شركة القرين لصناعة الكيماويات البترولية (القرين)

[Sniper Stock]

يا شباب تكفون لحد يبيع ترى والله اللي صار اليوم شي تكتيكي إصبروا شوي علشان نعلمهم إن مو أهم اللي يتحكمون بالسهم .

هذه حركه بس للأسف الناس ما ادري شفيها ، ألحين امس ما باعوا بسعر 485 واليوم يسترخصون السهم ، يا للخسارة يا حيف على طوال الشوارب .

الرجاء من اللي ما باعوا يصبرون بس لي باجر وتبين صفقة الجزائر ، والسهم طاير فوووووووووووووووق بإذن الله تعالى . قولوا أميييييييييين .

انا قاعد اطلب حد ادنى...

 

[ندور العيشه]

مئة مليون

وصل التداول مئة مليون سهم

 

[قليل البخت]

طلبت على ال 500 وعطوني


تجميع + جني ارباح

ملتقانا فوق ال 650 فلس ​

 

[بس999]

متى تتوقعون يبتون بصفقة الجزائر

 

[ندور العيشه]

إفصاح

أتمنى من اداراة السوق المتابعه ويخلون اللي تعدوا ال 5% يفصحون عن حصصهم.

ما نبي تخاذل.​

 

[b22]

شفوا اشسوى التجار اليوم فى سهم القرين وليدى التجار دقوا على بيتك ويقولون بيع

 

[مستثمر ذهبي]

متى تتوقعون يبتون بصفقة الجزائر

باجر الثلاثاء موعد إعلان صفقة الجزائر ، والوعد باجر إن شاء الله ، علشان بس يعرفون الناس اللي باعوا ، وإن شاء الله تكون راسية على القرين وبتشوف السهم يغرد باجر . ​

 

[قاروه]

أتمنى من اداراة السوق المتابعه ويخلون اللي تعدوا ال 5% يفصحون عن حصصهم.

ما نبي تخاذل.​

مو شرط محفظه وحده تملك كل الكميه

ممكن يقسمونها على عدة محافظ بنسب 4 %

 

[بندر_]

ياجماااعه تراااكم ربحانين


واللي عنده فاايض بالميزانيه يشتري والوعد بشهر مارس

لا تخافوووووون هذا كان متوقع هالشي


شدواا حيلكم ولا تبيعووون بس​

 

[jeme_E]

يا خبر بفلوس اخر السوق ببلاش
الظاهر الهوامير تصافو بينهم وربعنا خافوا وقطوا على طول


هم مو غلط قط فوق وامسك تحت

باقي الاقفال بيكون لم ليفوق او بيخلونه عشان اللى ماخاف اليوم يخاف باجر

نصبر ونشوف

 

[b22]

ماهقوتى باجر راح يرتفع راح ينزل الى 380 وهادى الصحيح وقول الى تقوله

 

[مضارب شجاع]

ممكن احد يفسر لنا ليش المحافظ رفعت يدها على الطلب وخلته فاضى !!!!!!!
مو معقوله السهم وصل للحد الادنى وما عليه طلب
الرجاء تعليق على هذا الشئ

 

[Sniper Stock]

على العموم هذا شئ متوقع انهم راح يشيلون ايدهم من الطلب..عشان الناس تخاف وتقط واللم صاير من تحت بالحد الادنى..

ويمكن باجر نتوقع النزول بالحد الادنى...

 

[InUrEyEs]

كلمة قبل النوم يا ملاك السهم الصاروخي ..

نقاط مضيئه في مسيرة السهم القليلة :

* أول سهم تعليقه إسبوع من أول دقيقه إدراج .
* أول سهم يشهد طلبات شراء بأرقام فلكيه بالحد الأعلى .
* أول سهم لا يتفق الكبار على طريقة الإسحواذ من البداية .
* أول سهم من أسهم الإكتتابات يدلع ملاكه المكتتبين ويعطيهم حريه البيع بالوقت والقيمة اللي تعجبهم .


كل هذا هو السهم الصاروخي ( القرين )



ونعيد ونردد الكبار قبل الصغار يبونه فوق ...


وفوق هذا عند مشروع الجزائر تاريخ 17-7 يعنى بعد يومين يعنى السهم ان شاء الله طاااير محد راح اوقفه

وعنده انتخاب مجلس اداره

صاامدوووون ليمه الدينار بس يمكن اريح على 600 او 650

شكله مو اريح الا حطوله نقطت تفتيش وقف اجبارى

باجر ان شاء الله راح يوضح مشروع الجزائر واتمنى انه احد اعلا اكون اذا تم المشروع

 

[بو متيح]

سلام عليكم

يا جماعة الخير أنتو قاعدين تكتبون بالنت وهو عالم إفتراضي ولكن واقع الحال شي ثاني , الناس لها الظاهر وما يعرفون دهاليز المهنه( وأنا واحد منهم) ...ومع إحترامي للجميع شلون تبون اللي يقرا تحليلاتكم وتوصياتكم أنه يثق بشخص يتكلم من خلال نت وبأسم مستعار ؟
أنا ما أحاكم النوايا لكن أقول مليون مره الواقع شي و الأماني شي ثاني ...وأنا بصراحه بعت ب480 وأتمنى إني أشتريه برخص في المستقبل لأن السهم بصراحة يسوى ويستاهل لكن حسبي الله على أهل الطمع والجشع اللي لو يحصل لهم يشترون الهوا جان ما يترددون يستخرجونه من رئة الفقير ....

الله يوفقكم ....وأتمنى من المولى يرزقكم .

 

[Black]

الواحد اذا قام يحلل من غير ما يدخل التمني في تحليلة غالبا يشوف الاتجاه الصحيح ، لو رجعنا لقبل جم يوم و لو انت كنت اللي تبي تشتري السهم هل معقولة اتحط طلب مرة 150 مليون و مرة 260 مليون و مرة 130 مليون ، هذه الحركة معروفة انهم ما يبون احد يبيع من الناس و يبون السهم يرتفع ، و اعتقد ان السعر اللي تم ادراجه بالسوق ماهو سر على الكبار و هم عارفين جم راح يكون سعره بالضبط و التجار من السهولة انهم ياخذون ملايين من الخارج السوق (سوق الجت) بالاضافة للاكتتاب اللي كثيييير من الناس باعت بطاقاتها المدنية بمبلغ معين .
وطلعوا اشاعة انهم يبون ياخذون النسبة الكبيرة لتشكيل مجلس الادارة و ما ندري اذا كانت صج ولا جذب ، بس اللي اعرفه ان اللي يبي يشتري السهم من مصلحته انه ياخذه نازل و اللي يبيه نازل مستحيل انه يطلبه بالحد الاعلى بالارقام الخيالية هذه
و اللي باين و الله اعلم ان عندهم عدد كبير من الاسهم و كانوا يبون يبيعون مجموعة من الاسهم بسعر مرتفع فرفعوه 5 ايام علشان يوصل للنص و بعدين صار التحذف ، و حدث العاقل بما يعقل ، شلون واحد يطلب سهم فوق 100 مليون قبل يوم و اليوم معروض بالحد الادني على نفس السعر ولا ياخذه .
و اللي يقولون انهم يبون يشترون السهم بأي طريقة ، اعتقد الكل شايف ان السهم معروض بالحد الادني و من السهم ياخذون اللي يبونه بأي سعر .
و للعلم ، لو تسألوني عن السهم بقول لكم اعتقد (اكرر أعتقد) ان السهم راح يوصل لأسعار عالية و يمكن توصل للضعف بس متى ، الله يعلم
شوفوا شنو صار ببنك بوبيان و تعلم منه .
و الله يعين
سلام

 

[bigbin78]

بصراحه اليوم
الوضع مو مضبوط
وصارت خيانة
وين الصمود
وين لا للبيع
الله يستر من باجر
ومن اعلان مناقصة الجزائر
وبالتوفيق للجميع .

 

[مستثمر ذهبي]

على العموم هذا شئ متوقع انهم راح يشيلون ايدهم من الطلب..عشان الناس تخاف وتقط واللم صاير من تحت بالحد الادنى..

ويمكن باجر نتوقع النزول بالحد الادنى...

أُقسم بالله إن هذه حركتهم علشان يرهبون صغار المكتتبين ويخرعونهم بس ، انا أقول الوعد بعد إعلان صفقة الجزائر وعساني ما بعت أنا شنو خسران أنا ريال شاري بسعر الإكتتاب ، الخير بقبال إن شاء الله . والسهم طاير من الفرحه طاير بإذن الله .​

 

[jeme_E]

سلام عليكم

يا جماعة الخير أنتو قاعدين تكتبون بالنت وهو عالم إفتراضي ولكن واقع الحال شي ثاني , الناس لها الظاهر وما يعرفون دهاليز المهنه( وأنا واحد منهم) ...ومع إحترامي للجميع شلون تبون اللي يقرا تحليلاتكم وتوصياتكم أنه يثق بشخص يتكلم من خلال نت وبأسم مستعار ؟
أنا ما أحاكم النوايا لكن أقول مليون مره الواقع شي و الأماني شي ثاني ...وأنا بصراحه بعت ب480 وأتمنى إني أشتريه برخص في المستقبل لأن السهم بصراحة يسوى ويستاهل لكن حسبي الله على أهل الطمع والجشع اللي لو يحصل لهم يشترون الهوا جان ما يترددون يستخرجونه من رئة الفقير ....

الله يوفقكم ....وأتمنى من المولى يرزقكم .

كلامك عدل وزين سويت قط فوق وامسك تحت

للاسف انيس ما طبقة هل شي وكنت انتظر يعدل
بس الحمدلله من قبل ومن بعد

باجر اول السوق اذا جذي الوضع بقط فوق وامسك تحت بذن الله
لان السوق اليوم يقول الناس خافت وخلصت

فبدى القط الا اذا عدل اخر السوق وهل شي صعبه لانه محد يشتري هل كميات الا المحافظ والمحافظ مستفيده من النزول

اولا تشتري كميات كبيره مره وحده
وبسعر حلو

والله يوفق الجميع والمحك اخر السوق

 

[فيتو كوراليون]

شباب ابي جدول اللاوامر مال القرين العرض والطلب والصفقات ما عليكم امر​