الى رئيس هيئه سوق المال مع التحيه

الموضوع في 'السوق السعودي للأوراق الماليه' بواسطة مستثمرالى الابد, بتاريخ ‏27 ديسمبر 2006.

  1. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    طلب بسيط

    ممكن تكلف مستشاريك بأعاده جدوله للشركات التي سوف تدرج بالسوق

    للعام القادم بما يتوافق مع حاجه السوق السعودي

    بحيث يتم التوافيق بين هدف عمق السوق وحاجه السوق

    يعني لا يطغى عنصر على الاخر

    وانت حريص وأبخص ​
     
  2. immortal

    immortal عضو جديد

    التسجيل:
    ‏18 ديسمبر 2005
    المشاركات:
    900
    عدد الإعجابات:
    0
    مكان الإقامة:
    المملكة

    انت تؤمر امر يا ابو نورة

    لكن ودي اسولف معك في بعض الخفايا الواضحة لكل المتداولين وهي

    انت تعرف ان عندي مستشارين عندهم شهادات يا ماشاء الله .......... لا ومفكرين ويعرفون يتكلمون زين .

    ( بس بيني وبينك )

    غير مؤهلين ولا عندهم بعد نظر وافضل واحد فيهم نظره لا يتعدى ارنبة انفه وانت عارف بعض منهم .

    واللي منهم مضارب وفاتح منتدى وشغال تطبيل وارجاف خبرك شغل المنتديات

    واللي منهم ممستشار عند اللي بالي بالك ويقدم استشاراته بناء على مصلحت اللي يدفع له وهلم جرا.

    بس برضوه بيني وبينك انا اللي هو انا عندي تعليمات مشددة وواضحة باني ازيد عمق السوق شاء من شاء وابى من ابى

    علشان كذا مستشاريني اشارو علي بعد ما ستعرضنا كل الشركات اللي تبي تدخل السوق فيها الطيب وفيها اللي مش ولابد

    ان نبداء نزل الشركات اللي عدد اسهمها قليل وفيها علاوة اصدار عشان بزعمهم انها بتمتص السيولة اللي في شركات المضاربة

    وفي نفس الوقت ما تسحب سيولة من الشركات الكبيرة لانه حسب ما جرت عليه العادة ان الشركات الصغيرة

    تباع باكثر من ضعف رأس مالها عند الافتتاح وهذا كان مطلب وهو تحويل السوق الى استثماري بدل مضاربة

    لكن مع الاسف طلعت مشوراتهم زي قلتها والنتيجة ان بعض الشركات ما حققت الاسعار المتوقعة وبعضها الى الان ماجاب راس ماله

    وحقيقة انا أتألم من خساير صغار المستثمرين والعذر الوحيد انها نزلت في وقت ما كان السوق في احسن حالاته:mad:

    طيب الحين وش اسوي هذول مستشاريني من طقت طلعت حافظ وعلى دقاق

    لكن برضوه انا مصر على زيادة عمق السوق وجمعتهم مرة ثانيه وحستهم وهزئتهم وقل هذا شوركم طلعني صغير

    عنداالمساهمين اللي انا انحطيت في هالمكان لخدمته وتعويض خسايرهم يالله يا شلت حسب الله شوفو لي حل ثاني

    وفكرو لي في جدول الاكتتابات لعام 2007 نتجاوز فيه اخطاء 2006

    المهم الحين طلعو لي بفكرة جديدة وهي ان الشركات اللي نبي ندخلها السنة الجديدة لازم ما يكون فيها

    علاوة اصدار ولازم تكون من الشركات الثقيلة والجديدة ويا يامعالي الرئيس خلينا نبداء ببنك الانماء ونزرق معه كم شركة صغيرة في الربع الاول

    قلت لهم ليه

    قالو عشان نمسك سيولة كبيرة تخفف من كبح جماح السوق لانه نتوقع ان السوق بيطلع الين ال 18000 مثل ما قال ابراهيم الراجحي

    قلت اووه والله فكرة جهنمية . قلت طيب وش نسوي في الارباع الثلاثة الباقية قالو ريح راسك يا معالي الدكتور

    واحنا حنفكر عنك ونراقب حركة السوق وقتها ونقول لك ايش المفروض اللي يصير

    وهذا كل شي وسلامتك

    بس ايش رايك اي افضل عاد يسموني انا والمستشارين بتوعي

    شلت ( طقها والحقها ) او ( شلت حسب الله )
     
  3. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    يامعالي الرئيس

    أشكرك على أهتمامك وتواضعك بالرد على موضوعي

    ترى والكلام بيني وبينك

    الموضوع كبير ويبغي له فرقه :D

    بس ممكن نعطي مجال لاصحاب الشأن

    ونأخذ رأيهم بعد علشان ما يقولون انك متفرد برايك

    وتنحاس الدعوه وتصير مثل اللى يقول (كنك يابو زيد ماغزيت ):eek:

    يعني خذ راي الحيتان و الهوامير والاستشاريين الماليين والمحللين الفنيين

    يعني سددوا وقاربوا

    لان في قانون أسمه محاربه الاغراق

    وتخبر (ن3) لك عليه شوي هالايام

    يعني يبي لك توازن بين عمق السوق اللى انت تسعى له وبين حاجه السوق

    وتري حاجه السوق ماهو بس بالكميه لا حاجه السوق بالنوعيه

    يعني مهو كل من قال انا مطبق الشروط قلت يالله نزلوها

    لا وانا أخوك الله يهديك

    حنا ودنا بنوعيه شركات متفرده على مستوى المنطقه

    مهو بس اكبر سوق واكبر شركات وبعد نبي افضل شركات بالمنطقه

    والعارف لا يعرف

    وش رايك طال عمرك ​
     
  4. ابوغلا

    ابوغلا عضو محترف - مشرف القسم السعودي

    التسجيل:
    ‏16 مارس 2005
    المشاركات:
    3,790
    عدد الإعجابات:
    0
    مكان الإقامة:
    UK
    الاخوه الكرام
    بعد التحية والسلام
    المشكلة ان الطاسة ضايعه
    ومن سبق لبق
    الكعكة تقاسمها من حظي بالشفافية من علية القوم
    وبالنسبة للجدولة ماراح تجدي نفعا ربما نخليها قرعه
    وانت وحظك
    اكتتابات علاوة الاصدار مقلب واكلتوه وماراح تنسوه
    والمصلحه كانت لاصحاب الشركة
    والدلالة على المشتري:D
    اما شركات الاكتتاب القادمه لن يظيرها شي
    لان متعهد التغطية هومن يتحمل النقص
    ومتعهد التغطية بنك والبنك ما خذ حقه منكم
    الطاق طاقين وانت ربحان ياخذ عمولة
    وانت خسران ياخذ عمولة
    ايش بتسوي حتى انا زيك غلبان:(
    المهم السوق السعودي سوق متين
    وقوي يعكس قوة ومتانة الاقتصاد الوطني
    ولا وجود للاشرار والحرامية فيه ابدا:D
    نقطة
    ===============
     
  5. immortal

    immortal عضو جديد

    التسجيل:
    ‏18 ديسمبر 2005
    المشاركات:
    900
    عدد الإعجابات:
    0
    مكان الإقامة:
    المملكة
    طيب يا ابو نورة بيني وبينك بعد و للمرة الثالثة

    وما دام البساط احمدي خلني اتكلم معك بالبلدي

    الحقيقة فيه شباب طرطنقية مثلك وشرواك وابو غلا وابو احمد وابو عزوز في هالمنتدي يحللون يمارسون

    التداول بشكل يومي وشغالين في السوق الامريكي بعد يعني عندهم علم وخبر ويشوفون مفعول القرارات

    وتأثيرها عى السوق .......... اجلس معهم في الاستراحة تعرف ....... من الجماعة.

    والحقيقة اني ما اقدر اجاريهم في فهمهم ولا اقدر ارد على بعض تسائلاتهم او انفذ بعض افكارهم اللي انا مقتنع فيها اصلا .......


    وماكلين علقات في السوق ومكتشفين وين المشكليه وعارفين يقدرونها وكل ما لمحولي ببعض الامور اللي لازم تصير

    ابدا احط في هذي طين وفي هذي عجين وابداء اصرف عليهم من لطموحات والخطط بعيدة المدي للتوجهات الخاصة

    بالسوق واقول لهم انتو ناس عجلين وخططنا وقراتنا تبي لها وقت عشان تتبلور وعشان يصير سوقنا احسن من سوق واشنقتون :D

    لا ...... وعشان اثبت لكم ان السوق بيصير استثماري شوفو ا اني امرت بتفعيل تنفيذ الاوامر لمدة اسبوع واكثر :rolleyes: .

    الا يا ابو نورة :eek: وش يعني الاوامر المخفية ؟ ​
     
  6. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    الأوامر المخفيه طال عمرك

    أأأأأأأأأأه لا تقلب المواجع طال عمرك

    ما علق الشعب السعودي الا الأوامر المخفيه

    بس اذا كان ماقالوا لك ( الشله ):) أنا أقولك

    معناها أذا يغيت تشتري أو تبيع كميه كبيره في شركه معينه

    وهذه الكميه يمكن ان تؤثر على سعر السهم تقدر تستخدم هذه الطريقه

    وانك تشري اسهم الناس من دون ما يدرون انك شريت أو تبيع عليهم

    يعني لا من شاف ولا من دري

    بدون أشعار الهيئه أو اعلان مسبق من الهيئه

    عن المستثمر والشركه والكميه والمده

    لا قبل البيع ولا قبل الشراء ولا الهدف من الاستثمار

    طيب هم يقولون أستثمروا وهم يضاربون بس على مدى وفترات أطول

    والله شكلي شوي وانهبل ​
     
  7. zx_redeye

    zx_redeye فريق المتابعه اليوميه

    التسجيل:
    ‏25 نوفمبر 2006
    المشاركات:
    914
    عدد الإعجابات:
    0
    مكان الإقامة:
    riyadh


    طال عمرك انا انهبلت وخلصت ... الزبدة سبقتك

    الدليل شوف الموضوع اللي فتحته اليوم

    " متابعة السبت 10 ذو الحجة 1427 " :D
     
  8. immortal

    immortal عضو جديد

    التسجيل:
    ‏18 ديسمبر 2005
    المشاركات:
    900
    عدد الإعجابات:
    0
    مكان الإقامة:
    المملكة
    مشكور على المعلومات القيمة (بس بيني وبينك)

    سألت الشلة عن الاوامر المخفية وقالو لي انها مهمة ومفيدة للسوق ومافيها ضرر بالعكس تعتبر من الضرورات

    الملحة التي تحافظ على توازن السوق .......... قلت لهم فسرو لي ليش هي ضرورية لهذي الدرجة عشان نتركها كما هي

    قالو لي .... اهي ضرورية يا معالي الرئيس لان اذا كان فيه بيع كميات كبيرة مكشوفة على السهم بيشوفونها المتداولين

    ثم يرشون اسهمهم بسعر السوق خوفا من مزيد من الهبوط.

    وبكذا بيتضرر سعر السهم وبيعطي انطباع خاطئ لدى المتداولين على ان السهم عنده اخبار سلبية تؤثر على

    سعره او ان هناك معلومات سلبية على السهم وصلت لصاحب الكميات الكبيرة اجبرته على البيع.

    وهذا الكلام ينطبق على اللي بيشتري بكميات كبيرة بحيث لو كان الامر مكشوف والمساهمين شافو ان فيه

    حجم شراء كبير على السهم فانهم ماراح يبيعون بالعكس بيزيدون كمياتهم بالشراء بسعر السوق وبكذا بيرتفع سعرة ويتضخم

    وهذا ايضا بيعطى انطباع خاطئ لدى المتداولين على ان السهم يخفي معلومات قد تكون تسربت لمن طلب

    الشراء بكميات كبيرة لم يعلن عنها

    ........ تصدق عاد اكتشفت ( بصراحة قالولي )ان هذي الاوامر مهمة و تخدم موضوع الشفافية
    اللي نطالب فيها الشركات .............

    واللي الان نطبقها بكل مهنية من خلال الاستفسارات اللي نرسلها للشركات

    واكبر دليل اعلانات الاسماك والراجحي :cool:
     
  9. احمـد

    احمـد عضو جديد

    التسجيل:
    ‏17 يناير 2006
    المشاركات:
    291
    عدد الإعجابات:
    0
    ما ادري ليه ياريس

    الاخبار الحلوه ما تطلع الا اذا كان السوق جاهز فنيا للدخول ( يعني انتهى

    التجميع وجاهزين للتصريف )

    والاخبار السيئه ما تطلع الا والسوق جاهز فنيا للهبوط ( يعني انتهى التصريف وتورط من تورط )
     
  10. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    طال عمرك

    شفافيه السوق مهمه ترى

    بكره بيجونك الناس من الخليج والمنطقه أو خارجها وبيدخول السوق

    أذا هذي الشفافيه بتستمر كذا ترى ما حد جايك

    بس فيه نقطه حبيت أستغل تواضعك

    وأسال عنها أذا سمحت لي

    هل يوجد في الهيئه المراقبه و محاسبه للشركات التي تصدر قوائم ماليه

    غير صحيحه أو مبهمه أو فيها تلاعب

    وهل يتم محاسبه شركات ومكاتب الحسابات التي تتولى مراجعتها

    والتصديق عليها

    وفيه شيء ثاني

    موظفين الشركات اللي يغلطون ويحملون الشركاتهم مبالغ بالمليارات بسبب

    جهل في الانظمه :p

    لاني اشوف بصراحه شركات كبيره وتغلط غلطات ما يغلطها طالب أبتدائيه

    وتخسر الشركه مليار وشوي بسبب قضايا وغرامات :eek:

    ولا حابوا خبر المساهمين ولا المؤسسين :mad:

    من يحساب هذولا اللي ضيعوا هالمبالغ

    وبكرا يطلع ويقول حنا سوينا وفعلنا وهو حايس الدنيا :D
     
  11. immortal

    immortal عضو جديد

    التسجيل:
    ‏18 ديسمبر 2005
    المشاركات:
    900
    عدد الإعجابات:
    0
    مكان الإقامة:
    المملكة
    خذ يا ابو نورة هذا واحد من الشباب اللي قلت لك عليهم ........(حقين الاستراحة)

    انا وهيئتي وش علاقتنا باعلانات الشركات او توقيتها ؟ كانت سلبية او ايجابية ؟

    مش المهم المحافظة على الشفافية ؟؟;)

    وان الاعلان يوصل للجميع في وقت واحد .!!!:eek:

    وبعدين اذا كان السوق تصريف او تجميع اعتقد هذا ماهو عمل الهيئة انها تنقي الاعلانات .

    اعتقد ان هذا مسئولية البنك ( الوسيط ) اللي انت تتعامل معه يعلمك متى تبيع ومتى تشتري .... والا على

    ايه ياخذ منك اشتراك سنوي وعمولة.... الخ

    بس المشكلة :rolleyes: ان الوسيط اللي تتعامل معه مضارب معك في السوق هو اللي يجمع منك وهو اللي يصرف عليك

    وهذي ابشرك حليناها ;) تفاهمنا مع البنوك انهم يحولون ادارات الوساطة عندهم

    الى شركات وساطة غير تابعة بشكل مباشر لادارة البنك ودخلنا معهم كم شركة. ;)

    ترى عندنا انجازات مخفية :D ما بعد بانت وبتشوفون قريبا نظام تداول الجديد

    وحوكمة الشركات وش تسوي وادارة الصناديق ومخالفة المخالفين ولسا ياما

    بس اصبرو :mad:
     
  12. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    أقول طال عمرك

    الاستراحه هذي وينهي فيه :)

    يمكن يحصل لي وقت وأبسير عليكم

    وأتعرف على الشباب :d ​
     
  13. immortal

    immortal عضو جديد

    التسجيل:
    ‏18 ديسمبر 2005
    المشاركات:
    900
    عدد الإعجابات:
    0
    مكان الإقامة:
    المملكة
    قريبة

    بين مخرج....... ومخرج .........على طريق ........... من جهة ..........

    الله مير يحييك​
     
  14. immortal

    immortal عضو جديد

    التسجيل:
    ‏18 ديسمبر 2005
    المشاركات:
    900
    عدد الإعجابات:
    0
    مكان الإقامة:
    المملكة
    اشوفك قمت تمون هذي العلوم بقولك عليها الين رجعت من الاستراحة

    الشباب ينتضروني :d ​
     
  15. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    ترجع بالسلامه طال عمرك

    وانا انتظر علومك أذا رجعت من الاستراحه

    سلم على الشباب

    والسلام أمانه ​
     
  16. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    أتوقع ان تكون هذه الرساله على مكتبك مع بدايه عمل يوم السبت

    معالي الرئيس

    اتنمنى تكون الرساله وصلت

    وقرأتها بتمعن وبدون تأثير الزبانيه اللي حوليك

    لقد نقلنا لك بصدق آراء صغار المتداولين

    الذين يرون السوق من الداخل

    ويعرفون ما لا يعرفه المتربعين على مكاتبهم

    ويتكلمون عن مصلحه السوق

    وهم حقيقه لا يتكلمون الا عن مصالحتهم الشخصيه

    بكره تكون رجعت من الاستراحه

    ننتظر منك ما يسر خواطرنا

    ونتوقع ان يبداء السوق مرحله جديده

    تمنياتنا لكم بالوفيق

    تقبلوا تحيات

    أعضاء منتدى المؤشر نت :rolleyes:

     
  17. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    أخبار الهيئه الفتره الماضيه

    كانت تدعم أرتفاع السوق لمن كان يقرأ الاخبار بشكل صحيح

    هذه نقطه جيده تسجل لصالح الهيئه

    نشكر حرصك وجهودك وتفهمك يا معالي الرئيس

    لقد قمت بما لم يقم به غيرك

    ولا خوف على السوق في وجود شخص مثلك

    تقبل أحترام وتقدير

    جميع مشرفين و أعضاء ومحللين منتدى المقاتلين

    منتدى المؤشر نت
     
  18. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    أقول خف علينا شوي

    ترى حنا ما نطبع فلوس ونكتتب فيها ​
     
  19. أيمن علي

    أيمن علي عضو جديد

    التسجيل:
    ‏17 يوليو 2006
    المشاركات:
    36
    عدد الإعجابات:
    0

    تحية طيبة ،،

    واسمح لي بهذه المداخلة البسيطة


    السوق الآن يفتقد للسيولة وما زال يفتقد للثقة أيضا ، فالمصاربات اليومية هي السائدة في السوق

    وما يحصل من إكتتابات متوالية وطرح شركات ذات أسهم بكمية عالية يحتاج إلى سيولة مستثمرين..وأين من يستثمر في سوق مازال يفتقد للثقة ؟!!

    نلاحظ يوميا أن قائمة الشركات الأكثر قيمة في السوق هي شركات المضاربة كثمار وغيرها لسهولة السيطرة عليها ..

    قرار ضخ شركات في السوق بشكل مستمر بالفعل خاطئ ..

    المهم الآن :
    ماهي القرارات التي من الممكن أن تدفع بالسوق نحو الأمام لتجاوز محنته التي مازالت مستمرة؟

    أعتقد من وجهه نظري بأن الخيارات باتت ضئيلة جدا


    تحياتي
     
  20. مستثمرالى الابد

    مستثمرالى الابد عضو محترف

    التسجيل:
    ‏19 يوليو 2005
    المشاركات:
    6,370
    عدد الإعجابات:
    63
    مكان الإقامة:
    بين المطرقه والسندان / مقاطعه المنتجات الدنمركيه ا
    أخي أيمن على

    أكتتاب كيان التى لم يتم تداولها الى الان

    حنا نعرف كيف تم تغطيه أكتتابها

    وقت أكتتابها كان في منتصف الشهر

    يعني شريحه كبيره من المواطنين ما أكتتبوا

    واللي أكتتب الان في كيان محروم ضمنياً من أكتتاب عمر

    لانه لم يتم تداولها الى الان وماسكه سيوله المكتتبين فيها

    الان أكتتاب جبل عمر وهي شركه تحتاج الى ماده الاسمنت

    والمدن الثلاث الجديده تحتاج الى الاسمنت

    والاسمنت أنت عارف ما يحتاج أقول لك

    يعني المفروض أن الاكتتابات لازم تدرج بناء على حاجه السوق

    والسوق يحتاج الى الاسمنت

    أسمنت ياجماعه أسمنت

    وليس بالسراء يعني (من سبق لبق )

    ولا واحد عنده واسطه ويصرح قبل الهيئه

    والهيئه يجاريه على أستحياء

    بالنسبه للسوق كثره التحليلات الفنيه المتضاده والمتناقضه

    أدت الي نوع من الارباك وعدم الاتزان

    يعني لا هم اللي أشتغلوا ولا هم خلونا نشتغل

    بالنسبه لكثره الاكتتابات

    يعني يبغالهم يهدون شوي

    علشان الناس تعرف تمسك السوق

    بعدين فيه شيء ثاني الان كثرت تصاريح الوساطه

    له ما أثرت على عموله الشراء والبيع ؟

    المفروض يتم تخفيض عموله البنوك وشركات الوساطه

    ولا أنا غلطان

    بالنسبه للقرارات المطلوبه

    أولاً :

    اعاده فترات التداول الى فترتين من 10 صباحاً الى 12.30ظهراً

    ومن 4 عصراً الى 6.30

    ثانياً :

    ألغاء التعامل بأجزاء الريال أذا ضمنا الصعود بأذن الله

    ثالثاً :

    وضع جدول زمني محدد بالاكتتابات القادمه وبأسماء ونشاطات الشركات

    رابعاً:

    ألزام الصناديق الاستثماريه للبنوك والشركات الماليه

    بالافصاح عن راس مالها وعن محتوى محافظهم من الاسهم وبالنسب المئويه

    خامساً :

    هذا قرار غير تابع للهيئه

    خفض نسبه الفائده على الريال

    بحيث يتناسب مع خفض الدولار للفائده

    ولا كيف يكون مربوط فيه أجل