من المستفيد من تكسير عظام سوق الكويت للأوراق المالية؟

[ناطر الفرج]

أدعو أخواني أعضاء المنتدى أهل الصمود والمقاومة الي الصبر وعدم الإستعجال في البيع الي أن تعدي هذه الأزمة وأن نقاوم حتى آخر رمق ,,,,,,,,,, عفوا حتى آخر فلس

احنه لها

والله كريم

 

[ارسطو الدروازه]

الله يعينكم .... اللى يقوول اصمدو ولا تبيعون هذا غلط

شنو حرب هذا سوق اخسر 30 او 40 فلس بس لا تخسر اكثر

مادرى شنو هالصمود اللى عندكم ....

الله يوفقكم ..........

 

[البورصوي]

عقاب سياسي لمجموعه الخرافي ....وفض للتحالف والشراكه

السلام عليكم

اعتقد والله اعلم ان مايحصل في سوق الكويت هو عقاب سياسي لمجموعه الخرافي من تحييد اسهمها والغاء عقود الشركه الوطنيه العقاريه بالمنطقه الحره حيث ان المجموعه تمتلك نسبه كبيره من الشركه

وسمعنا عن اخبار برفض الدعوه المرفوعه من مجموعه الخرافي

كل ما يحصل

هو عقاب سياسي وفسخ للشراكه المرتبطه بين المجموعه والحكومه بعد ان انتهت اسبابها


والخاسر الاكبر هو المواطن العادي طبعا

 

[مضاربجي2006]

أخ أرسطو البيع والشراء مسئولية شخصية وأنا مامنعت أحد عن البيع وإنما قلت عدم الإستعجال سواء في البيع أو الشراء وسواء للمضارب والمستثمر والسلام ختام

 

[محتار شلون أربح]

المحكمة

مافي أي خبر عن المحكمة؟؟؟؟؟؟؟؟؟؟؟؟؟؟؟؟؟؟

 

[ABO THAMER]

بيع النصف أو الثلث من الأسهم , وانتظر باكر ( عسى )

حاول توازى الأمور من الوسط

أم السوق رواسى ... وانت تتفرج تقول الصبر ( خطأ )

يجب ايقاف الخسائر ولو بالمعقول

وعصفور باليد ... خير من عشرة على الشجرة

والله يعوضنا وياكم

 

[q80mofa]

ما إقول إلا
لا حول ولا قوة إالا بالله العلي القدير
الله كريم والصبر مفتاح الفرج إن شاء الله
وربنا عالظالم
كنت أحترم مجموعة الخرافي ولكن عقب مانكشفت مصالحه الشخصية
(طاح من عيني)

 

[Believer]

اول شي هالكلام حق المضاربين مو المستثمرين.. اول شي الله يعينكم ويعوضكم انشالله اللي خسرتوه واكثر

في ناس باعت من الاسبوع اللي طاف ووقفت خسايرها وقاعد تطالع الحين وكل ما نزل السوق استانسو اكثر ليش انه بيردون يشترون نفس اسهمهم بسعر ارخص من اللي باعوه.. صج انهم باعو بخساره بس خسارة 50فلس قبل اسبوع ولا خسارة 200فلس الحين.. والحمدلله انا واحد منهم

وناس لي الحين تبي تصمد.. تعاند نفسها.. المؤشر الوزني اذا وصل -5 اشارة بيع واليوم المؤشر الوزني -16.. مؤشر الماكد شق خط الصفر رواسي وانتو لي الحين صامدين.. حرام اللي تسوونه بنفسكم والله وبعدين تقولون المحللين خسرونا والتحليل مايمشي على سوق الكويت.. الا يمشي ونص واشارة البيع كانت واضحه من قبل شهر.. وهذي مشاركتي بتاريخ 3/11 حذرت فيها بخط عريض احمر http://www.indexsignal.com/vb/showpost.php?p=520586&postcount=864

انا ماقول انه السوق 100% بينزل لانه صراحه الاسعار اولريدي نازله وايد واسعارها رخيصه وتعتبر فرص استثماريه.. معظم المؤشرات سلبيه ماعدا الrsi وصل 30 وعطى اشارة شراء.. يمكن اي وقت يوقف الانهيار وترد عافية السوق.. وانشالله يرد مثل ماكان واحسن والله يعوضكم

بس الوضع خطر ونسبة المخاطره كبيره هالايام ماتدري السوق لي متى بيظل ينزل.. والمؤشرات الفنيه والاخبار معظمها سلبيه

هذا رايي ويمكن ناس وايد تختلف معاي .. والبيع والشرا مسؤووووولية شخصيه

أخوي ... رايك هذا يمشي مع اللي يقدر يضارب ... يعرف الوقت اللي يطلع فيه والوقت اللي يدخل فيه ... ويعرف أحوال الأسهم وتقلباتها ... ويقدر يسيطر على أعصابه بالبيع والشراء ...
بمعنى لو واحد سمع كلامك وباع السهم أو ما حذرت إنت ... ثاني يوم لاقى سهه صار فوق السعر الباع عليه بتكه أو تكتين أو أكثر... برايك شنو حيسوي ؟؟ ... أنا أقولك ... رايح يشتري سهمه مره ثانيه بالعالي ويقول إن تحليلك طلع غلط بغلط ... وبعدين يكتشف إنه شرا بالعالي وسهم نزل أكثر من السعر اللي باع عليه أول مره ... والثاني سمع كلامك متأخر مثل اليوم وقرر باكر يبيع على اي سعر ... أعتقد إنه صعب يقدر يشتري بسعر أقل، وإن نزل سعر سهمه، يمكن ما يشتري لحين السهم يرتد ويرتفع عن السعر اللي باع عليه .... فالنتيجه أيضا خسر ...
سؤالي لك عشان ينتفع فعلا المستثمر والضعيف بالمضاربه ... شرايك بأسعار اليوم للأسهم عامه نسبة إلى أرباحها، هل تستحق الاستثمار لمدة سنه واللا لا؟ ما أقصد إنه ممكن يكون في أسعار أفضل ولكن أقصد هل من المتوقع (( ولا يعلم الغيب إلا الله )) إنه سيكون رابح أم خاسر بعد عام أو عامين من اليوم ؟

 

[Believer]

بيع النصف أو الثلث من الأسهم , وانتظر باكر ( عسى )

حاول توازى الأمور من الوسط

أم السوق رواسى ... وانت تتفرج تقول الصبر ( خطأ )

يجب ايقاف الخسائر ولو بالمعقول

وعصفور باليد ... خير من عشرة على الشجرة

والله يعوضنا وياكم

سياسه ممتازه ... بس المهم ينتبه البايع إنه ما يرد يشتري على أسعار أعلى ....

 

[سهم دسمان]

السلام عليكم

أدرى اول مشاركة بالمؤشر بس لقيتكم تبون الخبر

لازالت الدعوى منظورة حتى ساعة الكتابة
رفض الشق المستعجل لإنتفاء اسبابه ( مجلس السفن حسم)
المحكمة حاليا تنظر فى التحقق من صحة شكل الصحيفة

ولنا عودة مع القرار بعد قليل

 

[trader_1]

للصبر أخر

خلاص....... عافك الخاطر

 

[المعرس]

أخوي ... رايك هذا يمشي مع اللي يقدر يضارب ... يعرف الوقت اللي يطلع فيه والوقت اللي يدخل فيه ... ويعرف أحوال الأسهم وتقلباتها ... ويقدر يسيطر على أعصابه بالبيع والشراء ...
بمعنى لو واحد سمع كلامك وباع السهم أو ما حذرت إنت ... ثاني يوم لاقى سهه صار فوق السعر الباع عليه بتكه أو تكتين أو أكثر... برايك شنو حيسوي ؟؟ ... أنا أقولك ... رايح يشتري سهمه مره ثانيه بالعالي ويقول إن تحليلك طلع غلط بغلط ... وبعدين يكتشف إنه شرا بالعالي وسهم نزل أكثر من السعر اللي باع عليه أول مره ... والثاني سمع كلامك متأخر مثل اليوم وقرر باكر يبيع على اي سعر ... أعتقد إنه صعب يقدر يشتري بسعر أقل، وإن نزل سعر سهمه، يمكن ما يشتري لحين السهم يرتد ويرتفع عن السعر اللي باع عليه .... فالنتيجه أيضا خسر ...
سؤالي لك عشان ينتفع فعلا المستثمر والضعيف بالمضاربه ... شرايك بأسعار اليوم للأسهم عامه نسبة إلى أرباحها، هل تستحق الاستثمار لمدة سنه واللا لا؟ ما أقصد إنه ممكن يكون في أسعار أفضل ولكن أقصد هل من المتوقع (( ولا يعلم الغيب إلا الله )) إنه سيكون رابح أم خاسر بعد عام أو عامين من اليوم ؟

نسب الربح والمخاطره اهي اهم شي بالموضوع.. وترى مو صعب موضوعهم

يمكن لو تحتفظون باسهمكم هالايام راح تربحون.. انا وياكم عدل كلامكم.. بس حتى لو صج وقف السوق انهياره وربحتو .. جم بتربحون بالكثير يعني؟؟
يعني حاطين ببالكم انه السوق بيوم وليله بيربحكم اللي خسرتوه كله (واللي يمكن تخسرونه اذا احتفظتو باسهمكم)؟؟

ماظن تربحون وايد.. زين ليش مستعدين تخاطرون بحلالكم عشان ربح بسيط؟؟

واخوي بليفر بالنسبه حق اسعار الاسهم سنه سنتين جدام.. اكثرها الاسهم اسعارها تعتبر ببلاش حاليًا بالنسبه حق سنه سنتين جدام .. وايد في شركات وااااااايد بس المشكله انه الصغار ما يستثمرون يبون يدبلون فلوسهم بشهر ولا بشهرين..
انا ترى ثلثين فلوسي قاطهم استثمار بالانابيب ولاني مهتم لها حتى لو ينزل سعرها 200فلس.. لانه سعرها الطبيعي العادل مو اقل من 800فلس وفي موضوع ثاني مخليني اتمسك فيها

 

[محتار شلون أربح]

مشكور

أشكرك أخي سهم دسمان على تجاوبك السريع

وخلك معانا لحظة بلحظة على الهواء مباشرة لحين النطق بالحكم

نعود للإخوان بالاستيديو..................

 

[بديع الزمان]

وزير التجارة وضع نفسه فى مأزق لايحسد عليه
قرراته المتسرعه وتصريحاته اللامسؤله خلته بموقف باااااااااااااااااااااااااااايخ
شلون ؟؟؟؟؟؟؟؟
اذا رجع عن قراره مشكله يعني القرار الاولي غير صحيح ومتسرع وهو يعيش فى تخبط !!!
واذا مانظر بالشكوى القادمة راح تصير على ناس وناس وماكو عدالة
واذا طبق القانون على باجي الشركات هم مشكله لانه ماهو عارف تبعات القرار وهل يستطيع ان يطبق القانون ؟!
لانه فى شركات عدلت وضعها وفى ناس باعت هل يجبرهم اعادة الشراء وبعدين تحيد الاسهم ؟!!!
حسب اعلان الوطن اليوم الشكوى تشمل شركات غير كويتيه
مثل
تعمير خليجي
تمويل خليجي
بنك البحرين والكويت
اسمنت الخليج
سوليدير .....الخ

وملاك هذه الشركات غير كويتين هل يستطيع ان يحيد اسهمهم ومالذي يضمن عدم بيع هولاء لاسهم فى بورصات بلدانهم الاصليه او سوف يطردهم من البورصة !!

ام هل سيعود بتطبيق القانون باثر رجعي

المسئلة شرباكة راح تدخلنا فى مشكلة لسنوات ولسنوات وقضايا ومحاكم ومن يدفع الثمن الصغار دائما

نتمنى من الوزير قرار شجاع بالاستقاله او بالتراجع او تطبيق القانون بعلم ودراية بجميع التبعات فلا يدخلنا بمشاكل نحن فى غنى عنها !!!

الحكمة من أجمل الصفات التي يجب أن يتمتع بها كل إنسان خصوصاً إذا كان صاحب قرار ، قانون مقطوط على الرف من كم سنة تبي تطبقه بلحظة دون النظر في العواقب وإلى مصالح البشر ، حقيقة شيئ محزن ، ممكن أن يتدرج في التطبيق ، ممكن يحيد أسهم شركة المال ، أجدادنا قالوها سابقاً ((العقل زينة))

 

[SMoOoKY]

كان الجناعات والرابطه والبحر والحين الخرافي والصقر ...يالله مابقى الا جم عايله ملاعقها من ذهب ونرتاح يعني لمن جيزان يوصل سعرها بالماينس والمخازن ترد بربع وسلطان خمسين فلس....
والموشر يوصل 2000 نقطه اهني احنا نشتري بالنازل بس بيكون متاخر لانه المتداولين ماراح يبقى الا خمسه سته والباجي يا انتحار او بالسجن او بالامراض العقليه....ويمكن جزء يتوظفون بتنظيفكو....
ترى مو توصيه على سهم تنظيفكو

 

[vail]

تم تأجيل جلسة الطعن المقدم من الخرافي الى 4 ديسمبر 2006

 

[سهم دسمان]

بما أن الدعوى أصبحت دعوى عادية فقد تأجلت لجلسة 4/12

 

[محتار شلون أربح]

شنو تتوقعون

ماهي التوقعات ليوم الغد؟؟؟؟؟؟؟؟؟؟؟؟؟؟؟؟ أحمررررر أم خضررررررررر؟؟؟؟؟؟
بعد تأجيل الحكم

 

[بوعنتر]

لجنة السوق تتكون من 11 شخص من اكفأ ناس في البلد ومنهم وزراء سابقين ويرأسهم الوزير الهاجري معقوله كلهم على خطأ

يعجبني منطقك بالمحاوره ابوعايض وبنفس الاسلوب سأرد عليك
عدد الشركات التي لديها مشكله بالافصاح 150 شركه وكل شركه بها اعضاء مجلس ادارة قد يوازي اعضاء اللجنه بالكفائه والخبره ان لم يتفوق عليها كل هؤلاء على خطأ وال11 على صح ؟؟؟
ونسيت اقولك من 150 شركة فيهم شركات غير كويتيه خليجيه ووعربية هوؤلاء على خظأ وال11 على صح
ومن قالك ال11 متفقين 100% على القرار ؟؟!!

 

[الهامي]

انشالله باجر السوووووق اخضرررررررررررررررر