الاكتتاب في صندوق ايفا الاسلامي ( عسجد)

[A.M.W]

السلام عليكم ورحمة الله

ياشباب صندوق ايفا اللي سبق صندوق العسجد حقق أرباح 102% يعني اللي عنده 10000 طلعتله ارباح 10000

بس تبون اقولكم شي ! ان صندوق ايفا اللي حقق ارباح 102 % كان أول تقييم له خسران 4,5 % فبالعادة الصناديق اول تقييمات لها تكون خسرانه

والتفاؤل زين وخل ننطر شوي لعلى الله يقدر الخيرة

 

[ربحت]

ها شنو أخر الاخبار

 

[زمان اقتصادي]

ها شنو أخر الاخبار

أداء صندوق العسجد



0.934 د.ك

صافي قيمة الوحدة في 28/6/2006

6.62 % -

الأداء من بدء النشاط

 

[بلاحدود]

صندوق المؤشر.. حرامي جديد

الصناديق الاستثمارية.. تاخذ من فلوسك وتعطيك!
قولوا شلووون؟
هالصناديق تحط فيها فلوسك وانت مستانس وتتوقع ارباح مرتفعة وتقييمات ممتازة, ولكن تدرون شيصير؟
هالصناديق تقوم وتستغل السيولة العالية من فلوسك وفلوس غيرك في المضاربة والتحكم ببعض الأسهم في السوق (واتكلم عن ملايين الدنانير), تلقاها تضغط على سهم وتنزل سهم ثاني وتخسف بسهم ثالث وتكون إنت واحد من ملاك هالسهم.. وتضارب بطريقة جنونية.. وبالأخير تنزل قيمة سهمك وتخسرك وتجني أرباح من ورا ظهرك.. يعني بالعربي.. تخسرك قيمة أسهمك وتاخذ أرباح منها عن طريق المضاربة والضغط اللي ما يرحم.. وآخر السنة ترد لك فلوسك على شكل أرباح أو أسهم منحة!.. وتطلع في النهاية.. مستانس أن صندوقك ربحان.. وبنفس الوقت زعلان لأن بعض أسهمك انخفست وانصابت بالشلل.. وتقعد تنطر شهور ليما ترتفع قيمة أسهمك وتترقع.. وخل أسألكم هالسؤال... صندوق المؤشر الخاص بشركة كميفك.. وينه؟ وين تقييمه؟ عالأقل وين فوائد الأموال المحتجزة فيه؟!!

اعتقد والله أعلم إن الأموال في هالصندوق وغيره من الصناديق الجشعة وخاصة اللي ما اشتغلت لحد الآن.. تستغل في المضاربة والخفس ببعض الأسهم.. ولما تسألهم شصار عالتقييم.. يقولون بعدنا ما اشتغلنا!.. السوق ما يساعد!؟! خل ننتظر ونراقب الوضع!

كلامي طلع في محله 100 بالألف.. هذا صندوق المؤشر ألغوه.. بعد ما لعبوا بفلوسنا.. وبعض الناس يقولون احنا مرضى نفسيين!!

 

[A.M.W]

بسم الله الرحمن الرحيم تو الناس بعدين انا ماقلت عنك انك مريض نفسي هههههههه ليش مو واثق بنفسك انا ذكرت مواصفات معينة ببعض الاشخاص تعطي هذا التصور

وبعدين هذا اول تقييم يا جماعة صندوق ايفا السابق اخوي داش في اول تقييم له كانت خسارة 4.5 % وثاني تقييم أظن بعد خسارة بس آخر السنة أعطى ارباح 102%

بعدين اللي مسوي قصة وعافس الدنيا ومو واثق بالصناديق وعامل هيصة وزنبليطة من طقه على ايده وقاله روح دش؟ اهو من محض ارادته راح واكتتب وبعدين يندب حظه والله تناقض عجيب

على العموم الصبر زين ولا تخافون باذن الله يربح الصندوق ونشوف ارباحه تقرقش بدينا

واذا خسر نقول قدر الله وماشاء فعل واللي في راسه ثأر يروح يفجر مجمع الصالحية باللي فيه ويفكنة من الحنة والرنة مو كل شوي طالعلنا وقايل ان السالفة فيها ان

 

[wildibm]

على فكرة صناديق الطاقة إلي نصحت فيها ما قلت عن دينار

صندوق موارد دينار وعشر فلوس (ماشاء الله)

صندوق قلوبال دينار ومتين فلس (ماشاء الله)

وانا قطيت في ايفا

 

[استثماراتي]

على فكرة صناديق الطاقة إلي نصحت فيها ما قلت عن دينار

صندوق موارد دينار وعشر فلوس (ماشاء الله)

صندوق قلوبال دينار ومتين فلس (ماشاء الله)

وانا قطيت في ايفا

حالك من حالي أخوي مالك إلا الصبر


الله كريم
الله كريم
الله كريم
الله كريم

 

[بوعابد]

أداء صندوق العسجد



0.934 د.ك

صافي قيمة الوحدة في 28/6/2006

6.62 % -

الأداء من بدء النشاط

هذا الصندوق من بدايته حقق خسائر
الله يستر عليع
عسي بس ما يوصل 500 فلس والناس تفقد نصف راس مالها


سواها البحر فيكم الظاهر

 

[وردة اليرموك]

انسحاب من الصندوق

اهربوا من الصندوق بسرعه لان الموضوع يبون يوصلون سهم ايفا على اظهوركم بالبورصه لاتعطونهم فرصه اطلعوا منه بسرعه

 

[أبو مناور]

Flower I advise you to keep it will goes up again

 

[انفو]

الصراحه راحه
الصناديق اقلبها لعب على الذقوووووووووووووون
يربوحون الملايين واحنا لنا الفتافيت وكله من افلووووووووووووووسنا وفلوس غيرنا .....
واللى يكتتب بالصناديق قلطاااان والف قلطان
...............

 

[المقاطي]

يطري علي افتراض وهو الاتي

ليش صندوق العسجد اسس
ليش ما يستخدمه مدير الصندوق
في شراء اسهم شركات البحر
حتى لو يخسر الصندوق وينحرم من
المكافأة ........
وياخذ مكافأته من جاسم البحر بعد ما يصرف
اسهم شركاتة علي الصندوق.....
هنيه مدير الصندوق افلس من مكافاة انجازات
الصندوق وحول نيته الي طريق اخر وهو ان يسخر
الصندوق لمصلحة البحر ويحقق بها ارباح
علي ظهورنا.....!!!
السؤال انه لو فعل مدير الصندوق الفرضية
السابقه ......(لاجريمة علية)
البلد ماعاد فيا امان البلايا اكلونا دون ادنى
شفقه.......



حلو مني شفقة صح

>>>>>>>>>>>

 

[Leoo]

يا شباب من شروط البنك المركزي لترخيص أي صندوق هو يجب على الشركه المؤسسه للصندوق المساهمه بمبلغ لا يقل عن 250 ألف دينار كحد ادنى ..

ثانيا لا يجوز للشركه المؤسسه للصندوق بيع اسهمها على الصندوق يعني ما يقدر البحر يبع اسهمه على الصندوق ..

وثالثا شركات البحر أغلبها غير شرعيه وفلا يجوز للصندوق تداول اسمها ولا تتعتبر مخالفه لشروط التأسيس ..

ورجاءا لحد يقول اشدراهم بتداول الصندوق ..اذا في أحد بيسأل هالسؤال انصحه يطلع من السوق بالمره لان مافي شي يقنه ..

فبسكم تحبيط وتشكيك..

تحياتي ..

 

[A.M.W]

يا شباب من شروط البنك المركزي لترخيص أي صندوق هو يجب على الشركه المؤسسه للصندوق المساهمه بمبلغ لا يقل عن 250 ألف دينار كحد ادنى ..

ثانيا لا يجوز للشركه المؤسسه للصندوق بيع اسهمها على الصندوق يعني ما يقدر البحر يبع اسهمه على الصندوق ..

وثالثا شركات البحر أغلبها غير شرعيه وفلا يجوز للصندوق تداول اسمها ولا تتعتبر مخالفه لشروط التأسيس ..

ورجاءا لحد يقول اشدراهم بتداول الصندوق ..اذا في أحد بيسأل هالسؤال انصحه يطلع من السوق بالمره لان مافي شي يقنه ..

فبسكم تحبيط وتشكيك..

تحياتي ..

صح لسانك يا خوي هذا الكلام والا بلاش زين لقينالنا مؤيد عالعموم كلامك سليم + علمي + مقنع + تفاءلي

 

[Pivotrend]

يا شباب من شروط البنك المركزي لترخيص أي صندوق هو يجب على الشركه المؤسسه للصندوق المساهمه بمبلغ لا يقل عن 250 ألف دينار كحد ادنى ..

ثانيا لا يجوز للشركه المؤسسه للصندوق بيع اسهمها على الصندوق يعني ما يقدر البحر يبع اسهمه على الصندوق ..

وثالثا شركات البحر أغلبها غير شرعيه وفلا يجوز للصندوق تداول اسمها ولا تتعتبر مخالفه لشروط التأسيس ..

ورجاءا لحد يقول اشدراهم بتداول الصندوق ..اذا في أحد بيسأل هالسؤال انصحه يطلع من السوق بالمره لان مافي شي يقنه ..

فبسكم تحبيط وتشكيك..

تحياتي ..

أعتقد أغلب كلامك هذا صحيح
و لكن بأمكانهم تنفيع الشركة الأم بطرق أخرى
طبعا غير أخلاقية ولكن شرعية و قانونية
والله أعلم

بالتوفيق للجميع...​

 

[Mohammadd]

معظم الصناديق لازم تعلن خسائر بسيطة في بداية نشاط الصناديق والسبب هو منع سحب المستثمرين فلوسهم بسرعه من الصندوق مما بلا شك لو تم ذلك لأثر على أداء الصندوق , مثلها مثل اللي بالسفينه وأراد أن يخرقها وبالتالي النتيجة هي إغراق الجميع ... النصيحة لي أولا وللآخرين هو الصبر ثم الصبر ثم الصبر وإنشاء الله راح نشوف خير والله أعلم .

أنا بصراحة أثق تمام الثقة بالخزام والسلمي ... شخصيات ثقه ومحترفين والله يكفينا شرهم ويسخرهم لنا ويعطينا من خيرهم .... آمين.

 

[Q8_]

ماشي
بعد ما عرفنا اننا غلطنا و سلمنا حلالنا و حلال عيالنا لهالناس الي ما ترحم الله يعطينا من خيرهم و يكفينا شرهم و يسخرهم لمصلحتنا و لمصلحة المسلمين
شلون اعرف سعر الوحده على طول
ولا سعر الوحده يتغير مره كل شهر او كم شهر
و متى اقدر ابيعهم قبل لا ينهبونها هالوحوش

و شكرا

 

[Mohammadd]

ماشي
بعد ما عرفنا اننا غلطنا و سلمنا حلالنا و حلال عيالنا لهالناس الي ما ترحم الله يعطينا من خيرهم و يكفينا شرهم و يسخرهم لمصلحتنا و لمصلحة المسلمين
شلون اعرف سعر الوحده على طول
ولا سعر الوحده يتغير مره كل شهر او كم شهر
و متى اقدر ابيعهم قبل لا ينهبونها هالوحوش

و شكرا

ليش هالتشائم أخوي ؟ الرازق هو الله ... والله كريم .

هناك تقييم شهري للوحده والمعلومه ممكن الحصول عليها من الشركة مباشرة . المفروض والواجب منهم (أخلاقيا وأدبيا ) أن يبادروا هم بإبلاغك بواسطة Sms أو بالإعلان بالجرائد ولكن للأسف يطنشون أحيانا ويتقاعسون عن أداء واجبهم بحجج لا يعلم بمصداقيتها إلا الله .

تفائلوا بالخير تجدوه ... الصبر زين وأنا أخوك وإنشاء الله يكون أداء الصندوق أحسن من أخوانه السابقين كلهم كانوا فوق 90 % .

 

[kuwait77]

ياخوان ممكن اعرف اخر تقييم للصندوق الله يرحم والديكم

 

[Wise]

مدري شنو الاسهم اللي داخلها العسجد