بوجاسم2
عضو نشط
- التسجيل
- 17 ديسمبر 2006
- المشاركات
- 500
السلام عليكم
العفو يا الغالي الساهر
اللي لازم نعرفه، إن مدراء المحافظ يشتغلون في اغلب الأوقات على خلاف المتوقع، سواء كان التوقع نتيجة لخبر او تحليل.
وانا قلت من زمان (لو ترجع لجم صفحة قبل) إن نية رفع القيمة السوقية للسهم في البورصة مؤكد، واللي قاعد يصير الحين هو جني أرباح مع المحافظة على سعر السهم، فهم في نفس الوقت اللي قاعدين يصرفون فيه، قاعدين يجمعون، يعني جني أرباح لأسهم المنحة والأسهم اللي جمعوها من النازل، وتجميع لسعر جديد حتى ينطلقون منه بعد الإنتهاء من عمليات جني الأرباح.
وانا اتفق مع اخوي ألون تماما في تحليله الفني للسهم.
وكذلك مع بقية الأخوان إن سهم المدينة ما منه خوف.
وأغلب ظني إنه ما راح يكسر حاجز الدعم عند 375 للأسفل.
فلو لاحظت السهم اليوم، السوق نزل أكثر من 80 نقطة، ومع ذلك، ظل السهم محافظ على سعره، ولو ما كان فيه تجميع، جان لقيت السهم تأثر مع وضع السوق، ومسألة جني الأرباح.
أعتقد إنه وضعه مثل وضع سهم النور حاليا.
وقريب من وضع سهم مدار، إلا أن مدار اللي قاعد يصير فيه حاليا هو تجميع على نار هاديه، مع الضغط على السهم حتى ما يصعد ويتم التجميع على سعر أقل من 340.
بالنسبة لي شخصيا، فأنا رغم اللي قاعد اشوفه من نزول متوالي للسهم من 410 لين 375 و380، فما بعت اللي عندي بخسارة، بسبب قناعتي الشخصية إن السهم راح يصعد ان شاء الله تعالى.
ومؤشر القوة النسبية تقول إن السهم ما وصل الى مناطق تشبع شراء، وكذلك مؤشر الستوكاستيك ما عطه إشارة بيع، بل يعطي إشارة خفيفة للشراء.
فما فيه خوف منه ان شاء الله تعالى.
وعموما مسألة جني الأرباح على السهم كانت متوقعة، بس للأسف ماكان واضح امته بيصير هالشي، واعتقد ان السبب هي المنح، فلولا المنح كانت وضحت منطقة تشبع الشراء وغيرها.
على أي حال ... لا تخافون، ان شاء الله تعالى السهم صاعد
وحالي من حالكم بعد، ناطر وياك بعد مته يفرجها عليها
موفقين يا رب
تحياتي
) 
