عليمي وخاطري ادش السوق

[yoyo1983]

سمبتيكا
العفو

 

[الحد الادنى]

انا اقول اشتر رقي فيهم وخلك سافط على دوار العظام وبيع الحبة
بدينار

 

[jeme_E]

السلام عليكم
اخوي عندك طريقتين

الاولى تشتري سهم استثماري وتنطر تاخذ ارباح كل سنه وانت مرتاح
وعلى الاغلب راح تاخذ كسور

الثاني الصفوه
تشتري 108 -110
وتبيع
112-114

ولو تدخل الاوسط احسن عشان تدخل اوامرك بالكمبيوتر قبلها من يوصل هل سعر تاخذ ومن تعرضه على سعر ويوصله تبيع

اعرف ناس شغالين عليها وفيها خير الله يبارك لهم ولك ولنا وللاخوان

واسف ان خياراتك قليله ولكن المبلغ مالك صغير وضرب تغير سعر وحده
هذى احسن نصيحه اقدر اقولك

وانت حر والله يباركلك
ولكن اخوي مثل ما تتقبل الربح تقبل الخساره
والدنيا يومين
لك وعليك

 

[zizo]

مشكورين كل الاخوان الي تجاوبوا معاي لكن سؤال صغير شنو سوق الكسور وشنو الاسهم التشغيليه وشاكر لكم

الاخ الغالى سمبتيكا ..الكسور أو الكسر هو غير الوحدة .....السهم اللى سعره من 100 فلس الى ربع دينار ..وحدته 20 الف سهم ومضاعفات العشرين مثل اربعين الف و 60 الف وهكذا ...وتحت هالكمية(العشرين الف)يصير كسر ..

والسهم اللى سعر من 255 الى 500 فلس وحدته 10 الاف سهم ..وتحت هالكمية يصير كسر
ومن نص الى دينار ..وحدته خمسة الاف يعنى تقدر تشترى خمسة الاف سهم ومضاعفاتها(الخمسة) يعنى عشرة الاف و15 الف
والكسر ما ينشاف بشاشة التداول بالبورصة ..ولكن تشوفه بالاطلاع على الكمبيوتر فى شاشة خاصة اسمها الكسور ..وبعدها تذهب لسجل الاوامر لتشاهد الاسعار والكميات المعروضة والمطلوبة ..

مثال : لو عطوك (خصصولك) فى اكتتاب بنك بوبيان مثلا 7500سبعة الاف وخمسمائة سهم ..وبغيت تبيعهم ولقيت سعره بالسوق 650 فلس..بهالحاله ولان سعره بين النص والدينار .. تقدر تبيع خمسة الاف بالسوق كوحدة...... والباقى من السبعة الاف واللى هم 2500 تبيعهم بسوق الكسور ..وعلى فكرة بسوق الكسور ما تقدر تعرض اسهمك بسعر اعلى من سعر اخر صفقةبالسوق العادى ..بينما تقدر تعرض الخمسة الاف بالحد الاعلى وهو 700 فلس ..باكثر من سعر السوق (650فلس)..بصراحة الشرح يطول وهناك تقاصيل ولكن حاولت ابسطلك..

الاسهم التشغيلية هى الاسهم اللى تربح من نشاطها مثل الاتصالات والكابلات والمصانع عموما وحتى البنوك التى تربح من ودائعها الثابته وتجدها غالبا فى قطاع الخدمات والصناعة بينما الاسهم غير التشغيلية ارباحها غير مضمونة مثل الاستثمارات بالاسهم وغيرها ..
محبة زيزو

 

[كويتى وبس]

شوفلك صندوق محترم والأحسن صندوق جديد وريح نفسك وأهم شى يكون أسلامى على شان الله يطرح فيه البركة