شركة القرين لصناعة الكيماويات البترولية (القرين)

[يوسف_007]

بحسب ما كتب اخونا الكبير الناسجت عن شركة القرين في موضوعه
( القرين القصة الكاملة من المهد الى الادراج ) في منتدى سوق الكويت

الخلاصة بعد قرائتي للموضوع .. عض على سهمك وحطه تحت الكاشية ولا تطلعة .. تتحسف وتقول ليت اللي صار ما جرى

السلام عليكم ورحمة الله وبركاتة:
بوجهة نظري إن السهم راح يدرج بسعر 450 وما فوق لكن راح يضغطون عليه ماأقول كبار المستثمرين ولاكن أقول كل من له مصلحه في إنتخابات مجلس الإداره وكبار المستثمرين يعرف عنهم كل متابع للأدرجات أنهم مايدخلون على السهم الأستثماري إلا بعد ماينام السهم لاصعود ولانزول والدليل على كلامي سهم الوقود الاولى إتركوه فتره لين وصل 370 بعدين إدخلو عليه​

 

[بورصة جمبزه]

السلام عليكم ورحمة الله وبركاتة:
بوجهة نظري إن السهم راح يدرج بسعر 450 وما فوق لكن راح يضغطون عليه ماأقول كبار المستثمرين ولاكن أقول كل من له مصلحه في إنتخابات مجلس الإداره وكبار المستثمرين يعرف عنهم كل متابع للأدرجات أنهم مايدخلون على السهم الأستثماري إلا بعد ماينام السهم لاصعود ولانزول والدليل على كلامي سهم الوقود الاولى إتركوه فتره لين وصل 370 بعدين إدخلو عليه​

اخوي كلامك معقول ولكن لكل سهم اجوائه المناخيه تذكر كلامي اذا كان هناك اتفاق بين التجار لتقسيم الكيكه اقصد اسهم الشركه نعم راح تشوف السهم السيناريو المحتمل هو نفس سيناريو الاولي للوقود لانه كان في اتفاق لازم تعرف هالشيء والي الكثير منكم ما يعرفون متي واشلون السهم يكون بصعود او يكون بنزول الامر الاخر اذا لم يتفقوا ستجد السهم علي الاقل 3 ايام حد اعلي لعملية الاستحواذ والفاهم يفهم من غمزه وقرار البيع والشراء مسؤلية شخصيه موفقين

بيض الخعفق مو نفس فرخ الخعنفق

 

[calpe]

ياجماعة جم الارباح المتوقعه 2008

وشكرا

 

[بويوسف 55]

تسوي وكالة بيع وشراء بحسابك للشخص اللي تبيه يبيعلك او يشتريلك...وهذه الوكالة بسوق الكويت للأوراق الماليه ولازم حضورك وحضورة مع البطاقات المدنيه وبطاقة حساب التداول اللي تخصك

اذا الدلال تعرفه عدل يصير

واذا ما تعرفه مثل ما تفضل فيه اخوي سوالف بورصويه عن طريق التوكيل

مشكورين يااخوانى يعطيكم العافية على الرد

 

[Sniper Stock]

مع احترامي الشديد لرايك انا اعتقد انها لازم تنزل علشان التجميع
وبعدين لو انا اقول لو ارتفعت بعد مابعتها على السعر اللي بعتها عليه ماراح اكون خسرت شي بالعكس طلعت اضعاف اضعاف الاكتتاب بالنسبه لنا نحن رابطة صغار المستثمرين افضل لنا البيع من تجمد المبلغ
يعني عندي 10000 سهم اكتتبت فيهم 1000 دينار
وبعتهم على 500 فلس يعني 5000 دينار افضل استثمرهم وازيد محفضتي المتواضعه او اني انطر ارباح السنه ؟
ودمتـــ بود ـــم

اشكرج على ردج الراقي والمقصد من الردود تبادل الخبرات وتجارب المضاربه..اذا مثلا مثل ماتفضلتي عندج 10000 سهم وشايفه الربح منهم زيديهم بطلب يوم الادراج..هذا اذا انتي تظنين وواثقه بأنه اهوا السوبر بسوق الكويت للأيام الجايه.

ويا أختي الفاضله التجميع لما يكون بناءا على ارباح الربع الاول والثاني اهنيه يبنون قراراتهم على السهم بس هذا معلن ارباحه السنه اللي فاتت ورحلوهااا للسنه هذه وانشاءالله يكون مثل ماذكرتي وتستفيدين مع التجميع اذا نزل !!! السهم وانا اشك


نصيحه للكل اشتروو ولا تبيعون اسهم الاكتتاب

 

[Sniper Stock]

مشكورين يااخوانى يعطيكم العافية على الرد

العفووو وحاضرين بأي استفسار



انا اتوقع يا اخوان راح يعلق السهم وبنك بوبيان اثبت للناس اللي باعوا اول الايام وندموو علي البيعه لأنه الحين قفل على 730 فلس فرق عن 570
يعني اولا لقلة المكتتبين بهالشركة وثانيا للوعي عقب بنك بوبيان

 

[سيدة اعمااال]

انا من الناس اللي باعوا بوبيان اول ايامه ولا ندمت على بيعته ورديت شريته يمكن ثلاث الى اربع مرات وطلع علي السهم بلاش وبمربح ومخليته الحين استثمار والله ثم والله اني لكم ناصحه وتقبل مشاركتي اخي الكريم

 

[Sniper Stock]

بنك بوبيان غير والقرين غير

ارباح بنك بوبيان 6 فلس
ارباح شركة القرين 29 فلس
والكلام اللي سمعناه والحمدالله من صالحنا ان المحافظ مو متفقين على سعر عشان يضغطون علينا..يعني الضرب بينهم

وانشاءالله مثل ماقلتي ويوفقج الرحمن اختي الفاضله



ودمتم بود

 

[Spring Son]

أتوقع والله أ على واعلم
ان سناريو الادراج يكون مختلف عن بوبيان والوقود لسبب أساسي وهو ان السيوله هالمره متوفره بعكس بوبيان والوقود

 

[تجاره]

بنك بوبيان نزل 630 فلس ووصل لأول يوم 680 فلس ونزل بالحد الأدنى لين 470 فلس وبعد مرور سنة وصل 740 فلس لآخر تداول الأربعاء .
الأولى للوقود أول صفقة 510 فلس ووصل لغاية 550 فلس ونزل بالحد الأدنى ونزل لين 370 فلس أو أقل ما أذكر وأكثر شي بعد ذلك وصل 460 فلس يعني ما وصل لسعر أول يوم .
يعني ما ضحكوا على شواربنا ، والمحظوظ من يبيع بالصفقات الأولى ، وإذا عاجبك السهم رد إشتره بالنازل ، موفقين خير​

كلام سليم 100% والأيام راح تبين صدق هالكلام تحياتي لجميع الأخوه

 

[Sniper Stock]

انشاءالله يا اخوي يطلع كلامنا كله صحيح...وموفقين يا اأخوان انا عن نفسي راح اشتري على اللي عندي

وسلملم

 

[سهم بورصوي]

السلام عليكم

يعطيكم العافيه أخواني جم تتوقعون سعر أدراج السهم ولكم مني جزيل الشكر

 

[جوكوزال]

السلام عليكم
القرين ان شاء الله 700فلس واكثر
قولوا آآآآآآآآآآآآآآآآآآآآمين
انا معاكم كل يوم ومتفائل ان شاء الله انها راح تجيب هذا السعر
عليكم بالدعاء
ولا تنسوني من صالح دعائكم
والتفاؤل حلوووووووووووووووووو
والله يرزق الجميع

آآآآآآآآآآآآآآآآآآآآآآآآآآآآآآآآآآآمين

 

[hassankoc]

اتوقع750فلس

 

[zgombi]

انا من الناس اللي باعوا بوبيان اول ايامه ولا ندمت على بيعته ورديت شريته يمكن ثلاث الى اربع مرات وطلع علي السهم بلاش وبمربح ومخليته الحين استثمار والله ثم والله اني لكم ناصحه وتقبل مشاركتي اخي الكريم

بليييز من غير الغاز ؟
نبي دقه جم مره بعتيه 3 او 4 وعلى اي سعر ؟
وجم مره رديتي اشريتيه وعلى اي سعر ؟
ونبي نعرف شلون السهم طلع ببلاش ؟
هذا ان كنتي تقصدين بنك بوبيان اما ان كنتي تقصدين بوبيان للكيماويات فاعتبري هذه المداخله غير موجوده .

 

[zgombi]

على كل حال اذا استمر السوق بنفس النمط فسعر 800 فلس هو الارجح حتى لو صار ضغط تدرون ليش ؟
لان القرين غير .

 

[السراي]

السعر المتوقع

يتم تحديد السعر المتوقع بناء على متوسط سعر العرض والطلب الذي يتم قبل فتح السوق الرسمي من 8:50 الى 9 صباحا

وبرأي الشخصي عند الادراج سوف لن تجري الرياح بما تشتهيه السفن - بمعنى ان التجار لن يستطيعوا الضغط على السهم بل ستتم المضاربه للحصول على نسبة الملكيه 5 % . ولتحقيق هذا الهدف لن يهتم التجار بالقيمه التي يتم شراءها السهم ، بل بالكميه. والدليل على ذلك ما حصل اليوم من قبل دار الاستثمار للاستحواذ على نسبة 20% من بنك بوبيان. حيث تم جميع السهم على الرغم من ارتفاع السعر.

قائمة بكمية الصفقات التي تمت اليوم فوق المليون سهم لبنك بوبيان:

الشركة السعر الكمية الوقت
بنك بوبيان 780 1,120,000 11:34:40
بنك بوبيان 780 2,500,000 11:34:26
بنك بوبيان 780 2,500,000 11:34:20
بنك بوبيان 780 2,500,000 11:34:14
بنك بوبيان 780 2,500,000 11:34:07
بنك بوبيان 780 2,500,000 11:34:00
بنك بوبيان 770 1,500,000 11:30:21
بنك بوبيان 760 1,040,000 10:47:24
بنك بوبيان 760 1,345,000 10:07:14
بنك بوبيان 760 1,025,000 10:01:32
بنك بوبيان 750 2,500,000 09:35:26
بنك بوبيان 750 2,500,000 09:35:19
بنك بوبيان 750 2,500,000 09:35:13
بنك بوبيان 740 1,460,000 09:33:29

 

[zgombi]

بنك بوبيان نزل 630 فلس ووصل لأول يوم 680 فلس ونزل بالحد الأدنى لين 470 فلس وبعد مرور سنة وصل 740 فلس لآخر تداول الأربعاء .
الأولى للوقود أول صفقة 510 فلس ووصل لغاية 550 فلس ونزل بالحد الأدنى ونزل لين 370 فلس أو أقل ما أذكر وأكثر شي بعد ذلك وصل 460 فلس يعني ما وصل لسعر أول يوم .
يعني ما ضحكوا على شواربنا ، والمحظوظ من يبيع بالصفقات الأولى ، وإذا عاجبك السهم رد إشتره بالنازل ، موفقين خير​

مع احترامي لك كلامك مو 100 % مظبوط .
خلنا نعكسا لو نزل القرين ب600 فلس شتسوي ؟ تبيع والا تشتري ؟
طبعا اقصد اول يوم من نزوله ؟
راح حد اعلى 50 فلس شتسوي ؟
تبيع والا تنتظر ؟
طيب بعت وراح دينار ؟
مابعت ونزل 550
تبيعه على 500فلس اليوم الثاني ؟
اوكي بعته ب500 وطار 600 فلس ؟
خلنا نقول مابعت وانتظرت الى بعد بكره ؟
تبيع على 470 تاخذه على 440 ؟
اوكي بعت ب470 وطار الى دينار شتسوي ؟
انا كان عندي موضوع حبيت انشره حول هذا الخصوص بس خفت احد يزعل ؟
لان مشكلتكم عند النزول الكل مايعرف وين مسار السهم .
ولذلك اللي ماباع سهم بنك بوبيان هو الرابح ؟
سهم القرين دينار من غير تردد ودينارين الى 3 دنانير بعد 5 سنوات باذن الله .
هذا الكلام مافيه اي تردد الا اذا النفط انتهى من الكويت .
ابدا مافيه اي تردد .
واللي يقول بوبيان للكيماويات موجوده وماوصلت 3 دنانير .
الجواب هو بوبيان كيماوي والقرين بعد 5 سنوات دينارين .
وبوبيان كيماويات وصلت 1400 والا انا غلطان .
لكن في شئ مهم جدا ؟
القرين غير

 

[zgombi]

شئ واحد قاهرني من الاخوة الاعزاء .
اذا نزل سهم طيب صخه واذا عرفنا اتجاهاته نشوف كلام طيب .
انا اقول امام جميع الاخوة من مشرفين واعضاء محد يعرف شنو مسار القرين عند يوم نزوله شقالولكم انتوا اهل محافظ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يه والله العظيم شئ غريب اللي قاعد يصير .
لكن بالحسبه الاستثماريه سهم القرين يستحق دينار هذي السنه .
يبه روحوا عند اي واحد تعرفونه صناعه الكيماويات بالخليج هي اللي راح تسيطر من غير شك .
سهم بوبيان ك والقرين ماراح يصعدون الا بشراكه اوروبيه او امريكيه مثل ماحصل مع بوبيان ك ؟
شحقه يشترون النفظ ويودونه اوربا وخساير نقل يصنعون البتروكيماويات بالخليج افضل .
وفي شئ مهم جدا جدا جميع الشركات الكيماويه العالميه قاعده تتحلطم من نشوء سوق بتروكيماوي خليجي .
واللي يقول سهم القرين راح ينزل يرجع ل400 فلس اقوله اي كلام مظبوط بس مو هذا سعره .
مثل اللي يقول سهم سابك راح يرجع ل5 ريالات
القرين دينار ودينارن او 3 دنانير بعد 5 سنوات سجلوها عندكم .

 

[قليل البخت]

بكل تحفظ وبكل حيادية 600 فلس على أقل تقدير