المجموعة الدولية للاسـتثمار ش .م.ك.م ( المجموعة د ) .... 10

[moer]

الصبر مفتاح الفرج موفقين خير

 

[jeme_E]

العكش كنت مقتنع 100/100 انه راح يطيرها خلال شهر 7 وشكله بيخلص والحبيب ما سوي شي

واحد معاي معلوماته صخر سألته عنها قالي الوعد بالرمضان وانت رايح

خلاني اتردد

 

[nomas1]

السلام عليكم شباب المجموعه من كم يوم كانت اشارتها ايجابية لكن الحين للامانه شبه ايشاره سلبية حتى تاريخ اليوم القرار قراركم لكن السهم فيه خير بس الصبر

 

[العكش]

العكش كنت مقتنع 100/100 انه راح يطيرها خلال شهر 7 وشكله بيخلص والحبيب ما سوي شي

واحد معاي معلوماته صخر سألته عنها قالي الوعد بالرمضان وانت رايح

خلاني اتردد

اخوي جيمي
المسألة ليست لرمضان أو خلافه ، المسألة هي مسالة الجمبزة التي تمارس من المدعو راعي المجموعة د ، وبعد أن يأتي رمضان ستتناقل الاشاعة ما بعد العيد !!!! وربما بعد الحج !!!!! وعلى أول الارباح للثلاثة اشهر الأولى من السنة الجديدة !!!!!! وهكذا ولن يتعتدل حال هذه الانسان حتى تمرّ به محنة تعفسه عفسه وتغربله اتغربلل حتى تشل حركته عن الجمبزة !!!!!!

 

[العكش]

كل شيء باهت وممل في هذا السهم واصبحت تلك الخصائص غثاثية // الكمية / العرض / الطلب /التداول / السرعة في الأداء / الأوامر ... الخ //

 

[العكش]

منذ من الساعة 12.20 وحتى هذه اللحظة وأنا احاول ان ادخل على موقع البورصة وتظهر لي رسالة بان السيرفر اللي من المصدر موقوف حاليا ، هل في موقع آخر

 

[العكش]

توني ناظرت الاسعار ويالها من اسعار ترفع الرأس وتداول يسر

وتكة وتكة يمتكتك بس لتحت مو لفوق

 

[DR_SQR]

ما شاء الله عليك يا العكش دايما اشوفك اهني الله اعينل وياك
و اطمن قلبك والشباب اجمع

 

[DR_SQR]

اعينل وياك*
اعينك

 

[DR_SQR]

انا مثل ما قتلك وان شاء الله يصدق اللي قالي مع اني ما قمت اثق في اي خبر من هالمجموعة مع اعلان النص الثاني بتكون في مفاجئة ان شاء الله
واتمنى يكون صادق لان فعلا لاعت جبدي ):

 

[BMW2007]

اذاا واحد زعلانين عليه وتبون تدعون عليه بالضيقه

قولوله رح الله يدبسك في المجموعه

 

[DR_SQR]

حلوة هذي الله لا يوصلنا ان ندعي على احد و خصوصا بالمجموعة

 

[أبو فلسين]

اخوي جيمي
المسألة ليست لرمضان أو خلافه ، المسألة هي مسالة الجمبزة التي تمارس من المدعو راعي المجموعة د ، وبعد أن يأتي رمضان ستتناقل الاشاعة ما بعد العيد !!!! وربما بعد الحج !!!!! وعلى أول الارباح للثلاثة اشهر الأولى من السنة الجديدة !!!!!! وهكذا ولن يتعتدل حال هذه الانسان حتى تمرّ به محنة تعفسه عفسه وتغربله اتغربلل حتى تشل حركته عن الجمبزة !!!!!!

بيصرون تجار بالجمبزه بالجمبزه

 

[أبو فلسين]

روحوا عساكم تملكون بالمجموعه الدوليه عسانى اشوف فيكم يوم وانتم تملكون أسهم بالمجموعه

 

[العكش]

ردود عاجلة​

خير اللهم اجعله خير بو فلسين في ديارنا هههههههههههه يمعّود هدّي اللعب صاحبك ليما يشوف تعليقك إتصيبه رعشة ويتذكر صكت بطل الماي ذاك يوم وهذا يوم والسهم حايشة الفقر

اخوي صقر ، الله كريم وما هنت يالغالي

ولأخوي العتيبي شنو السالفة إظاّهر انت وابو فلسين قارئين عند شيخ واحد تبتكرون اساليب جديدة في الدعوات

 

[AL.MOUSAWI]

أخوي العكش مساك الله بالخير ،، والله يا العكش من كثر ما كرهت الدولية كرهت اني اشارك فيها فأرجوا السموحة منك لأني أشوف مشاركاتك بس ماأرد ( عقده نفسية ) وأنت تدري فيني أني مشاكس ومهاجم ( رأس حربة ) بس البـ ....ـر مسخها حيل ولوع جبودنا بس قول انشاء الله ان ( وحش حولي ) يعترف عليه ويقول هذا شريكي ويتدبس مثل ما دبسنا بأسهمه الفقرانه،، وكل عام وانت بخير وعيدك مبارك مقدما .

 

[navy_q8]

ممكن ليش لأ

أخوي العكش مساك الله بالخير ،، والله يا العكش من كثر ما كرهت الدولية كرهت اني اشارك فيها فأرجوا السموحة منك لأني أشوف مشاركاتك بس ماأرد ( عقده نفسية ) وأنت تدري فيني أني مشاكس ومهاجم ( رأس حربة ) بس البـ ....ـر مسخها حيل ولوع جبودنا بس قول انشاء الله ان ( وحش حولي ) يعترف عليه ويقول هذا شريكي ويتدبس مثل ما دبسنا بأسهمه الفقرانه،، وكل عام وانت بخير وعيدك مبارك مقدما .

حلوة منك ودك عاد

 

[jeme_E]

لما الحين موقع البورصه مو شغال عندي
ولاشركتي شغاله

 

[ميكانيكي]

يقولون ارباح المجموعه 35 فلس

صج ؟؟؟؟

 

[كويتي من ذهب]

السلام عليكم مساكم الله بالخير جميعا شلونكم شخباركم احلى ما بالمجموعة صراحه اهي هالقروب الطيب اللي بنفس الوقت ادري انه مقهور ومحروق قلبه عسى الله يعينكم .. توني راجع من السفر وانا بره شبكت جان ادخل على الموقع ولا اشوف العالم ليلحين تتحلطم وتدعي على هذا الب...ر رديت الكويت شبكت دخلت اليوم ولا نفس الكلام ونفس الموال .. يا جماعة خلاص فهموا السالفه اي سهم لا بد ان تكون له رفعة مستحيل انه يبقى على حاله ( الاسهم الطبيعية ) اما بالنسبة لسهم المجموعة اللي يتحكم فيه واحد مثل ..... هذا سهم مو طبيعي لانه رفعته ونزلته تكون على حسابنا احنا ( انا انحشت من هالسهم الفقر لكن تضامنا معاكم ) يعني اذا بيرفعه لمصلحته الشخصية وماله شغل فيك صادف انك استفدت معاه اوكي ما صادف قطك على صخر واذا نزل السهم وخلاه على وضعه الراكد الميت هم بعد لمصلحته الشخصية وماله شغل بالمستثمرين اللي مجمدة فلوسهم وحتى ما يقدرون يبيعونها ويطلعون من هالسهم النحس .. مع انه الشركه تحقق ارباح والاخبار ايجابية لكن مصلحته الشخصية اهم واولى من اي مستمثر ثاني .. فا انا قريت كلام الاخوان اللي يقولون برمضان وللي يقول بعد العيد واللي يقول السنه اليايه وانا اقولكم متى ما اشتهى .. يعني الموضوع بالنسبه لل... شهوة ومصلحة شخصية فقط لا غير .. الله المستعان ..