لماذا هذا النزول الحاد وبكل هذه العوامل الإيجابية !! أدخل وأعط رأيك .. فهو مهم

[بورصراتي]

اتوقع قرب اعلان رفع الفائدة

والشي الثاني امتناع الصناديق من الدخول اذا نزل السوق بالفترة الحالية

 

[aadm1]

اعتقد الشلل بالانتر نت اللي اصاب فاستلكووو وشركاتها لا رتباط العديد من مكاتب الوساطه والعملاء بالانتر نت ,,,,,,,,,شكرا

 

[UN LIMITED]

السلام عليكم

أعتقد أنها عملية النزول متعلقة بعدة عوامل منها تعطل الإنترنت وكذلك ضغط متعمد من بعض المحافظ لتجميع بعض الأسهم قبل إنطلاقها لمستويات قياسية.

أما الظروف والمؤشرات فكلها تشير لصعود قياسي لسوق الكويت للأوراق المالية.

والله أعلم

 

[Quarter]

1- صعود غير مبرر عند تسوية أمور الحكم
2- انهيار الأسواق الخليجية ... دبي نازل 9% على ما اعتقد بيومين، أتوقع الخليجيين يسحبون سيولة من الكويت و يحاولون يبردون على أسهم في دولهم
3- عطل الانترنت أثر على على الكثير من الشركات و الناس و ليس فقط الأوسط

 

[mn7ash]

رفع الفايده الامريكية

 

[مزاجي]

أنا بصراحه استغرب من اللي يدور مبررات للسوق مالها اي معنى :
مثلا يقولون نزول سوق الامارات ( ليش ما تقولون ارتفاع سوق السعوديه ==نبي نتأثر فيه مو عارفين )
يقولك صعود غير مبرر عند تسوية الحكم === ليش ما تقول نزول غير مبرر قبل تسوية الحكم == وبعدين بالعقل اذا السوق ما ارتفع عند استقرار الوضع السياسي وترتيب بيت الحكم متى يرتفع انشالله (صلي عالنبي يامعود ) .

انا استغرب صراحه اللي يحط سبب النزول على على مشكلة الانترنت الحين اللي يسمعكم يقول احنا مانتعامل الا بالنت ( اصلا اللي موجودين بالبورصه اكثر من اللي برا ) ...
لاتحاولون تدورون شماعه تعلقون عليها الاخطاء الاسباب واضحه اذا السوق ما رتفعت في يوم تولية أمير البلاد للحكم (شي يقهر صراحه) اغسل ايدك من السوق ومن هالنوعية من التجار ..

الطمع ثم الطمع ثم الطمع ثم الجشع

والله نصيحه خلونا نطلع من السوق وخلوهم يشبعون منه

 

[دكتوراسهم]

راى شخصي

بسم الله الرحمن الرحيم

انا اعتقد ان نزول السوق هذه الاسباب

1- اول شي حاجز 12000 لامس الحاجز وارتد.

2- تعطيل شبكت الانترنت

3- جني ارباح من الصعود اللى صار

4- نقل مراكز الصناديق والمحافظ


في اعتقادى اليوم باذن الله السوق اخضر

-------------------------
سبحانك الله وبحمدك سبحانك ربي العظيم

 

[portfolio grl]

مضاربات الصناديق والمحافظ الغير مستقره و الغير مفهومة !!!

المحافظ و الصناديق لم يتدخلوا امس لا بالصعود ولا بالنزول

االمحافظ و الصناديق اصلا منصدمين من إلي صاير .. و كانوا حاطين ابالهم ان السوق ابيرفع نفسه مع القسم الخ...

و إذا ما تدخلوا اليوم ما اقول إلا الله يستر

و الله يوفق الجميع

 

[السوق الكويتي]

لو اتشوفوون الجرايد مالت اليوووم ... أغلب الحديث يدور عن هالنزول الغير مبرر للبورصة ... ويمكن انقطاع الانترنت له علاقة ...

اعتقد النزول كان غير مبرر .. ولم يكن له سبب واضح ...

اليووم ومع رجووع الانترنت .. راح يبين السووق عدل .. الوجه الحقيقي له ..

 

[مزاجي]

المحافظ و الصناديق لم يتدخلوا امس لا بالصعود ولا بالنزول

االمحافظ و الصناديق اصلا منصدمين من إلي صاير .. و كانوا حاطين ابالهم ان السوق ابيرفع نفسه مع القسم الخ...

و إذا ما تدخلوا اليوم ما اقول إلا الله يستر

و الله يوفق الجميع

مع احترامي لج اختي بس اذا المحافظ ما تدخلوا امس بالنزول لانه ماكو صعود من نزل السوق يعني منو اللي قاعد يعرض بالآلاف ويبيع صغار المستثمرين يعني !!!!!
شلون منصدمين يعني علبالهم السوق بيرتفع من نفسه واهم يشترون بالحد الاعلي ( من صجج انتي )
انتي تنطرين يتدخلون اليوم ليش ما تدخلوا عند اداء القسم للأمير (لكن صج ماكو وطنيه )

 

[عكس التيار]

السالفة عندي و أنا بو هندي

المحافظ بينزلون السوق ليما يملئون بطونهم من الأسهم ثم تبدأ الإنطلاقة

و الإنطلاقة قريبة بإذن الله... اربطوا الأحزمة

 

[الاوحديون]

أنا اعتقد ان لو يجتمعون خبراء التحليلات الاقتصادية لايجاد مبرر لهالنزول ما راح يقدرون يبررون ..........................

شي غريب جدا

 

[السوق الكويتي]

صعود خجول للسوق حتى الآن ...

 

[Bo Tasneem]

لحقوووووا وشوفوووووا تشاااااااارت السوووووووووووووووووق !!


بوتسنيم​

 

[spageti]

رحنا فيها

 

[السوق الكويتي]

واذا قلت اشفيه السووق نازل .. يردوون عليك ناس واتقوول السووق صارله فتره صعد صعوود كبير ... اذبحونا بهالموااااال ...

انزين .. السووق صحح تصحيح قوي ونزل .. وبعدين كمل النزول بعد وفاة أمير البلاد .... يعني بالله هل يحتاج يصحح أكثر يعني تبوونه يرد ليه 6000 نقطة !!!

الحين كل العوامل ايجابية .. ليش نازل !!!

اتحدى اي واحد يقدر يقوول شنو السبب !!! مستحيل .. نزول ماله داعي كلش !!!


ماصار سوووق ... صار صالة قمار !!! انت وحظك ...

 

[الاوحديون]

هذي المسخرة

اللي قاعد يصير مسخرة بمسخرة ......... شنو وليش و لماذا و عندماذا و سموماذا وقحرو ماذا لييييييييييييييييييييييييييييييييييش ماذا
...........................................................................
هالنزوووووووووووووووووووووووووووووووووووول بس بس بس بس بس بس بس

 

[Bo Tasneem]

التشارت العجيب .. آخر المستجدات !!


بوتسنيم​

 

[الاوحديون]

الى بو تسنيم الغالي

اللي قاعد يصير ياخوي العزيز شي يسمى بالبورصاكويتيز
اي حالة متطورة من مزيج جنون البقر و افلونزا الطير و بورقبة القمل


شي عجيييييييب والله

لا تواخذني لاني شبه بفلس

 

[عكس التيار]

الله يعوض عليكم و أوصيكم الهروب من القروض

و والله الوضع بالنسبة لي طبيعي

وقاعد أتصيد لي كم سهم حلو حق الأسبوع القادم أو اللي وراه