على فكره شنو صار على بدل الإيجار ؟

[ابو غانم]

تدرون ياجماعه ليش سألت السؤال هذا !!!!

واحد من الشباب يقول مريت الرعاية السكنية عندي مراجعه وسألت عن موضوع بدل الايجار اللي أقره مجلس الامه قالوا له ماوصلنا اي شي بالخصوص هذا من فوق

معقوله ياجماعه .. أنا أسألكم صج ماصار شي بالجرايد ولا احد تكلم عنه .. متى راح ينزل وشلون الطريقه وهل سيتم إستدعاء المواطنيين أو تنزل مع رواتبهم ولا شلووووووووون بالضبط ؟؟؟

 

[SMoOoKY]

مضحك ومبكي...اذا اليوم انحل المجلس فقل على بدل الايجار السلام....

 

[بوعبدالله]

اذكر والله العالم اني قريت انهم احالوه للانعقاد الثاني يعني ان شاء الله بعد الصيف يتم وضع الميزانية
ماني متأكد بس ان شاء الله تكون ذاكرتي سليمة

 

[سوينق]

الامير دستوريا عندة شهر للتوقيع علية

 

[JoKaR]

بعد ماينزل في جريدة الكويت الرسمية يعتبر القانون ساري المفعول .. وينزل في الشهر ألي بعده .

في حال حُل المجلس قبل نزول الأعلان .. يعتبر القانون ملغي وكأن لم يكن لأنه لم يتم إقراره كقانون رسمي في الدوله .

الله يوفقنا ويوفقكم ..

 

[S500]

قريت قبل كم يوم بجريده السياسه ان البدل راح يبدون يصرفونه اخر الصيف وان اللي يستلم البدل في الوقت الحالي مايراجع الوزاره بتاتا
لكن اللي مايستلم ولا عنده بيت يبون منه تقرير راتب له ولزوجته اذا كانت تشتغل لكي يتأكدون من عدم استلامهم من جهات عملهم بدل سكن
ولا يطلبون منكم عقد اجار

 

[سوينق]

هيهيهي يعني اعتبر الخمسين فص ملح وداب ؟

 

[lion]

31/5/2006 يصدر في جريدة الكويت الرسمية وبعدها يعتبر القانون ساري المفعول .

ليس هناك علاقة بحل مجلس الامة والغاء القانون !!!

 

[bu-abdullaziz]

31/5/2006 يصدر في جريدة الكويت الرسمية وبعدها يعتبر القانون ساري المفعول .

ليس هناك علاقة بحل مجلس الامة والغاء القانون !!!

صح كلامك.

 

[الله يخارجنا]

نعم .............


لأن كل قرار صدر وتمت الموافقه عليه قبل حل المجلس ساري المفعول


لأنه لو كان العكس أول قرار يلغى هو ( تصويت الحريم )

 

[SMoOoKY]

وايد اشياء اذا العكس بتنلغي....الله يكون بالعون عشمونا فيه وكانا ناطرين.....

 

[مضارب 2]

سلام عليكم


اليوم قالي واحد من الشباب وحطووو خطين تحت قالي انه سأل الهيئة العامة للاسكان الي بجنوب السرة عن البدل وقالوله الامير وقع على المرسوم وراح يبدا يصرف من اول شهر 7 بدون اثر رجعي الي يستلم في السابق لا يراجع ولكن المستجد بالموضوع انه سيصرف لكل من لديه طلب سكن حكومي ولا يستلم من القبل بدل ايجار بان يراجع ليبن لهم رقم الحساب المراد تحويل البدل عليه ....



والله العالم...من صحت الخبر.

 

[ط¯ط§ط¨ط³1]

شباب ولي ساكن بيت ابوه هم يستلم .

 

[CENTRALBANK]

شباب ولي ساكن بيت ابوه هم يستلم .

يستلم

 

[مبروك]

سوال

يستلم

هل سقف الراتب مفتوح والا محدد

 

[JoKaR]

بعد ماينزل في جريدة الكويت الرسمية يعتبر القانون ساري المفعول .. وينزل في الشهر ألي بعده .

في حال حُل المجلس قبل نزول الأعلان .. يعتبر القانون ملغي وكأن لم يكن لأنه لم يتم إقراره كقانون رسمي في الدوله .

الله يوفقنا ويوفقكم ..

ياجماعه المقصد هني أن القرار بما انه مانزل في جريدة الكويت الرسميه لا يعتبر ألى الآن قانون .

لأن أي قرار رسمي لازم يتم أعلانه في جريدة الكويت الرسميه وبعدها يكون قانون ساري المفعول ..

 

[CENTRALBANK]

هل سقف الراتب مفتوح والا محدد

مفتوح .. ولكن هناك بعض الجهات التي تصرف لمنتسيبها بدل ايجار ..لن يتقاضوا من المؤسسة البدل

 

[hassankoc]

الي بشركة النفط يحوشه البدل استفسار

 

[خير الكلام]

السلام عليكم

سلام عليكم


اليوم قالي واحد من الشباب وحطووو خطين تحت قالي انه سأل الهيئة العامة للاسكان الي بجنوب السرة عن البدل وقالوله الامير وقع على المرسوم وراح يبدا يصرف من اول شهر 7 بدون اثر رجعي الي يستلم في السابق لا يراجع ولكن المستجد بالموضوع انه سيصرف لكل من لديه طلب سكن حكومي ولا يستلم من القبل بدل ايجار بان يراجع ليبن لهم رقم الحساب المراد تحويل البدل عليه ....



والله العالم...من صحت الخبر.

===

كلامك صحيح بس من تاريخ امس الاحد 21 يونيو 2006 .

 

[CENTRALBANK]

الي بشركة النفط يحوشه البدل استفسار

اللي يتقاضى البدل من الشركة ما راح يحوشة لانة مبين بشهادة الراتب