النائب عبدالواحد العوضي يدعو الميسورين إلى تخصيص جزء من المنحة للشعب اللبناني

[انور النقوشي]

على فكره النائب العوضي مليونير وتاجر قبل لايصير نائب ولامره سمعت عنه انه يتبرع ولا حتى يزكي الزكاة الواجبة من هالملايين الي عنده اراهنكم انه حتى اهو ماراح يتبرع بهالميتين

معلومه خاطئه
عبدالواحد توه صار عنده فلوس ليش طبق مع المعازيب فقط
ام قبل لا اخوي انت غلطان
معلومه اكيده

كان طيار
و اخوانه كلهم موظفين بالحكومه
شلون مليونير و موظفين؟​

 

[boali]

العوضي يدعو المواطنين الميسورين إلى تخصيص جزء من المنحة لمساعدة «الشعب اللبناني المنكوب»
أهاب النائب عبد الواحد العوضي «بميسوري الحال وعموم المواطنين الراغبين في مساعدة الشعب اللبناني» تخصيص جزء من المنحة الأميرية التي سيحصلون عليها، والبالغة 200 دينار لكل مواطن، «لمصلحة هذا الشعب الشقيق والمنكوب جراء العدوان الإسرائيلي المتواصل منذ أكثر من 15 يوماً»,
وأكد العوضي في تصريح أمس ان «أهل الكويت جبلوا على فعل الخير ومساعدة المحتاجين والمتضررين من الحروب والكوارث الطبيعية».

يبي يكحلها عماها

خل يدفع اهو عن نفسه

ويخلي الامر هذا يرجع لنا

والحمد لله الشعب الكويتي ثلاث ارباعهم تبرعوا حق لبنان اذا مو كلهم

وما ننتضر منه او من غيره يوجه لنا هذا الاقترح

وهذا عمل انساني

لله الحمد الشعب الكويتي شعب طيب وكريم

وشكرا

 

[السهم الامريكي]

انا امووووت واعرف شي واحد وبس

على كل هالانتقادات والسمعة السيئة عن بعض هالاعضاء

ابي اعرف اشلون ينجحون بالانتخابات لا وبفارق كبير عن اللي

بعدهم ....؟ منو اللي ينجحهم غيرنا احنا والمشكلة النقد

موجهه لهم من اكثر من دورة وتلقاهم ينجحون اشلون ماني

عارف ؟؟ واتوقع الرد واحد وماكو غيره انه اغلب الشعب الكويتي ماعنده

ثقافة ونظرته قصيره والبعض يبيع صوته مقابل مبلغ زهيد

ولا اشلون ينجحون بعض هالنواب مثل عبدالواحد العوضي وخلف دميثير

وجاسم الصقر ..........................والخ.

 

[boali]

انا امووووت واعرف شي واحد وبس

على كل هالانتقادات والسمعة السيئة عن بعض هالاعضاء

ابي اعرف اشلون ينجحون بالانتخابات لا وبفارق كبير عن اللي

بعدهم ....؟ منو اللي ينجحهم غيرنا احنا والمشكلة النقد

موجهه لهم من اكثر من دورة وتلقاهم ينجحون اشلون ماني

عارف ؟؟ واتوقع الرد واحد وماكو غيره انه اغلب الشعب الكويتي ماعنده

ثقافة ونظرته قصيره والبعض يبيع صوته مقابل مبلغ زهيد

ولا اشلون ينجحون بعض هالنواب مثل عبدالواحد العوضي وخلف دميثير

وجاسم الصقر ..........................والخ.

تدري ليش

انا اقولك

العيب الرئيسي او الغلط في هذا الشي هي العواطف

والمحسوبيه وهذا ولد عمي وهذا اخوي وهذا رفيجي والى ----- اخره

ويتركون الاشياء الرئيسيه والمهه

اول شيئ واخر شي هو دينه وألتزامه بالشريعه الاسلاميه وسنة نبيه

وبالتالي نأتي بمبادئه ومواقفه الرجوليه والى اخره

بس للاسف (لا حياة لمن تنادي)

 

[CENTRALBANK]

يا جماعة الريال يدعو للعمل الخيري اللي يبي يدفع يدفع ولا تكونون عايق بطريق الخير .. انا اقول ان المنحة مو بوقتها 200 مليون اي ما يعادل 600 مليون دولار علينا بالعافية واخواننا بلبنان ما خصصت لهم الا تقريبا 50 او 60 مليون دولار .. شوفوا السعودية بجم تبرعت ... قبل فترة تبرعت الكويت ب 500 مليون دولار حق امريكا اللي قاعدة تساهم بقتل اشقائنا وتساعد الصهاينة ..الواحد يبجي على اللي قاعد يصير هناك شوفوا القتلى والاطفال والناس المشردة واحنا بفضل الله بخير ونعمة وترى ال10 وال20 ما تغني واجرك على الله سبحانة وتعالى وهذ اقل شي نقدمة .. واللي بيقدم الخير مالة شغل بغيرة ويشوف رفيق الحريري او غيرة او اعياله وعلى ما اعتقد تبرعوا عن طريق شركتهم بالسعودية .. مالي شغل فيهم ...وجهة نظر

 

[ALOTAIB]

والله ودى اتبرع بس السؤال هل راح توصل التبرعات
حق المحتاجين ولا مثل اللى لهفها ياسر عرفات

 

[CENTRALBANK]

والله ودى اتبرع بس السؤال هل راح توصل التبرعات
حق المحتاجين ولا مثل اللى لهفها ياسر عرفات

تقدر تتبرع عن اي طريق او جهه في لجان شعبية في هلال احمر شوف الاقرب لثقتك وكل شي مسجل عند الله سبحانه وتعالى

 

[boali]

والله ودى اتبرع بس السؤال هل راح توصل التبرعات
حق المحتاجين ولا مثل اللى لهفها ياسر عرفات

يوجد في بعض المساجد اهل الثقه ممكن ان تدفع لهم