مشكل
السلام عليكم
صج كل يبجي على ليلاه
تبون ينحل المجلس
ما تبون مجلس والللة مشكلة يا شعب
همك اليوم ما اتفكر باجر يرتفع السوق تطلع بجم دينار وتستانس تحسب نفسك الحين اسكت بتصير مليونير
بس البلد اضيع تمام عندك
واللة لو ينحل المجلس
او ما يكون عندك مجلس اتموت وانت ابمكان من القهر وجم واحد من بلاعت البيزة يبوقون عينك عينك
وفيك خير تكلم
ودواوينك تتسكر
ونص راتبك يروح
وبعد
وبعد
وبعد
واخرتها خل السوق ينفعك او الجم دينار اللي طلعتهم
يمكن المجلس في مساوئ ما اختلف بس حاد من شغلات وايد
يا اخوان المجلس صمام امان لنا ولعيالنا
واللة لو مو المجلس جان اتشوفون البوق علي كيفك
وما شفتو الزيادات بالرواتب
وطيحو ديون العراق الحين والمجلس والحكومة اتوزع الفلوس على المتردية والنطيحة وياريت لصالحنا لمصالحهم الشخصية
والخوف اللي عايشين فيه
خلونا نبي المجلس انشاء اللة في فرسان واللة وايد في المجلس
حرام نظلم شوفو الطبطبائي شوفو الصرعاوي شوفو الدكتور حسن جوهر
علي الراشد السعدون امسلم البراك الحجرف وغيرهم كثر
اللة يبارك فيهم
انتو يا اخوان اختارو بس اللي يمثلكم صح
ولا اتفكر بمكاسب شخصية
وشوف مستقبل البلد
واللة اهم من مليون بورصة
واللة انا خسران بالسوق واتمنا ان يصعد بس مو على مصلحة البلد
والديمقراطية الصحيحة والمراقبة
ترى مالنا مكات ثاني انروح لة او نقدر انعيش فية
واللة ما ادري نسيت اسمة من قال هل الكلام
( ترى الكويت مثل الزبدة ان نسيتوها راحت )
وما نبي ننساها ولا نتنازل عن اي حقوق لمصالح شخصية
مهما كانت الدوائر اتعب على الافضل
راح تكون الكويت افضل
سامحونا على الاخطاء اللغوية
ولكم الشكر
