اكتتاب شركة الخليج للملاحة

[bufahad]

الف شكر لك اخي Brzaan على الرد اول مره ادري انه بنك الشرق فيه تداول لدبي

 

[bufahad]

يا جماعه ما في اخبار عن رد الفوائض ومتى تتوزع الشهادات

 

[أسد الجزيرة]

متى الادراج و جم السعر المتوقع

 

[سهم خسران]

يا جماعه ما في اخبار عن رد الفوائض ومتى تتوزع الشهادات

السلام عليكم

بالنسبه لي وصلت شهادة الاسهم عن طريق البريد وستلمتها قبل ثلاث ايام ودخل بحسابي فائض المبلغ المسترجع وشكرا .

 

[bufahad]

شلون استلمها وشلون رد الفاض في حسابك اخي الكريم

 

[سهم خسران]

شلون استلمها وشلون رد الفاض في حسابك اخي الكريم

هلا اخوي بو فهد

طال عمرك بنموذج الاكتتاب تسجل رقم تلفونك وعنوانك والبريد انا دزولي ضرف في شهادة الاسهم عن طريق صندوق البريد وبالنسبه للمبلغ الفائض انا عندي حساب بنك دبي الاسلامي نزلوا المبلغ على الاحساب وسحبته وطبعا تسحب المبلغ من اي بنك بالكويت لانه يعتبر خدمة كي نت ياريت اكون اني وصلتلك المعلومه وشكرا

 

[bufahad]

بارك الله فيك سهم خسران والله ما ادري بشوف بريدي باجر او بريد المطار

 

[سهم خسران]

بارك الله فيك سهم خسران والله ما ادري بشوف بريدي باجر او بريد المطار

حاضرين يابو فهد وبالخدمه وبالتوفيق انشاء الله

 

[bufahad]

انزين اخوي الكريم سؤال واعتذر عن الاطاله وتعبتك معاي الحين اذا سهم نزل في بورصة دبي وانا في الكويت شلون اقدر ابيعه واستلم افلوسي

 

[سهم خسران]

انزين اخوي الكريم سؤال واعتذر عن الاطاله وتعبتك معاي الحين اذا سهم نزل في بورصة دبي وانا في الكويت شلون اقدر ابيعه واستلم افلوسي

اهو لازم يكون عندك حساب بورصة دبي عشان تقدر تبيع وتشتري اذا كان عندك حساب تداول تقدر تبيعه وانت بالكويت عن طريق كذا شركة مثل الاوسط للتداول الاكتروني واذا باعولك تستلم فلوسك من عندهم وفي مشاركةو بنفس الموضوع يقولون انه بنك الشرق الاوسط يفتحلك حساب تداول هذا الشي اول مره اسمع في دق عليهم وسألهم هذا رقمهم 2245050 وشكرا

 

[bufahad]

جزاك الله خير سهم خسران وتصير سهم ربحان
بس بقى ان شاء موعد الادراج والسعر الطيب اللي يكون عليه التداول في دبي

 

[bufahad]

اتصدق اخوي سهم هذا السهم متفائل فيه وايد انه له سعر طيب وقت البيع

 

[وردة اليرموك]

سؤال ممكن

ممكن سؤال فرضا ما وصل الفائض وش العمل يعني افلوسي طارت ولا اقدر اطالب فيها والطريقه لوسمحتوا اختكم الورده محتاجه حل لمشكلتها وشكرا

 

[bufahad]

انا اليوم رحت البريد من صباح الله خير وما في شئ واصلني

 

[Nasser pwc]

السلام عليكم

​

ياجماعه وصل عن طريق البريد شهادات التخصيص بس بدون جيكات!
شلون الطريقه الحين احد عنده خبر

 

[alajmiktv]

الشيكات أوصلت ونصهم عند شركة حفظ الأوراق الخليجية ونصهم توزعوا على صناديق البريد ورقم تلفوون الشركة 2408140

 

[bufahad]

جزاك الله خير alajmiktv

 

[سهم خسران]

ممكن سؤال فرضا ما وصل الفائض وش العمل يعني افلوسي طارت ولا اقدر اطالب فيها والطريقه لوسمحتوا اختكم الورده محتاجه حل لمشكلتها وشكرا

لا اختي انشاءالله مايروح شي افلوسج راح توصلج انشاءالله هذي شركات كبيره لها مكانتها بالدول والمجتمع وانا شهادتي وفلوسي وصلوا
ويمكن يكون عندهم ضغط شويه على الاحسابات وطولي بالج عليهم شويه وشكرا

 

[سهم خسران]

اتصدق اخوي سهم هذا السهم متفائل فيه وايد انه له سعر طيب وقت البيع

الله يسمع منك وانا اوافقك نفس الراي لان مجال عمها كبير ناقلات نفط مو بيع علوج

 

[وردة اليرموك]

مشكور على الرد الوافي

لا اختي انشاءالله مايروح شي افلوسج راح توصلج انشاءالله هذي شركات كبيره لها مكانتها بالدول والمجتمع وانا شهادتي وفلوسي وصلوا
ويمكن يكون عندهم ضغط شويه على الاحسابات وطولي بالج عليهم شويه وشكرا

وانشاء الله انك سهم ربحان