ياشباب أنصدمت من قانون التقاعد .. من متى هذا ؟؟!!

[Navigator]

تسلم وماتقصر المدنية تضاف على العسكرية ؟؟؟؟؟

يضيفونها لكن مو كامله

الله اعلم هالسنتين يخسبونها لك سنه وشوية

ما تحسب سنتين وهالشيء متأكد منه

 

[بو ضاري 2005]

باقي لك علي التقاعد سنتين أذا أنت عسكري بس دير بالك من الغياب طوال فترة الخدمه ترى التامينات تخصمه ماتحسبه والضمائم بعد ماتحسب

وأسئل التامينات قبل لا تقدم علي اي خطوه

الغياب محسوب والمرضيه غير محسوبه بس الظمان مانى عارف شنو تقصد نورنى لنى طالع اخر السنه

 

[الصريح والصحيح]

الغياب محسوب والمرضيه غير محسوبه بس الظمان مانى عارف شنو تقصد نورنى لنى طالع اخر السنه

الضمائم الخدمه الممنوحه مثل أيام الغزو الله لايعيدها والمنح المحسوبه أيام الحجوزات لاتحسب الا بعد أكتمال الخدمه فعليا عشرين سنه

والله يوفق الجميع

 

[بو ضاري 2005]

الضمائم الخدمه الممنوحه مثل أيام الغزو الله لايعيدها والمنح المحسوبه أيام الحجوزات لاتحسب الا بعد أكتمال الخدمه فعليا عشرين سنه

والله يوفق الجميع

نعم صحيح الخدمه 20 فعلى والعمر 40 ومشكور على التوضيح

 

[مضارب شجاع]

ياشباب رحت هذاك اليوم للتأمينات الاجتماعية أبي آخذ شهاده لمن يهمه الأمر ... وياليتني مارحت .. لو قعدت قبل ماسمع نظام التأمينات الجديد الظالم كان أحسن

بعد ماخذيت الشهاده قلت أدردش مع الموظف عن أحوالي شويه .


والله لو اني دايناصور ماخدمت الخدمه هذي .. والــ 14 سنه هذي وين راحت .

قال حبيبي هذا النظام اللي وافقوا عليه مجلس الأمه 99 الفاشل .قالي شنو تبي تسأل عنه ؟

قلت أبي أسأل أنا متى أتقاعد بالضبط .. ( مجرد معلومه )

قالي أنت أشتغلت في عام 92 وصار لك الحين بالخدمه 14 سنه تقريبا ..

قلت حلو يعني أكيد باقي لي جم سنه وأتقاعد !!!!

قالي سلامتك .. أنت راح تتقاعد في 2026

قلت شنوووووووووووووو


قلت الله لايوفقهم اللي بهذلونا .. وانا مستانس على بالي ابتقاعد قريب والحين باقي لي ربع قرن .

ياجماعه والله ماصدقت السالفه هذي ولما عطاني ورقه فيها قانون التقاعد الجديد شفت الظلم بعينه في نظام التقاعد التعبان الظالم .

انا ودي أعضاء مجلس الامه يناقشون الموضوع هذا ويدرسونه دراسه لتعديله وارجاعه كما كان بالسابق

شرايكم ياشباب

اخوى بو غانم
تدرى ليش كل هذا القانون و وما هو هدفه المطلوب منه !!!!
ومع الاسف ولا واحد من الشباب أنتبه لهذا الشئ
الهدف من زيادة مدة الخدمه للموظف الكويت !!! ليس حبا فيه وطمعا فى خدماته وخبراته وحبه للعمل والعطاء المميز للموظف الكويتى !!!!
نما الهدف هو تجريد الموظف الكويتى من كل الزيادات التى تصرف للأولاد الخمسين دينار وهو اثناء الخدمه وعندما يصل عمر بعد عمر مديد يتساقط حقه فى صرف الخمسين دينار واحد بعد الثانى !!! الان اكيد اولاده راح يشتغلون وبناته راح يشتغلون او يتزوجون
اذن الهدف مادي فقط وهو تجريد الموظف من حق من حقوقه
ولكن الشره على الخمسين عضو والشره على كل مواطن يصاف عضو مجلس امه ولا يطب منه تغيير هذا القانون الظالم .

 

[أبو عبد الرحمن]

اشصار على قانون التقاعد في تعديل عليه ولا أرد الداخلية أحسن لي
مو معقوله يبوني أخدم لغاية 2040 يعني عمري راح يكون 65 سنة وتقاعد
إذا رديت للداخلية ( أنا موظف مدني حاليا وعسكري بالداخلية سابقا ) يبيلي 6 سنوات وتقاعد
اشرايكم

اشدعوه ترى الموضوع من سنة 2006 وأنا إلي رافعه ومحد رد علي

عموما أنا اليوم سألت التأمينات وقالولي ماعليك من وزارتك تقاعدك 2030 يحليلها سوتلي خصم 10 سنوات بس بنت الحلال تقول ما عليك بإذن الله هالقانون راح يرجعونه على النظام القديم بإذن الله

بسراحة هذا الموضوع معتمد على الله ثم أعضاء مجلس الأمة إلي ماضيعنا غيرهم

والله ضاق صدري هاليومين وفكرت إني أرجع للعسكرية مع إني منحاش منها بس شسوي

أنا أللحين وضعي زين ولله الحمد وحتى لو صار التقاعد على عمر 55 سنه إحتمال كبير أستمر في المدنية لأن كل يوم عن يوم قاعد يتحسن وضعي ولله الحمد

لكن

ما أستغني عن مشورتكم علي جزاكم الله خير

 

[Balloons Shop]

شالفايدة لتقاعدت وأنت طاعن بالسن
إذا ما استمتعت بالحياة وأنت شباب
ما راح يكون فيك حيل تستمتع فيها تالي

 

[الخليجي 1]

راي ناقد

مساكم الله بالخير

انا شخصيا عندي خبر من زمان من مواليد 1970 وصاعد يحق لهم التقاعد بعمر 55 وهم ردت علي احدي الموظفات بالتأمينات وقالت (لاتيأس كل يوم لنا قانون اكيد راح يخفضونه يوما ما .........)
السلبيات :
1 - على ما يوصل العمر 55 راح يكونون العيال كلهم كبار ويشتغلون فراح يسحبون منا علاوة العيال الخمسين دينار
يعني راح يقرع الراتب .
2 - الربع والاهل الي يشتغلون بالنفط او بالجيش والشرطة ( الوظائف الشاقة) راح يتقاعدون قبلنا بزمن طويل .

3 - راح يصير ضغط مو طبيعي على القطاع الحكومي وزحمة وراح تصير البطالة عالية لان احنا قاعدين وما كو تقاعد او راح يصير بطالة مقنعه يعني يوظفون الناس لكن ماعندهم مكان ومكاتب لهم يعني اسم وراتب وماكو شغل .

4 - طبعا كانت حجتهم ( الحكومة ) ان التقاعد بنظامه القديم راح يسبب عجز اكتواري وادعوا انهم اعتمدوا بكلامهم هذا راي خبراء واذكر ان بعض اعضاء مجلس الامة عارضوا بشدة هذا القانون وفندوا راي الحكومة بالادلة منهم الخبير الاقتصادى د.ناصر الصانع عضو مجلس 99

مانقول الا حسبي الله عليهم اعضاء مجلس 99 ال (..........) الاعضاء الى انضحك عليهم لانهم (.............) ولولا الادب لكتبت اكثر _ باطين جبدي

 

[Cha3bar]

السلام عليكم

حمدو ربكم .. 14 سنة خدمة وباجيلي 30 سنة عشان أتقاعد .. إلي بحالتي يعتبر نظام التأمينات ضريبة، الحل في وضع شرائح ويكون التأمين إختياري والأحسن إن تقدمه أكثر من شركة

 

[ivvvi]

سؤال شنو يعني لما واحد يقول أشتري تقاعدي ؟؟؟ !!!!

 

[ivvvi]

سؤال ثاني : هل قانون التقاعد القديم أصبح منتهي أم مازال يطبق على القدام ومن سن كم يطبق عليهم إو من أي تاريخ تعيين ؟؟؟!!!

 

[الخليجي 1]

والله حالة خدمتى شهر 4 القادم تصير 15 سنة وباقي لي 23 سنة على التقاعد حسب القانون المعفن

 

[الخليجي 1]

سؤال ثاني : هل قانون التقاعد القديم أصبح منتهي أم مازال يطبق على القدام ومن سن كم يطبق عليهم إو من أي تاريخ تعيين ؟؟؟!!!

حسب ما اعرف ان يحسبونها على المواليد
من 1970 منطبق عليهم القانون

 

[Navigator]

السلام عليكم

حمدو ربكم .. 14 سنة خدمة وباجيلي 30 سنة عشان أتقاعد .. إلي بحالتي يعتبر نظام التأمينات ضريبة، الحل في وضع شرائح ويكون التأمين إختياري والأحسن إن تقدمه أكثر من شركة

بينوا الشياب

 

[السور]

الله لا يعطيهم العافية على هالقانون الزبالة

 

[تويجر]

عادي
عندنا بالنفط طافو الثلاثين سنة ومايبون يتقاعدون

 

[Cigar_70]

خوش موضوع وشاكرين حق الى وضعه
سؤال شباب للأهمية
الي عنده خدمه تقريبا 28 سنة ودش عليه التقاعد الحين
ومسئول بالوظيفة والدرجة الأولى من سنة 2000 ووقفت زيادة الراتب من 2005 وامتيازات بالقارير السنوية ولم يتم ترقيتي لا بالأختيار ولا بالأقدمية الى الدرجة ب حتى هذا اليوم يعني 10 سنوات ومنتظر فشنوا يسوي الواحد .
وشكرا​

روح اشتكي عليهم بالمحكمة الادارية ...ليش هالتاخير عدم منحك درجة بالاختيار

 

[Cigar_70]

مساكم الله بالخير

انا شخصيا عندي خبر من زمان من مواليد 1970 وصاعد يحق لهم التقاعد بعمر 55 وهم ردت علي احدي الموظفات بالتأمينات وقالت (لاتيأس كل يوم لنا قانون اكيد راح يخفضونه يوما ما .........)
السلبيات :
1 - على ما يوصل العمر 55 راح يكونون العيال كلهم كبار ويشتغلون فراح يسحبون منا علاوة العيال الخمسين دينار
يعني راح يقرع الراتب .
2 - الربع والاهل الي يشتغلون بالنفط او بالجيش والشرطة ( الوظائف الشاقة) راح يتقاعدون قبلنا بزمن طويل .

3 - راح يصير ضغط مو طبيعي على القطاع الحكومي وزحمة وراح تصير البطالة عالية لان احنا قاعدين وما كو تقاعد او راح يصير بطالة مقنعه يعني يوظفون الناس لكن ماعندهم مكان ومكاتب لهم يعني اسم وراتب وماكو شغل .

4 - طبعا كانت حجتهم ( الحكومة ) ان التقاعد بنظامه القديم راح يسبب عجز اكتواري وادعوا انهم اعتمدوا بكلامهم هذا راي خبراء واذكر ان بعض اعضاء مجلس الامة عارضوا بشدة هذا القانون وفندوا راي الحكومة بالادلة منهم الخبير الاقتصادى د.ناصر الصانع عضو مجلس 99

مانقول الا حسبي الله عليهم اعضاء مجلس 99 ال (..........) الاعضاء الى انضحك عليهم لانهم (.............) ولولا الادب لكتبت اكثر _ باطين جبدي

شنو لازم يصير عمري 55 سنة علشان اتقاعد لالا مومعقولة

انا من مواليد 1970 ((واشتغلت سنة 91 ))

 

[مليون دينار]

انا مواليد 1962 وعندي خدمه 28 سنه

وما افكر اطلع تقاعد مرتاح بشغلي والحمدلله على الصحة والعافية

في مصر اذا الموظف طلعوه تقاعد يمرض ويموت حسره

 

[adel K]

السلام عليكم

الموضوع جدا ممتاز

من يحاسب التامينات ومن يستطيع ارجاع حقوق الموظفين

الموظف يخصم منه نسبة شهريا عن الراتب الاساسى والعلاوات الاجتماعية وعلاوة الاولاد والعلاوات الاخرى بمعنى عن الراتب كاملا شامل الخصم التكميلى

1- عند التقاعد يحاسب الموظف فقط عن الراتب الاساسى والاجتماعية والاولاد فقط ويخصم منه كذلك نسبة تقارب 25% ، وين راحت النسبة المدفوعة والتى تخصم شهريا من راتبك عن جميع العلاوات والتكميلى ايضا ، يقولك تحسب فقط التكميلى بحسبة خاصة وهى لاتطلع الا مبلغ بسيط جدا بالدنانير ، واذا طلبت من الموظفة حسبتها لك تقولك ما اعرف لها حسبة ، وتنحسب بالادارة وليس عندى ، وكثير من الموظفين علاواتهم اكثر او تعادل راتبهم الاساسى واجتماعية والاطفال ------------> فعلى اى اساس قانونى تاخذ التامينات الاجتماعية نسبة عن العلاوات شهريا ولا تحسبها لك عند التقاعد ؟
2- كلما زاد بك العمر اولادك سيشغلون او يتزوجون بمعنى لو بحسبة بسيطة بنتك تزوجت 18 سنه عمرها وولدك اشتغل وعمرة 22 سنة وهذا اذا توظف بسرعة وبنتك يالها نصيبها بسرعة تخصم 50 دينار من راتبك عن كل طفل ولا تحاسب عليه عند التقاعد --------> وين راحت النسبة التى كنت تدفعها طية 18 او 22 سنه للتامينات على اى اساس قانونى لا تحسب ؟ اين حق الموظف ؟
3- بعد عمر طويل وتوفى الموظف بعد تقاعده تقوم التامينات الاجتماعية بتقسيم راتبه على زوجاته واولادة ، اذا كان عمره كبير يعنى اولادة اما كبار او اقراب من العمر الذى ياهلهم على الوظيفة او اذا بنت من الزواج وكذلك زوجاتهم اكبار بالسن والقريب من العمر ال ربك ياخذ امانه بعد عمر طويل انشاء للكل ----------> فعلى اي اساس تخصم راتب التامينات الذى يعد كورث من والدهم لهم من تحصيل عمره له ومن بعدة لعياله كامل ، اذا اشتقل واحد منهم او تزوجت البنت او توفت الزوجة ( الارملة ) يفترض يوزع نصيب الشخص الذى اشتغل او البنت التى تزوجت او الارملة التى توفت على باقى الاسرة ولكن مع اسف يروح فى جيب التامينات ويستمر الخصم الى ان يشتغل الجميع وتتزوج البنات خصم واحد تلو الاخر الى ان يتم خصم المبلغ بالكامل وين راح ؟؟؟؟

4- اذا شخص كان يخصم من راتبة طيل فترة عمله وتزوجوا بناته واشتغلوا اولادة قبل ان يتقاعد حسب ما ذكرت اعلاه وعند تقاعده ما بقى الا زوجته واحدة يعطونها فقط 50% من الراتب المتبقى بعد ما يخصمون 25% من الراتب يعنى اذا راتبه 1000 مخصوم منه العلاوات يخصمون منه 25 % يتبقى 750 دينار يعطونها 50% اى 350 دينار -------> وين راحت الباقى ؟
اين حقوق الموظف ؟ الا يعد من الارث ؟ وبعد وفات الارملة يخصم بالكامل


اخوانى قانون التامينات غير واضح للعامه وتنصدم وقت ما تروح تسال وتستفسر .

1-اين حق الموظف بعد تقاعده اليس من حقة ومن حق اولادة وزوجاته ، يفترض ان تحسب المدة التى عمل بها الموظف والتى كان يدفع عليها تامين شهرى والمدة التى دفعوا لاولادة وارامله والفرق بدل ان يرجع الى التامينات تصرف كورث لولادة دفعة واحدة وتقسم عليهم بعد زواجهم او اشتغالهم بوظيفة ناهيك عن لزوم احتساب بالحسبة البدلات ولا يقتصر التامينات على الراتب الاساسى والاجتماعية والاولاد فقط وحفنه من الدنانير على التكميلى

3- يفترض ان لا يوجد حد اقصى للراتب المتقاعدين والذى لا يزيد عن 1250 وال راتبة كان يتقاضى اكثر بكثير ، فلماذا ادفع لشئ ما راح احصل منه عائد