الاكتتاب في صندوق ايفا الاسلامي ( عسجد)

[Q8_]

هل استطيع ان استرجع فلوسي الان لاني اصبحت اشك بهذا الاكتتاب ؟

هل يوجد وقت معين اذا طولوا اكثر منه ارفع عليهم قضيه و استرجع فلوسي ؟

 

[kuwait77]

والله طولو والله من شفت الخبلات الثنتين اللى فى الاستقبال وانا عايفهم بس يالله شنقول

 

[A.M.W]

يا جماعة الخير الاسترجاع قانونا وحسب سياسة الصندوق بعد 3 اشهر من نهاية الاكتتاب يعني

بالعربي انسى تسترجع فلوسك قبل الثلاث شهور لا تحاتي اصبر ترا هذا الامر طبيعي في كل الصناديق والشركات هذي مو اول مرة انت عندك مستند رسمي انك دفعت فلوس لشركة البحر + عندك صورة من الشيك اللي حولته من بنكك الى شركة البحر

لاتعظمون السالفة يا شباب انا مكلم الدكتور محمد الطبطبائي عميد كلية الشريعة وعضو في لجنة الرقابة الشرعية في صندوق العسجد الرجل باشر عمله بالصندوق يعني الصندوق موصندوق وهمي الامر جدا طبيعي بس الصبر زين يا حلوين​

 

[Q8_]

لاتعظمون السالفة يا شباب انا مكلم الدكتور محمد الطبطبائي عميد كلية الشريعة وعضو في لجنة الرقابة الشرعية في صندوق العسجد​

طيب ليش ما يوزعون شهايد الاكتتاب ؟
خلهم يوزعون شهايد الاكتتاب اول

 

[A.M.W]

اكيد في شي عطل الشهادات بعدين حتى لو وزعم الشهادات شراح نسوي فيها راح ننطر الى شهر سبعة حتى تنقضي مدة الاسترجاع بالتالي وجود الشهادات مثل عدمها بهالفترة وكما قيل ( مافي شي بالساهل )

 

[زمان اقتصادي]

توزيع شهادات الوحدات ( صندوق العسجد )


إعتبارا من اليوم الأربعاء 17/5/2006

شركة الإستشارات المالية الدولية
مجمع الصالحية
الدور الخامس مدخل 8
ت/ 844432- 2455363- 2455636

ــــــــــــــــــــــــــــــــــــــــــــــــــــــ

 

[Q8_]

توزيع شهادات الوحدات ( صندوق العسجد )


إعتبارا من اليوم الأربعاء 17/5/2006

شركة الإستشارات المالية الدولية
مجمع الصالحية
الدور الخامس مدخل 8
ت/ 844432- 2455363- 2455636

ــــــــــــــــــــــــــــــــــــــــــــــــــــــ

مصدر الخبر ؟
يفتحون الخميس ؟
هل في فائض ولا اللي اكتتب ب 5000 وحده يحصل على 5000 وحده ؟

 

[AL_RAGI]

مصدر الخبر ؟
يفتحون الخميس ؟
هل في فائض ولا اللي اكتتب ب 5000 وحده يحصل على 5000 وحده ؟

مصدر الخبر جريدة القبس يوم الاربعاء الموافق 17/5/2006
والتخصيص بالكامل يعنى اللى طلب الف عطوه الف وشكرا

 

[Q8_]

الله يعطيك العافية اخوي الرقي
ان شاء الله نروحلهم السبت و نستلم الشهاده

 

[Q8_]

عندكم خبر عن صناديق اخرى تبى تنزل ؟

 

[AL_RAGI]

الله يعطيك العافية اخوي الرقي
ان شاء الله نروحلهم السبت و نستلم الشهاده

الله يجزاك خير لارقى ولابطيخ اسمى الراجى

 

[Q8_]

شفيهن الثنتين بالاستقبال
هن حلوات مافى شك بس لو متحجبات احسن

 

[wildibm]

اليوم استلمت الشهادة


وفي وحدة ثالثة لبنانية على ماعتقد
خلصنا الشغل بسرعة

المتينة مسيكينة
بس الثانية الكويتية الضعيفة
هذي إلي نفسية

المهم ماعلينا من نفسياتهم

اهم شئ يخلصون الشغل :d

 

[Q8_]

اليوم استلمت الشهادة
وفي وحدة ثالثة لبنانية على ماعتقد
خلصنا الشغل بسرعة
المتينة مسيكينة
بس الثانية الكويتية الضعيفة
هذي إلي نفسية
المهم ماعلينا من نفسياتهم
اهم شئ يخلصون الشغل :d

شنو الاوراق الي يبونها ؟
هل هي ورقة الاكتتاب بس

 

[wildibm]

بس الورقة الوردية

 

[Q8_]

يا كثر اعلاناتهم بالشوارع و بالجرايد و بكل مكان لما يبون يجمعون فلوس الناس
ولا اعلان لهم وقت توزيع الشهادات او الارباح يمكن اعلان صغير جدا صعب ملاحظته

 

[kuwait77]

يا كثر اعلاناتهم بالشوارع و بالجرايد و بكل مكان لما يبون يجمعون فلوس الناس
ولا اعلان لهم وقت توزيع الشهادات او الارباح يمكن اعلان صغير جدا صعب ملاحظته

اى والله اعلاناتهم تقول كانها اعلانات كاس العالم كل يوم اعلان اكتتاب فى خمس جرايد والحين يالله بالعزر درينا انهم يوزعون شهادات

 

[Q8_]

اعتقد ادارة العسجد غير نزيهه لهاذا السبب

والظاهر انني ببيعهم اول فرصه

 

[kuwait77]

يالربع اليوم عقدونى والله البنات الثنتين اللى خبركم قلتلهم متى انشالله اول تقييم للصندوق قالتلى والله ما ادرى الصندوق للحين ما اشتقل قلت يامعودة انتو قايليلى انه يبي يبدا اول تقييم 19/5 قالت حنى ماقلنا وانت لو مو واثق انك تبي تربح كان ما اشتركت فى الصندوق والحين الصندوق ماراح يشتغل عشان لايخسر قلت والله العيب مو عليك على اللى حاطك تستقبيل العملاء والا هذا اسلوب وحدة تستقبل عملاء

 

[أوتاد]

الله يعينكم ويصبركم ..

وبعدين شلون تقول احنا ماقلنا...
فشله صراحه انها اجذبكم..