السلام عليكم
(شلون إنوازن السوق)
با جماعة النزول كان متوقع و الناس إتكلم عنه من زمان، بس خلونه نحاول نشرح النزول بأسباب منطقية أو واقعية و ما إنحطة عل محافظ:
إلحين السؤال إهوا شلون الواحد يربح من السوق؟؟
أعتقد كلنا إنعرف إنه السهم إذا إرتفع ربحنه من وراه.
إنزين شلون يرتفع السهم ؟؟
يدشون ناس عليه يشترونه عشان متوقعين إنه السهم بيرتفع وايد و يربحون.
إنزين إذا دشو عل سهم و يبون يطلعون الربح منو يشتريه منهم عشان ياخذون الكاش ؟؟
أكيد ناس إمفكره أنه السهم بيرتفع زود بس ما يرتفع (يعني إنته ما تربح إلا إذا أحد خسر)
أوكي شنو الحل إلحين ؟؟
سهلة أعتقد،،، شرايكم إنخلي للناس تربح إذا نزل السهم....
شلون تربح الناس إذا نزل السهم ؟؟ بتقولون ما يصير، لأ يصير .
الله يسلمكم في شيئ إسمه Short Selling و هو عبارة عن بيع ما لا تملك من الأسهم بأجل تسليم غير مسمى. يعني بالكويتي أبيع السهم قبل ما أشتريه و إذا نزل أشتريه عشان أسلمه حق إلي شراه مني بالأساس و الحلو فيها أنك مو ملزوم إتسلمه إبتاريخ معين بس المسئلة فيها شويت شروط منها أنك لازم إتحط كاش يغطي السهم أو إتروح عليك فلوسك إذا وصلت الخسارة سعر معين. حالها حال الشراء بعض الناس يقولون لأ شلون أنا اقولكم إذا شريت و نزل سعر السهم تصبر علية أو تطلع صح ولا لأ
إنزين دام الكلام منطقي فـ ليما إتسوي Short Sell نفس الشيئ يا تصبر يا تطلع إنزين بس فيه ناس يقولون إذا صبرنه إتروح فلوسنه انا اقولهم إذا شيت السهم و ليما يوصل 0 فلس سعره مو راحت فلوسك !!!!
بس لازم نسأل الشرعية عن مدى تطابقها مع الدين و إذا لها مخرج شرعي
و مشكورين