عليمي وخاطري ادش السوق

[سمبتيكا]

السلام عليكم
اخواني الكرام اخوكم الصغير عنده 2500 دينار ومبتلش فيهم وخاطري اجرب السوق من وين البدايه وين اروح ياريت تعلموني بالتفصيل واكون لكم شاكر

 

[yoyo1983]

انصحك تاخذ دوره اتعلم فيها وبعدين تقعد اتراقب السوق لمدة شهرين على الاقل ثم تبدأ بتداول والله اعلم والله اوفقك

 

[barbarian]

أخوي 2500 دينار حتى وحده ما ايبولك عشان تشتري

اعتقد ما تقدر تشتري الا الصفوه وميادين

الصفوه 110 فلس
ميادين 102 فلس

 

[((بن حسين))]

السلام عليكم
اخواني الكرام اخوكم الصغير عنده 2500 دينار ومبتلش فيهم وخاطري اجرب السوق من وين البدايه وين اروح ياريت تعلموني بالتفصيل واكون لكم شاكر

أنا أنصحك اتروح بنك الكويت والشرق الاوسط واتقول لهم ابي افتح حساب تداول بهذا المبلغ..راح يطلبون منك ايميل .. تعطيهم الايميل وراح يرسلون لك التفعيل عن طريق الايميل خلال يومين ورقم المحفظة الخاصة بك.

وبعدها انت اتكون وسيط نفسك بالانترنت اتبيع وتشتري وتقدر تعطي اوامر بيع وشراء حتى 90 يوم اذا وصل للسعر اللي انت تبيه

واذا كانت خارج النت بالسيارة او غيره تقدر تتصل على الوسيط وتعطيه اوامرك وراح ينفذها على الفور

وفي حال لك ارباح نقدي او منحة تنزل بحسابك بدون ما تروح البورصة وتوقف بالدور..الخ.

وميزتها بعد ما تروح البورصة كل يوم اتدور مواقف وغير الاختناقات المرورة... انت قاعد بالبيت او بالدوام اتخلص نفس بنفسك بالبيع والشراء هذا غير ان البرنامج الخاص فيهم Pro يخليك كأنك قاعد بالبورصة اتشوف بث حي ومباشر على الصفقات والاوامر للشركات​

ملاحظة: وراح يعطونك دورة مدتها يومين على كيفية البيع والشراء بالسوق الكويتي والامركي

 

[دربيل]

حطهم وديعة ببت التمويل وانساهم ترى ابرك وامن
شلك بعوار الراس وضغط الدم
نصيحة ابعد عن السوق

 

[Trend Hunter]

انحش وتعال بعد رمضان

 

[سمبتيكا]

مشكورين على النصائح ونتمنى منكم المزيد

 

[zizo]

بصراحة راس مالك ولا شى ..وما تسوى عليك العنوة ..الحين علشان تربح لازم يكون راس مالك فوق العشرة آلاف على الاقل ..عشان توزع راس مالك صح أو حتى تبرد (تشترى سهمك باقل من سعر الشراء ) على سهمك النازل.بس اذا ودك تشترى انصحك بسهم الصفوة بسعر 108 وهو سعر أقرب الى الاكتتاب ..اشتر عشرين الف وادفع 2165دينار تقريبا ..والبيع قبل توزيعاته القادمه بشهر مارس 2008 تقريبا ..وبالتوفيق للجميع

كل ما كتبته وقراته يمثل وجهه نظر شخصية قد تكون خاطئة وقد تكون فيها جانب من الصواب

 

[Bo_NaJeM]

أخوي 2500 دينار حتى وحده ما ايبولك عشان تشتري

اعتقد ما تقدر تشتري الا الصفوه وميادين

الصفوه 110 فلس
ميادين 102 فلس

اشدعوه بس هذول يقدر شتري ؟؟؟؟؟



عيل وين وديتواااا الاسهم ذاات الاسعااار 520 وال510

 

[Bo_NaJeM]

وواخوي حتى لو ما حصلت بالسوق الرسمي تقدر تشتري من سوق الكسووور

 

[Bo_NaJeM]

<<<< ياما لقط من الكسوور وقطهم بالرسمي


وترى سوق الكسور صج بطئ بس فيييه خوووش شغل


وبنك بوبيااااان سوه شغل :d

 

[Nagooshy]

انصحك تاخذ دوره اتعلم فيها وبعدين تقعد اتراقب السوق لمدة شهرين على الاقل ثم تبدأ بتداول والله اعلم والله اوفقك

عدل كلامك​

 

[barbarian]

اشدعوه بس هذول يقدر شتري ؟؟؟؟؟



عيل وين وديتواااا الاسهم ذاات الاسعااار 520 وال510

510 * 5000 = 2550 دينار

ما يقدر لازم يزيد 50 دينار + العموله

واعتقد ما يقدر يشتري من سوق الكسور عن طيق النت (بنك الكويت والشرق الاوسط) ما ادري اذا في شركات ثانيه تقدر تشتري من الكسور او لا ؟ اللي اعرفه تقدر تبيع من الكسور فقط

 

[قاروه]

510 * 5000 = 2550 دينار

ما يقدر لازم يزيد 50 دينار + العموله

واعتقد ما يقدر يشتري من سوق الكسور عن طيق النت (بنك الكويت والشرق الاوسط) ما ادري اذا في شركات ثانيه تقدر تشتري من الكسور او لا ؟ اللي اعرفه تقدر تبيع من الكسور فقط

اعتقادك خاطىء

بنك الكويت والشرق الاوسط يسمحلك بالشراء والبيع بالكسور

نصيحة لك اخوي سمبتيكا اخذلك دورة لتداول الاسهم وبعدين فكر بالدخول للسوق

 

[خبير النفط]

مثل ما قالوا الاخوان اشتر الصفوه او غيرها المهم انتى تقدر تشترى الاسهم الى ما تتعدى 125 فلس للسهم بحدود 20,000 سهم والمصلحه 40 دينار لكل فلسين ارتفاع طبعا ناقص العموله 5,5 ( خمس دنانير ونصف )
يعنى تقدر مثلا والامر متروك لك تطلب بكره الصفوه 20,000 بسعر 110 فلس واذا عطوك تعرض 112 او اذا تنطر يمكن السهم يصعد والله كريم

 

[barbarian]

اعتقادك خاطىء

بنك الكويت والشرق الاوسط يسمحلك بالشراء والبيع بالكسور

نصيحة لك اخوي سمبتيكا اخذلك دورة لتداول الاسهم وبعدين فكر بالدخول للسوق

الصراحه ما جربت اشتري وابيع بالكسور بس كأن قبل فتره بسيطه دازين بنك الكويت والشرق الاوسط اعلان ان ما تقدر تشتري كسور فقط تبيع...

على العموم حصل خير...روح اشتر كسور

 

[قاروه]

الصراحه ما جربت اشتري وابيع بالكسور بس كأن قبل فتره بسيطه دازين بنك الكويت والشرق الاوسط اعلان ان ما تقدر تشتري كسور فقط تبيع...

على العموم حصل خير...روح اشتر كسور

الي دزوا اعلان شركة الاوسط مو البنك

 

[بورصة جمبزه]

اعليمي وتبي تدخل السوق يجب ان تحفظ هذي القاعده
ان تفكر بالخسارة قبل الربح موفق

(( بيض الخعفق مو نفس فرخ الخعنفق ))

 

[بو سعود2003]

اشتر سهم تشغيلي واخذ ارباحه كل سنه شوفلك سهم ارباحه تشغيله ورخيص وما خذا حاصله من الصعود وعنده مشاريع حاليه ومستقبليه واندماجات بالطريق يعني فلوسك يبيبلك 5000 سهم على سعره الحين والسهم هذا بعتبره هديه لك كونك داش السوق
اشتر سهم أعيان للاستثمار الام والوعد بعد سنه مثل هل وقت اذا الله عطانا عمر وراح تشوف العائد اقل شي 40 % مصلحه والله اعلم

هذا رايي الشخصي

 

[سمبتيكا]

مشكورين كل الاخوان الي تجاوبوا معاي لكن سؤال صغير شنو سوق الكسور وشنو الاسهم التشغيليه وشاكر لكم