بيت الاستثمار الخليجي ش.م.ك.مقفلة ( الخليجي ) .... 1

[Champion]

بالنسبه للبنك السعودي ماعتقد بايع شي بالفتره الي طافت لانك لو تحسب مانقص حتي مليون من 20 مليون وفوق الي اهي حصته...اللعبه بالنسبه لي صارت واضحه بس خلني ساكت

الحين انته داش المنتدى عشان تسكت ؟؟؟
مانبي احد يسكت نبي الكل يتكلم ويقول اللي عنده ...
الله يعطيك الصحه والعافيه

 

[بوحمد2]

الحين انته داش المنتدى عشان تسكت ؟؟؟
مانبي احد يسكت نبي الكل يتكلم ويقول اللي عنده ...
الله يعطيك الصحه والعافيه

وانا اضم صوتي لصوتك يالحبيب مانبي احد يسكت نبيكم تنورونا

 

[fawaz74]

الحين انته داش المنتدى عشان تسكت ؟؟؟
مانبي احد يسكت نبي الكل يتكلم ويقول اللي عنده ...
الله يعطيك الصحه والعافيه [/QUOTE يعافيك حبيبي انت والمستثمر سهم تحليل اساسي ممتاز ومكرر ومنخفض وربحيه جيده وملاكه معروفين وعليه تجميع وبالنسبه لي الطرف الي قاعد يجمع وبالاسعار هذي ومتحكم فيها اذا خلص الاتجاه فوق...بس منو الي ناوي يقعد لي النهايه

 

[abbass]

ما ذا وراء تداولات اليوم

ما راى الاخوة الخبراء بتداول اليوم!!؟

سكر على 285 اخيرا ...من زمان ما شفناها هل نربط الاحزمة ولا
السالفة مطولة

اخاف يحصل جنى ارباح ونحصلة الصبح معروض ب275

 

[سهم استثماري]

إغلاق السهم على الـ 285 إشارة دخول قوية

آخر خمس شمعات إيجابية + زيادة في كمية التداول = رغبة بالتصعيد

المقاومات قريبة من بعض واليوم كسر أولها والأقوى الـ 290 إن طافها بنشوف الـ 325 عن قريب .. إن شاء الله .

 

[الوزير1]

"ان مع العسر يسرا"

اول شئ وينك شامبيون ....بخير انشالله .....
واقولك شغله ......من كثر ما يسولف بو سليمان علي السهم .....
اليوم ضربت الرصيف ودخلت علي السهم .....
انشالله باجر بس يقفل علي 280 فلس ....
وابشر خير
تقبل مودتي
اخوك الوزير1​

​

الحمدلله علي هالاغلاق 285
وانشالله راح يكمل ......
كل المؤشرات ممتازة .....
وتقبل مودتي ...........الاخوان صبروا وانشالله ما يخيب صبرهم
اخوك الوزير1 ​

 

[abbass]

مشكورين والله يبشركم بالخير

الاخوة المحترمين سهم استثمارى والوزير1 يعطيكم العافية

ومشكورين على سرعة الاستجابة لا حرمنا الله منكم

 

[eng_kuwaitia]

سهم الظاهر تدبسنا فيه ملينا وهو اكثر من شهر على هالاسعار
تعتقدون متى الصعود؟؟؟؟؟؟؟؟؟؟؟؟

 

[بو سليمان]

سهم الظاهر تدبسنا فيه ملينا وهو اكثر من شهر على هالاسعار
تعتقدون متى الصعود؟؟؟؟؟؟؟؟؟؟؟؟

الظاهر شكلة مطول خصوصا اذا افترضنا البنك السعودي يسعي لخروج نهائي لدية 26 مليون سهم
و الاجل 9 مليون تقربيا
مجموع الاجل و الاستثمار السعودي 35
و نفترض 5 مليون سهم لديهم نية البيع

يعني السهم زين منه اللي ماسك سعره شكل السالفة طويله

 

[الغول]

يعطيك العافية بو سليمان على التحليل الاساسي للسهم من حيث الارقام اللي وضحتها ...

لكن السهم حسب التحليل الفني دش تماسك من سعر 320 ونزل إلى سعر 270 وحاليا السهم مرتد وحسب ما فهمته من نظريات التماسك السهم رايح 320 وهذه مقاومته عند اول بداية التماسك بتاريخ 26-11-2006 .... حسب ما اشوف بالشارت ان السهم صاعد .... يحتاج السهم من اسبوع إلى شهر حتى تحقيق الهدف عند 320 وفي حالة كسر مقاومة التماسك راح نشوف ارتفاعات بالسهم كما كان قبل تاريخ 26-11-2006 والله الموفق ....

ليست دعوه للشراء ولا للبيع ولكنها نظرية فحسب ...

تقبل تحياتي

 

[eng_kuwaitia]

الله يبشرك بالخير اخونا الغول
فقدت الامل بكلام اخونا بوسليمان بس انت خليتني اتفائل
شكرا والله الموفق

 

[بو سليمان]

الله يبشرك بالخير اخونا الغول
فقدت الامل بكلام اخونا بوسليمان بس انت خليتني اتفائل
شكرا والله الموفق

افا عليك انا اكثر واحد يحب السهم بالذات و متمسك ودي لكل ما نزل اشتري
بس هالسهم مضغوط جدا و انطلاقه سوف تحدث اجلا ام عاجلا

 

[wanasa]

شباب مافى خبر على العمومية ؟​

 

[Champion]

يا حلو الصفقه هذي

 

[hassankoc]

شباب مافى خبر على العمومية ؟​

سؤال حلو تبي اجابه عاجله

 

[المحلل المجتهد]

السلام عليكم تداول رهيب ما شاء الله حتى الان ما يقارب ال 7 ملايين سهم ان استقر على ال 290 راح انشوف ال 300 ان شاء الله

 

[Q8 Stock]

السلام عليكم تداول رهيب ما شاء الله حتى الان ما يقارب ال 7 ملايين سهم ان استقر على ال 490 راح انشوف ال 300 ان شاء الله

قصدك 290

 

[المحلل المجتهد]

قصدك 290

1\1 حسيت اني كتبت غلط كالعادة لازم اسوي قاب بكلامي يزاك الله خير على التنبيه

 

[wawwaw]

مقاومة متوسط المتحرك على 290

اذا تم كسره سوف يكون الهدف 320

وليس نشوف 300​

 

[المحلل المجتهد]

قصدك 290

مقاومة متوسط المتحرك على 290

اذا تم كسره سوف يكون الهدف 320

وليس نشوف 300​

300 كهدف أولي أخي الكريم