الي يبي يسمع يسمع والي مايبي بكيفه

الموضوع في 'السوق الكويتي للأوراق الماليه' بواسطة nawaf.g.alahmad, بتاريخ ‏14 يناير 2007.

حالة الموضوع:
مغلق
  1. nawaf.g.alahmad

    nawaf.g.alahmad عضو جديد

    التسجيل:
    ‏18 فبراير 2006
    المشاركات:
    573
    عدد الإعجابات:
    0
    اخواني الاعزاء احبتي فالله السلام عليكم ورحمة الله وبركاته


    بكتب لكم هالموضوع ومثل ماهو واضح بالعنوان كل واحد وكيفه وهي ليس دعوه للبيع والشراء والله وحده يعلم مافي القلب .


    يا اخوان ممكن كل واحد يسال نفسه سؤال ؟

    من دشيت السوق ( الكويتي ) شنو استفدت وشنو طلعت جم ربحت غير عوار القلب والسكر والضغط والنفسيه التعبانه والمحاتاة

    صح ولا لأ ؟


    ممكن تجاوبوني ليش انا بقولكم بس لحد يزعل مني لان احنا وبكل صراحه مانفهم ليش مانفهم اها انا بقولكم تخيلو ا واحد قالك اشرايك اندش في مشروع صغير ودشيت معاه والله بلاك وباقك ويالك نفس الشخص وهم عطيته فلوس وهم باقك وهم للمره الثانيه ورابعه وخامسه وباقك شتقول عن نفسك عقبها مو ماتفهم

    هالشي بالضبط صاير معانا بالسوق الكويتي ناس ماكو شفافيه ولا افصاح وبوق ونهب والله ثم والله ثم والله انا سامع بنفسي صاحب شركه بالسوق يقول احنا لي بقينا نعلن ارباح نعلن اقل من الارباح الحقيقيه اتوقعون ليش مو عشان يلف افلوسكم وهالشخص كل يعرفه ومالا داعي نقول اسمه كافي الناس الى تدعي عليه ليل ونهار

    بالضبط يا اخوان الي قاعد يصير جنه قاعدين نلعب قمار نربح يوم واميه نخسر واتحدى اي شخص يقول غير هالكلام الى الي عند فوق المليون وشاري اسهمه بالتاسيس .

    اهني نسأل شنو الحل ؟

    الحل ارض الله وسيعه وفيها الكثير من المشاريع وان كان كل واحد فيكم مايقدر يهد الاسهم وصار بدمه هالشي نصيحة اخوا اتجهوا للسوق الامريكي

    لكن واشدد على لكن بعد دراسه وفهم اي التحليل الفني والاساسي

    ليش السوق الامريكي ؟


    لانها ناس تقدر الشغل وان دشوا شركه وادرجوها مايهمهم جم يبوقون من المساهمين بكثر همهم في تطوير الشركه في عملها الي متخصصه فيه عيل بالله عليكم 90% من شركاتنا خسرانه يوم طاح السوق ليش لان كل شغلهم بالاسهم في شركه اصحابها عقلاء يدشون بالسوق لا وبسوق واحد فقط .


    والسبب الثاني للسوق الامريكي هو الشفافيه تقولون اشلون شفافيه


    تقدر يا مساهم يا محترم اتعرف جم يملك عضو مجلس اداره بالشركه من اسهم وان باع جم باع طبعا لا

    تقدر اتعرف يوميا جم يملكون المحافظ بالشركه الواحده وان باعوا جم انباع طبعا لا

    اتحدى اي شخص يقولي في امريكا شركه تعلن ارباح جيده وتنزل او يطلع عليها خبر ايجابي وتنزل وهالشي بالعكس تماما بسوقنا سوق الغنم مع احترامي للجميع

    ووكل واحد عقله براسه ويعرف خلاصه


    اللهم اني بلغت اللهم فاشهد



    والسلام عليكم ورحمة الله وبركاته ..........
     
  2. جاب العيد

    جاب العيد عضو جديد

    التسجيل:
    ‏21 فبراير 2005
    المشاركات:
    76
    عدد الإعجابات:
    0
    لاحوله ولاقوة الا بالله

    سوق غنم عاد نفتهم انشالله

    احشم الناس ياخوك

    او علي فكره مو الكل خسران حتي لو داش ابخمس اوعشرةالاف

    مو مليون تاسيس

    المضارب ماينطر علي الخساره ايشوتة

    بس المشكله بلي مايدري اهو مستثمر اومضارب
     
  3. nawaf.g.alahmad

    nawaf.g.alahmad عضو جديد

    التسجيل:
    ‏18 فبراير 2006
    المشاركات:
    573
    عدد الإعجابات:
    0
    انا قلت مع احترامي للجميع

    سؤال ممكن تقول سوقك مو سوق حراميه صح

    عطني بيانات ماليه عن اي شركه صحيحه يالله يالفهيم
     
  4. جاب العيد

    جاب العيد عضو جديد

    التسجيل:
    ‏21 فبراير 2005
    المشاركات:
    76
    عدد الإعجابات:
    0
    واذا مو فهيم احاول افهم

    حراميه من هل شق ليهل شق

    بس مايصير اقول مع احترامي لك انت ماتفهم ؟ طبعن مثال

    صح
     
  5. nawaf.g.alahmad

    nawaf.g.alahmad عضو جديد

    التسجيل:
    ‏18 فبراير 2006
    المشاركات:
    573
    عدد الإعجابات:
    0
    اي ماافهم لي قعدة بالسوق وقغدة اتحلطم صح
     
  6. جاب العيد

    جاب العيد عضو جديد

    التسجيل:
    ‏21 فبراير 2005
    المشاركات:
    76
    عدد الإعجابات:
    0
    :cool:
    اشالله ماتحلطم يخوك وتعوض .

    بس ماقلتلي أشلون usxp وصل دولار ولي بعد ؟

    دامك بالسوق الامريكي
     
  7. nawaf.g.alahmad

    nawaf.g.alahmad عضو جديد

    التسجيل:
    ‏18 فبراير 2006
    المشاركات:
    573
    عدد الإعجابات:
    0
    وخر عن الاسهم التعيسه وانا ولله الحمد ما اتعامل مع اسهم البني اسرع طريق للافلاس وان كنت تبي تستثمر دزلي على الخاص بعطيك اسم جم كتاب وان شاء الله تستفيد
     
  8. الشامري

    الشامري عضو محترف

    التسجيل:
    ‏7 يناير 2004
    المشاركات:
    2,444
    عدد الإعجابات:
    45
    مكان الإقامة:
    الكويت
    السلام عليكم ورحمة الله وبركاته

    والله إني لأكره أن أدخل في جدال مع أي كان

    إلا أنني أريد أن أقول كلمة حق أحاسب عليها يوم القيامة عند رب عظيم

    أحبتي في الله

    من أراد أن يذهب للسوق الأمريكي أو الياباني أو العملات فليذهب

    فهي أسواق ممتازة بحق وفيها رزق


    لكن


    سوق الكويت فيه رزق أيضاً


    العيب يا سادة يا كرام ليس في السوق صدقوني

    مثل ما فيه ربح في الكويت في ربح بالأمريكي

    ومثل ما فيه خسارة في الكويت في خسارة بالأمريكي

    وكذلك أسواق العالم أجمع

    لكنني أسألكم بالله ألا تلقوا اللوم على أي سوق بعد الآن

    لاكويتي ولا أمريكي

    بل قيسوا المسألة بموضوعية واعرف أين يكمن الخلل ... بعدها اتجه أينما تشاء


    بارك الله فيكم
     
  9. wesam707

    wesam707 عضو جديد

    التسجيل:
    ‏16 يونيو 2006
    المشاركات:
    263
    عدد الإعجابات:
    0
    يا الحيب اشفيك طايح فينا سوق غنم وسوق غنم وبعدها احترامك للجميع
    الظاهر انك مضيع ببورصة الجواخير بصليبية..
    يكون بعلمك انه بورصتنا احلى ما فيها انها مزاجية اما بالنسبة للبورصة الامريكية فهي ام الهكرز فالحذر منها حتى لو كانت كل الدراسات الفنية 100% لانهم قاعدين يتعاملون مع متداولين من العالم كله.​
     
  10. nawaf.g.alahmad

    nawaf.g.alahmad عضو جديد

    التسجيل:
    ‏18 فبراير 2006
    المشاركات:
    573
    عدد الإعجابات:
    0
    ياسلام عليك والله انك تفهم ما دري شسوي ما اقدر ارد عليك افحمتني

    سوق كله هكرز وتداول اقل سهم كثر سوقك مرتين ونص

    ياخوي حدث العاقل بما يعقل والله يبا تمام سوق من اقدم الاسواق ويقولي هكرز عيل الي عندنا خكرز ولا انا غلطان
     
  11. إحصائي

    إحصائي عضو جديد

    التسجيل:
    ‏15 نوفمبر 2004
    المشاركات:
    24
    عدد الإعجابات:
    0
    اسلوبك يدل على حقدك لا حول لله يا أستاذ الدنيا حظوظ ومن صادها عشا عياله المسأله توفيق من الله و قناعه و قرار صحيح لكن تقول الكل خسران مو لهدرجه هدي اعصابك وتمن للجميع التوفيق والله يرزقك علشان نشوفك نتاقز وتمدح السوق الله يهديك حطمت معنويات العالم لنا الله يكفينا شرك خخخخخخخخخ
     
  12. شركة أدام

    شركة أدام ممثل الشركه

    التسجيل:
    ‏8 أغسطس 2006
    المشاركات:
    221
    عدد الإعجابات:
    0
    مكان الإقامة:
    K U W A I T
    السلام عليكم

    إنطلاقا من مبدأ التواصل مع كافة شرائح المستثمرين والمضاربين فأنه يسعدنا أن نمـد يـد العـون لهم .

    إذ لدى شركة الدار لإدارة الأصـول الاستثمارية [ أدام ] عـدة منتجات استثمارية ، من خلالها يمكن أن يـقوم المستثمر والمضارب على حد سواء بتـوزيع أصـوله كي يـتـفادى أكبر قـدر من الخسائر .

    نعم ، كانت نتائج عام 2006 ليست بالنتائج المرتقبة والمنتظرة ، لكن ، كانت نتائج صناديق الدار لإدارة الأصول الاستثمارية أقل ( خسارة ) من خسائر أولئك الذين فقدوا مبالغ كبيرة .

    دعـونا نسـاهم في رفع أوزان محافظكم وأموالكم ، فهي مهمتنا ونحن في خدمتكم .

    حياكم اللـه .
     

    الملفات المرفقة:

  13. دكتوراسهم

    دكتوراسهم عضو محترف

    التسجيل:
    ‏13 أغسطس 2005
    المشاركات:
    1,016
    عدد الإعجابات:
    0
    يجماعه خلاص كل واحد يصلح لثانى :)
     
  14. wawwaw

    wawwaw موقوف

    التسجيل:
    ‏2 يناير 2006
    المشاركات:
    1,891
    عدد الإعجابات:
    120
    مكان الإقامة:
    كويت
    هههههههه [​IMG]
     
  15. دكتور متقاعد

    دكتور متقاعد عضو جديد

    التسجيل:
    ‏14 يناير 2007
    المشاركات:
    368
    عدد الإعجابات:
    0

    السلام عليكم ورحمة الله وبركاته :
    في اول مشاركة لي في هذا المنتدى استغربت منك ياخوي انت كاتب هالكلام في كذا منتدى ونفس الكلام تقوله وتردده ماادري شنو سالفتك بس خلني ارد عليك يمكن كلامي يقنعك ,,,

    اخي العزيز لو انا السوق الكويتي مثل ما ذكرت ماصمد كل هالسنين ولعلمك البورصة الكويتية اقدم بورصة خليجية ويا ما مرت عليها انتكاسات ومشاكل لكن بقت صامده شامخه انا اللي بسالك سؤال انت تعرف حق السوق الكويتي ولا لا اذا تعرف راح تربح والكشره من الشق لي الشق واذا ما تعرف وتستخدم واسف على هذا اللفظ سياسة القطيع انصحك نصيحه اطلع وخلك على الامريكي ,,,,
    بالنسبة للامريكي انت ذكرت في احدى المشاركات انا اسهم البني تودي بداهية ,,,,, وتخسرك ,,,, مع احترامي لك قاعد تطلب بيانات للسوق وتحليل وماتعرف شلونتدخل على السهم ومتى تطلع منه ماادري شقولك بعد بس انا اشوف كلامك متناقض .

    اخوك دكتور متقاعد
     
  16. fawaz74

    fawaz74 عضو جديد

    التسجيل:
    ‏30 ديسمبر 2006
    المشاركات:
    1,272
    عدد الإعجابات:
    0
    خله عنك يادكتور حرام ترد على الاشكال هذي لاحظ بس السوق (الكويتي ) ياريت قايل سوقنا عشان نعرف قلبه على الناس ولامن هالديره وشغله ثانيه يقول يا مساهم يامحترم وباسلوب قذر نفس ويهه ويبي احترام والله لوما حشيمه الناس جان قلت كلام ثاني بس الحره تيب العره خلوها على الله :)
     
  17. جاد جدا

    جاد جدا عضو جديد

    التسجيل:
    ‏29 مايو 2006
    المشاركات:
    340
    عدد الإعجابات:
    0
    على راسي والله كلامك الطيب العقلاني
     
  18. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    يا جماعه تعوذو من ابليس الدنيا ارزاق.........والواحد ما ياخذ الا رزقه اللي الله قاسمه له..............لو رحت الصين والا قعدت بالكويت رزقك اهو رزقك لا تحط اللوم على السوق ولا على الناس ولا على نفسك........بس قول إنا لله وإنا اليه راجعون........قدر الله وما شاء فعل
     
  19. سيدة اعمااال

    سيدة اعمااال عضو نشط

    التسجيل:
    ‏22 يونيو 2006
    المشاركات:
    329
    عدد الإعجابات:
    0
    لعوزتم العااااااااالم حسبي الله ونعم الوكيييييييييييييل

    ماينعرف صااااااااااجكم من جاااااااااذبكم
     
  20. اساهيم

    اساهيم عضو نشط

    التسجيل:
    ‏11 مارس 2005
    المشاركات:
    787
    عدد الإعجابات:
    2
    كلام واقعى وصريح بس الغالب يكابر وما يبى يعترف ..

    انا واثق بان على الاقل 60% من الشباب يبى بس يرد راس ماله علشان يطلع .. وانا اول واحد ..
     
حالة الموضوع:
مغلق