اكتتاب الخليج للملاحة

[bufahad]

شكرا لك على الخبر

 

[tajjir]

http://www.alkhaleej.ae/eco/show_article.cfm?val=316580​

 

[kha6622]

قبل شوي داق تلفون على شركه جلوبل وكيميفك


جلوبل قالوا لازم تفتح محفظه عندنا بقيمه 500.000 دينار كويتي
علشان تقدر تبيع الاسهم اذا انزلت السوق .


كيميفك قالوا لازم تكون شاري من عندنا الاسهم علشان تقدر تبيع
يعني مستحيل تبيع من عندنا اذا شاريهم من الامارات

والله يااخوان هيه هيه رجعنا بكفي حنين
لاجلوبل ينفع ولا كيميفك راضي يبيع لنا

 

[الشكر]

مبروك الادراج بعد العيد ان شاء الله

الخليج للملاحة القابضة' تعين رئيسا لمجلس إدارتها

عبدالله الشريم


23/10/2006 اعلنت شركة الخليج للملاحة القابضة، شركة مساهمة عامة (قيد التأسيس) عن اختيار المهندس عبدالله عبدالرحمن الشريم، رئيسا لمجلس ادارة الشركة وراشد حمد الشامسي نائبا لرئيس مجلس الادارة وذلك لمدة ثلاث سنوات بإجماع الحاضرين وذلك خلال اجتماع مجلس الادارة الذي انعقد مؤخرا في دبي. كما طلب المجلس من غازي عبدالرحيم الابراهيم القيام بمهام العضو المنتدب للشركة.
وفي السياق نفسه، وافق المجلس على تشكيل لجنة تنفيذية ولجنة مراجعة على ان يتم تحديد صلاحيات واختصاصات هاتين اللجنتين في وقت لاحق. وتتكون اللجنة التنفيذية من المهندس عبدالله عبدالرحمن الشريم وغازي عبدالرحيم الابراهيم وهزاع بكر القحطاني وراشد حمد الشامسي. فيما تتكون لجنة المراجعة من السادة عبدالرحمن آل صالح وسلمى علي سيف بن حارب وعبدالله محمد الحوسني وعلي حمدان احمد. وتم التأكيد في الاجتماع نفسه على تعيين شركة ايرنست آند يونغ Ernst & Young كمدققي حسابات الشركة وتعيين السادة مكتب هادف الظاهري وشركاؤه للقيام بأعمال سكرتير مجلس الادارة واللجان.
كما منح المجلس التفويض لراشد الشامسي وغازي الابراهيم مجتمعين او منفردين لاتخاذ كافة الاجراءات اللازمة لإدراج اسهم الشركة والتوقيع على كافة الطلبات والنماذج المتعلقة بهذا الخصوص. وفي هذا الاطار تنوي الشركة الانتهاء من اجراءات الادراج بعد فترة قصيرة من عيد الفطر.
وفي تعليق له على اختياره رئيسا لمجلس الادارة صرح المهندس عبدالله عبدالرحمن الشريم: 'اود ان اتقدم بالشكر الجزيل للسادة اعضاء مجلس الادارة لمنحي ثقتهم الغالية من اجل قيادة الشركة على دروب النمو والنجاح في وقت يشهد فيه قطاع الشحن والنقل البحري انتعاشا ملحوظا. والى ذلك فإنني سأبذل قصارى جهدي لتحقيق اهدافنا التي وضعناها للنمو بل ان يتخطى اداء الشركة ذلك بمراحل. كما اود ان اؤكد لمساهمي الشركة ان شركة الخليج للملاحة القابضة ستسير بسرعة نحو تبوء موقعها كواحدة من اهم الشركات العاملة في مجال خدمات شحن السوائل والنقل البحري في العالم'. وكانت عمليات الاكتتاب في الاصدار الاولي لأسهم شركة الخليج للملاحة القابضة البالغة قيمته 910 ملايين درهم قد اغلقت في السابع من اغسطس 2006 وبلغت حصيلتها 3.1 مليارات درهم وتمت تغطية عملية الاكتتاب بمقدار ثلاث مرات ونصف المرة (3.5 مرات).
والخليج للملاحة القابضة، شركة مساهمة عامة، (قيد التأسيس)، شركة سريعة النمو تمتلك 18 ناقلة بترول وبتروكيماويات بقيمة تبلغ 2.3 مليار درهم لنقل البترول ومشتقاته والبتروكيماويات. ومن خلال هيكل اداري متكامل توفر الشركة تشكيلة متكاملة من الخدمات للنقل البحري للبترول ومشتقاته والبتروكيماويات، الوكالات التجارية البحرية، الادارة الفنية للسفن ووكالات خدمة السفن في الموانئ.

 

[kuwaity777_777_]

كل عام وانتم بخير اعتقد بان السهم عند نزوله بالسوق سيكون سعره 4,30 دراهم والله اعلم مع تمنياتي لكم الربح الوفير والسريع

 

[بقايا-جروح]

كل عام وانتم بخير اعتقد بان السهم عند نزوله بالسوق سيكون سعره 4,30 دراهم والله اعلم مع تمنياتي لكم الربح الوفير
والله ودنااااااااااا ب 10 درهم ولكن الله اعرف بالعقل واحنا نمتلك بالسهم لكن نموت ونعرف شلون طلعت 4.30 بهالدقه ماشاء الله عليك حلمت فيها والا سمعت والاشنو بالضبط ؟؟ والله بس مجرد كلام ونكتب ياليت الكتابات ترقي لافضل من هالكلام وانا اخووك وبقول لك شغله ماراح يرفع السهم الكلام اللي تكتبه وبحفظ الله يالغالي

 

[bufahad]

شكرا على المداخله
لكن على اي اسا حسبت ها السعر

 

[kuwaity777_777_]

كل عام وانتم بخير اعتقد بان السهم عند نزوله بالسوق سيكون سعره 4,30 دراهم والله اعلم مع تمنياتي لكم الربح الوفير
والله ودنااااااااااا ب 10 درهم ولكن الله اعرف بالعقل واحنا نمتلك بالسهم لكن نموت ونعرف شلون طلعت 4.30 بهالدقه ماشاء الله عليك حلمت فيها والا سمعت والاشنو بالضبط ؟؟ والله بس مجرد كلام ونكتب ياليت الكتابات ترقي لافضل من هالكلام وانا اخووك وبقول لك شغله ماراح يرفع السهم الكلام اللي تكتبه وبحفظ الله يالغالي

الكثير يبي يعرف السبب اول شيء شركة قوية وثاني شيء اكثر الاكتتابات الي تصير بالامارات وبالاخص الشركات القوية تنزل بهذي الاسعار مع احترامي الكثير منكم في المنتدي يتخبط باسعار الي يقول 10 والي يقول 8 دراهم الخ بس ودي اقولكم شغله لازم تصير عندك خبره اذا بغيت تتداول الاسهم الكويتية او الخليجية ولكن اشوف الكثير من الي متواجدين معانا تنقصهم الخبره سلملم

 

[سليمان]

يا اخوان ... اتصل فيني واحد من الربع كان اكتتب ويانا في الخليج للملاحة ودق يشاورني لان في ناس يبون يشترون اسهمه على 3 دراهم ... وانا قلت له على كيفك اخاف اقوله بيع وينزل باكثر واذا قلت له لا تبيع ينزل اقل

الشاهد زين ان في ناس تشتري على هالسعر ... بس بيني وبينكم انا قلت له يشوفلي هالناس اذا يبون بعد علشان ابيع لهم .. الصراحة خوش مكسب 300% .. الحمدلله

وهناك في منتدى النوادي في شباب طالبين على درهمين ... على هذا الرابط

وعيدكم مبارك

 

[bufahad]

البيع داخل الكويت ولا بره على 3 دراهم

 

[سليمان]

البيع داخل الكويت ولا بره على 3 دراهم

داخل الكويت يا بو فهد
ومثل ما شفت يا بو فهد الظاهر ان النشاط بدأ الحين على السهم ... الله يرزقنا ان شاء الله

 

[kha6622]

ياأخوان ...
نقدر نبيع الاسهم بالكويت
محد حصل خبر ............
زين ماينفع بالسعوديه او البحرين

 

[بو_يعقوب]

السلام على الاخوه في المتدى :
كل عام والجميع بخير . وتقبل الله منكم الطاعه يا رب
انا انصح كل واحد يعرف شنو يبي من هالإكتتاب بمعنا انت مكتتب تاسيسي يعني مو خسران شي حتى لو ينزل بدرهمين انت الرحان ولاحظوا الفرق بينها هي ودانه غاز <--- هذا شركه جديده وانزلت قريب الخمس دراهم
فما بالكم بالخليج وهي مؤسسه من اكثر من سنتين ولها ارباح
انصح بعدم البيع واللي كاتبه الله يبي يجيك
هذا راي والفعل اللي ابي اسويه ناطر حتى تنزل وحاول ابيع بنفس اليوم والله الرازق سبحانه
والدعو الله التوفيق للكل

 

[بقايا-جروح]

الكثير يبي يعرف السبب اول شيء شركة قوية وثاني شيء اكثر الاكتتابات الي تصير بالامارات وبالاخص الشركات القوية تنزل بهذي الاسعار مع احترامي الكثير منكم في المنتدي يتخبط باسعار الي يقول 10 والي يقول 8 دراهم الخ بس ودي اقولكم شغله لازم تصير عندك خبره اذا بغيت تتداول الاسهم الكويتية او الخليجية ولكن اشوف الكثير من الي متواجدين معانا تنقصهم الخبره سلملم

شقاعد تقول الله يهديك بس اي شي شنو خبره واسهم كويتيه وخليجيه وسعر 4.30 لا توهق العالم معاك بكلام فاضي انت تتحمل ذنوبه

 

[بوكر]

اخواني ارجوكم

عيدكم مبارك وتقبل الله طاعتكم

اخواني اهدو اهدو الله يهديكم

اول شي نزل ابعشرة او ثمانيه او اربعه اواي سعر ياشباب

كل واحد يسمع كلام من افلان وفلان لاتلومون الناس الواحد اذا سمع شي حلو يبي يبشركم وونسكم

اول شي تعوذو من ابليس وانا سمعت من احد الاخوان في منتدى مؤشر نت في قسم الاسهم الخليجيه في موضوع عنوانه اكتتاب الخليج للملاحه

يقول انه نزول الخليج للملاحه بورصه دبي في تاريخ 25/11

اصبرو والميه تكذب الغطاس ونشاء الله تنزل على عشرة قولو انشالله

ولا تتنرفزون اذا احد قال راح توصل خمسه قوله انشالله تفائلو بالخير تجدونه

الله يهدي الجميع

وشكراً​

 

[bufahad]

داخل الكويت يا بو فهد
ومثل ما شفت يا بو فهد الظاهر ان النشاط بدأ الحين على السهم ... الله يرزقنا ان شاء الله

الله يرزق الجميع ويبارك لنا في كل شئ

 

[kha6622]

يا أخوان ...
بخصوص مكان البيع عند الادراج شلي صار عنه
لازم بالامارات فقط
ولا يصير بالكويت او السعوديه او البحرين

 

[me2withU]

نقدر انبيع واحنا بالكويت ولا اخذ طبيه واشلع للامارات ؟

 

[بروه]

الحمد لله علي كل حال

المصدر:منتدي الامارات للاسهم
تباع الان اسهم الخليج للملاحه ب درهم ونص في السوق السودا بدبي مع العلم بان الشركه لها ارباح عاليه ولكن هذا حال السوق المفتوح

 

[bufahad]

ما بقى شئ على الادراج والسهم بدرهم ونص غريبه !!