ملاك المخازن يطالبون بمحاسبة ما يجامل؟؟

[فانيليا]

السلام عليكم ورحمة الله وبركاته

اخواني كلكم تذكرون الموضوع الي فتحه ما يجامل وقال ان المخازن رايحه دينار و100 سالناه ليش ما جاوب قال معلومه وصلتني

ما قال خبر سلبي سحب عقود

الموضوع قبل اسبوع تقريبا


وكلنا شفنا المخازن بنهاية الاسبوع حصلت على عقد

وماشالله تبارك الرحمن السهم قاعد يصعد وفي ناس شرت بالرخص واستفادت وفي ناس قاعد تعوض خسايرها

نبي تفسير من ما يجامل

ونبي المراقبين ما يتركون الامر يمر مرور الكرام

مع العلم ان ما يجامل له سوابق وقبل فتره عاد من الايقاف..!!​

تعرف شنو معنى كلامك

ان مايجامل له ارتباط بالبنتاغون الامريكى والاكبر والادهى ان مايجامل له ارتباط بلجنه فتح المغلفات داخل البنتاغون واسعار العروض المقدمه من قبل جميع الشركات المشاركه للفوز بالمناقصه الامريكيه

ولديه نتيجه فوز المخازن بالعقد الامريكى قبل اعلان البنتاغون باسبوع

 

[الراقي]

مايجامل برئ وهو غير مسئول عن خسارة اي عضوى والكل يتحمل قراره وابي اعطيكم مثل اجتمع اخونا المحللين وعلى راسهم بوريم والمارد والفهلوي وقالو ان السوق اعطى اشارة خروج ولكن الي حصل العكس والسوق عكس اتجاه هل نقول ان السبب فلان وعلان طبعآ لا لأن رأي الأخوان مجرد وجهة نظر وجتهاد منهم الله يجزاهم خير
ولكن مايجامل لاتحليل ولاخبر ابي افهم على شنو تتبعونه ​

 

[2go]

يا شباب

تحليل حق المخازن بعد الطفرة في التداولات الاخيرة؟

شنسوي؟؟

نمسك او نبيع؟؟

 

[white soul]

تعرف شنو معنى كلامك

ان مايجامل له ارتباط بالبنتاغون الامريكى والاكبر والادهى ان مايجامل له ارتباط بلجنه فتح المغلفات داخل البنتاغون واسعار العروض المقدمه من قبل جميع الشركات المشاركه للفوز بالمناقصه الامريكيه

ولديه نتيجه فوز المخازن بالعقد الامريكى قبل اعلان البنتاغون باسبوع

عزيزي انا ما قلت له ارتباط بالبيت الابيض والا البنتاغون والا بجند الشام

حط ابالك في ملاك ومحافظ عندهم علم بدخول المخازن هالمناقصه واحتمال فوزها والاغرب من هذا هالعقد اهو الوحيد الي ما سمعنا تطبيل له بالجرايد؟؟

مايجامل برئ وهو غير مسئول عن خسارة اي عضوى والكل يتحمل قراره وابي اعطيكم مثل اجتمع اخونا المحللين وعلى راسهم بوريم والمارد والفهلوي وقالو ان السوق اعطى اشارة خروج ولكن الي حصل العكس والسوق عكس اتجاه هل نقول ان السبب فلان وعلان طبعآ لا لأن رأي الأخوان مجرد وجهة نظر وجتهاد منهم الله يجزاهم خير
ولكن مايجامل لاتحليل ولاخبر ابي افهم على شنو تتبعونه

هلا بعزيزي الراقي يقواون الخليجي وعارف يملكون بالمخازن

لو ما يجامل حاط تحليل والا ذاكر خبر سلبي آمنا بالله

بس قال نزول والسلام

الي نبي اذا احد وضع توصيه يا يرفق معاها تحليل فني والا خبر

مو توصيه والسلام يا صابت يا خابت

بعدين الاخوان شبو علي يقولون لا تحمل ما يجامل خسارتك

يبا والله بحياتي ماحملت احد خسارتي

بس في ناس اي خبر سلبي او ايجابي يأثر على قرارتهم​

 

[ابوفهد@]

الاخ مايجامل اخذ شهرة عالفاضى 0 ناس تمدحة وناس تذمة انا بعد متابعتى للاخ مايجامل افضل تجاهل كلامة لالنها وجهة نظر انا احترمها بس ماتعجبنى 0

 

[بوحمد2]

الاخ مايجامل اخذ شهرة عالفاضى 0 ناس تمدحة وناس تذمة انا بعد متابعتى للاخ مايجامل افضل تجاهل كلامة لالنها وجهة نظر انا احترمها بس ماتعجبنى 0

تعجبني

 

[BMW2007]

يسعد مسااكم ياشباااب
الدعوه الله والعالم كلهاااا اجتهاادااات
ماكتبت لاجل اطعن في احد محلل والا غيره ولا جيت امدح احد
(حبيت اقووول انه بعض الشباااب تجتهد والله يجزااها خير)
واللي يبي النفعه له ولغيره والله وابصم بالعشره انه يلقااهاا في ميزاان حسنااته
لانه المسلم يحب لاخيه مثل مايحب لنفسه
وان كاان بعضهم يكتب شي معااكس علا السهم وهو عنده خبر انه السهم في رزقه من قول الا الله لايباركله
لانه رااح يلقااها علا يوم من الاياام (من نكب العالم دعاويهم رااح تصيبه)
نسأل الله العفو والعاافيه
وتقبلو مدااخلتي
وتقبلوو تحيااتي للجميع........

 

[العوضى]

ان بعض الظن إثم , ما يجامل اجتهد , اصاب و اخطأ , وهو مو عالم بالغيب , وله وجهة نظر , لازم نحترمها .

 

[TAKE-OVER]

مساكم الله بالخير يا شباب

المنتدى هذا عام للجميع
ومن حق ما يجامل وغيره بانه يبدي رايه ويقول المعلومه اللي عنده سواء كانت هذه المعلومه اكيده او مشكوك في صحتها

واللي علينا كمشاهدين لهذه المشاركات ان نتأكد من صحتها اولا

وبعدها نتخذ القرار المناسب

 

[سبيعي1]

وعلامه منخش مايجامل .....شكله الفتة الجاية بيجامل :d

 

[خسران ولكن]

انا بس بذكركم بموضوعه اللي يقول فيه انه مدير محفظه عطاه شيك مفتوح عشان بس يبث اشاعات بالمنتدى!!!!!!! والحكم لكم يالربع.....


همتي همة الملوك ونفسي نفس حر ترى المذلة كفرا
انا ان عشت لست اعدم قوتا وان مت لست اعدم قبرا

 

[المستفسر]

تهون انشاء الله بوجود الشرفاء والخيرين أمثالك .


2 GO = SOON YOU WILL TAKE OFF

إن شاء الله

 

[بوجاسم2]

السلام عليكم

يعطيك العافية اخوي على الموضوع

وانا اؤيدك بشدة

وانا طالبت حزتها ادارة المنتدى بالوقوف والتصدي لهذا المدعو مايجامل، لكن للأسف ان الادارة تراخت وتساهلت كثيرا معه، ولم تأخذ الموضوع بجدية!

هذا نص ردي على موضوع مايجامل:

السلام عليكم

اخوي مايجامل

اسمح لي اني ما راح اجاملك بعد ...

انت قاعد تطرق الى مسألة مهي هينه، فلما تقول مثل هالخبر، فلازم تدعمه بتحاليل مبينة على الشارت...

فأي شارت اللي يقول هالحجي؟

وانا ما اتصور انك تفهم شي بالشارت مع احترامي لك، بس انت قاعد تقول شي يمكن تخسر الشباب آلاف الدنانير، يخافون من الخبر فيقومون يقطون.

انت تقول ان الخبر اكيد ... اوكي ، .......

يعني يا اما انك سامع الخبر من مجلس ادارة الشركة، او انك توصلك الى هالنتيجة عن طريق قراءاتك لمؤشرات الشارت بأنواعها.

زين ....

اما الاحتمال الأول، فهذا مستحيل، وأتصور ما فيه داعي اقول ليش مستحيل

واما الاحتمال الثاني، فريدت عليك ، وقلت لك انك مالك فيه لا ناقة ولا زمهرير :d

فأرجوا ان تتفضل علينا وتقول لنا من وين لك هالحجي

وإلا فأرجوا من ادارة المنتدى انها تتولى مثل هالقضايا وتوقف اللي يبثون مثل هالاشاعات المغرضة.


سلمكم الله

وهذا هو الرابط:http://www.indexsignal.com/vb/showthread.php?t=73216

فهل يا ترى يا إدارة المنتدى راح تتخذين اجراء صارم اتجاه هذا الرجل ؟ ام ؟؟​

سلمكم الله تعالى

 

[الراقي]

انا بس بذكركم بموضوعه اللي يقول فيه انه مدير محفظه عطاه شيك مفتوح عشان بس يبث اشاعات بالمنتدى!!!!!!! والحكم لكم يالربع.....


همتي همة الملوك ونفسي نفس حر ترى المذلة كفرا
انا ان عشت لست اعدم قوتا وان مت لست اعدم قبرا

هذا بدون شك اغبى مدير محفظه الأشعات في الكويت بدون فلوس بس قول حرف وهم يكملون الجملة

 

[سبيعي1]

يا مشرفينا يعني كل هل اعضاء ما يبون المدعو مايجامل في المؤشر ..شكو ما طردتوه للحين ؟

 

[jemee]

1

*=== (( ما يلفظ من قول إلا لديه رقيب عتيد )) ===*

 

[Q8 Stock]

منذو مبطي والعضو موقوف

 

[hassan_abu3eed]

والى متى يا مشرفنا الهمام

 

[bo fawaz]

يا مشرفينا يعني كل هل اعضاء ما يبون المدعو مايجامل في المؤشر ..شكو ما طردتوه للحين ؟

اخوى السبيعى اذا تم شطب العضو مايجامل يعنى ماراح يقدر يدش

بنك ثانى

ياخوان التوصيات والاشاعات اذا اوصلت

تاكدوا من اخوانا المحللين عندكم المارد والريان والفهلوى وغيرهم

من الناس الثقه الى معروفين

خلوا الى يطبل يطبل لين ينشق طاره ولاتردون عليه

والى يقول اشاعه بدون مصدر ولاتحليل لاتمشون وراه وبعدين تذمونه

اسئلوا اهل العلم اذا ماتعرفون والاخوان ماراح يقصروون كلهم خير

وبركه ويدورن شى واحد بس الدعوه الطيبه

عسى الله يجزاهم خير

 

[الفوزش]

أنا ضد ايقاف العضو مايجامل لسبب واحد.
ان الريال قال رايه او معلومه عنده لكن الشرهه على البشوات الي صدقوه وعلشان تعرفون أن سياسه القطيع منتشره بهالسوق شوف عدد الي صدقوا شخص لانعرفه شيشتغل ولا شنهي شهادته بس على ابو انه قاعد يكتب ويتفلسف انصدقه وياعالم مو كل واحد عنده 900 او 1500 مشاركه قالنا بس هذا فلته بزمانه لايبه في ناس فاضيه ومقزرتها بالمنتدى عالعموم لازم نعرف ان الشراء مسؤليتك لأنك انت عطيت الوسيط امر الشراء ونفس الشي بالبيع .​

لكن الشي الحلو بالموضوع ان فيه اعضاء مشتطين وشادين حيلهم ويحسبون ان الحق معاهم!!
والله اذا وصل فيني الحال اني اشتري وابيع على نصيحه مكتوبه بالمنتدى فأنا استاهل وقلعتي وهذا جزاي واقل من جزاي وراح استحي اطلع بالمنتدى واقول انه في واحد لا أعرفه ولا يعرفني ولا شفته ولا شافني ولا ادري اذا كان شخص سوي ولا لأ قال بيعوا قمت وبعت لا وفوق شيني قوات عيني اطلع واشرشحه وامسح فيه الأرض والأغرب من هذا كله ان المشرفين يسمعون كلامي ويوقفونه !! ليش من عمر الدنيا والأشاعات شغاله . احب اذكر الأخوه المشرفين ان المجموعه الدوليه كانت بال 1240 وكانت في مجموعه دمبكجيه يقولون مسكو رايحه فوووق ماشوف احد وقفهم ! عالعموم اقدر اقول ان كل تعلومه بطراق ومحد يتعلم ابلاش .