شركة صكوك القابضة ش.م.ك مقفلة (صكوك) 2

[راعي سيمنز]

«أثمان» تشتري 5 في المئة من صكوك لـ «عارف» و«الدولية للإجارة»

محمد الإتربي

الإثنين, 1 - أكتوبر - 2007






أعلن مدير إدارة التداول في سوق الكويت للأوراق المالية محمد الغانم اتمام مزاد بيع 15.250 مليون سهم في شركة صكوك وهيأسهم مملوكة لمصلحة الشركة الكويتية للاستثمار الى شركة اثمان الاستثمارية وبسعر 230 فلسا للسهم الواحد، أي بإجمالي 3.507 مليون دينار، ومثل الكويتية للاستثمار مدير أول الاستثمار في الشركة فوزي فهد الشايع، وعن اثمان، مدير ادارة المحافظ والصناديق يوسف موسى العبدالرزاق، إذ أوضح ان الصفقة لصالح عملاء هم شركتا عارف والدولية للاجارة بنسبة 50 في المئة لكل منهما. مثّل الطرف البائع من شركات الوساطة (كي اي سي) للوساطة المالية والطرف المشتري شركة الوسيط لأعمال الوساطة.

http://www.alwasat.com.kw/Default.aspx?MgDid=23930&pageId=43

 

[Borsagi]

جزاك الله خير يا راعي سيمنز

وش رايك نقدر نوخذ باشر في صكوك على 154 ؟

شنو تنصحنا؟

الله يعوض الجميع خير

 

[Embad3]

استدعاء الزياده براس المال

يعني راح ينزلون اعلان بالجرايد والبورصه يقولون اللي يبي يكتتب بزيادة راس المال يجي يدفع ولو الكل اكتتبوا ومابقى من الأسهم زياده بيسكرون ولو ما اكتتبوا بكل الأسم يمكن بيدخلون ناس آخرين من برا ملاك الشركه بس السعر ماراح يكون 125 لا بيكون اكثر

بس متى بيعلنون ويطلبون الزياده؟؟؟؟؟؟؟؟
الله اعلم
ومتى بتنزل الأسهم الزياده لنا ؟؟؟؟؟؟؟؟
الله اعلم

ادري دوختك لكن حدي اسف و بس ابي اعرف الحين اللي بيصير انه لنا اسهم و لا لازم نكتتب فيها

 

[الساحل]

ادري دوختك لكن حدي اسف و بس ابي اعرف الحين اللي بيصير انه لنا اسهم و لا لازم نكتتب فيها

السلام عليكم

اخوي

انت عندك اسهم موجوده من قبل


الاسهم الموجوده راح تكتتب بنسبه 233%

يعني عندك 10000 سهم بتكلفه 200 فلس

راح تكتتب بكميه 23330 سهم بسعر 125 فلس

يصير مجموع الكميه الموجوده عندك 33330 سهم

بسعر

نحسبها عشان تحط كلفتك مكان 200 فلس اللي انا حاطها كتكلفه

10000*200=2000 دك تكلفه قبل الاكتتاب


23330 * 125 =2916 دك تكلفة الاكتتاب

مجموع التكلفه = 4916 دك
مجموع الاسهم بعد الاكتتاب= 33330 سهم

تكلفة السهم الواحد = 4916÷33330 = 0.1475 فلس للسهم الواحد

بالتوفيق

 

[Embad3]

مشكور ياأخوي على سرعة الرد وعساه في ميزان اعمالك بس اشلون بنعرف متى يبتدي الاكتتاب و وين؟؟؟

 

[الساحل]

مشكور ياأخوي على سرعة الرد وعساه في ميزان اعمالك بس اشلون بنعرف متى يبتدي الاكتتاب و وين؟؟؟

راح ينزل الاعلان في الجرايد

وراح تلاقي الاخوان اللي متابعين السهم راح يذكرون الموضوع في هذي الصفحه

بالتوفيق

 

[Embad3]

راح ينزل الاعلان في الجرايد

وراح تلاقي الاخوان اللي متابعين السهم راح يذكرون الموضوع في هذي الصفحه

بالتوفيق

شكرا جزيلا وجزاك الله خير

 

[الاديب]

رئيس مجلس أدارة صكوك شفيه جذي نفيسه،،،تصريحه يبي يجيب مصيبه،،الله يستر

 

[السعد محمد]

يصير الواحد يبيع اسهمة المجودة لديه اليوم بهذه الاسعار ومن ثم يأخذ فلوسها ويكتتب فيها لانه صاحب الحق في الاكتتاب .... هل هذا صحيح .

لو واحد يعطينا سعر التعادل للسهم يعني اللي يبيع بكذا بعد الاكتتاب يكون كأنه شرا بسعر كذا قبل 30 - 9 - 2007

 

[الساحل]

يصير الواحد يبيع اسهمة المجودة لديه اليوم بهذه الاسعار ومن ثم يأخذ فلوسها ويكتتب فيها لانه صاحب الحق في الاكتتاب .... هل هذا صحيح .

لو واحد يعطينا سعر التعادل للسهم يعني اللي يبيع بكذا بعد الاكتتاب يكون كأنه شرا بسعر كذا قبل 30 - 9 - 2007

مساك الله بالخير

اخوي


نعم لك الحق في بيع السهم وتدخل الاكتتاب لما ينطرح
انت كم سعر السهم عندك قبل التفسيخ ؟

 

[راعي سيمنز]

شكرا على الردود اخوي الساحل كفيت ووفيت

اخوي ابداع انت مخير تبي تكتتب او لا بكيفك بس لو تبي تكتتب بيكون لك 233% من الأسهم الموجوده معاك يوم الجمعيه فقط واللي تشتريه بعد الجمعيه مايدخل بالزياده

الموعد بيكون قريب ان شاء الله من شهر لشهرين طبعا ما ادري متى بس اتأمل انه ما يطول

للأسف اليوم حاولت آخذه حد اعلى بس ما عطوني مع انه انا قريب يمكن قبلي باقي 100 الف سهم بس الحمد لله على كل حال

بكره يمكن حد اعلى واتوقع هالشئ بس السعر اتوقع يوم الأربعاء بيوقف عن الأرتفاع وبتصير عليه مضاربه على 170 فلس ,,, طبعا سامحوني هذا ترا مو تحليل بس توقع والله الموفق

 

[راعي سيمنز]

عفوا اخوي مبدع غلطت باسمك

الأسهم الزياده براس المال لما يطلبونها بيعلنون عنها وبيحطون اعلانات بالجرايد وبيحطون لنا فترة اكتتاب يعني ممكن شهر وبعد الفتره هذي يصكرون الأكتتاب ولو بقى احد ما اكتتب بيغطون الباقي اما من ربعهم او بيعطون الخيار للمساهمين بالأكتتاب بالباقي بسعر غير 125

وبعد هالفتره بياخذون لهم فتره ثانيه تقريبا شهر بعد وبعدها بتنزل بحسابك بالبورصه وتقدر تبيعها بس وقتها اتوقع حد ادنى 3 او 4 ايام وبعدين مايتحرك السهم إلا كل 3 شهور ويمكن مايتحرك

الله يوفق الجميع ويرزقني ويرزقكم كل عمل صالح يقربنا اليه

لا تنسون اخواني الله القادمه القيام

 

[راعي سيمنز]

للرفع

 

[الفارس الجسووور]

الف مبروك ياملاك تستاهلون والله الف مبروك

 

[خالدالمطيري1]

الف مبروك لملاك السهم

 

[ابو الملايين]

مبروك للجميع حد أعلى لليوم الثاني وانشاء الله غدا هم حد أعلى بس قولوا آمين

 

[Borsagi]

بس يا جماعه كميات التداول ضخمة جدا وهذا غريب لسهم بعد التفصخ يداول بهذه الكميات.... لعله خير ان شاء الله

 

[AL_RAGI]

بس يا جماعه كميات التداول ضخمة جدا وهذا غريب لسهم بعد التفصخ يداول بهذه الكميات.... لعله خير ان شاء الله

تجميع

 

[راعي سيمنز]

اليوم كمية ضخمه واللي باع اليوم اعتقد انهم مجاميع يقطون ويسحبون علشان يسحبون اسهم غيرهم

اعتقد السهم راح يكون له سعر عالي بالوقت القريب

 

[الاديب]

بس يا جماعه كميات التداول ضخمة جدا وهذا غريب لسهم بعد التفصخ يداول بهذه الكميات.... لعله خير ان شاء الله

بالعكس ماهي كميه كبيره شوف الشركات الثانيه واحكم،،شوف سعر الكميه شوي