شركة الصناعات المتحدة ( ص متحدة ) .....2

[سهمى طاير]

يعطيكم العافيه

في الغد تحديد المصير

يا نودع الصناعات يا نظل

كلش ما تفاعل وي الخبر

لو يبون يصعدونه كان صعد

بس الظاهر يبيله بال طويل

وانا مليت ببيع واروح للمركز

المالي الله يكون في عون

الجميع والله سهم مضلوم

 

[سهمى خضر]

وانا بودع الصناعات باجر , والله يرزقكم فيها الخير , لطيور طارت برزاقها وصناعات مكانك راوح , واتمنى من الأخوان , ملاحظه الربحيه ولا يندفعون وره سهم , من وجهه نظرى تاخذه 395 وتقطه 400 او 410 المفروض السهم الأيام هذه يكون بقمه صعوده وان صعد اتوقع صعوده ما يتعدى 430
ربحيه السهم للربع الثالث سنه 2006 21.1 فلس
ربحيه السهم للربع الثالث سنه 2007 12.6 فلس

 

[al7mly]

سهمي طاير ...خلك بالقطار لا يفوتك ... انت من زمان ماسك السهم جت علي هاليومين ...انا حاس فيه انطلاقه ..وماتلحق عليه وتحسر ... والله اليوم بغيت ازته ب15 واخذه من تحت ... بس قلت لا اول صفقه اغرتني وايد 430 الف سهم ب415 خدرتني ... ويوم نزل تصدق سكرت الكمبيوتر وطلعت قمت اتابعه من التلفون ...
البستان حمدالله علي السلامه نورت مصر يابيه .. اول شي وين الصوغه ..ثانيا اخبارك كلها زينه وماتجيب الا الزين بس اللي محيرني وذابحني وودي اتعرف عليه اللي قاعد ينزل السهم ... ويتعمد ياخي السهم قاعد يجمعونه علي ال15 ويبقط علي العشره شفيك يالحبيب ذبجتنا ..ااااخ لو بس اعرفه هذا ..بس والله ماخلي هالسهم لو ينزل لانزل معاه واشتريه وازيد الكميه ...اما حياه الذيب والا فقراااااااا...الله يوفق الجميع ان شاء اللهونبيع بسعر مرضي .. صارلنا اكثر من شهرين وانا ماسك السهم

 

[al7mly]

سهمي خضر معش ودي افهم ... السهم محقق 124 فلس ارباح والعام محقق 35 فلس يعني فرق وايد ... هل الاختلاف اللي تقول عنه راح ياثر بارباح الربع الخير ...يعني الارباح ماراح تزيد قصد\ك
انا اعتقد مجرد اعتقاد انه تراجع السوق المفاجئ كان من صالح السهم لانه بالاساس السهم كان بينظغط بالبدايه قبل ماينزل المؤشر ولمن نزل المؤشر نزل السهم وصار تجميع عليه 7 مليون .... وهذا دليل علي تماسكه وقوة السهم والكميه مو بسيطه تدلل علي قوة السهم ...

 

[سهمى خضر]

الله يرزقك فيه الخير وانشاالله انشوفه فوق , بس لعلمك الأرباح كلها اللى محققها مو ارباح تشغيله , ارباح من بيع الوطنيه , وبعدين انا ماقول ان السهم تعبان او سيئ , السهم زين يشمى حاله, بس المبالغه والأفراط بتفائل , غلط , و المشكله الوقت مر علينا , واحنا ماسكين السهم , وماستفدنا شى , قلنا بنصبر لى الأعلان عن الأرباح وشوفه عينك, مكانك راوح , وبعدين شنو المشكله لو تقطه بال410 او 405 , طالما انت ماخذه بنازل حتى ربحيه 5 فلوس نعمه , ونرجع ناخذه بال390 او 395 , واللى ستعيل وخذاه بال 15 او 20 الله يعينه , وانشاالله يارب انشوفه من باجر يتحرك , انا اتوقع باجر نفس اليوم وامس واول امس , بدايه الأفتاح 410 , بعدين 405 و 400 وبعدها يسكر على 405 او 400 , اهم شى نكون واقعين ومنطقين وعدم المبالغه بتفائل

 

[al7mly]

تفائلوا بالخير تجدوه ..اخذت الصفوه ب110 وعلي قولتك خمسه فلوس حلوه بعتته ب112 ...فلسين زياده ورديت طلبته ب110 ... والا الاخ يقولي مع السلامه

 

[سهمى خضر]

الله كريم انشالله , والله ويزقنا ويرزققك الخير , وانشاالله باجر يكون احسن من اليوم , وتصبح على خير
al7mly , والقناعه كنز ياخوى

 

[al7mly]

وانت من اهله .... ويرزقك ان شاء الله ... بس ماودي تبيع مانستغني عن مشاركاتك

 

[SMOOKY]

السلام عليكم حبت اعلق بس علي ص متحدة
السهم واجد زين وربحيتة طيبة والانفجار للسهم قريب جدا واللي حاصل علي السهم انة مضغوط من قبل ناس وهذا يدل على التجميع باكثر كمية ...... الوضع الحالي يخض البطون من قبل السياسة الداخلية للبلاد طبعا الأعضاء والوزراء بس الصبر زين والخير انشاللة قدام
124 فلس يعني اخر السنة فوق فوق 600 فلس وموباقي اللى القليل لين نهاية السنة ..مو دعوة شراء ولا بيع هذا راي الشخصي + توصية من شخص عزيز قالي امسك ولا تهد لي اخر السنة التوصية كانت من يوم كان السهم 380 واللة كريم وتحياتي

 

[albostan]

الله يسلمك أخوي al7mly صوغتك موجوده بس وين اللي بقولي عن سدافكو على العموم وصلتني رساله بسعر سدافكو . أنا ملاحظ إن الجماعه مستائين من أرباح الربع الثالث ويقارنونه بسنة 2006 هذا شي طيب ولكن قارنوا أيضا الربع الأول والثاني وإجمالي الربح كان سنة 2006 الربع الثالث 35 فلس والسنه 124 فلس أنا ما أدري شنو اللي تبونه أحسن من جذي . أما بالنسبه لعدم تفاعل السهم مع الإعلان فهذا شي طبيعي لطريقة الصناعات واللي يعرف الصناعات ما يستغرب من اللي حصل وراجعو السنوات الماضيه وشوفوا متى السهم يشتغل عدل وما تلحق عليه عالعموم اللي ببيع الله يوفقه لكن أتوقع اليوم راح تغيرون رايكم عن البيع الله يوفق ويرزق الجميع

 

[Abdullah Alhajeri]

في احد مقبس علينا

بيعو باجر

خل نعرف منو مقبس !

 

[حمود_1]

السلام عليكم

اخواني حبيت ابدي راي المتواضع بالنسبه للتحليل الفني للسهم

ماكنت ابي انزل التحليل بس شفت اغلب الاخوان متشائمين والسهم

بوجهة نظري زين بس يبي صبر لانه للاستثمار وليس المضاربه والدليل

نص الاسهم ممسوكه

بأختصار السهم على دعم 405 ومقاومه على 415 اذا اقفل فوقها بتداول

عالي الهدف بإذن الله 470


شوفوا الدائرتين اللى بالاسود وهذا قصدي


موفقين مانبي غير الدعاء منكم
والتحليل قد يصيب وقد يخطأ الله اعلى واعلم

 

[magellan]

السهم متماسك على 405 , القوة الشرائية واضحة امس واليوم على هالسعر ..

ملاحظة : الصعود الاخير مختلف عن سوابق السهم عند الصعود من ناحية الكميات ( volume ) حيث الكميات لم تكن كبيرة (تصريف) واللي يدل على الصعود بثبات انشاءالله ولكن مع اخذ الحذر لاحتمال الارتداد السلبي نتيجة جني الارباح وانشالله الارتداد يكون ايجابي خصوصا مع الارباح القياسية للسهم مقارنة بسعره الحالي ..

 

[ketoo]

كفانا تثبيييييييييييييييييييييييييييييت على 405 يا صانع السوق ما خلصت اسهم طول هالشهور اللى ترمى فيها السهم للتثبيت!!!!!!!!!!!!!!!!!!!!
و اول مالسوق يحمر ينزله معاه .........حسبنا الله و نعم الوكيل

 

[بونور2]

السلام عليكم

اخواني حبيت ابدي راي المتواضع بالنسبه للتحليل الفني للسهم

ماكنت ابي انزل التحليل بس شفت اغلب الاخوان متشائمين والسهم

بوجهة نظري زين بس يبي صبر لانه للاستثمار وليس المضاربه والدليل

نص الاسهم ممسوكه

بأختصار السهم على دعم 405 ومقاومه على 415 اذا اقفل فوقها بتداول

عالي الهدف بإذن الله 470


شوفوا الدائرتين اللى بالاسود وهذا قصدي


موفقين مانبي غير الدعاء منكم
والتحليل قد يصيب وقد يخطأ الله اعلى واعلم

ما قصرت يا طيب

 

[عقاب]

السهم مظلوم ارباحه124فلس ل9 اشهر وسعره 405

اليوم عليه تجميع موطبيعي

لكن السهم للاستثمار

ادعو الاخوان المحللين للتحليل السهم

على المدى القصير والمدى المتوسط

 

[عقاب]

زيادة رأس مال الشركة الكويتية الوطنية للمشروعات الصناعية

قامت الشركة الكويتية الوطنية للمشروعات الصناعية – إحدى الشركات التابعة لشركة الصناعات المتحدة بزيادة رأسمالها المدفوع بنسبة 50% من 10 مليون دينار كويتي. إلى 24 مليون دينار كويتي . (رأس المال المصرح به 30 مليون دينار كويتي.) وتواصل الشركة استثماراتها في قطاع الطاقة .





22/10/2007


منقول من موقع الشركه

 

[امبركو]

السهم متماسك على 405 , القوة الشرائية واضحة امس واليوم على هالسعر ..

ملاحظة : الصعود الاخير مختلف عن سوابق السهم عند الصعود من ناحية الكميات ( volume ) حيث الكميات لم تكن كبيرة (تصريف) واللي يدل على الصعود بثبات انشاءالله ولكن مع اخذ الحذر لاحتمال الارتداد السلبي نتيجة جني الارباح وانشالله الارتداد يكون ايجابي خصوصا مع الارباح القياسية للسهم مقارنة بسعره الحالي ..

أى جنى أرباح اخوى ،،
السهم متى صعد علشان يجنى أرباحه..!!
صانع السوق ممل ويبط الجبد ماعيز من 405 فلوس (عقدة السهم ) بل واللغز المحير له ،، السهم صار له أكثر من ست شهور وهو على هالحاله
وتذكروا لما كان السهم على أسعار 255 ،260 فلس نفس الأسلوب ملل العالم أكثر من 4 شهور وبعدين صعده فوق 300 فلس بتعليقات ،،

والله المستعان ..

 

[Abdullah Alhajeri]

زيادة رأس مال الشركة الكويتية الوطنية للمشروعات الصناعية

قامت الشركة الكويتية الوطنية للمشروعات الصناعية – إحدى الشركات التابعة لشركة الصناعات المتحدة بزيادة رأسمالها المدفوع بنسبة 50% من 10 مليون دينار كويتي. إلى 24 مليون دينار كويتي . (رأس المال المصرح به 30 مليون دينار كويتي.) وتواصل الشركة استثماراتها في قطاع الطاقة .





22/10/2007


منقول من موقع الشركه

انشالله تشوف ملكيتها اب القرين للبتروكيماويات

 

[ميكانيكي]

هذا التحليل

الدعم 385

المقاومه 415

440

التوقع اسبوعين او اقل شوي

والله اعلم