الخليجية للإستثمار البترولي ش.م.ك مقفلة ( بتروجلف )

[SpeciaL 1]

وين الي كانوا يتكلمون عن سهم بتروغلف
غير انه خرعونا ما شفنا شي
لو داشين عليه وطلعنا الحين احسن لنا
بس الي قاعد يخرعنا من كان سعره 415 يسوي نفسه فلتت زمانه
طير علينا 75 فلس ربحيه
والمشكله الحين السهم بس علق سكتوا عنه من الفشله

التعليقات خلتنا إحنا ياللي خسرانين فيه نحيي صانع السوق لهالسهم
فما بالك باللي أصلاً مو عاجبهم هالقروب كله



أخوك/ ويلاه

 

[ابوناصر2]

السهم لايزال فيه خير بإذن الله
هو بإذن الله [يتجه الى 500 فلس بقوه
لكن لابد وان تكون هناك محطة جني أرباح على هذا السهم اعتقد إذا صار في تداول على السهم صدقوني راح يكون فرصه لإقتنائه


أخوكم
بوفواز

جزاك الله خير الجزاء
هذا الكلام كان بتاريخ 26 / 5 / 2006 يعني قبل أسبوع
هذا بوفواز وما عرفناه عنه طول عمره يحب الخير للغير قبل نفسه
ذكر للجميع وبالحرف الواحد وبدون لف ودوران ليقتنون هذا السهم ليعم الخير للجميع وعلى فكره رد ونبه مره ثانيه وكتب إشتروا السهم
بوفواز مهما نكتب عنك ماراح نوفيك باللي قاعد إتسويه والله تعجز الكلمات عن التعبير وتعجز الأصابع عن الكتابه لنوفيك حقك

الله يوفقك دنيا وآخره ويخليلك عيالك ووالديك

 

[بورش]

التعليقات خلتنا إحنا ياللي خسرانين فيه نحيي صانع السوق لهالسهم
فما بالك باللي أصلاً مو عاجبهم هالقروب كله



أخوك/ ويلاه

ماقول الا ويلاه على سهم يكسر الأرض تكسير
وناس انكسرت من القهر الحين
بس زين يمعود افتكينا من حنتهم

 

[بورش]

يشهد الله اني ما أملك بهذه الشركه
بس حب لأخيك ماتحبه لنفسك
صج صبرتوا ونلتوا ومبروكين
ويلي كنتوا تخرعون الناس وتنحشونهم من السهم ... موتوا قهر

 

[البواردي]

الله يوفق الجميع ويعوضكم خير يا رب

 

[بوراشد جروب]

هدية هالخبر الحلو للشباب

بتروجلف تنفذعقود نفطيةبسوريا ومصر والامارات بقيمة15م$ وتتفاوض على اخرى

​

إن شاءالله دوم نشوفكم مبتسمين

 

[boalons]

بتروجلف تنفذعقود نفطيةبسوريا ومصر والامارات بقيمة15م$ وتتفاوض على اخرى

​

إن شاءالله دوم نشوفكم مبتسمين

من وين هالخبر بوراشد ؟

هل راح نشوفه بالجرايد

 

[بوراشد جروب]

من وين هالخبر بوراشد ؟

هل راح نشوفه بالجرايد

هلا بالحبيب

هالخبر من الأخبار الي توصلني على المسجات SMS ... ما أقدر أقول أكثر بعدين أخاف يغتالوني...

وأكيد راح تشوفة إن شاءالله بالأخبار ...

 

[baselko]

الله بالخير بوراشد

على هالخبر الحلو بتروجلف ماراح تنصاد شرايك تنصحني ادش على

جراند باجر . وهل جراند راح تستفيد من صعود بتروجلف ؟

وشكرا

 

[ryaq]

هذا السهم اسمه ابو حفار واحد ، ارتفع هذا السهم بسبب هناك مشروع بيع الحفار واتضح بعذ ذلك لا بيع ولا هم يحزنون ، تطبيل للسهم ماشى هذه الايام وارتفاع يومى صاير عليه ، خايف يدبس فيه بعض الناس وبعدين نزول ثم نزول ، نريد نعرف الارباح اولا ، وهل ارتفاعه له اساس ام لا ، لان هناك شركات عندها ارباح لكن لا يرتفع سعرها لماذا هذا السهم بو حفار واحد يرتفع سعره ، والله الواحد يشك ان قيمته حاليا عادلة ، ولو نظرنا الى شركة مشابهه وهى اماراتية اسمها آبار مدرجه فى سوق ابوظبى لديها عشرين حفار وحققت نتائج جيدة عام 2005 وهذه السنة ستحقق اكثر ولها مشاريع كبيرة وسعرها لا يزيد عن 3 دراهم ، الذى اريد اقوله انشاء الله شركة بتروغلف سعرها الحالى يعكس الارباح المستقبليه والمشاريع التى لديها ولا يكون اشاعة بيع الحفار هذه السنة مثل العام الماضى . والله الموفق

 

[SpeciaL 1]

تعجبني الثقه

لولا قوانين المنتدى والا جان كتبت شي


أخوكم/ ويلاه

 

[بوراشد جروب]

الله بالخير بوراشد

على هالخبر الحلو بتروجلف ماراح تنصاد شرايك تنصحني ادش على

جراند باجر . وهل جراند راح تستفيد من صعود بتروجلف ؟

وشكرا

الكل راح يستفيد وأولهم أنا ...

أرجأ سؤالك الى عزيزنا بو تسنيم أهو أوفر مني لك بالنصيحة ...

 

[مستثمردولي]

شلون على التوزيعه الاسهم

المنحه شنو صار عليها

مافيه اخبار عنها

من يساعدنا

ودمتم

 

[المجموعي]

الله بالخير بوراشد

على هالخبر الحلو بتروجلف ماراح تنصاد؟

وشكرا

اخوي العزيز..

الخبر يقول العقود ب15 مليون دولار بسوريا ومصر والامارات

وهذه عقود قديمه ويتم الان تجديدها(لو صدق الخبر غدا) على مبلغ اكبر بدلا من ال12 مليون الى ال15 مليون دولار

ارجو ان الصوره اوضحت اكثر الان...

والله يوفق الجميع



وفقنا الله لما يحب ويرضى

 

[Bo Tasneem]

الكل راح يستفيد وأولهم أنا ...

أرجأ سؤالك الى عزيزنا بو تسنيم أهو أوفر مني لك بالنصيحة ...

قرار البيع والشراء شخصي ..

لذا أكتفي بالقول أن الأسعار الحالية فيها قفزة بإذن الله ..


بوتسنيم​

 

[Bo Tasneem]

اخوي العزيز..

الخبر يقول العقود ب15 مليون دولار بسوريا ومصر والامارات

وهذه عقود قديمه ويتم الان تجديدها(لو صدق الخبر غدا) على مبلغ اكبر بدلا من ال12 مليون الى ال15 مليون دولار

ارجو ان الصوره اوضحت اكثر الان...

والله يوفق الجميع



وفقنا الله لما يحب ويرضى

علشان عيون المجموعي ..

البتروجلف إلى 650فلس خلال الفترة القادمة بحيل الله


بوتسنيم​

 

[المجموعي]

علشان عيون المجموعي ..

البتروجلف إلى 650فلس خلال الفترة القادمة بحيل الله


بوتسنيم​

هلا بوتسنيم ..

تسلم عيونك حبيبي وماتقصر

والله العظيم اتمنى اشوف البتروجلف بالدينار وباسرع مايمكن بعد
لكن ياخوي

احنا ناس بالسوق ولابد ان كل واحد تعلم من اخطائه وصلح من روحه...

انا بسألك واتمنى القى عندك الاجابه بصراحه:

احدى الشركات راس مالها 10 مليون والشركه العام الماضي محققه نتايج سيئه وتوزيعاتها عاديه
وفوق هذا الربع الاول محققه خساير 700 الف دينار مايعادل 7 فلوس
واليوم 6/6 وباقي على الربع الثاني 20 يوم فقط ومافي اي بوادر لتحسين نتايج الشركه ولم يتم اعلان اي اعقد من الاخبار اللي تطلع
والسهم اقولك بيوصل لل 650 فلس!!!!!!

كمستثمر باي سوووووووووووق تعتقد هالكلام منطقي او عقلاني ان السهم يوصل لل650
كل العوامل مافيها عامل بناء كلها عوامل هدم

يابوتسنيم
انا وانت ندري ان اي شركه تملك نسبه طيبه لاي شركه انها تقدر ان تشيلها لي فوق من غير اسباب لله في لله
لكن
لو نقول حق الناس البتروجلف صاعده جذي ماكو عليها اي شي مااااااااااااااشي مو مشكله
لكن للاسف الكل قاعد يتكلم عن عقود وصفقات وتأجير حفار بمبلغ 170 الف درولار يوميا(للعلم لن يبدأ العمل به الا شهر 10) وانت تدري يابوتسنيم يعني ارباح الربع الرابع
وناس تكلم عن عقود كبيره بمصر وغيره ورجعت حليمه لعادتها القديمه
ولم يتعلم احد من الدرس

لي كلام راح اقوله للاخواني بالبتروجلف وجراند لكن خل يعدي نص الشهر ويجيب الله خير ساعتها او تكون الامور اتضضحت اكثر ويقدر الواحد يقول اللي يمليه عليه ضميره..

والله سابوتسنيم اتمنى اشوف جراند والبتروجلف بالدينار
لكن بالفتره هذي بالذات
احب احط المعطيات اللي جدامي سواء سلبيه او ايجابيه على الرغم من كل الكلام اللي اسمعه عن الشركتين...لكن؟؟؟

بوتسنيم تقدر تقولي السبب اللي يخلي البتروجلف توصل لل650 وطوف المجموعه الدوليه(ست الكل ام ال29 فلس للربع الاول) حتى لو تدزه لي على الخاص وانا اتجرأ وابط على الناس وانا اتحمل المسؤوليه... بس هااااااااا اذا كان سبب مقنع اقوله بس غير جذي لأ...

ناطر ردك يالغالي...

والله يوفق الجميع


وفقنا الله لما يحب ويرضى

 

[Bo Tasneem]

أفا عليك يا المجموعي ..

ماطلب إلاّ الحق .. وإنّا للحق لقائلون .. (بوتسنيم اشفيك حسبالك خطبة جمعة )

عموماً يالمجموعي .. صح عندهم خسارة بالربع الأول .. ولكن كم مرة أثنى الدكتور بشير في الجمعية على تاريخ 31/6 .. كنت هناك وسمعته تقريباً 4 مرات بأن موعدنا 31/6 وإن شاءالله أسهمكم مرتفعه ..

وترى الدكتور ماله شغل باللي قاعد يصير في سهمه على فكرة ..

بس كلّي ثقة بأن إعلان الحفار سيظهر بالقريب العاجل وإعلانات أخرى مصاحبة تدعم سعر السهم .. والنفيسي كان موجود بالمؤتمر الصحفي مع بوبدر آنذاك بين الناس عالمدرجات ..

فسمح بوبدر للنفيسي بأن يتكلّم عن البتروجلف .. فقال راح ينزل الإعلان تقريباً بعد 3 أسابيع يعني هاليومين يحل استحقاق الإعلان ..

فإن تم الإعلان بهالفترة فطبيعي راح تدخل بأرباح الربع الثاني إضافة إلى الخسائر الغير محققة والتي تحوّلت أكيد بصعود السوق وصعود الجروب إلى أرباح حلوه إن شاءالله ..

إن شاءالله جاوبت بكل شفافية أخوي المجموعي .. وياحبّك للفضايح


بوتسنيم​

 

[الفهلوي]

ولكن كم مرة أثنى الدكتور بشير في الجمعية على تاريخ 31/6 .. كنت هناك وسمعته تقريباً 4 مرات بأن موعدنا 31/6 وإن شاءالله أسهمكم مرتفعه ..


بوتسنيم​

بوتسنيم

سلامة أذونك

شهر 6 فيه 30 يوم وليس 31

يعني ما فيه تاريخ 31/ 6



الفهلوي​

 

[Bo Tasneem]

بوتسنيم

سلامة أذونك

شهر 6 فيه 30 يوم وليس 31

يعني ما فيه تاريخ 31/ 6



الفهلوي​

بومشعل .. انت تغط وتغط وتطلع صايدنا واحنا خايرينها !!

يبا مي سورري مي سورري .. عدلوها وشيلوا الـ 1 وحطوا مكانا 0 .. نأسف لهذا السمع الردي هاهااه


بوتسنيم​