنسبه للمبلغ اي نعم كان كافي
الحمدلله بس للاسف ليته شاري وحده ولا وحدتين ولا ثلاث!!!!!
الله كريم ان شالله باجر يحلها ربك
وصراحه كلامك جدا شجعني

 

[سامر]

اي نعم هذا الي يقهر
ليش ساكت اكثر من 20 يوم ساكت وخامر

اخي اسمح لي بسؤال

بأي تاريخ تمت عملية الشراء؟

وبأي تاريخ علمت بها ؟


وكيف عرفت انهم اشتروا لك اسهم ؟

وهل هم من اتصل فيك لابلاغك ام بالصدفة علمت بذلك ؟

 

[متداول اسلامي]

اخي اسمح لي بسؤال

بأي تاريخ تمت عملية الشراء؟

وبأي تاريخ علمت بها ؟


وكيف عرفت انهم اشتروا لك اسهم ؟

وهل هم من اتصل فيك لابلاغك ام بالصدفة علمت بذلك ؟

عملية الشراء بتاريخ 6\12

علمت بها اليوم تاريخ27\12
عرفت اليوم لما طلبت شيكات المفروض استلمها من اسبوعين وكل ما نتصل يقولون اصبر شوي ان شالله بس توصل نتصل فيك
اليوم اعترفوا
والي كلمني موظف ثاني
قال السالفه كذا وكذا .....
وقال انا هاوش الموظف وووو..........ز
وقلت له احمد ربك ان العميل نعرفه ...ولا كان سوى لك مشكله ....
====مايمشي هالكلام
يبوون يرفعوون فيني عشان اتنازل

 

[لحق ما تلحق]

اي نعم هذا الي يقهر
ليش ساكت اكثر من 20 يوم ساكت وخامر

بالنسبه للمبلغ اي نعم كان كافي
الحمدلله بس للاسف ليته شاري وحده ولا وحدتين ولا ثلاث!!!!!
الله كريم ان شالله باجر يحلها ربك
وصراحه كلامك جدا شجعني

لا تقوووول ؟؟
شاري لك جم وحده؟؟؟

 

[مستثمروون]

اخوي انا كنت شغال في المقاصه او اقولك شنو اللي اتسويه بس يعتمد متى تاريخ الصفقه قريب او بعيد

1- اذا اهوه غلطان بالرقم مثل مايقول تصير تعديل صفقه
من رقم تداولك الى رقم المتداول الثاني (رقم التداول الصح)

2- لو يقول الوسيط انك طلبت منه انه يشتريلك بالتلفون (يكون الحق معاه)

3-تعديل الصفقه يصير على اي تاريخ قديم بس خلال شهر او اذا عندك واسطه لي غايه 2005-1-1 مافي اي مشكله لانه الصفقه لها تاريخ او رقم الصفقه.(بس الكلام اللي راح يصير ضدك وينك كل هالمده؟؟) شنو ردك لهم

4-ممكن تحلها بينك او بين الوسيط اذا علاقتك زينه معاه.

5-انصحك انك اتحول على التداول الالكتروني مع شركة الخليج للوساطه (مجاني لانك راح تكون عميل عندهم).
6-ممكن انه شرى السهم حق واحد من عملائه الخاصين ($$$) او يوم نزل قطه عليك.(ماحطها بذمتي)

اتمنى اني وضحتلك كل شي

بالتوفيج

أخوي Riskman
ياريت تعطينا معلومة عن هالشركة ...حتى لو على الخاص ..
شلون نشترك .. وغيره من المسائل ؟ لو تكرمت
و على راحتك ...
شكرا مقدما

 

[سامر]

عملية الشراء بتاريخ 6\12

علمت بها اليوم تاريخ27\12
عرفت اليوم لما طلبت شيكات المفروض استلمها من اسبوعين وكل ما نتصل يقولون اصبر شوي ان شالله بس توصل نتصل فيك
اليوم اعترفوا
والي كلمني موظف ثاني
قال السالفه كذا وكذا .....
وقال انا هاوش الموظف وووو..........ز
وقلت له احمد ربك ان العميل نعرفه ...ولا كان سوى لك مشكله ....
====مايمشي هالكلام
يبوون يرفعوون فيني عشان اتنازل

هناك حلقة مفقودة

السالفة فيها لف ودوران

لان من كلامك يبدو انه قيمة الصفقة مرتفعة والشغلة مسؤول عنها الوسيط ثم المحاسب

الوسيط المسؤول الاول

ثانيا مكتب المحاسبة الخاص بمكتب الوساطة حيث متبع انه يبلغ الوسيط ان العميل رقم كذا لم يورد الشيك


ثالثا المعروف انه مكتب الوساطة يطلبون من المتداول الشيك ثاني يوم فاذا تأخر بحدود ثلاث ايام يبيعون السهم ويطالبونه بالفرق لماذا لم يبيعون السهم خلال هذه المدة ؟

وتقول انك كنت تتصل فيهم عن الشيكات اكثر من اسبوعين لماذ لم يبلغوك عن ( الصفقة الخطأ ) والشيكات التي لك تصدرها المقاصة يوم السبت ولماذا تسكت عن المطالبة باستلام شيكات لك كالعادة يوم السبت ! وبماان لك شيكات يعني عندك اتصال معاهم ويصدر ثاني يوم لك كشف فيه الصفقات التي تمت

هناك حلقة مفقودة!

 

[لحق ما تلحق]

اخ سامر
من سؤالي للاخ متداول اسلامي
انه كان في رصيده مبلغ يكفي كمية شراء الاسهم !!
فيسقط اي تصرف ثاني طالما المبلغ يكفي
انا ماني عارف هل كان تصريف باتفاق؟؟؟
لان هذا السعر كان اعلى شي وصله السهم من تاريخ 6-12 الى اليوم
وكان الاغلاق في هذا اليوم على 720فلس!!

صج الواحد متكدر عليك يا متداول اسلامي
عاد تصير غلطات مع البروكريه والواحد يسامح ولكن غير قصتك لان ما في من العفويه شي خاصة ان شرى للشخص الثاني غير الاسهم هاذي وما اعتقد لان وضع السوق كان في نزول ومن وقتها والسهم قاعد ينزل

 

[بوحميد]

أنا اعرف واحد نفس القصة بالضبط لا ناقص حرف و لا زايد ..... رفع قضية و دفع له مكتب الأهلية للوساطة 120000 الف تعويض و اذا تبي بياناته انا حاضر ..... لا تسكت عن حقك

 

[سامر]

اخ سامر
من سؤالي للاخ متداول اسلامي
انه كان في رصيده مبلغ يكفي كمية شراء الاسهم !!
فيسقط اي تصرف ثاني طالما المبلغ يكفي

الكاتب: متداول اسلامي

عملية الشراء بتاريخ 6\12

علمت بها اليوم تاريخ27\12
عرفت اليوم لما طلبت شيكات المفروض استلمها من اسبوعين وكل ما نتصل يقولون اصبر شوي ان شالله بس توصل نتصل فيك
اليوم اعترفوا

وتقول انك كنت تتصل فيهم عن الشيكات من اسبوعين لماذ لم يبلغوك عن ( الصفقة الخطأ ) والشيكات التي لك تصدرها المقاصة يوم السبت ولماذا تسكت عن المطالبة باستلام شيكات لك كالعادة يوم السبت ! وبما ان لك شيكات يعني عندك اتصال معاهم ويصدر ثاني يوم لك كشف فيه الصفقات التي تمت لماذا سكت ولم تراجع كالعادة ثاني يوم لطلب الكشف لان لك شيكات

هنا حلقة مفقودة!

ثانيا تقول ان الصفقة كانت لعميل آخر وحصل خطأ اطلب رقم العميل الذي يدعي انه كان ينوي الشراء له

وعموما الوقت ليس في صالحك المكتب مسؤول عن الموضوع و غدا قدم شكوى وراجع ادارة الوسطاء اولا وثم المخفر باثبات حالة لرفع قضية على المكتب غدا ضروري حتى لا يركب عليك الحق !

وهناك حلقة مفقودة

 

[لحق ما تلحق]

اخ متداول اسلامي
هذا الرابط راح تستفيد منه
http://66.46.183.12/stock/showthread.php?t=10940&page=27
ولكن المشكله ان حتى الاكتتاب انتهى اليوم

 

[بوحميد]

حكم نادر يعد سابقة في بورصة الكويت الزام شركة وساطة بتعويض متداول 120 الف دينار
حكمت لجنة التحكيم في سوق الاوراق المالية (البورصة) برئاسة المستشار علي المطيرات- أمس في دعوى التحكيم المرفوعة من أحد المتداولين ضد إحدى شركات الوساطة المالية بإلزام الأخيرة بأن تؤدي للمتداول تعويضاً وقدره يبلغ 120.000 د.ك (مائة وعشرون ألف دينار كويتي)، وذلك عن الاضرار التي اصابته من جراء قيام شركة السمسرة المدعى عليها ببيع اسهم مملوكة للمتداول دون موافقته ورضاه والحقت به خسائر فادحة تمثلت في انخفاض قيمة السهم الذي رفض المتداول إقراره لصفقة شرائه وتوقفه عن التداول لفترة طويلة.
وصرح المحامي محمد منور المطيري- وكيل المتداول- ان هذا اليوم شهد حكماً نادراً يعد سابقة في سوق الكويت للأوراق المالية يضع حدوداً للتصرفات غير المسؤولة من بعض الوسطاء في البورصة الذين لا يلتزمون بالقواعد والأعراف التي تنظم العمل في سوق الأوراق المالية وأن هذا الحكم سيكون له بالغ الأثر في ضبط التعامل في هذا السوق وقد أكد المحامي محمد منور سعادته بهذا الحكم بعد ان تم تعويض موكله وأعيدت له حقوقه وأمواله بعد ان كادت ان تضيع علماً بأن هذا الحكم غير قابل للطعن عليه بأي طريقة من طرق الطعن

>>>>>>>>>>>>>>>>>> جريدة الوطن​

 

[المقاطي]

حكم نادر يعد سابقة في بورصة الكويت الزام شركة وساطة بتعويض متداول 120 الف دينار
حكمت لجنة التحكيم في سوق الاوراق المالية (البورصة) برئاسة المستشار علي المطيرات- أمس في دعوى التحكيم المرفوعة من أحد المتداولين ضد إحدى شركات الوساطة المالية بإلزام الأخيرة بأن تؤدي للمتداول تعويضاً وقدره يبلغ 120.000 د.ك (مائة وعشرون ألف دينار كويتي)، وذلك عن الاضرار التي اصابته من جراء قيام شركة السمسرة المدعى عليها ببيع اسهم مملوكة للمتداول دون موافقته ورضاه والحقت به خسائر فادحة تمثلت في انخفاض قيمة السهم الذي رفض المتداول إقراره لصفقة شرائه وتوقفه عن التداول لفترة طويلة.
وصرح المحامي محمد منور المطيري- وكيل المتداول- ان هذا اليوم شهد حكماً نادراً يعد سابقة في سوق الكويت للأوراق المالية يضع حدوداً للتصرفات غير المسؤولة من بعض الوسطاء في البورصة الذين لا يلتزمون بالقواعد والأعراف التي تنظم العمل في سوق الأوراق المالية وأن هذا الحكم سيكون له بالغ الأثر في ضبط التعامل في هذا السوق وقد أكد المحامي محمد منور سعادته بهذا الحكم بعد ان تم تعويض موكله وأعيدت له حقوقه وأمواله بعد ان كادت ان تضيع علماً بأن هذا الحكم غير قابل للطعن عليه بأي طريقة من طرق الطعن

>>>>>>>>>>>>>>>>>> جريدة الوطن​

الله يكثر من امثال المستشار علي المطيرات
بصراحة الحكم جريء ونزيه ونفخر بمثل هذه الاحكام
وسابقه طيبه والي الاما م ياقضاة الكويت ....

 

[alwafi]

السلام عليكم

اخوى راح اجاوبك عن تجربه قبل سنه او اكثر تفاجئت انه فيه سهم فى محفظتى عند اطلاعى على كشف التداول الاسبوعى وبعد التدقبق لا حظت ان تاريخ الشراء كنت برا الكويت واتذكرت انى مادقيت على الدلال لانه اصلا كنت مشغول والشى الثانى فارق الوقت كان مصعب الموضوع.

المهم عرفت منو الدلال اللى شرا لى هالصفقه عن طريق رقمه وتفاصيلهاوالشخص امانه اعترف انه اذا هو اللى شرى لى هالسهم فهو اكيد كان غلطان بلغت مدير المكتب بالموضوع وعطيت فرصه للدلال بحدود شهر اذا ارتفع السهم بيعه حتى لو براس ماله لانه كان حيل خسران بس للاسف راح الوقت ومارتفع وكلمت مدير المكتب وباعوا السهم والفرقيه صرفوها لى بشيك صادر من المكتب , بس هل اللى تحمل الفرق المكتب او الدلال ماعندى فكره


وشكرا

 

[التحليل الفني]

اخ متداول اسلامي
هذا الرابط راح تستفيد منه
http://66.46.183.12/stock/showthread.php?t=10940&page=27
ولكن المشكله ان حتى الاكتتاب انتهى اليوم

هههههه خوش دعايه للمنتدي وبالمجانا

 

[متداول اسلامي]

ثالثا المعروف انه مكتب الوساطة يطلبون من المتداول الشيك ثاني يوم فاذا تأخر بحدود ثلاث ايام يبيعون السهم ويطالبونه بالفرق لماذا لم يبيعون السهم خلال هذه المدة ؟

!

اخوي يمكن انك فهمتني غلط
مو هم الي يبون الشيك مني
بالتفصيل
كان عندي شهادات اسهم خليتهم عندهم
ولانها كميات وشهادات
قالوا مانقدر نبيعهم كلهم بيوم واحد راح تأثر بالسهم
قال خلها وابيع لك شوي شوي
شي باع فوق وشي تحت على السوق
المهم
وكانت تصدر شيكات ويبلغني فيها
واقول طيب خل تتجمع واخذها كلها
باقي اخر شيك كل ما سالت عنه قال لي اصبر شوي
اسبوع او اسبوعين بس
واليوم تفضلوا وبلغوني


بس نبهتني على شغله مهمه ؟؟؟؟!!!!!
لان الشراء للصفقه الي تمت بالغلط مـأخوذ من قيمة الشيكات وماكان بالحساب شلون يقدروون يشترون من شيك صادر لي !!!!!
والله حوسه كل شوي تطلع عقده
ربك يحلها باجر

 

[متداول اسلامي]

بعد جبدي يا اخوي لحق ما تلحق وكل الاخوان صراحه قول وفعل وسند
ومثل ماقالوا الرجال مواقف ووقفتكم طيبه وماتنسي صراحه