مسكينه الوالده والله

[Math-Man]

الوالده ينقالك باستثمر لها فلوسها ، مسيكينه عطتني فليساتها اللي ميمعتها ، 10 الاف ، توني الحين رديت لها فلوسها اللي صاروا 3 الاف بس ، والله قلبي يعورني و فشلة ،

صج اني منحرج منها المسكينه ، ينقال مستثمر يعني . يبا احنا وين والاستثمار وين ، من شاف ويهي

الله كريم

 

[الكويت غاليه]

لو آنا مكانك أردلها ال عشر آلاف و أبوس راسها و قولها سامحيني. الله يستر والله عسى ماعندها ضغط ولا سكر؟؟!!

 

[سوينق]

الرزق بيد اللة وعسى اللة يعطيها الصحة والعافية

 

[pipes_kse]

الله يعوض عليك بالصحة و العافية, بس طيب خاطرها ما اقصد تردلها ال 7000 دك الخسارة
بس هدية على الاقل تحبها و تفرحها و تنسيها خسائرها

 

[دنانير]

الله يطول في عمر والدتك انشاء الله . لكن سؤال ليش بعت وما صبرت حرام تخسر 70% من راس المال.

عموما انت الحين بعت وما ينفع الندم . انشاء الله يعوضك ربي علشان تعوض والدتك ولا تلوم نفسك تري الغالبية خسران خلال 2006 .


لا للبيع الا بعد ما يرجع السوق مثل ماكان وانشاء الله مثل مانزل له طلعة قوية وهذا احنا صابرين


دنانير،،،

 

[مرعوب بالسوق]

الله ايكون بالعون

الوالده ينقالك باستثمر لها فلوسها ، مسيكينه عطتني فليساتها اللي ميمعتها ، 10 الاف ، توني الحين رديت لها فلوسها اللي صاروا 3 الاف بس ، والله قلبي يعورني و فشلة ،

صج اني منحرج منها المسكينه ، ينقال مستثمر يعني . يبا احنا وين والاستثمار وين ، من شاف ويهي

الله كريم

الاخ العزيز

انت الغلطان من المفروض تاخذ قرض وترد افلوس امك

ولا اسمحلي انت الريال مو امك لانها عطتك الفلوس واهية ما تدري الحرمه الكبيره الله ايكون بعونها

لا ايكون فيها سكر بعد الله يرزقك على قد نييتك

ولكم التعليق

اخوكم مرعوب بالسوق (

 

[zizozaher]

الرضى

أهم شىء تكون راضية عليك

 

[RICARDO-KAKA]

قول آمين

عسى الله يعوض عليك و على والدتك ببيت بالجنه وعسى الله يعوضكم بما هو خير لكما أن شاء الله. آمين


قول آمين

 

[بوحسن]

بسم الله الرحمن الرحيم

« ولنبلونكم بشيء من الخوف و الجوع و نقص من الامو'ل و الانفس و الثمر'ت و بشر الصبرين»​

 

[أم منوره]

درر يابوحسن

 

[.osama]

لاحول ولاقوه إلا بالله العلي العظيم

عسى الله يعوضكم بدال هالخساره خير انشالله

والفلوس تورح وترد

واهم شي الصحه والعفو والعافيه​

 

[قرش البورصة]

لاحول ولاقوه إلا بالله العلي العظيم

عسى الله يعوضكم بدال هالخساره خير انشالله

والفلوس تورح وترد

واهم شي الصحه والعفو والعافيه​

صح لسانك

قدر الله وما شاء فعل

أهم شي الصحة والعافية

 

[mr3ashli-st]

موضوع يعور القلب
وأدرى حسرة الولد اكثر من الام
لكن لا تحمل نفسك مسؤليه لانك اجتهدت وسويت اللى عليك وامك عارفه بالمخاطره ورضت فصدقنى ياخوى ماعليك اى مسؤليه ولا حتى معنويه
هون على نفسك
واولا واخرا فلوسها لك وفلوسك لها وما اعتقد انك بتبخل عليها لو احتاجت
وما لك شغل باللى يقولك عطها فلوسها

 

[أوتاد]

لاحول ولاقوة الا بالله...

الله يعوضكم ان شاءالله ..

 

[خير الكلام]

السلام عليكم

استغفر الله العظيم .

والله فكرت شئ جايد .


الله يعوض عليها .

رد واخذ منها ال3 لالف وتسلف 10 الاف وعطها 13 الف وقول من البورصه .

 

[بوعدول]

الله يعوض عليك اخوي انشالله وترد باجي الخساره للوالده وفوقهم بوسه
,,,,
ذكرتني بواحد من الربع هم عمته ( ام مرته ) يقول عمتي عسره وعطتني 15 ألف دينار وهم نفس سالفتك ,,,, وألحين وصلت فلوس عمته 4 دينار
يقول كل ماتسألني شلون الفلوس يقولها أووووووووووووووووووووووووو تمام
يقول بس خايف لا تقولي عطني فلوسي مع الربح الي طلع يقول اهني شسوي ؟؟؟؟
ههههههههههههههههههههههههه
الله كريم

 

[slack]

ياخوي هذي اكبر مشكلة انه اغلب صناع السوق
اهم شي عنده انه يستغل الوضع ويشتري منك بارخص من سعر السوق
يعني الزبده انه ما يهمهم شي بس يبون يطلعون فلوس .
مافي احد يفكر يقول انه المساهم لنفرض انه حرمه تصرف على عيالها
او انه المساهم يكون طالب يدرس بره . ماعندهم رحمه بس وزع منحه وزيادات راس المال هذا سوقنا
شوف رحمة المسيح بالحيوانات و قوانينهم وشوف الي عندنا

الله يكون بالعون

 

[المعوشرجي79]

اهم شي اعترفت وقلت انه وينك وين الاستثمار وهذا للاسف حال سوقنا اكو عندنا مستثمرين كثر ما عندهم دراية كافية بالاستثمار حتى لو سالته هالسهم تابع حق اي مجموعة او جم ارباحه ومكرر ربحيته يرد عليك : انت شقاعد تقول ؟!

الله يعوضك بخير منها واهم شيء رضى الوالدين

 

[يا باغي الخير]

درر يابوحسن

درر القرآن وانتي الصاجه مو بوحسن مع احترامي لابوحسن

 

[SMoOoKY]

والله نفس الحال بس انا برضاها جزاها الله خير قالتلي هاك زيد راس مالك جرب حظك والله يوفقك والحمدالله مره فوق ومره تحت وبعدها سوقنا ماقصر بس ورويسك لي يومك خسايري غير محققه ناطر لين لو اطلع بخساره تترقع ودعوة الام فيها البركه انشاءالله

الله يعوض عليك اخوي انشالله وترد باجي الخساره للوالده وفوقهم بوسه
,,,,
ذكرتني بواحد من الربع هم عمته ( ام مرته ) يقول عمتي عسره وعطتني 15 ألف دينار وهم نفس سالفتك ,,,, وألحين وصلت فلوس عمته 4 دينار
يقول كل ماتسألني شلون الفلوس يقولها أووووووووووووووووووووووووو تمام
يقول بس خايف لا تقولي عطني فلوسي مع الربح الي طلع يقول اهني شسوي ؟؟؟؟
ههههههههههههههههههههههههه
الله كريم

بوعدول هههههههه والله ضحكتني يمعود يقولها وسيطي بعد الربحيه يحجز المبلغ سنتين ويردهم عقبها الله يكون بالعون