شركة مركز سلطان للمواد الغذائية ش.م.ك.م ( م سلطان )

[بوعدول]

سوال يا اخوانى اذا اجتمعت الجمعية العموميه هل راح ينزل سعر السهم
سلطان ؟

حبيبي على حسب توزيعات الجمعيه العموميه
اذا كانت التوزيعات طيبه فبتشوف السهم يشلل
بس اذا كانت التوزيعات اي شي فبتشوفه تحـــــــــــــــــــــــــــــت
والله يستر ويوزعون شي طيب ,,,,, انشالله نفس توزعات النقل , الله يهني ملاك سهم النقل

 

[info]

شكرا على الاجابة بوعدول
عيل شدى راح اتمسك بسهم سلطان

 

[careful_invest]

والله أتمنى أن تكون نص توزيعة النقل..بس الفرق ان ملاك سلطان جناعات!!!! يعني ما راح يطلع الفلس منهم الا بطلعة الروح!!! الله يستر

 

[barbarian]

شباب السهم راح ينزل الى 700 فلس أقل شي (يعني يمكن أكثر)

واذا توزيعة سلطان منحة فيها نزله أكثر بس اذا نقدي راح يرتد بقوة

اللي يبي يشتري...بعد اعلان سلطان أحسن عشان اتعرف متى اتدشله

المختصر المفيد:-

اذا وزع بس منحة....دخول السهم على 550 فلس
اذا وزع بس نقدي....دخول السهم على 700 فلس
اذا نقدي ومنحة.....تشتريه حد أعلى يوم الأحد على 750 فلس

هذه مجرد توقعات والله أعلم

 

[info]

اوكى يعنى ابيع ولا ما ابيع

 

[بوعدول]

اوكى يعنى ابيع ولا ما ابيع

حبيبي مسألت البيع والشراء هذي ترجع لصاحب السهم ومحد يقدر ينصحك بشي
يمكن احد ينصحك بالبيع وبعدين السهم يروح فووووووووووووووووق وماتقدر اتصيد السهم
وهم يمكن احد ينصحك بعدم البيع او ينصحك بالشراء ويمكن السهم ينزل اسفل السافلين
وحزتها وبالحالتين راح تتحسف انك سمعت كلام الي نصحك
فهالشي راجع لك
والرزقه من الله سبحانه وتعالى

 

[kappa]

سؤال اخواني

انا عندي سهم سلطان وشاريه بدينار وميه

واعتقد اني خسرت لا محاله خصوصا انا النزول قاسي جدا

والله يعوض

حاب اسئل كم توزيع سلطان للسنه اللي طافت ؟

 

[info]

طيب نبى تحليل لمركز سلطان
واحد من الربع يقول انه خبير فى الاسهم ان مركز سلطان فيها بيع قوى وبيع مستمر وترقب الشراء
اشرايــــــــــــــــــــــــكم يالشباب

 

[ebety]

والله ياجماعه بعد توزيعة المخازن صار الوظع مايطمن لا للوطنية ولا سلطان


والله يستر

 

[جمال1975]

والله ياجماعه بعد توزيعة المخازن صار الوظع مايطمن لا للوطنية ولا سلطان


والله يستر

اخوي الكريم

المستفيد الاول من توزيعة المخازن هم الوطنيه ومركز سلطان
ربحية الوطنيه تقريبا 9 مليون من 55 فلس غير المنحه
وارجو من الاخوان التصحيح اذا كنت غلطان

 

[ebety]

اخوي الكريم

المستفيد الاول من توزيعة المخازن هم الوطنيه ومركز سلطان
ربحية الوطنيه تقريبا 9 مليون من 55 فلس غير المنحه
وارجو من الاخوان التصحيح اذا كنت غلطان

نعم اخوي الكريم ولكن كنا متوقيعين توزيعة المخازن اكثر من هذه بسبب العقود الملياريه وتكون فائده الوطنيه وسلطان اكثر

 

[قربان]

...والله دنيا سلطان 800 فلس ... للحين اذكر مره شلون كنت ناطر علي اعصابي عشان اصيده علي 1800 فلس

اذا مارتد السهم باجر و اغلق اقل من 770 ...احتمال كبير السهم يتجه لي 600 فلس ( تصحيح 100 % ) للموجه الي ابتدءت من هالسعر في 10-2004...

اعتقد اذا وصل السهم لي 600 بيكون فرصه ذهبيه ...واذا ما وصل و ارتد ارتداد قوي اعتقد الاسعار الحاليه فرصه ممتازه لبناء المواقع للاستثمار ..


بالتوفيق للجميع

 

[bo-hamad]

باجـــر أجتماع مجلس ســـــلطان أنشاءالله تـوزعـتهم تـبـرد الجــبــد

والوطنية وراهم ويتحرك السوق فوووووق قولوا


أمييين

 

[سهمكووو]

الله كـــــــــــــــــــــــــــــــــــــــــريم

الله كـــــــــــــــــــــــــــــــــــــــــريم

الله كـــــــــــــــــــــــــــــــــــــــــريم


وتكون توزيعه فيها خير


اذا كانت توزيعتهم زينه بروح مركز سلطان بالري وبشتري

حق عيالي آيس كريم اللي بالتب العود

بس خوفك يحطونة بالتوزيعه عشان تبرد على السهم​

 

[بوعدول]

الله يستر باجر
يالله سترك
الله يستر مايكون في زيادة رأس المال عن طريق الاكتتاب ,,, الناس مفلسه

 

[بو موسى]

بشروا

السلام عليكم يا جماعة شنو صار على أجتماعهم

مو المفروض يكون اليوم الساعه وحده ! ! ! !

 

[wawwaw]

السلام

السلام عليكم يا جماعة شنو صار على أجتماعهم

مو المفروض يكون اليوم الساعه وحده ! ! ! !

9:19:54 تأجيل موعد اجتماع مجلس ادارة مركز سلطان لمناقشة بيانات31-12-05 الى20-03-06‏
يعلن سوق الكويت للأوراق المالية، عطفا على اعلانه السابق بتاريخ 14-03-06،
والخاص بموعد اجتماع مجلس ادارة شركة مركز سلطان للمواد الغذائية،
من أجل مناقشة البيانات المالية السنوية للشركة للسنة المالية المنتهية
في 31-12-2005، أنه قد تقرر تأجيل هذا الموعد من اليوم السبت
الموافق 18-03-2006 كما كان مقررا، الى يوم الاثنين الموافق
ِ20-03-2006، في تمام الساعة 03:00 عصرا.‏

 

[Black]

ان شاء الله تعليقه الى الاسبوق القادم
نبيه يشفط على الكل

 

[كويتي 2005]

سلطان يبيله حد أعلى أكثر من إسبوع بس علشان يرجع فوق دينار ، وأكثر الناس شاريته فوق دينار

يعني يبيله معجزه

 

[Moshaks_777]

لا شكله اسبوع راح يعلق على الراحه