كفوا والله بو حسين والله يرحم والديك دنيا وآخرة
وهذا الأخو اللي يبي يبيع بيته ... شفيك إنت فيك جني يقولك بيع البيت ... ما تقولي منو اللي شاير عليك هالشور ... تبيني أييب خيزرانه ولسبك فيها
(
لا تلومني تره من حرتي ... وما أبيك تسوي سواتي وقاعد في بيت للإيجار من تسع سنوات وعيالي أكبر واحد عمره 27 سنة ولا بيت ولا شي .
فحرام عليك وحرام عليك تقدم على هاذي الخطوة
والله ثم والله تظل طول عمرك ندمان وتعض أصابع الندم وحزتها ما ينفع الندم ولا كلمة يا ليتني
وأرجوك وأحب على راسك إنسى الفكرة هاذي ولا تغلط وترى إنت حسبت أخوي ولد أمي وأبوي وما أبيلك إلا الخير
فسامحني إذا كام كلامي قاسي معاك بس والله العظيم أبي مصلحتك وفكر مليون مليون مليون مرة قبل الإقدام على هاذي الخطوة ... ألا إذ إنت ما تحب عيالك وتبي كل يوم في بيت إيجار فهذا قرارك ... بس لا تنسى تشارك أهل بيتك وحتى إعيالك شاركهم بهذا القرار لأنك مو إنت اللي راح تنضر بل كل أهلك راح ينضرون
وعسى الله يهديك وتكون على قدر المسئولية
لك مني كل الحب والتقدير
اخوك بو محمد المطرود